[ ᭑᭖ 16B]
᭑᭖᭞
ᬮᬦ᭄᭞ᬩᬲ᭄ᬓᬓᬾᬦᬾᬭᬢᬸ᭞ᬗᬸᬤᬵᬪᬝᬵᬭᬢᬶᬗ᭄ᬳᬘ᭄ᬙᬵ᭞ᬫᬜᬫ᭄ᬧᬸᬭᬵ᭞ᬜᬫ᭄ᬧᭀᬮᬶᬄᬳᬦᬓᬾᬲ᭄ᬤᬶᬄ᭞ᬩᬸᬮᬦᬦ᭄ᬦᬶᬗ᭄ᬕᬮᬶᬦ᭄ᬳᬸᬫᬄ᭟ᬦᬸᬚᬸᬤᬶᬦᬵᬯ᭄ᬭᬲ᭄ᬨᬢᬶᬧᬳᬶᬂᬢᬫ᭄ᬩᬶᬃᬯᬭ᭞ᬧ
ᬗ᭄ᬮᭀᬂᬜᬧᬶᬂᬲᬧ᭄ᬢ᭞ᬓᬳᬸᬘᬧ᭄ᬚ᭄ᬬᬾᬱ᭄ᬝᬰᬰᬶᬳᬾ᭞ᬇᬰᬓᬲ᭄ᬬᬸᬯᭀᬮᬸᬗᬢᬸᬲ᭄᭞ᬳᬸᬮᬸᬂᬤᬰᬮᬶᬫᬦᬗ᭄ᬕ᭄ᬯᬶᬦ᭄᭞ᬓᬤᬶᬭᬶᬂᬳᬶᬦ᭄ᬤᭀᬦᬾᬰ᭄ᬬ᭞ᬢᬗ᭄ᬕᬮ᭄ᬜᬓᬯᬸᬯᬸᬲ᭄᭞ᬳᭂᬦᬫ᭄ᬩᭂᬮ
ᬲ᭄ᬩᬸᬮᬦ᭄ᬮᬶᬫ᭞ᬧᬸᬓᬸᬮ᭄ᬢᬶᬕ᭞ᬦᬵᬮᬭᬳᬶᬦᬫᬹᬃᬯ᭄ᬯᬦᬶᬦ᭄᭞ᬕᬸᬦᬸᬗᬾᬫᬮᬶᬄᬫᬍᬤᬓ᭄᭟ᬫᬗᬋᬄᬢᭂᬄᬗᬺᬤᭂᬕ᭄ᬫᬲ᭄ᬯᬂᬧᬶᬸᬳᬧᬶ᭞ᬫᬳᬯᭀᬭᬦ᭄᭞ᬓᬸᬓᬸᬲᬾᬫᬯᭂᬮ᭄ᬯᬦ᭄᭞ᬫᬗᭂ
ᬗᭂᬓ᭄ᬭᬶᬂᬳᬓᬰᬦᬾ᭞ᬢᬹᬃᬗᬯᭂᬢ᭄ᬯᬂᬳᬸᬚᬦ᭄ᬭᬢᬸ᭞ᬓᭂᬩᬸᬲ᭄ᬩᬳᬂᬫᬤᬸᬓᬦ᭄ᬳᬧᬶ᭞ᬜᭂᬧᭀᬮᬶᬦ᭄ᬳᬸᬫᬄᬳᬸᬫᬄ᭞ᬧᬲᬕᬶᬦᬾᬧᬸᬳᬸᬦ᭄᭞ᬭᬓ᭄ᬬᬢᬾᬓ᭄ᬯᬾᬄᬲᬦᬾᬫᬺᬢᬄ᭞ᬓᬳᬸᬤᬦᬦ᭄
[ ᭑᭗ 17A]
ᬩᬢᬸᬳᬧᬶᬫᬜᬩᭂᬳᬶᬦ᭄᭞ᬤᬾᬰᬕᬮᬶᬄᬮᬯᬦ᭄ᬚᬩᬄ᭟ᬫᬮᬶᬄᬦᬸᬚᬸᬳᬶᬤᬪᬝᬵᬭᬫᬶᬚᬶᬮ᭄᭞ᬭᬶᬂᬓᬳ᭄ᬬᬗᬦ᭄᭞ᬭᬶᬂᬧᬸᬲᭂᬄᬲᬶᬩᭂᬢᬦ᭄᭞ᬓᬸᬬᬸᬳᬸᬬᬸᬩᬦ᭄ᬤᬾᬰᬦᬾ᭞ᬭᬓ᭄ᬬ
ᬢᬾᬫᬲᬸᬮᬸᬂᬲᬸᬮᬸᬂ᭞ᬫᬵᬢᬸᬭᬦ᭄ᬲᬫᬶᬗᬪᬓ᭄ᬢᬶ᭞ᬫᬦᬸᬦᬲ᭄ᬓ᭄ᬭᬳᬚᭂᬗᬦ᭄᭞ᬭᬫᬾᬕᭀᬂᬫᬥᭂᬕᬸᬃ᭞ᬳᬸᬚᬦ᭄ᬩᬢᬸᬫᬗᬸᬭᬾᬩ᭄ᬬᬓ᭄᭞ᬦᭂᬧᬾᬦ᭄ᬲᬶᬭᬄ᭞ᬯᬾᬦ᭄ᬢᭂᬦ᭄ᬤᬸᬳᬸᬃᬓᬳᬸᬮᬸᬗᬶᬦ᭄᭞ᬬᬸᬢ
ᬬᬦ᭄ᬩᬢᬸᬫᬗᬶᬫ᭄ᬩᬂ᭟᭐᭟ᬧᬸᬧᬸᬄᬓᬸᬫᬦ᭄ᬩᬂ᭚ᬦᬸᬚᬸᬤᬶᬦᬵᬲᬦᬶᬰ᭄ᬘᬭᬯᬕᬾᬢᬫ᭄ᬩᬶᬃ᭞ᬧᬗ᭄ᬮᭀᬂᬜᬧᬶᬂᬥᬰ᭞ᬰᬰᬶᬄᬚ᭄ᬬᬾᬱ᭄ᬝᬫᬦᭀᬗᭀᬲᬶᬦ᭄᭞ᬓᬵᬮᬮᬢ᭄ᬭᬶᬤᬯᬸᬄᬢᬶᬕ᭟ᬇ
ᬗ᭄ᬤᬦᬾᬲ᭄ᬬᬢᬍᬃᬓᬳᬸᬗ᭄ᬕ᭄ᬯᬂᬭᬶᬂᬕᬸᬭᬶᬢ᭄᭞ᬢᬗ᭄ᬕᬮ᭄ᬤ᭄ᬮᬧᬦ᭄ᬩᭂᬮᬲ᭄᭞ᬢᬸᬮᬦ᭄ᬫᬾᬳᬶᬫᬜᬋᬗᬶᬦ᭄᭞ᬯᭂᬗᬶᬯᬳᬸᬚᬫ᭄ᬲᭂᬫ᭄ᬩᬶᬮᬦ᭄᭟ᬢᬦ᭄ᬧᬲᬗ᭄ᬓᬦ᭄ᬓ᭄ᬢᬸᬕ᭄ᬮᬶᬖ᭄ᬤᬸᬳᬸᬚᬦ᭄ᬗ᭄ᬭᬶᬩᬶᬲ᭄᭞ᬭ
Page:Bali-lontar-gaguritan-gunung-agung-meletus-03-350ppi.pdf/17
Jump to navigation
Jump to search
This page has been proofread.
