[ ᭑᭕ 15B]
᭑᭕᭞
ᬮᬶᬤᬂᬚᬶᬯ᭟ᬯᬾᬦ᭄ᬢᭂᬦ᭄ᬗᬯᭀᬦᬶᬦ᭄ᬓᬲᬸᬕ᭄ᬬᬦ᭄᭞ᬳᬸᬫᬳᬾᬤᬢᬧ᭄ᬭᬶᬸᬧ᭄ᬮᬳᬶᬩᬶᬦ᭄᭞ᬲᬫ᭄ᬩᭂᬦ᭄ᬧᬮᬶᬂᬫᬕ᭄ᬮᬶᬬᬸᬭᬦ᭄᭞ᬲᬮᬶᬂᬧᬮᬶᬯᬢ᭄ᬮᬸᬫᬓᬸ᭞ᬤᭀᬦᬶᬂᬚ᭄ᬭᬶᬄᬓᬳᬦ᭄ᬢᬓᬦ᭄᭞ᬫᬦᬸ
ᬫᬸᬦᬶᬦ᭄᭞ᬫᬗᬺᬋᬄᬕ᭄ᬦᬄᬧᬗᬸᬗ᭄ᬰ᭄ᬬᬦ᭄᭟ᬯᬾᬦ᭄ᬢᭂᬦ᭄ᬲᬦᬾᬫᬫᬚᭂᬕᬂ᭞ᬳᬸᬫᬳᬾᬓᬦ᭄ᬢᬸᬦ᭄ᬕᭂᬦᬳᬶᬦ᭄᭞ᬤᭀᬦᬶᬂᬳᬾᬮᬶᬂᬭᬶᬂᬓᬲᬸᬕ᭄ᬬᬦ᭄᭞ᬢᬹᬃᬓᬫ᭄ᬧᭂᬓᬶᬦ᭄ᬕᬸᬦᬸᬂᬳᬕᬸᬂ᭞ᬳᬓ᭄ᬯᬾ
ᬳ᭄ᬗᬶᬭᬶᬂᬓᬳᬦ᭄ᬢᬓᬦ᭄᭞ᬳᬯᬵᬖ᭄ᬦᬶᬧᬸᬦᬶᬓᬵᬲᬦᬾᬫᬸᬳᬸᬦᬂ᭟ᬳᬓ᭄ᬯᬾᬄᬓᬦᬶᬦ᭄ᬧᬸᬳᬸᬦ᭄ᬩᭀᬗ᭄ᬮᬃ᭞ᬳᬕ᭄ᬮᬶᬲ᭄ᬲᬵᬫ᭄ᬧᬸᬦ᭄ᬓᬢᬸᬮᬸᬗᬶᬦ᭄᭞ᬲᬸᬫ᭄ᬩᬗᬦ᭄ᬲᬓᬶᬂᬧᬫ᭄ᬭᬶᬦ᭄ᬢᬄ᭞ᬦᬾ
ᬓᬦᬶᬦ᭄ᬲᬵᬫ᭄ᬧᬸᬦ᭄ᬓᬳᬗ᭄ᬓᬸᬢ᭄᭞ᬓᬳᬸᬩᬤᬂᬓᬤᬾᬦ᭄ᬧᬲᬃ᭞ᬗᬸᬗ᭄ᬰᬶᬳᬸᬭᬶᬧ᭄᭞ᬫᬗᬺᬋᬄᬓᬤᬶᬃᬕ᭄ᬖᬬᬸᬱᬦ᭄᭟ᬅᬗ᭄ᬳᬶᬂᬭᬓ᭄ᬬᬢᬾᬭᬶᬂᬢ᭄ᬬᬵᬜᬃ᭞ᬳᬭᬂᬳᬭᬂᬦᬾᬫᬗᬸᬗ᭄ᬰᬶ᭞ᬳᬗ᭄ᬳᬶᬂ
[ ᭑᭖ 16A]
ᬯᬾᬦ᭄ᬢᭂᬦ᭄ᬓᬩᭀᬦ᭄ᬤᬍᬫ᭄᭞ᬳᬚ᭄ᬭᬶᬄᬓᬳᬸᬮᬸᬗᬶᬦ᭄ᬩᬢᬸ᭞ᬳᬓ᭄ᬯᬾᬄᬳᬸᬫᬄᬓᬭᬸᬲᬓᬦ᭄᭞ᬓᬳᬸᬚᬦᬶᬦ᭄᭞ᬩᬢᬸᬳᬧᬶᬫᬗᬸᬳᬸᬕᬂ᭟ᬳᬸᬘᬧᬂᬭᬶᬂᬤᬶᬲ᭄ᬢ᭄ᬭᬶᬓ᭄ᬳᬩᬂ᭞ᬭᬓ᭄ᬬᬢᬾᬦᭀᬭᬫᬗᬸᬗ᭄ᬰᬶ
᭞ᬤᭀᬦᬶᬂᬳᬩᬂᬓᬭᬯᭀᬲᬂ᭞ᬢᬦ᭄ᬳᬦᬧᬫᬃᬕ᭄ᬕᬶᬦ᭄ᬕᬸᬦ᭄ᬢᬸᬃ᭞ᬳᬓ᭄ᬯᬾᬄᬩᬸᬓᬶᬢᬾᬫᬚᬚᬃ᭞ᬫᬦᬶᬂᬤᬶᬗᬶᬦ᭄᭞ᬦᭀᬭᬵᬓᬩᬜ᭄ᬘᬡᬮᬳᬃ᭟ᬦᬗᬶᬂᬳᬓ᭄ᬯᬾᬄᬭᬓ᭄ᬬᬢ᭄ᬳᬩᬂ᭞ᬤᬩᬯᭀᬲᬂᬧ
ᬢᬸᬢ᭄ᬗᬸᬗ᭄ᬰᬶ᭞ᬲᬦᬾᬲᬓᬶᬂᬧᬕᬸᬦᬸᬗᬦ᭄᭞ᬭᬾᬄᬢᬫ᭄ᬧᭂᬓ᭄ᬭᬶᬂᬕᬸᬦᬸᬂᬳᬕᬸᬂ᭞ᬫᬗ᭄ᬤᬗᬺᬋᬄᬧᬦᬵᬕᬭᬦ᭄᭞ᬗᬸᬗ᭄ᬰᬶᬤᬶᬲ᭄ᬢ᭄ᬭᬶᬓ᭄᭞ᬓᬥᬂᬥᬂᬫᬗᬶᬓᬸᬢ᭄ᬢᭂᬫ᭄ᬩᬂ᭟᭐᭟ᬧᬸᬧᬸᬄᬥᬂᬥᬂ᭚ᬥᬂᬥᬂ
ᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂᬧᬸᬦᬶᬓᬶ᭞ᬜᬭᬶᬢᬬᬂ᭞ᬢᬶᬗ᭄ᬓᬄᬭᬶᬂᬧᬗᬸᬗ᭄ᬰ᭄ᬬᬦ᭄᭞ᬳᬶᬩᬸᬓ᭄ᬓᬗᭂᬦ᭄ᬧᬮᬶᬂᬇᬥᭂᬧᬾ᭞ᬬᬦ᭄ᬳᬓᬸᬤᬂᬩᬸᬮᬦ᭄ᬭᬢᬸ᭞ᬲᬗ᭄ᬰᬭᬩᬓᬢ᭄ᬢᭂᬧᬸᬓᬶᬦ᭄᭞ᬫᬦᭀᬗᭀᬲ᭄ᬲᬶᬂᬲᬶᬂᬚ
Page:Bali-lontar-gaguritan-gunung-agung-meletus-03-350ppi.pdf/16
Jump to navigation
Jump to search
This page has been proofread.
