[ ᭑᭓ 13B]
᭑᭓᭞
ᬜᬸᬤ᭄ᬓᬲᬫᬸᬤ᭄ᬭ᭞ᬧᬕᬸᬮᬶᬦ᭄ᬢᬶᬓ᭄ᬤᬶᬧᬲᬶᬲᬶ᭞ᬳᬗ᭄ᬕᬾᬦ᭄ᬲᬢ᭄ᬯᬓᬳᬸᬗ᭄ᬓᬸᬭᬦ᭄᭟ᬧᬗ᭄ᬓᬸᬃᬭᬢᬸᬳᬗ᭄ᬕᬾᬦ᭄ᬢᬶᬢ᭄ᬬᬂ᭞ᬜᬮᬶᬫᬸᬭᬂᬳᬶᬥᭂᬧᬾᬳᬶᬗᬸᬄᬲᬳᬶ᭞ᬳᬶᬗᭂᬢ᭄ᬢᭂᬓᬾᬦ᭄ᬳᬵᬯᬓ᭄ᬮᬘᬸᬃ᭞ᬫ
ᬦᭀᬗᭀᬲ᭄ᬤᬶᬧᬗ᭄ᬰ᭄ᬬᬤ᭄᭞ᬫᬗᭂᬦᭂᬳᬶᬦ᭄ᬧᬘᬂᬓᬧᭂᬕᬢᬦ᭄ᬲᬗᬹ᭞ᬢᭀᬓ᭄ᬭᬡᬫᬗᬸᬋᬤ᭄ᬚᬶᬯ᭄ᬯ᭞ᬲᬗ᭄ᬰᬭᬓᬢ᭄ᬓᬦ᭄ᬓᬮᬶ᭟ᬢᬦ᭄ᬧᬾᬦ᭄ᬤᬄᬳᬶᬓᬬᬸᬭᬕᬲ᭄᭞ᬗᬕᭂᬫ᭄ᬧᬸᬗ᭄ᬓᬢ᭄ᬦᭂ
ᬥᭂᬂᬫᬲᭂᬓᬃᬫᬶᬬᬶᬓ᭄᭞ᬳᬶᬩᬸᬦ᭄ᬢᬺᬡᬲᬫᬶᬮᬬᬸ᭞ᬲᭂᬤᬶᬄᬬᬓᬧᬤᬲᬦ᭄᭞ᬗᬢᬶᬳᬳᬯᬸᬄᬭᬶᬂᬫᬰᬾᬂᬓᬘᬢᬸᬃ᭞ᬲᬫᬗ᭄ᬤᬢᬸᬦ᭄ᬢᬸᬮᬲ᭄ᬳᬳᬲ᭄᭞ᬫᬫᬗ᭄ᬕᬸᬄᬚᬕᬢᬾᬩᭂᬘᬶᬓ᭄᭟
ᬘᭂᬢ᭄ᬢᬾᬂᬦᬶᬢᬶᬦᬶᬂᬧᬫ᭄ᬭᬶᬦ᭄ᬢᬄ᭞ᬧᬓ᭄ᬧ᭄ᬭᬲᬶᬤᬾᬦ᭄ᬯᬶᬤᬕ᭄ᬤᬵᬫᬗ᭄ᬮᬸᬲ᭄ᬩᬸᬫᬶ᭞ᬮ᭄ᬯᬶᬃᬫᬾᬖᬫᬗᭂᬫᬚᬯᬸᬄ᭞ᬗᬯᭂᬢ᭄ᬯ᭄ᬗ᭄ᬳᬸᬤᬦ᭄ᬭᬳᬢ᭄᭞ᬫᬦᬶᬩᬾᬦᬶᬦ᭄ᬧᬦᭂᬥᭂᬂᬫᬰᬾᬂᬓᬘᬢᬸᬃ᭞
[ ᭑᭔ 14A]
ᬢᬦ᭄ᬤᬸᬫᬤᬾᬓᬩ᭄ᬮᬩᬸᬭᬦ᭄᭞ᬚᬕᬸᬂᬩ᭄ᬭᬲ᭄ᬓᬳᭂᬫ᭄ᬩᬳᬶᬦ᭄᭟ᬬᬦ᭄ᬳᬓᬸᬤᬂᬓᬸᬤᬂᬓᬨᬮ᭞ᬩ᭄ᬭᬲ᭄ᬚᬕᬸᬂᬓᬮᬯᬵᬦ᭄ᬓᬳᬶᬦ᭄ᬓᬳᬶᬦ᭄᭞ᬲᬸᬫ᭄ᬩᬗᬦ᭄ᬮᬶᬦ᭄ᬢᬂᬦᬵᬕᬦ᭄ᬢᬸᬦ᭄᭞ᬓᬯᬱ᭄ᬝᬦᬶᬦ᭄ᬚᬫᬶᬦᬦ᭄᭞ᬕ᭄ᬭᬂ
ᬢᬲᬶᬓ᭄ᬩᬲᬩᬲᬫᬶᬯᬄᬲᬩᬸᬦ᭄᭞ᬫ᭄ᬯᬂᬲᬸᬲᬸᬩ᭄ᬮᬾᬓ᭄ᬩ᭄ᬮᬾᬓᬦ᭄᭞ᬍᬗᬶᬲ᭄ᬜᬸᬄᬓᬮᬯᬦ᭄ᬧᬶᬧᬶᬲ᭄᭟ᬗᬢᬶᬓ᭄ᬯᬢᬭᬳᬓᬨᬮ᭄᭞ᬓᬢᬶᬯᬓᬂᬭᬶᬂᬲᬂᬧᬭᬧᬗᬸᬗ᭄ᬰᬶ᭞ᬳ
ᬗᬶᬂᬧᬗᬸᬗ᭄ᬲᬶᬦᬾᬤᬸᬫᬸᬦ᭄᭞ᬳᭀᬮᬶᬄᬲᬫᬶᬳᬍᬫ᭄ᬩᬃ᭞ᬯᬶᬦᬾᬄᬫᬮᬶᬄᬩᭂᬭᬲ᭄ᬚᬕᬸᬂᬫᬶᬯᬄᬲᬸᬲᬸ᭞ᬲᬭᬯᬸᬳᬶᬂᬩᬲᬩᬲᬵ᭞ᬜᬗ᭄ᬭᬦ᭄ᬤᬶᬦᬵᬓᬳᭂᬤᬸᬫᬶᬦ᭄᭟ᬓᬕᬾᬢ᭄ᬓᬘᬘᬭᬶᬦ᭄ᬕ᭄ᬭᬂ᭞
ᬍᬗᬶᬲ᭄ᬳᭂᬩᬸᬄᬲᬩᬸᬦ᭄ᬓᬮᬯᬦ᭄ᬧᬶᬧᬶᬲ᭄᭞ᬮ᭄ᬕᬵᬮᬾᬤᬂᬇᬥᭂᬧ᭄ᬓᬬᬸᬦ᭄᭞ᬭᬓ᭄ᬬᬢᬾᬭᬶᬂᬧᬗᬸᬗ᭄ᬰ᭄ᬬᬦ᭄᭞ᬓᬳᬸᬤᬦᬶᬦ᭄ᬳᬦ᭄ᬢᬸᬓ᭄ᬢᬶᬃᬢ᭄ᬣᬓᬫᬦ᭄ᬤᬮᬸ᭞ᬧᬳᬶᬘᬦᬾᬮ᭄ᬯᬶᬄᬉᬢ᭄ᬢ
Page:Bali-lontar-gaguritan-gunung-agung-meletus-03-350ppi.pdf/14
Jump to navigation
Jump to search
This page has been proofread.
