[ ᭑᭙ 19B]
ᬓᬸᬢᬸᬲ᭄ᬯᭂᬗᬶ᭞ᬫᬗᬶᬭᬶᬂᬳ᭄ᬬᬸᬦ᭄᭞ᬧᬮᬸᬗ᭄ᬕᬸᬄᬳ᭄ᬬᬗᬶᬂᬳᬘ᭄ᬙᬮ᭟ᬲᬵᬫ᭄ᬧᬸᬦ᭄ᬢᬸᬢᬸᬕ᭄ᬮᬸᬗᬦᬾᬳᬓᬸᬢᬸᬲ᭄ᬤᬮᬸ᭞ᬢᬦ᭄ᬤᬸᬫᬤᬾᬧ᭄ᬭᬧ᭄ᬢ᭞ᬳᬶᬭᬓ᭄ᬬᬢ᭄ᬫᬗᭀᬚᭀᬕ᭄ᬫᬸᬮᬶᬄ᭞ᬧᬥᬳᬶᬚᬸ᭞ᬲᬓᬸᬮᬯᬃᬕ᭄ᬕ
ᬫᬜᬕ᭄ᬚᬕ᭄᭟ᬫᬩᬭᬶᬬᬸᬓ᭄ᬢᬸᬫᬓᭀᬦᬶᬂᬲᬂᬩᬸᬭᬯᬸᬄ᭞ᬤᭀᬦᬶᬂᬧᭀᬮᬶᬄᬮᬸᬗ᭄ᬳᬵ᭞ᬓᬕᬸᬦᬸᬂᬳᬕᬸᬂᬫᬗᬶᬭᬶᬂ᭞ᬢᬸᬃᬫᬫᬸᬦ᭄ᬤᬸᬢ᭄᭞ᬪᬝᬵᬭᬭᬗᬃᬱᬬᬂᬧᭂᬦ᭄ᬡ᭄ᬤᬓ᭄᭟ᬭᬭᬶᬲ᭄ᬜᬸᬚᬸᬃᬓᬧᬸᬲᭂᬄᬳᬶᬤ
ᬓᬲᬸᬂᬲᬸᬂ᭞ᬗᬢᬸᬭᬂᬧᬫᭂᬡ᭄ᬥᬓ᭄᭞ᬲᬚᬶᬲᬚᬶᬲᬦᬾᬍᬯᬶᬄ᭞ᬲᬃᬯ᭄ᬯᬧᬶᬢᬸ᭞ᬧᬶᬓᬼᬫ᭄ᬭᬶᬂᬤᬦᬸᬳᬜᬃ᭟ᬚ᭄ᬭᭀᬫᬗ᭄ᬓᬸᬧᬗᭂᬫ᭄ᬧᬸᬦ᭄ᬳ᭄ᬬᬂᬕᬸᬦᬸᬂᬳᬕᬸᬂ᭞ᬓᬵᬗ᭄ᬕᬾᬓᬲ᭄ᬦᭂᬗᬦ᭄᭞ᬫᬸᬗ᭄ᬕᬄᬢᭂᬤᬸᬦ᭄ᬭᬶᬂᬢᭀᬓ᭄ᬮᬗ᭄ᬓᬶᬃ
ᬭᬫᬾᬫᬸᬳᬸᬕ᭄ᬭᬓ᭄ᬳ᭄ᬬᬢᬾᬗᬢᬸᬭᬂᬲᬶᬦ᭄ᬯᬫ᭄᭟᭐᭟ᬧᬸᬧᬸᬄᬲᬶᬦᭀᬫ᭄᭚ᬲᬶᬦᭀᬫ᭄ᬳᬗ᭄ᬕᬾᬦ᭄ᬫᬦᭂᬫ᭄ᬩᬂ᭞ᬓᬧᬶᬲᬺᬂᬫᬦᬗᬸᬦ᭄ᬕᬸᬭᬶᬢ᭄᭞ᬢᬦ᭄ᬳᬸᬦᬶᬂᬭᬶᬂᬭᬕᬢᬫ᭄ᬩᭂᬢ᭄᭞ᬭᬗ᭄ᬓᬸᬂᬳᬚᬸᬫᬾ
[ ᭒᭐ 20A]
ᬢᬦ᭄ᬓᬶᬤᬶᬓ᭄᭞ᬗᬶᬦᬩᬂᬤᬾᬯᬾᬓ᭄ᬓᬯᬶ᭞ᬢ᭄ᬯᬭᬦᬯᬂᬢᬢᬵᬳᬸᬦ᭄ᬤᬸᬓ᭄᭞ᬓᬮᬶᬗ᭄ᬓᬾᬫᬶᬂᬓᬮᬶᬳᬂᬕᬸᬭᬸᬮᬕᬸᬢ᭄ᬯᬭᬳᬸᬦᬶᬂ᭞ᬩᬲ᭄ᬓᬤᬸᬭᬸᬲ᭄᭞ᬫᬕᬫ᭄ᬕᬫ᭄ᬫᬗᬤᬸᬧᭀᬗᬄ᭟ᬳᬫ᭄ᬧᬸᬭᬬᬂᬢᬶᬢ᭄ᬬᬂᬤᬾᬯ
᭞ᬜᬫᬩ᭄ᬭᬬᬮᬦᬂᬳᬶᬲ᭄ᬢ᭄ᬭᬶ᭞ᬳᬶᬮᬢ᭄ᬤᬸᬳᬸᬃᬫᬗ᭄ᬤᬲ᭄ᬯᬾᬘ᭄ᬙ᭞ᬯᬶᬪᬸᬄᬢᬶᬯᬲ᭄ᬳᬕᬸᬂᬳᬮᬶᬢ᭄᭞ᬢᬶᬢ᭄ᬬᬳᬶᬩᭂᬮᭀᬕ᭄ᬚᬢᬶ᭞ᬫᭀᬫᭀᬳᬗ᭄ᬓᬭᬦᬾᬭᬗ᭄ᬓᬸᬂ᭞ᬢ᭄ᬯᬶᬢ᭄ᬯᬭᬫᬢᬶᬍᬲᬂ᭞ᬫᭂᬗ᭄ᬓᭀᬓ᭄ᬤᭀ
ᬦ᭄ᬤᭀᬦ᭄ᬢᬶᬤᭀᬂᬕᬶᬕᬶᬲ᭄᭞ᬳᬯᬓ᭄ᬮᬘᬸᬃ᭞ᬫᬗᭂᬫ᭄ᬧᬶᬦᭀᬗᭀᬲ᭄ᬤᬶᬚᬮᬦ᭄᭟ᬢᬸᬫᬸᬢ᭄ᬭᬶᬂᬲᬂᬦᭀᬃᬫ᭄ᬫᬓᬬᬂ᭞ᬢᬶᬢ᭄ᬬᬂᬳᬶᬓᬢᬸᬦᬦ᭄ᬩᬸᬤ᭄ᬤᬶ᭞ᬧᬮᬶᬂᬚ᭄ᬬᬾᬱ᭄ᬝᬓᬭᬯᭀᬲᬂ᭞ᬲᬸᬧᬢ᭄ᬭᬧᬸᬢ᭄ᬭᬕᬬᬢ᭄ᬭᬶ᭞ᬢᬦ᭄ᬳ
ᬦᬂᬳᬦ᭄ᬢᭂᬦ᭄ᬫᬮᬶᬄ᭞ᬲᬵᬚ᭄ᬜᬦ᭄ᬕᬸᬭᬸᬦ᭄ᬢᬶᬢ᭄ᬬᬂᬢᬸᬳᬸ᭞ᬲᬂᬩᬶᬲᬧᬲᬸᬃᬯᬦ᭄᭞ᬳᬶᬩᬸᬦᬾᬲᬂᬤᭂᬳᬾᬂᬳᬭᬶ᭞ᬧᬮᬶᬂᬚᬶᬱ᭄ᬡᬸ᭞ᬧᬸᬱ᭄ᬧᬶᬢᬦᬾᬓᬭᬶᬧ᭄ᬢᬬᬂ᭟ᬫᬦ᭄ᬢᬸᬓ᭄ᬲᬓᬶᬂᬧᬗᬸᬗ᭄ᬲ᭄ᬬᬦ᭄᭞ᬗᬾᬃᬰᬡ᭄ᬬᬳ
Page:Bali-lontar-gaguritan-gunung-agung-meletus-03-350ppi.pdf/20
Jump to navigation
Jump to search
This page has been proofread.
