[ ᭗ 7B]
ᬳᬶᬩᬸᬓ᭄ᬓᬗᭂᬦ᭄ᬫᬋᬗᬶᬦ᭄᭞ᬳᭀᬃᬢ᭄ᬣᬦᬾᬫᬲᬸᬮᬸᬂᬲᬸᬮᬸᬂ᭞ᬩᬜ᭄ᬘᬡᬦᬶᬂᬳᬘᬵᬮ᭞ᬢᬦ᭄ᬧᬲᬗ᭄ᬓᬦ᭄ᬲᬗ᭄ᬓᬦ᭄ᬤᬤᬶ᭞ᬪᬬᬦᬾᬯᬸᬄ᭞ᬚᬕᬢᬾᬓᬤᬹᬃᬫ᭄ᬫᬗ᭄ᬕᬮᬦ᭄᭟᭐᭟ᬧᬸᬧᬸᬄ
ᬤᬹᬃᬫ᭄ᬫ᭚ᬘᬭᬶᬢ᭄ᬣᬬᬂᬭᬶᬂᬳᬫ᭄ᬮᬧᬹᬭᬦᬵᬕᬭ᭞ᬲᭂᬤᭂᬂᬭᬫᬾᬦᬶᬂᬦᬵᬕᬭᬶ᭞ᬫᭀᬦ᭄ᬢᭀᬃᬫᬲ᭄ᬮᬶᬯᭂᬭᬦ᭄᭞ᬤᬶᬦᬦᬾᬓᬳᬸᬗ᭄ᬕᬳᬂ᭞ᬯ᭄ᬭᬲ᭄ᬨᬢᬶᬯᬕᬾᬦᬶᬩᬦᬶᬦ᭄᭞ᬭᬶᬂᬉᬓᬸᬲᬸᬂᬲᬂ᭞ᬧ
ᬢ᭄ᬫᬾᬦᭀᬗᭀᬲᬶᬦ᭄᭞ᬯᬢᬭᬯᬾᬦ᭄ᬢᭂᬦ᭄᭞ᬚᬫ᭄ᬤᬸᬯᬵᬫᬫᬹᬃᬯ᭄ᬯᬦᬶᬦ᭄᭟ᬫᬮᬶᬗ᭄ᬓᬸᬩᬦ᭄ᬓᬸᬓᬸᬲᬾᬜᬼᬕ᭄ᬭᬶᬂᬧᬸᬘᬓ᭄᭞ᬧ᭄ᬢᭂᬂᬤᭂᬤᭂᬢ᭄ᬭᬶᬂᬮᬗᬶᬢ᭄᭞ᬓᭂᬭᬸᬕ᭄ᬫᬕᬺᬤᭂᬕᬦ᭄᭞ᬕᬸᬫᬸᬭᬸᬳᬶᬂᬳ
[ ᭘ 8A]
ᬓᬰ᭞ᬫᬮᬶᬄᬫᬍᬤᬓ᭄ᬭᬶᬂᬳᬤ᭄ᬭᬶ᭞ᬳᬗᬺᬲ᭄ᬋᬲᬳᬂᬚᬕᬢ᭄᭞ᬭᬶᬫ᭄ᬭᬶᬫ᭄ᬭᬓ᭄ᬬᬢᬾᬲᬫᬶ᭟ᬢᬦ᭄ᬤ᭄ᬯᬕᬸᬭᬸᬄᬫᬸᬫ᭄ᬩᬸᬮ᭄ᬫᬜ᭄ᬘ᭄ᬭᬢ᭄ᬫᬕᬾᬜ᭄ᬚᭀᬗᬦ᭄᭞ᬇᬋᬂᬮᬳᬭᬾᬮ᭄ᬯᬶᬃᬢᬲᬶᬓ᭄᭞ᬫᬮᬶᬄᬫᬤᭂ
ᬤᭂᬢᬦ᭄᭞ᬢᬝᬶᬢᬾᬧᬮᬶᬤᬾᬢ᭄ᬤᬢ᭄᭞ᬫᬤᬸᬮᬸᬭᬦ᭄ᬳᬸᬚᬦ᭄ᬚᬭᬶᬓ᭄᭞ᬩ᭄ᬬᬲ᭄ᬫᬗᬸᬭᬾᬩ᭄ᬭᬓ᭄᭞ᬓᭂᬭᬸᬕ᭄ᬮᬶᬦ᭄ᬤᬸᬜᬋᬗᬶᬦ᭄᭟ᬢᬦ᭄ᬤᬸᬫᬤᬾᬗᬮᬾᬂᬩᭀᬗᬾᬫᬕᭂᬚᭂᬭᬦ᭄᭞ᬢᬦ᭄ᬧᬾᬦ᭄ᬤᬄ
ᬮ᭄ᬯᬶᬃᬚᬮᬥᬶ᭞ᬫᬕᬸᬮᬸᬂᬕᬸᬮᬸᬗᬦ᭄᭞ᬫᬗᬸᬳᬸᬕᬂᬦᬵᬕᬭ᭞ᬕᭂᬤᭀᬂᬓᬦ᭄ᬢᭀᬃᬓᬢᬫ᭄ᬧ᭄ᬬᬲᬶᬦ᭄᭞ᬮᬸᬳᬸᬭᬶᬂᬳᬯᬦ᭄᭞ᬚᬫ᭄ᬩᬢᬦᬾᬢᬦ᭄ᬓᬭᬶ᭟ᬫᬩ᭄ᬬᬬᬸᬯᬦ᭄ᬲᬤᬕᬶᬂᬓᭀᬢᬦᬾᬕᬾᬯᬂ᭞
ᬳᭂᬜ᭄ᬚᭀᬂᬲᬫᬶᬫᬮᬳᬶᬩ᭄᭞ᬫᬗᬺᬋᬂᬧᬗᬸᬗ᭄ᬰ᭄ᬬᬦ᭄᭞ᬫᭀᬢᭀᬭᬾᬫᬕᬺᬤᭂᬕᬦ᭄᭞ᬤᭀᬓᬃᬚᬭᬦ᭄ᬧᬥᬧᬮᬶᬂ᭞ᬯᬦᬾᬄᬓᬲᬸᬕ᭄ᬬᬦ᭄᭞ᬫᭀᬢᭀᬃᬧ᭄ᬭᬳᬸᬗᬚᬗᬶᬦ᭄᭟ᬲᬵ
Page:Bali-lontar-gaguritan-gunung-agung-meletus-03-350ppi.pdf/8
Jump to navigation
Jump to search
This page has been proofread.
