Ban/Gaguritan Gunung Agung Meletus 01

Naskah

[ 1 ][Perpustakaan KTR Dokbud Bali
Prop Bali
G/VII/14/DOKBUD
Buleleng]
[R Buleleng 12
Judul: Gaguritan G. Agung Meletus
Pnj. 30 cm Lb. 3,5 cm Jl. 33 lb
Asal: Buleleng] [ 2 ][ ᭑ 1B]
᭑
᭛᭐᭛ᬒᬁᬅᬯᬶᬖ᭄ᬦᬫᬲ᭄ᬢᬸ᭛᭐᭛ᬲᬶᬦᭀᬫ᭄ᬳᬗ᭄ᬕᬾᬦ᭄ᬧᬸᬃᬯ᭄ᬯᬓᬦ᭄ᬤᬵ᭞ᬓᬦ᭄ᬤᬬᬂᬫᬸᬭᬸᬓ᭄ᬫᬗᬸᬭᬶᬓ᭄ᬢ᭄᭞ᬫᬗᬸᬭᬶᬢ᭄ᬲᬫ᭄ᬩᬶᬮᬂᬩ᭄ᬗᭀᬂ᭞
ᬩ᭄ᬗᭀᬂᬩᬶᬗᬸᬂᬫᬗᭂᬦᭂᬳᬶᬦ᭄᭞ᬓ᭄ᬦᭂᬳᬾᬢᭀᬂᬓᬳᬶᬢᬸᬗᬶᬦ᭄᭞ᬳᬶᬢᬸᬗᬦᬾᬗᬯᬂᬗᬸᬯᬸᬂ᭞ᬲᬭᬸᬯᬂᬫᬜ᭄ᬚᬔᭂᬦ᭄ᬢᬮ᭄᭞ᬫᬗᬸᬦ᭄ᬢᬸᬓ᭄ᬭᬭᬶᬲ᭄ᬫᬦᬸ
ᬮᬶᬲ᭄᭞ᬧᬜᬮᬶᬫᬸᬃ᭞ᬫᬦᬸᬧ᭄ᬢᬸᬧᬂᬧᬗᬺᬜ᭄ᬘᬡ᭞ᬱᬜ᭄ᬘᬦᬦᬾ᭠ᬲᬫ᭄ᬩᭂᬄᬩᬸᬬᬃ᭟ᬫᬓ᭄ᬚᬂᬩᬓᬢ᭄ᬳᬶᬢᬸᬗᬶᬦ᭄᭞ᬯᬮᬸᬬᬵᬲᬓᬤᬶᬳᬾᬤᬦ᭄᭞
ᬳᬶᬦᬩ᭄ᬭᬶᬪᬸᬄᬳᬃᬱᬩᬸᬤ᭄ᬥᬶ᭞ᬢᭀᬂᬗ᭄ᬭᬱᬵᬤᬾᬯᬾᬓ᭄ᬕᬸᬭᬶᬄ᭞ᬩ᭄ᬮᭀᬕ᭄ᬮᬘᬸᬭᬾᬫᬧᬸᬦ᭄ᬤᬸᬄ᭞ᬕᬜ᭄ᬘᬂᬫᬗᬶᬓ᭄ᬢᬂᬢᭂᬫ᭄ᬩᬂ᭞ᬳᬗ᭄ᬕᬾᬦ᭄ᬜᬮᬶᬫᬸᬭᬂ

[ 2A]
ᬧᬮᬶᬂ᭞ᬳᬧᬂᬲᬭᬸ᭞ᬤᬶᬧ᭄ᬤᭂᬫᬦ᭄ᬫᬓ᭄ᬦᭂᬳᬦ᭄᭟ᬓᬤᭀᬂᬳ᭠ᬤᬵᬓᬯᬶᬗᭂᬦᬄ᭞ᬦᬗᬶᬂᬓᬾᬲᬓᬾᬂᬓᬯᭂᬃᬤ᭄ᬥᬶ᭞ᬳᬧᬂᬳᬤᬵᬧ
ᬳᬾᬮᬶᬗᬦ᭄᭞ᬓᬢᬢ᭄ᬯᬦ᭄ᬕᬸᬦᬶᬂᬢᭀᬄᬮᬗ᭄ᬓᬶᬃ᭞ᬫᬸᬗ᭄ᬕᬸᬄᬭᬶᬂᬲᬗ᭄ᬳᬭᬪᬸᬫᬶ᭞ᬧᬸᬦᬶᬓᬵᬫᬗ᭄ᬓᬶᬦ᭄ᬓᬢᬸᬧ᭄ᬢᬸᬧ᭄᭞ᬤᬸᬫᬤᬓ᭄ᬲᬶᬤ᭄ᬥᬓᬃᬬ᭄ᬬ᭞ᬲᬓᬶᬂᬧ
ᬦᬸᬕ᭄ᬭᬦ᭄ᬳ᭄ᬬᬂᬯᬶᬤ᭄ᬥᬶ᭞ᬫᬗ᭄ᬳᬵᬳᬲᬸᬂ᭞ᬢᬦ᭄ᬓᭂᬦᬾᬂᬓᬘᬓ᭄ᬭᬪᬯ᭟ᬯᬺᬲ᭄ᬧᬢᬶᬓ᭄ᬮᬶᬯᭀᬦ᭄ᬓᭀᬘᬧ᭄᭞ᬯᬭᬵᬫ᭄ᬭᬓᬶᬄᬫᬦ᭄ᬫᭀᬦᬶᬦ᭄᭞ᬰᬰᬶᬄᬘᬢᬸᬃ
ᬇᬰᬓᬜ᭞ᬲᬯ᭄ᬮᬲ᭄ᬧᬸᬦᬶᬓᬬᬸᬓ᭄ᬢᬶ᭞ᬧᬸᬘᬓ᭄ᬲᭂᬫᬾᬭᬸᬕᬶᬭᬶ᭞ᬲᬫ᭄ᬧᬸᬦᬾᬫᬗ᭄ᬓᬶᬦ᭄ᬢᬸᬫᬸᬭᬸᬦ᭄᭞ᬭᬶᬗ᭄ᬩᬮᬶᬓᬚ᭄ᬦᭂᬗᬂ᭞ᬳᬦ᭄ᬢᬸᬓ᭄ᬳᬶᬤᬳ᭄ᬬᬂ [ 3 ][ ᭒ 2B]
᭒
ᬧ᭄ᬭᬫᬾᬱ᭄ᬞᬶ᭞ᬤᬳᬢ᭄ᬓᬸᬓᬸᬄ᭞ᬕᬶᬭᬶᬢᭀᬄᬮᬗ᭄ᬓᬶᬃᬩᬶᬲᬾᬓ᭟ᬬᬦ᭄ᬳᬓᬸᬤᬂᬓᬸᬤᬂᬢᭂᬫ᭄ᬯᬂ᭞ᬧᬗᬤᭂᬕ᭄ᬕᬶᬭᬶᬢᭀᬳ᭄ᬮᬗ᭄ᬓᬶᬃ᭞ᬧᬶᬓᬸᬓᬸᬄ
ᬫᬳᬵᬯᬶᬤᬯ᭞ᬓᬲᬸᬂᬲᬸᬂᬭᬶᬂᬚᬕᬢ᭄ᬩᬮᬶ᭞ᬧ᭄ᬭᬪᬯᬵᬳᬕᬸᬂᬍᬯᬷᬄ᭞ᬲᬓᬶᬂᬢᬶᬢᬳᬶᬂᬳ᭄ᬬᬂᬢᬸᬤᬸᬄ᭞ᬰᬸᬓ᭄ᬭᬓ᭄ᬮᬶᬯᭀᬦ᭄ᬤᬷᬦᬜ᭞ᬯᬭᬵ
ᬢᭀᬮᬸᬫᬦ᭄ᬫᭀᬦᬶᬦ᭄᭞ᬢᬸᬃᬳᬸᬫᬸᬗ᭄ᬕᬸᬄ᭞ᬰᬰᬶᬄᬢᬗ᭄ᬕᬮ᭄ᬓᬧᬶᬂᬮᬶᬫ᭟ᬢᭂᬗ᭄ᬕᭂᬓ᭄ᬧᬶᬢᬸᬇᬰᬓᬜ᭞ᬧᬶᬢᬸᬂᬤᬰᬵᬚᬗ᭄ᬓᭂᬧ᭄‌ᬬᬸᬓ᭄ᬢᬶ᭞ᬍᬢᬸ
ᬲᬦᬾᬓᬧ᭄ᬭᬢ᭄ᬢᬫ᭞ᬫᬤᬸᬮᬸᬭᬦ᭄ᬲᬩᭂᬄᬳᬗᬶᬦ᭄᭞ᬮᬶᬦᬸᬄᬕ᭄ᬚᭀᬭᬾᬢᬦ᭄ᬲᬶᬧᬶ᭞ᬓᬮᬶᬄᬩᬸᬮᬦ᭄ᬮᬫᬶᬫᬸᬗ᭄ᬕᬸᬄ᭞ᬦᬾᬫᬗ᭄ᬓᬶᬦ᭄ᬫᬮᬶᬄᬳᬸ

[᭓ 3A]
ᬘᬧᬶ᭞ᬲᬓᬶᬂᬧᬓᬬᬸᬦᬦ᭄ᬯᬶᬤ᭄ᬥᬶ᭞ᬫᬮᬶᬄᬫᬸᬗ᭄ᬕᬸᬄ᭞ᬍᬢᬸᬲᬦᬾᬓᬧᬶᬂᬭ᭄ᬯ᭟ᬅᬗ᭄ᬕᬭᬵᬓ᭄ᬮᬶᬯᭀᬦ᭄ᬳᬸᬓᬸᬜ᭞ᬧ᭄ᬭᬂᬩᬓᬢ᭄ᬰᬰᬶᬄᬦ᭄ᬫᭀᬦᬶ
ᬦ᭄᭞ᬓ᭄ᬦᭂᬫ᭄ᬢᬗ᭄ᬕᬮ᭄ᬓᬧᬶᬂᬮᬶᬫ᭞ᬭᬄᬢᬶᬕᬢᭂᬗ᭄ᬕᭂᬔᬭᬲᬶᬓᬶ᭞ᬇᬰᬓᬵᬫᬮᬶᬄᬯᬶᬮᬗᬶᬦ᭄᭞ᬲᬢᬸᬲ᭄ᬢᬶᬕᭀᬮᬲ᭄ᬳᬸᬫᬸᬗ᭄ᬕᬸᬄ᭞ᬍᬢᬸᬲᬦ᭄ᬫᬳᬵ
ᬯᬶᬪᬯ᭞ᬫᬓᬵᬘᬶᬳ᭄ᬦᬦᬶᬂᬗᬪᬓ᭄ᬢᬶᬭᬶᬂᬳ᭄ᬬᬂᬢᬸᬭᬸᬦ᭄᭞ᬩᬶᬲᬾᬓᬵᬳ᭄ᬬᬂᬧᬸᬢ᭄ᬭᬚᬬ᭟ᬢᬸᬭᬸᬦ᭄ᬳᬶᬤᬫᬳᬶᬭᬶᬗᬦ᭄᭞ᬭᬩᬶᬤᬾᬯᬶᬤᬦᬸ
ᬧᬧᬰᬶᬄ᭞ᬭᬶᬂᬩᬲᬸᬓᬶᬄᬬᬸᬓ᭄ᬢᬶᬫᬮᬶᬗ᭄ᬕᬵ᭞ᬓᬬᬗᬦᬾᬳᬕᬸᬂᬍᬯᬶᬄ᭞ᬫᬓᬵᬘᬢ᭄ᬭᬶᬦᬶᬂᬪᬸᬫᬶ᭞ᬧᬗᬸᬮᬸᬦᬶᬂᬤᬾᬯᬵᬮᬸᬳᬸᬃ᭞ᬦᬾ [ 4 ][ ᭓ 3B]
᭓
ᬫᬗ᭄ᬓᬶᬦ᭄ᬕᭂᬦ᭄ᬢᭀᬲ᭄ᬩᬶᬲᬾᬓᬵ᭞ᬳ᭄ᬬᬂᬫᬳᬵᬤᬾᬯᬵᬧᬧᬰᬶᬄ᭞ᬤᬾᬯᬶᬤᬦᬸ᭞ᬭᬶᬂᬳᬸᬮᬸᬦ᭄ᬤᬦᬸᬫᬮᬶᬗ᭄ᬕ᭟ᬮ᭄ᬬᬦ᭄ᬫᬮᬶᬄᬓᬢᬸᬭᬸᬦᬂ᭞ᬳ᭄ᬬᬂ
ᬳᬖ᭄ᬦᬶᬚᬬᬲᬸᬰᬓ᭄ᬢᬶ᭞ᬫᬓᬲᬲᬸᬳᬶᬂᬚᬕᬢ᭄᭞ᬭᬶᬂᬍᬫ᭄ᬧᬸᬬᬂᬕᬶᬭᬶᬚᬢᬶ᭞ᬳᬶᬤᬓᬩᬶᬲᬾᬓᬫᬗ᭄ᬓᬶᬦ᭄᭞ᬲᬓᬶᬂᬢᬶᬢᬄᬳ᭄ᬬᬂᬳᬮᬸᬳᬸᬃ
᭞ᬪᬝᬭᬧᬰᬸᬧᬢᬶᬳᬚ᭄ᬬ᭞ᬫᬯᬘᬦᬭᬶᬂᬲᬂᬓᬮᬶᬄ᭞ᬫᬗ᭄ᬤᬳᬤᬸᬂ᭞ᬳᬕᬫᬵᬥᬃᬫ᭄ᬫᬢᬺᬧ᭄ᬢ᭄ᬬ᭟ᬦᬾᬫᬗ᭄ᬓᬶᬦᬶᬤᬫᬬᭀᬕ᭞ᬬᭀᬕ
ᬦᬾᬉᬢ᭄ᬢᬫᬵᬍᬯᬶᬄ᭞ᬫᬦ᭄ᬭᬸᬲ᭄ᬓᬯ᭄ᬭᬶᬪᬸᬯᬦ᭞ᬳ᭄ᬬᬂᬯᬶᬤ᭄ᬥᬶᬕ᭄ᬮᬶᬲ᭄ᬜᬯᬸᬭᬶᬦ᭄᭞ᬳᬧᬦ᭄ᬬᬾᬕᬤᬳᬢ᭄‌ᬍᬯᬶᬄ᭞ᬫᬧ᭄ᬭᬪᬯᬵᬓ᭄ᬢᬸᬕ᭄ᬮᬶᬦᬸᬄ᭞

[᭔ 4A]
ᬕᬶᬭᬶᬢᭀᬄᬮᬗ᭄ᬓᬶᬃᬳᬸᬫ᭄ᬬᬃ᭞ᬫᬓᭂᬧ᭄ᬮᬸᬕ᭄ᬗᬫ᭄ᬤᬮᬂᬕ᭄ᬦᬶ᭞ᬤᬤᬶᬫ᭄ᬢᬸ᭞ᬢᬸᬓᬤ᭄ᬳᬫ᭄ᬩᬄᬳᬧᬶᬓᭀᬘᬧ᭄᭟ᬅᬗ᭄ᬕᬭᬵᬓ᭄ᬮᬶᬯᭀᬦ᭄ᬤᬶᬦᬜ᭞ᬚᬸ
ᬮᬸᬗ᭄ᬯᬗᬶᬫᬦ᭄ᬫᭀᬦᬶᬦ᭄᭞ᬰᬰᬶᬄᬓᬭᭀᬭᬄᬧᬶᬂᬲᬧ᭄ᬢ᭞ᬢᭂᬗ᭄ᬕᭂᬓ᭄ᬳᬶᬧᬸᬦᬾᬬᬲᬶᬓᬶ᭞ᬇᬰᬓᬵᬫᬮᬶᬄᬯᬶᬮᬗᬶᬦ᭄᭞ᬲᬢᬸᬲ᭄ᬫᬦᬗ᭄ᬕᬸᬧ᭄ᬮᬓᬸ
ᬢᬸᬲ᭄᭞ᬤᬸᬓ᭄ᬫᬍᬢᬸᬲ᭄ᬓᬧᬶᬂᬢᬶᬕ᭞ᬳᬶᬭᬶᬓᬵᬓᬢᬸᬭᬸᬦᬂᬫᬮᬶᬄ᭞ᬯᬢᭂᬓ᭄ᬤᬾᬯᬵ᭞ᬩ᭄ᬭᬳ᭄ᬫᬡᬫ᭄ᬯᬂᬧᬡ᭄ᬥᬶᬢ᭟ᬪᬝᬵᬭᬧᬜ᭄ᬘᬩᬵᬬᬸ᭞ᬳᭂᬫ᭄ᬧᬸ
ᬫᬳᬵᬫᬾᬭᬸᬫᬮᬶᬄ᭞ᬳᭂᬫ᭄ᬧᬸᬕᬡᬫ᭄ᬧᬸᬓᬸᬢᬸᬭᬦ᭄᭞ᬭᬯᬶᬂᬳᭂᬫ᭄ᬧᬸᬩ᭄ᬭᬤᬄᬰᬓ᭄ᬢᬶ᭞ᬧᬸᬦᬶᬓᬵᬫᬗᬯᬶᬢᬶᬦ᭄᭞ᬭᬶᬂᬩᬮᬶᬤ᭄ᬯᬶᬧᬢᬸᬫᬸᬭᬸᬦ᭄ [ 5 ][ ᭔ 4B]
᭔
᭞ᬗᭂᬫᬗ᭄ᬕᭂᬳᬂᬗ᭄ᬮᬚᭂᬭ᭞ᬫᬦᭂᬤᬸᬗᬶᬦ᭄ᬚᬕᬢ᭄ᬩᬮᬶ᭞ᬲᭂᬫ᭄ᬩᬄᬲᬸᬳᬸᬦ᭄᭞ᬕᬶᬦᬶᬓᭂᬂᬢᭂᬍᬗᬶᬂᬳᬤ᭄ᬜᬡ᭟ᬲᬧᬸᬦᬶᬓᬵᬢᬸᬢᬸᬭᬵ
ᬦ᭄᭞ᬧᬶᬤᬩ᭄ᬤᬩ᭄ᬕᬶᬭᬶᬢᭀᬄᬮᬗ᭄ᬓᬶᬃ᭞ᬦᬗ᭄ᬳᬶᬂᬜᬦ᭄ᬢᬸᬂᬜᬦ᭄ᬢᬸᬂᬧᬶᬲᬦ᭄᭞ᬳᬦ᭄ᬢᬸᬓ᭄ᬫᬗᬶᬓᭂᬢᬂᬕᬸᬭᬶᬢ᭄᭞ᬦᬾᬫᬗ᭄ᬓᬶᬦ᭄ᬭᬭᬶᬲ᭄ᬫᬕᭂᬦ᭄ᬢᬶ᭞ᬓᬲᬶᬦ
ᬗ᭄ᬕᬶᬄᬕᬸᬦᬸᬂᬳᬕᬸᬂ᭞ᬳᬕᬸᬂᬓᬸᬓᬸᬄᬫᬧ᭄ᬭᬪᬯᬵᬤᬤᬶᬧᬜᬸᬗ᭄ᬲᬸᬗᬗᬸᬫᬶ᭞ᬤᬳᬢ᭄ᬓᬲᬸᬩ᭄᭞ᬓᬮᭀᬓᬵᬲᬩᬶᬮᬂᬚᬕᬢ᭄᭟᭐᭟ᬤᬹᬃᬫ᭄ᬫ᭟
ᬤᬹᬃᬫ᭄ᬫᬇᬮᬵᬧᬗᬢᬕᬶᬂᬧᬜ᭄ᬘᬩᬬ᭞ᬧᬲ᭄ᬫᭂᬗᬦ᭄ᬕᬮᬂᬓᬗᬶᬦ᭄᭞ᬓᬦ᭄ᬢᭂᬦ᭄ᬓᬸᬓᬸᬲ᭄ᬗᬤᭂᬕ᭄᭞ᬳᬶᬦᬩᬂᬚᬕᬢᬾᬭᬸᬲᬓ᭄᭞ᬯᬶᬭᬶᬄᬧᬳᬸᬫ

[ ᭕ 5A]
ᬦ᭄ᬫᭀᬦᬶᬦ᭄᭞ᬲᬓᬶᬂᬓᬸᬤᬂᬫᬱᬵ᭞ᬯᬳᬸᬫᬗ᭄ᬓᬶᬦ᭄ᬫᬗ᭄ᬭᬱᬦᬶᬦ᭄᭟ᬓᬢᬳᬸᬭᬕ᭄ᬳ᭄ᬭᬓ᭄ᬳ᭄ᬬᬢᬾᬲᬫᬶᬫᬜᬶᬗᬓ᭄᭞ᬩᬶᬬᬸᬃᬫᬦᬳᬾ
ᬧᬮᬶᬂ᭞ᬢᬦ᭄ᬓᭂᬦᬾᬂᬯᬶᬦᬶᬮᬂ᭞ᬧᬫ᭄ᬭᬾᬦ᭄ᬢᬄᬢᬍᬃᬓᬕ᭄ᬬᬢ᭄‌ᬫᬧᬶᬤᬩ᭄ᬤᬩ᭄ᬫᬫᬶᬦᭂᬳᬶᬦ᭄᭞ᬫᬗ᭄ᬤᬓᬲᬶᬤ᭄ᬥᬦ᭄᭞ᬭᬓ᭄ᬳ᭄ᬬᬢᬾᬫᬫᬗ᭄ᬕᬶᬄ
ᬩ᭄ᬘᬶᬓ᭄᭟ᬲᬗᬵᬯ᭄ᬮᬲ᭄ᬢᬗ᭄ᬕᬮ᭄ᬳᬶᬧᬸᬦᬾᬓᬳᬸᬘᬧ᭄᭞ᬩᬸᬮᬦ᭄ᬜᬦᬾᬧᬾᬩ᭄ᬭᭀᬳᬭᬶ᭞ᬢᬯᬸᬦᬾᬳᬸᬘᬧᬂ᭞ᬲ᭄ᬬᬸᬲᬗᬵᬦᭂᬫ᭄ᬤᬰ᭞ᬢ᭄ᬭᬶᬢᬗ᭄ᬕᬸᬜ
ᬯ᭄ᬬᬓ᭄ᬢᬶ᭞ᬲᬫᬶᬭᬦ᭄ᬢᬩᬦ᭄᭞ᬰ᭄ᬭᬶᬄᬳᭀᬲᭂᬓ᭄ᬫᬫᬶᬦᭂᬳᬶᬦ᭄᭟ᬫᬕ᭄ᬮᬶᬬᬸᬭᬦ᭄ᬘᬶᬗᬓ᭄ᬫᬦᬳᬾᬲᬫ᭄ᬬᬦ᭄᭞ᬘ᭄ᬦᬶᬓ᭄‌ᬓ᭄ᬮᬶᬄᬮᬸᬄᬫ᭄ᬯᬦᬶ᭞ᬫᬭᬾ [ 6 ][ ᭕ 5B]
᭕᭞
ᬭᬵᬤ᭄ᬭᬾᬭᭀᬤᬦ᭄᭞ᬫᬗᬸᬗ᭄ᬲᬶᬓᬤᬾᬰᬤᬾᬰ᭞ᬫᬗ᭄ᬮᬶᬤᬂᬧᬢᬶᬳᬸᬭᬶᬧ᭄᭞ᬯᬶᬭᬾᬄᬓᬶᬦᬸᬘᬧ᭄᭞ᬩᬬᬵᬧᬘᬂᬫᬩ᭄ᬭᬯᬸᬳᬶ
ᬦ᭄᭟ᬫᬗ᭄ᬚᭂᬭᬦ᭄ᬲ᭄ᬯᬭᬦ᭄ᬕᬸᬦᬸᬂᬓᬩᬶᬦᬯ᭟ᬳᬶᬦᬩᬂᬩ᭄ᬤᬶᬮ᭄ᬫᭂᬲᬶᬦ᭄᭞ᬕᬸᬫᬸᬭᬸᬄᬲᬸᬢᬾᬚ᭞ᬳᬸᬚᬦ᭄ᬩᬢᬸᬧᬲᬶᬃᬫᬸᬯᬄ᭞ᬳᬯᭀᬦᬾ
ᬗ᭄ᬩᬶᬓᬶᬦ᭄ᬕᬸᬫᬶ᭞ᬳᬧᬶᬫᬮᬶᬬᬄ᭞ᬗᬯ᭄ᬢᬸᬯᬂᬕᭂᬦ᭄ᬢᬸᬄᬢᬢᬶᬢ᭄᭟ᬧ᭄ᬢᭂᬂᬤᭂᬤᭂᬢ᭄ᬲᬂᬳ᭄ᬬᬂᬫᬹᬃᬬ᭄ᬬᬢᬦ᭄ᬧᬢᬾᬚᬳ᭟ᬓᬮᬶᬧᬸᬢ᭄ᬳᬲᭂᬧ᭄ᬲᬲᬳᬶ᭞
ᬢᬢᬶᬢᬾᬫᬶᬬᬸᬭᬦ᭄᭞ᬫᬗ᭄ᬭᬸᬤᬸᬕ᭄ᬜᬦ᭄ᬤᬶᬦ᭞ᬤᬶᬫᬸᬜ᭄ᬘᬸᬓ᭄ᬕᬸᬦᬸᬗᬾᬗᭂᬦ᭄ᬤᬶᬄ᭞ᬳᬧᬶᬫᬮᬶᬬᬄ᭞ᬮᬳᬭᬾᬲᬫ᭄ᬧᬸᬦ᭄ᬫᬫᬃᬕ᭄ᬕᬶ᭟ᬫᬗ᭄ᬗᭂ
[ ᭖ 6A]
ᬓᬶᬦ᭄ᬤᬸᬦᬸᬂᬧᬦ᭄ᬓᬸᬂᬫᬶᬯᬄᬢᬸᬓᬤ᭄᭞ᬫᬮᬶᬬᬄᬫᬗᭀᬩᬶᬢᬶᬦ᭄᭞ᬤᬾᬰᬤᬾᬰᬫᬫ᭄ᬬᬦ᭄᭞ᬦᬾᬯᬧᭂᬦ᭄ᬭᬶᬂᬩᬜ᭄ᬘᬡ᭞ᬲᬵ
ᬫ᭄ᬧᬸᬦ᭄ᬲᬫᬶᬫᬦᬶᬗ᭄ᬕᬮᬶᬦ᭄᭞ᬗ᭄ᬲᬶᬓᬓᭀᬢ᭄ᬣ᭞ᬫᬗ᭄ᬮᬶᬤᬂᬧᬢᬶᬳᬹᬭᬶᬧ᭄᭟ᬤᬳᬢ᭄ᬲᬶᬩᬸᬓ᭄ᬧᬫ᭄ᬭᬾᬦ᭄ᬢᬄᬫᬶᬤᬩ᭄ᬤᬩ᭄ᬭᬓ᭄ᬳ᭄ᬬᬢ᭄᭞ᬜᬶ
ᬤ᭄ᬬᬬᬂᬲᬗᬸᬲᬳᬶ᭞ᬕ᭄ᬦᬄᬓᬓᬃᬤ᭄ᬪ᭄ᬬᬃᬫᬾᬓᬵᬫᬶᬯᬄᬳᬗ᭄ᬓᬸᬢᬦ᭄᭞ᬧᬮᬂᬫᬾᬭᬳᬾᬦᬾᬧᬶᬦᬹᬚᬶ᭞ᬧᬘᬂᬫᬜᬗ᭄ᬕ᭄ᬭ᭞ᬭᬓ᭄ᬳ᭄ᬬᬭᬓ᭄ᬳ᭄ᬬᬢ᭄ᬦᬾᬓ᭄ᬦᬶᬩ
ᬗ᭄ᬘᬡᬶ᭟ᬓᬸᬤᬂᬤᬶᬦᬲ᭄ᬓᬜ᭄ᬘᬦᬶᬂᬤᬾᬰᬤᬾᬰ᭞ᬗᬸᬗ᭄ᬲᬶᬓᭀᬢ᭄ᬣᬦᬵᬕᬭᬷ᭞ᬕ᭄ᬦᬄᬫᬲᬗᬶᬤᬦ᭄᭞ᬫᭀᬢᭀᬭᬾᬜᬩ᭄ᬭᬦ᭄ᬤᬶᬦ᭞ [ 7 ][ ᭖ 6B]
᭖
ᬫᬗᬚᬗᬶᬦ᭄ᬓᬧᬗᬸᬗ᭄ᬲᬶ᭞ᬮ᭄ᬬᬦ᭄ᬫᬚᬮᬦ᭄᭞ᬜᬸᬚᬸᬕ᭄ᬦᬄᬘᬸᬫᬯᬶᬲ᭄᭟ᬧ᭄ᬢᭂᬂᬍᬫᬄᬧᬦᬶᬢ᭄ᬬᬦᬾᬗᬢᬹᬃᬭᬓ᭄ᬳ᭄ᬬᬢ᭄᭞ᬭ
ᬓ᭄ᬳ᭄ᬬᬢᬾᬳᬓᬾᬄᬧᬮᬶᬂ᭞ᬚᭂᬚᭂᬄᬢᬦ᭄ᬧᬳᬢ᭄ᬫ᭞ᬲᬫ᭄ᬩᬶᬮ᭄ᬜᬶᬗᬮ᭄ᬧᬦᬓ᭄ᬩᬭᬓ᭄᭞ᬳᬤᬩ᭄ᬯᬶᬦ᭄‌ᬍᬓᬤ᭄ᬤᬶᬫᬃᬕ᭄ᬕᬶ᭞ᬗᭂᬮᬶᬤᬶᬦ᭄ᬩ
ᬬ᭞ᬦᬶᬗ᭄ᬕᬮ᭄ᬤᬾᬰᬵᬩᬜ᭄ᬘᬡᬶ᭟ᬩ᭄ᬯᬶᬦ᭄ᬳᬤᬗᬦ᭄ᬤᭀᬂᬜᬸᬳᬸᬦ᭄ᬫᬶᬯᬄᬦ᭄ᬕᭂᬦ᭄᭞ᬳᬦᬓ᭄ᬢᬸᬯᬲᬸᬩᬵᬕᬶᬮ᭄ᬕᬶᬮ᭄᭞ᬢᭀᬂᬫᬫ᭄ᬧᬸᬄᬫᬚᬮᬦ᭄
᭞ᬲᬫ᭄ᬩᬶᬮ᭄ᬫᬦᬦ᭄ᬤᬦ᭄ᬧᬦᬓ᭄᭞ᬧᬦᬓᬾᬜᬩ᭄ᬭᬦ᭄ᬫᬗ᭄ᬮᬶᬂ᭞ᬲ᭄ᬤᬸᬓ᭄ᬓᬮᬶᬦ᭄ᬢᬂ᭞ᬩ᭄ᬥᬓ᭄ᬢᭀᬂᬤᬤᬶᬳᬫ᭄ᬧᭂᬢᬶᬦ᭄᭟ᬤᬤᬶᬓᬗᭂᬦ᭄‌ᬬᬾᬄᬫᬢᬦᬾ
[ 7A]
ᬧᬢᬫ᭄ᬩ᭄ᬯᬲ᭄᭞ᬢᭀᬂᬲᬤ᭄ᬥᬩᬦ᭄ᬗᬫ᭄ᬧᭂᬢᬶᬦ᭄᭞ᬗᭂᬦᭀᬢᬶᬦ᭄ᬫᬲᬲᬄ᭞ᬤᬶᬲᬶᬲᬶᬲᬶᬲᬶᬫᬃᬕ᭄ᬕ᭞ᬧᬚᭀᬦ᭄ᬢᭀᬮ᭄ᬲᬮᬶᬂᬩ᭄ᬗᭀ
ᬗᬶᬦ᭄᭞ᬗᬶᬗᭂᬢᬂᬳᬯᬓ᭄᭞ᬧᬦᬓ᭄ᬲᭀᬫᬳᬾᬲ᭄ᬥᬶᬄ᭟ᬫᬫᬸᬮᬶᬲᬄᬤᬶᬫᬃᬕ᭄ᬕᬦᬾᬢᬦ᭄ᬧᬬᬸᬩᬦ᭄᭞ᬳᬤᬩ᭄ᬯᬶᬦ᭄ᬗᬦ᭄ᬤᭀᬂᬓ
ᬫ᭄ᬩᬶᬂ᭞ᬦᬦ᭄ᬤᬦ᭄ᬯᬯᬮᬸᬗᬦ᭄᭞ᬘᬾᬮᬾᬂᬩᬗ᭄ᬓᬸᬂᬲᬫ᭄ᬧᬶᬚᬭᬦ᭄᭞᭠ᬧ᭄ᬭᬩᭀᬢ᭄ᬧᬯᭀᬦᬾᬫᬓᬤᬶ᭞ᬤᬤ᭄ᬬᬜᬕᬾᬯᬭ᭄᭞ᬲᬶᬲᬸᬲᬮᬶᬂᬢᭀ
ᬮᬶᬳᬶᬦ᭄᭟ᬫᬩ᭄ᬬᬬᬸᬯᬦ᭄ᬗᬶᬦ᭄ᬢᬶᬢ᭄ᬢᭀᬂᬓᬃᬯ᭄ᬯᬦ᭄ᬕᬯᬾᬜ᭞ᬫᬚᬮᬦ᭄ᬧᬢᬶᬲᬶᬮᬶ᭞ᬳᬤᬗ᭄ᬘᬕᬂᬧᬦᬓ᭄᭞ᬩᬮᬶᬓᬶᬦ᭄‌ᬩ᭄ᬯᬶ᭠ [ 8 ][ ᭗ 7B]
᭗
ᬦ᭄ᬓᬚ᭄ᬫᬓ᭄᭞ᬧᬦᬓᬾᬲᬶᬕ᭄ᬲᬶᬕᬦ᭄ᬗᭂᬮᬶᬂ᭞ᬩᬶᬗᬸᬂᬫᬓ᭄ᬦᭂᬄ᭞ᬗ᭄ᬮᬶᬤᬶᬦ᭄ᬩᬜ᭄ᬘᬡᬧ᭄ᬭᬧ᭄ᬢᬶ᭟ᬲᬧᬸᬦᬶᬓᬵᬩᬜ᭄ᬘᬡᬦᬾᬦᬶᬩᬾ
ᬦ᭄ᬚᬕᬢ᭄᭞ᬭᬶᬂᬤᬾᬰᬵᬤᬾᬰᬵᬲᬫᬶ᭞ᬫᬗ᭄ᬓᬶᬦ᭄ᬘᬭᬶᬢᬬᬂ᭞ᬓᭀᬢᬺᬦᬾᬢᬍᬃᬓᬳᬦᬦ᭄᭞ᬩᬬᬵᬕᭂᬦ᭄ᬢᬸᬭᬾᬫᬓᬃ
ᬤ᭄ᬥᬶ᭞ᬫ᭄ᬕᬢ᭄ᬚᬫ᭄ᬩᬢᬦ᭄᭞ᬚᬗᬵᬓᬺᬓᬸᬓ᭄ᬡᬸᬳᬸᬚᬱᬶ᭟ᬫᭂᬗᬗᭀᬩᬶᬦ᭄ᬧ᭄ᬭᬯᬸᬳᬦ᭄ᬕᭂᬦ᭄ᬢᬸᬄᬓᬮᬶᬦ᭄ᬢᬂ᭞ᬧᬸᬜᬦ᭄ᬓᬬᬸᬩᬮ᭄ᬩᬮ᭄ᬲᬫᬶ᭞ᬩ
ᬢᬸᬦᬾᬬᬸᬢᬬᬦ᭄᭞ᬓᬤᬶᬧᬮᬸᬤ᭄ᬧᬃᬡ᭄ᬦ᭞ᬫᬗ᭄ᬩᭂᬓᬶᬦ᭄ᬢᭂᬕᬮ᭄ᬘᬭᬶᬓ᭄᭞ᬳᬧᬦᭂᬍᬗᬦ᭄᭞ᬇᬯᬾᬋᬲ᭄ᬲᬂᬜᬶᬗᬓᬶᬦ᭄᭟ᬤᬤᬶᬩᬶ

[ ᭘ 8A]
ᬬᬸᬃᬳᬶᬤᭂᬧ᭄ᬳᬦᬓᬾᬲᬫ᭄ᬬᬦ᭄᭞ᬲᬚᬚᬕᬢ᭄ᬳᬫ᭄ᬮᬵᬦᬵᬕᬭᬶ᭞ᬲᬫᬶᬗᬸᬗ᭄ᬲᬶᬤᬾᬰ᭞ᬫᬗ᭄ᬕᬶᬲ᭄‌ᬓ᭄ᬮᬶᬗ᭄ᬓᬸᬂᬕ᭄ᬬᬜᬃ᭞ᬩᬥᬸᬂᬢᬩ
ᬦᬦ᭄ᬫᬗᬸᬯᬶ᭞ᬩᬸᬮᬾᬮᬾᬂᬫᬶᬯᬄ᭞ᬚᬫ᭄ᬩᬵᬭᬡᬓᬳᬸᬗ᭄ᬲᬶ᭟ᬲᬲᬓ᭄ᬚᬯᬵᬲᬫ᭄ᬧᬸᬦ᭄ᬲᬫᬶᬓᬭᬯᬸᬳᬦ᭄᭞ᬳᬓᬾᬄᬲᬫᬶᬫᬗᬸ
ᬮᬢᬶ᭞ᬕ᭄ᬦᬄᬫᬲᬗᬶᬤᬦ᭄᭞ᬤᬤ᭄ᬬᬜᬓᬂᬧᬫ᭄ᬭᬾᬦ᭄ᬢᬄ᭞ᬲᬶᬩᬸᬓ᭄ᬗᬢᬹᬃᬓᬂᬧᬗᬸᬗ᭄ᬲᬶ᭞ᬜᭂᬤ᭄ᬬᬬᬂᬕ᭄ᬦᬄ᭞ᬲᬗᬸᬦᬾᬧᬘᬂᬓᬪᬹᬓ᭄ᬢᬶ᭟
ᬓᬧᬶᬂᬗᬋᬧ᭄‌ᬳᭀᬧᬶᬲᬶᬚᬓ᭄ᬲᬩᬸᬢᭂᬃᬧ᭄ᬭ᭞ᬧᬫ᭄ᬭᬾᬦ᭄ᬢᬄᬲᬶᬧᬶᬮ᭄ᬫᬓᬤᬶ᭞ᬲᬶᬩᬸᬓ᭄ᬢᬦ᭄ᬭᬃᬬ᭄ᬬᬦᬦ᭄᭞ᬗᬢᬹᬃᬗᬮᬶᬄᬗᬺᬜ᭄ᬘᬡ᭞ᬢᬦ᭄ᬗᬶᬢᬸᬂ [ 9 ][ ᭘ 8B]
᭘
ᬭᬳᬶᬦᬯ᭄ᬗᬶ᭞ᬦᬩ᭄ᬤᬩ᭄ᬫᬜᬶᬗᬓ᭄᭞ᬧᬗᬸᬗ᭄ᬲᬶᬩᬜ᭄ᬘᬡᬧ᭄ᬭᬧ᭄ᬢᬶ᭟ᬫᬤᬸᬮᬸᬭᬦ᭄ᬧ᭄ᬚ?ᬳᬕᬬᬦ᭄ᬮᬦ᭄ᬧᬦᬶᬢ᭄ᬬ᭞ᬧᬸᬦᬶᬓᬓᬃᬤ᭄ᬥᬶᬦᬶ᭠
ᬦ᭄᭞ᬤᬧᬹᬃᬳᬸᬫᬸᬫ᭄ᬫᬶᬯᬄ᭞ᬕ᭄ᬦᬄᬚᬫᬶᬦᬦᬦᬾᬲᬫ᭄ᬬᬦ᭄᭞ᬦᬾᬧᬘᬂᬓᬢᬶᬩᬵᬲᬫᬶ᭞ᬭᬶᬂᬲᬂᬓᬩᬜ᭄ᬘᬡ᭞ᬦᬾᬭᬯᬸᬄᬗ᭄ᬮᬶᬤᬂᬉᬭᬶ
ᬧ᭄᭟ᬢᬦ᭄ᬭᬃᬬ᭄ᬬᬦᬦ᭄ᬯᭂᬗᬶᬭᬳᬶᬦᬫᬕᬤᬂ᭞ᬩᬸᬢᭂᬃᬧ᭄ᬭᬚᬓ᭄ᬱᬳᬾᬮᬶᬲᬶ᭞ᬫᬕᬶᬮᬶᬄᬫᬜᬩ᭄ᬭᬦ᭄᭞ᬲᬕᬾᬢ᭄ᬳᬩ᭄ᬭᬶᬬᬸᬓᬦ᭄ᬫᬫᬃᬕ᭄ᬕ᭞ᬜᬶ
ᬗᬓ᭄ᬭᬯᬸᬄᬦᬸᬭᬶᬧᬓ᭄ᬱᬳᬶᬦ᭄᭞ᬫᬓᬫᬗ᭄ᬕᬮ᭞ᬜᭂᬕ᭄ᬚᭂᬕᬂᬧ᭄ᬭᬾᬦ᭄ᬢᬄᬲᬳᬶ᭟᭐᭟ᬧᬗ᭄ᬓᬸᬃ᭟ᬫᬕ᭄ᬮᬶᬬᬸᬭᬦ᭄ᬳᬶᬓᬂᬦᬕᬭᬵ᭞ᬧ᭄ᬢᭂᬂᬍᬫᬄᬳᬦ

[ ᭙ 9A]
ᬓᬾᬫ᭄ᬭᬾᬭᭀᬤ᭄ᬲᬳᬶ᭞ᬓᬤᬾᬰᬤᬾᬰᬫᬦᬸᬚᬸ᭞ᬩ᭄ᬭᬬᬫᬸᬯᬄᬧᬜᬫᬬᬦ᭄᭞ᬜᬶᬗᬮ᭄ᬧᬦᬓ᭄᭞ᬩᬭᬂᬯᬯᬮᬸᬗᬦ᭄ᬳᬶᬧᬸᬦ᭄᭞ᬢ
ᬍᬃᬲᬋᬂᬓᬳᬸᬗ᭄ᬲ᭄ᬬᬂ᭞ᬩᬜ᭄ᬘᬡᬦᬾᬓᬓ᭄ᬮᬶᬤᬶᬦ᭄᭟ᬕᭂᬦ᭄ᬢᬸᬳᬾᬫᬜᬩ᭄ᬭᬦ᭄ᬤᬶᬦ᭄᭞ᬫᬗ᭄ᬭᬸᬲᬓᬂᬘᬭᬶᬓ᭄ᬳᬩ᭄ᬬᬦ᭄ᬓᭂᬫᬃᬕ᭄ᬕᬶᬦᬶᬦ᭄᭞ᬫᬓᬫᬶᬯᬄᬳᬸᬫᬄ
ᬓᬸᬩᬸ᭞ᬚᬫ᭄ᬩᬢᬦ᭄ᬳᬓᬸᬤᬂᬭᬸᬲᬓ᭄᭞ᬋᬢ᭄ᬢᬲ᭄ᬢᬲ᭄‌ᬢᬦ᭄ᬧᬩ᭄ᬓᬲᭂᬮᬲ᭄ᬳᬚᬸᬃ᭞ᬫᬓᬃᬤ᭄ᬥ᭄ᬬᬂᬓᬓ᭄ᬓᭀᬩᭂᬢᬦ᭄᭞ᬦᬾᬗ᭄ᬭᬡᬬᬂᬲᬫᬸᬦ᭄ᬕᬸᬫᬶ᭟ᬕᭂᬦ᭄ᬢᬸᬄ᭠
ᬜᬜᬤ᭄ᬫᬲᬋᬗᬦ᭄᭞ᬮᬶᬫᬸᬢ᭄ᬳᬲᭂᬧ᭄‌ᬲ᭄ᬯᬭᬦ᭄ᬕᭂᬦ᭄ᬢᬸᬄᬫᬗᬗᭀᬩᬶᬦ᭄᭞ᬳᬗ᭄ᬲᭂᬗᬦ᭄ᬓᬮᬶᬯᬢ᭄ᬓᭂᬩᬸᬲ᭄᭞ᬳᬲᬶᬂᬓᬩᬩᬃᬫ᭄ᬮᬬᬃ᭞ᬬᬦ᭄ᬳᬶᬦ [ 10 ][ ᭙ 9B]
᭙
ᬩᬂᬲᬫᬶᬢᬦ᭄ᬧᬳᬢ᭄ᬭᬵᬩᬵᬬᬸ᭞ᬧ᭄ᬢᭂᬂᬤᭂᬤᭂᬢ᭄ᬗᬯᬾᬭᬸᬦ᭄ᬤᬄ᭞ᬭᬓ᭄ᬳ᭄ᬬᬢᬾᬫᬓ᭄ᬚᬂᬧᬮᬶᬂ᭟ᬧᬮᬶᬂᬧᬶᬲᬦ᭄ᬫᬗᭂᬦᭂᬳᬂ᭞ᬧᬚᬮᬦ᭄ᬜᬕᭂᬦ᭄ᬢᬸ
ᬳᬾᬢᬦ᭄ᬲᬶᬦᬶᬧᬶ᭞ᬦᬾᬗ᭄ᬭᬦᬡᬬᬂᬓ᭄ᬦᭂᬄᬩᬶᬗᬸᬂ᭞ᬓᬮᬶᬄᬕᬯᭀᬓ᭄ᬫᬗᬦ᭄ᬢᭂᬦᬂ᭞ᬤᬸᬭᬸᬂᬧᬶᬲᬦ᭄‌ᬫᬫᬂᬕᬸᬄᬓᬤᬶᬧᬸᬦᬶᬓᬸ᭞ᬦᬾᬦᬾᬢ᭄ᬕᬶᬄ
ᬓᬢᬺᬩᬓ᭄᭞ᬮᬾᬓᬓ᭄ᬮᬾᬓᭀᬓ᭄ᬓᬂᬧᬫᬃᬕ᭄ᬕᬶ᭟ᬬᬦ᭄ᬧᬃᬡ᭄ᬦᬵᬳᬶᬦᬩ᭄ᬫᬫᬢ᭞ᬬᬵᬫᬩᬢᬶᬲ᭄᭞ᬫᬓᭀᬧᬶᬂᬫᬦᬶᬗᭂᬄᬫᬸᬜᬶ᭞ᬳᬧᬦ᭄ᬢᬦ᭄ᬧ᭄ᬭ
ᬳᬶᬂᬳᬸᬦ᭄ᬤᬸᬓ᭄᭞ᬲᬓᬜ᭄ᬘᬦ᭄ᬤᬾᬰᬦᬾᬲᬳᬄ᭞ᬘ᭄ᬓᬧ᭄ᬗ᭄ᬭᬕᬄᬢᬸᬄᬳᭂᬦ᭄ᬢᭀᬦᬾᬓᬢᬸᬚᬸ᭞ᬓᬭᬸᬭᬸᬄᬳᬦ᭄ᬢᬸᬓ᭄‌ᬩ᭄ᬮᬩᬃ᭞ᬓᬳᬶᬭᬶᬤ᭄ᬳ

[ ᭑᭐ 10A]
ᬤᬲᬃᬧᬲᬶᬄ᭟ᬦᬾᬳᬜᬸᬤ᭄ᬢᬦ᭄ᬓᭂᬦᬾᬂᬯᬶᬦᬶᬮᬂ᭞ᬲᬳᬂᬳ᭄ᬜᬸᬄᬳᬶᬲᬶᬦ᭄ᬳᬸᬫᬄᬫᬶᬦᬓᬤᬶ᭞ᬩᬦ᭄ᬢᬂᬯᬯᬮᬸᬗᬦ᭄ᬳᬶᬧᬸᬦ᭄᭞ᬲᬫᬶᬢᬦ᭄ᬧᬸ
ᬭᬸᬦ᭄ᬫᬜ᭄ᬚᬓ᭄᭞ᬧᬪᬹᬓ᭄ᬢᬶᬬᬦ᭄‌ᬦᬾᬲᬫ᭄ᬧᬸᬦ᭄ᬫᬫᬸᬭᬸᬕ᭄᭞ᬓᬭᬸᬭᬸᬄᬳᬦ᭄ᬢᬸᬓ᭄ᬩᬜ᭄ᬘᬡ᭞ᬲᬗ᭄ᬲᬭᬦᬾᬓᬧᬸᬧᭀᬦᬶᬦ᭄᭟ᬳᭂ
ᬦ᭄ᬢᭀᬓ᭄ᬭᬡᬜᬭᬦ᭄ᬢᬗᬦ᭄᭞ᬲᬓᬜ᭄ᬘ᭄ᬘᬦᬶᬂᬤᬾᬰᬤᬾᬰᬲᬫᬶ᭞ᬗᬢᬸᬭᬂᬧᬓᬼᬫ᭄ᬲᬫ᭄ᬧᬸᬦ᭄᭞ᬲᬸᬘ᭄ᬘᬶᬲᬼᬫ᭄ᬲᬃᬯ᭄ᬯᬫᭂᬦ᭄ᬢᬄ᭞ᬧᬗᬫ᭄ᬧᬸᬵᬃᬭᬶᬂ
ᬪᬝᬵᬭᬕᬸᬦᬸᬂ᭞ᬫᬗ᭄ᬤᬲᬶᬤᬓᬲ᭄ᬯᬾᬘ᭄ᬘᬦ᭄᭞ᬭᬓ᭄ᬳ᭄ᬬᬢᬾᬭᬶᬂᬚᬕᬢ᭄ᬩᬮᬶ᭟ᬲᬓᬜ᭄ᬘᬦᬶᬂᬧᬸᬭᬧᬸᬭ᭞ᬧᬭᬤᬾᬰᬵᬫᬳᬬᬸ [ 11 ][ ᭑᭐ 10B]
᭑᭐
ᬳᬬᬸᬲᬫᬶ᭞ᬯ᭄ᬗᬶᬭᬳᬶᬦᬓᬯᬸᬯᬸᬲ᭄᭞ᬫᬗᬢᬸᬭᬂᬘᬦᬂᬲ᭄ᬓᬃ᭞ᬫᬧᬶᬦᬸᬦᬲ᭄ᬭᬶᬂᬪᬢᬭᬳ᭄ᬬᬂᬧ᭄ᬭᬫᬵᬢᬸᬥᬸᬄ᭞ᬫᬤᬸᬮᬸᬭᬦ᭄ᬢᭂᬢᬗ᭄ᬕᬸᬭᬵ
ᬦ᭄᭞ᬗ᭄ᬕᬸᬭᬶᬢ᭄ᬢᭂᬫ᭄ᬩᬂᬯᬃᬕ᭄ᬕᬵᬲᬭᬷ᭟ᬧᬗᬢᭂᬃᬗ᭄ᬮᬸᬗ᭄ᬲᬸᬃᬭᬶᬂᬳ᭄ᬬᬂ᭟ᬫᬗ᭄ᬤᬲᬶᬤᬚᬕᬢᬾᬫᬫᬗ᭄ᬕᬶᬄᬩ᭄ᬘᬶᬓ᭄᭞ᬓ᭄ᬘᬧᬶᬂᬕᬫᬵᬳᬓᬳᬦᬸᬢ᭄᭞ᬫᬤᬸᬮᬸᬭᬦ᭄ᬩᬦ᭄ᬮ
ᬓ᭄ᬱᬡ᭞ᬫᬗ᭄ᬤᬵᬲᬶᬤ᭄ᬥᬵᬚᬕᬢᬾᬫᬗ᭄ᬕᬶᬄᬭᬳᬬᬸᬲᬋᬂᬲᬫ᭄ᬬᬦ᭄᭞ᬧᬸᬦᬶᬓᬦᬾᬓᬲᬸᬗ᭄ᬓᭂᬫᬶᬦ᭄᭟ᬓᬸᬤᬂᬭᬳᬶᬦᬲᬫ᭄ᬧᬸᬦ᭄ᬮᬶᬦ᭄ᬢᬂ
᭞ᬩᬜ᭄ᬘᬡᬦᬾᬢᬍᬃᬓᬭᬶᬫᬫᬃᬕ᭄ᬕᬶ᭞ᬕᬸᬦᬸᬗᬾᬜᬩ᭄ᬭᬦ᭄ᬓᬮᬶᬧᬸᬢ᭄ᬫᬸᬭᬸᬩ᭄ᬳᬲᭂᬧᬾᬢᬦ᭄ᬧ᭄ᬕᬢ᭄᭞ᬬᬦ᭄ᬳᬶᬦᬩᬂᬳᬶᬦᬩ᭄ᬓᬤᬶᬩᬗᭂᬢ᭄ᬲᬸ
[ 11A]
ᬗ᭄ᬲᬸᬢ᭄᭞ᬯᬃᬡᬦᬾᬩᬗᭂᬢ᭄ᬤᬸᬫᬶᬮᬄ᭞ᬭᬔ᭄ᬬᬢᬾᬲᬫᬶᬳᬚ᭄ᬭᬶᬄ᭟ᬚ᭄ᬭᬶᬄᬲᬫᬶᬫᬗᬦ᭄ᬢᭂᬦᬂ᭞ᬓᬲᬸᬗ᭄ᬲᬸᬢᬦ᭄‌ᬕᬸᬦᬸᬗᬾᬢᬦ᭄ᬓᬦ᭄ᬢᭂ
ᬦ᭄ᬫᬶᬚᬶᬮ᭄᭞ᬗᬯ᭄ᬢᬸᬯᬂᬩᬬᬵᬓᬾᬳ᭄ᬕᬸᬄ᭞ᬭᬔ᭄ᬬᬢᬾᬧᬩᭂᬍᬲᬢ᭄᭞ᬩᬸᬩᬃᬩᬸᬬᬃᬦᬶᬗ᭄ᬕᬮ᭄ᬤᬾᬰᬲᬫᬶᬭᬭᬸᬤ᭄᭞ᬳᬚ᭄ᬭᬶᬄᬭᬶᬂᬩ
ᬬᬦ᭄ᬢᬓᬵ᭞ᬢ᭄ᬭᬶᬚᬓ᭄ᬢᬶᬳᬶᬦᬩ᭄ᬫ᭄ᬫᬫᬸᬃᬢ᭄ᬢ᭟ᬩ᭄ᬭᬳ᭄ᬫᬵᬯᬶᬱ᭄ᬡᬸᬇᬰ᭄ᬯᬭ᭞ᬲᬫ᭄ᬧᬸᬦ᭄ᬦᬸᬗ᭄ᬕᬮ᭄᭞ᬫ᭄ᬭᬕᬭᬸᬤ᭄ᬭᬗᭀᬩᭂᬢᬶᬦ᭄᭞ᬗ᭄ᬭᬸᬲᬓᬂᬚᬕ
ᬢᬾᬕᭂᬫ᭄ᬧᬸᬂ᭞ᬢᬦ᭄ᬳᬦᬧᬸᬭᬸᬦ᭄ᬫᬢᬗ᭄ᬕᬮ᭄᭞ᬥᬃᬫ᭄ᬫᬳᬶᬮᬂᬫᭀᬫᭀᬫᬸᬃᬓ᭄ᬓᬫᬗ᭄ᬮᬶᬧᬸᬢ᭄᭞ᬫᬡ᭄ᬥᬶᬢᬳᬓᬾᬄᬫᬢᬶᬗ᭄ᬕᬮ᭄᭞ᬗᬸᬗ᭄ᬲᬶᬗ᭄ᬮᬶᬤᬶ [ 12 ][᭑᭑ 11B]
᭑᭑
ᬦ᭄ᬩᬜ᭄ᬘᬡᬶ᭟ᬲᬲᬦᬗᬸᬫᬶᬦᬾᬭᬸᬲᬓ᭄᭞ᬢᬦ᭄ᬧᬢᭂᬗ᭄ᬕᭃᬓ᭄‌ᬳᬸᬕᭂᬃᬳᬸᬕᭂᬃᬢᬦ᭄ᬧᬳᬶᬦ᭄ᬤᬶᬓ᭄᭞ᬦᬾᬧᬘᬂᬗᬫᭀᬂᬫᬮᬬᬸ
᭞ᬢᬶᬦ᭄ᬤᬓ᭄ᬚᬕᬢᬾᬭᬸᬲᬓ᭄᭞ᬫᬕ᭄ᬮᬶᬬᬸᬭᬦ᭄‌ᬢᬦ᭄ᬗᬶᬢᬸᬂᬓᬓᭀᬩᭂᬢᬦ᭄ᬳᬶᬓᬸ᭞ᬳᬲᬮ᭄ᬫᬫᭀᬮᬶᬳᬂᬫᬺᬢ᭄ᬢ᭞ᬫᬢᬶᬳᬶᬩᬳᬶᬤᬸᬧ᭄ᬓ
ᬳᬶ᭟ᬤᬤ᭄ᬬᬜᬫᬳᬤᬸᬓᬦ᭄᭞ᬳᬶᬓᬗ᭄ᬭᬢ᭄‌ᬢ᭄ᬯᬭᬳᬤᬫᬗᭂᬫᬦ᭄᭞ᬗᬶᬗᭂᬢᬂᬲᬢᬸᬢᬸᬓ᭄᭞ᬗᬸᬮᬄᬍᬕᬵᬧᬤᬶᬤ᭄ᬬ
ᬦ᭄᭞ᬫᬢ᭄ᬫᬳᬦ᭄‌ᬧᬜᭂᬮ᭄ᬲᭂᬮ᭄ᬳᬢᬦ᭄ᬓᬳᬶᬢᬸᬂ᭞ᬲᬫᬶᬳᬫ᭄ᬭᬶᬄᬫ᭄ᬭᬶᬄᬭᬵᬕ᭞ᬫᬓᬵᬲᬶᬦᭀᬫᬦᬾᬗ᭄ᬭᬶᬫᬶᬓ᭄᭟᭐᭟ᬲᬶᬦᭀᬫ᭄᭟
[ 12A]
ᬩᬘᬓᬦ᭄ᬳᬾᬕᬵᬩᬳᬬ᭞ᬩ᭄ᬘᬶᬓ᭄ᬳᬸᬗ᭄ᬕᬳᬂᬭᬶᬂᬕᬸᬭᬶᬢ᭄᭞ᬕᬶᬮᬶᬳᬂᬲᬲᭀᬯᬂᬲᭀᬯᬂ᭞ᬲᬦᬾᬓᬮᬾᬃᬓᬫᬃᬕ᭄ᬕᬶᬦᬶᬦ᭄᭞ᬳᬦ᭄ᬢᬸᬓ᭄ᬮᬳᬃ
ᬓᬤᬶᬖ᭄ᬦᬶ᭞ᬳᬗ᭄ᬲᭂᬗᬦᬾᬤᬳᬢ᭄ᬫᬸᬭᬸᬩ᭄᭞ᬭᬦ᭄ᬲᬶᬤ᭄ᬥᬳᬦ᭄ᬢᬸᬓ᭄ᬫᬦᬸᬮᬓ᭄᭞ᬳᬦ᭄ᬢᬸᬓ᭄ᬫᬵᬦᬸᬱᬦᬾᬲᬫᬶ᭞ᬤᬳᬢ᭄ᬓᬾᬯᭂᬄ᭞ᬧᬫ᭄ᬭᬾ
ᬦ᭄ᬢᬄᬫᬗ᭄ᬓᬶᬦ᭄‌ᬫ᭄ᬭᬾᬦ᭄ᬢᬳᬂ᭟ᬲᬤᬰᬤᬾᬰᬩᬳᬬ᭞ᬫᬗ᭄ᬤᬤᬶᬕ᭄ᬮᬶᬲ᭄ᬫᬕᬶᬗ᭄ᬲᬶᬃ᭞ᬩᬲᬓᬶᬄᬳᬜ᭄ᬘᬸᬢ᭄‌ᬬᬾᬄᬳᬳᬧᬥᬂᬳ
ᬚᬶᬕ᭄ᬭᬡᬧᬦ᭄ᬢᬶ᭞ᬢ᭄ᬮᬸᬂᬩ᭄ᬯᬦᬩᬤᬾᬕ᭄‌ᬲ᭄ᬩᬸᬤ᭄ᬥᬶ᭞ᬍᬩᬶᬄᬬᬾᬄᬓᭀᬭᬶᬢ᭄ᬫᬸᬓᬸᬲ᭄᭞ᬧ᭄ᬲᬕᬶᬲᬗ᭄ᬓᬦ᭄‌ᬓ᭄ᬯᬱ᭞ᬲ᭄ᬮᬢ᭄ᬳᬸᬦ᭄ᬢᬮᬦ᭄‌ᬲᬼᬥᬸᬫᬶ᭞ [ 13 ][᭑᭒ 12B]
᭑᭒
ᬧᬶᬤ᭄ᬧᬶᬤ᭄ᬓᭂᬮᭀᬤ᭄᭞ᬳᬦᬳᬭᭀᬦ᭄ᬳᬸᬫᬳᬜᬃ᭟ᬩᬸᬢᬸᬲ᭄ᬦᬗ᭄ᬓᬵᬮᬦ᭄ᬓᭂᬬᬫ᭄ᬧᬮ᭄᭞ᬩᭂᬩᬦᬡ᭄ᬥᭂᬫ᭄ᬮᬦ᭄ᬩᬸᬤ᭄ᬥᬓ᭄ᬮᬶᬂ᭞ᬲᬶᬩ᭄ᬢᬦ᭄ᬫᬘᬶᬂᬚᬸ
ᬗᬸᬢᬦ᭄᭞ᬢᬶᬳᬶᬗᬦ᭄ᬧᬓᬾᬮ᭄ᬢᭀᬄᬧᬢᬶ᭞ᬓᭀᬫ᭄ᬩᬮᬵᬲᬭᬾᬦ᭄ᬤᬸᬗ᭄ᬲ᭄ᬭᬶ᭞ᬓᬲ᭄ᬢᬮᬩᬸᬗᬳ᭄ᬬᬵᬧᬧᬸᬂ᭞ᬳᬲᬓ᭄ᬩᬸᬕ᭄ᬩᬸᬕ᭄ᬚᬱᬶᬢᬶᬫ᭄ᬩ᭄ᬭᬄ
᭞ᬓ᭄ᬘᬶᬘᬂᬲᬸᬩᬕᬦ᭄ᬧ᭄ᬭᬲᬶ᭞ᬩᬩᬶᬩ᭄ᬮᬢᬸᬂ᭞ᬤᬾᬰᬢ᭄ᬭᭀᬢᭀᬓ᭄ᬧᬥᬂᬓᬺᬢ᭄ᬢ᭟ᬤᬢᬄᬫᬸᬦ᭄ᬢᬶᬕ᭄ᬩᬢᬸᬤᬯ᭞ᬩ᭄ᬮᬸᬤᬸᬓᬸᬄᬚᬸᬦ᭄ᬢᬵ
ᬮ᭄ᬲᬫᬶ᭞ᬓᬮᬂᬳᬜᬃᬓᬸᬩᬸᬩᬦ᭄ᬢᬲ᭄᭞ᬢᬶᬕᬭᭀᬦ᭄ᬮᬦ᭄ᬓᬭᬂᬲᬭᬶ᭞ᬓᬬᬸᬳᬬᬵᬩᬜ᭄ᬚᬃᬩᬸᬓᬶᬢ᭄᭞ᬩᬢᬸᬭᬶᬗ᭄ᬕᬶᬢ᭄ᬩᬜ᭄ᬚᬃ
[᭑᭓ 13A]
ᬍᬩᬸᬄ᭞ᬲ᭄ᬕᭂᬕᬥᬶᬂᬩᭀᬜᭀᬄᬧ᭄ᬭᬲᬦ᭄᭞ᬘᬸᬢ᭄ᬘᬸᬢ᭄ᬫᬓᬸᬂᬧᬸᬘᬂᬫᬮᬶᬄ᭞ᬚᬢᬶᬢᬸᬳᬸ᭞ᬧ᭄ᬮᬸᬕᭀᬦ᭄ᬩᭂᬮᭀᬂᬗᬮᬸᬲᬦ᭄᭟
ᬫᬗ᭄ᬓᬶᬦ᭄ᬭᬭᬶᬲ᭄ᬓᬘᬭᬶᬢᬬᬂ᭞ᬕᭂᬦ᭄ᬢᬸᬳᬾᬭᬶᬂᬢᬸᬓᬤ᭄ᬲᬫᬶ᭞ᬲᬦᬾᬲ᭄ᬭᬶᬂᬓ᭄ᬭᬯᬸᬳᬦ᭄᭞ᬦᬾᬜᬩ᭄ᬭᬦ᭄ᬫᬗᬃᬤᬶᬦᬶᬦ᭄᭞ᬧᬜ᭄ᬘᬩᬬ
ᬫᬶᬓᭀᬩᭂᬢᬶᬦ᭄᭞ᬢᬸᬓᬥᬸᬦ᭄ᬤᬦᬾᬓᬯᬸᬯᬸᬲ᭄᭞ᬢᬸᬓᬤ᭄ᬮᬗᭀᬦ᭄ᬢᬸᬓᬤ᭄ᬩᬭᬓ᭄᭞ᬢ᭄ᬮᬕᬵᬯᬚᬵᬬᬾᬳ᭄ᬲᬄᬤᬩᬶᬦ᭄᭞ᬢᬸ
ᬓᬤ᭄ᬓᬺᬓᬸᬓ᭄᭞ᬢᬸᬓᬤ᭄ᬩᬗ᭄ᬓᬵᬩ᭄ᬮᬢᬸᬂᬤᬬ᭟ᬢᬸᬓᬤ᭄ᬩᬸᬳᬸᬫᬶᬯᬄᬚᬗ᭞ᬳᭂᬫ᭄ᬩᬄᬖ᭄ᬦᬶᬦᬾᬫᬓᬵᬤᬶ᭞ᬜᬩ᭄ᬭᬦ᭄ᬜᬩ᭄ᬭᬦ᭄ᬓᬭᬯᬸ [ 14 ][ ᭑᭓ 13B]
᭑᭓
ᬳᬦ᭄᭞ᬧᬜ᭄ᬘᬩᬬᬫᬶᬓᭀᬩᭂᬢᬶᬦ᭄᭞ᬧᬸᬦᬶᬓᬦᬾᬗᬃᬤ᭄ᬥᬶᬦᬶᬦ᭄᭞ᬫᬦᬸᬱᬦᬾᬲᬫᬶᬭᬭᬸᬤ᭄᭞ᬭᬭᬸᬤ᭄ᬫᬗ᭄ᬮᬶᬤᬂᬳ
ᬯᬓ᭄᭞ᬢᬦ᭄ᬫᬗᬶᬢᬸᬂᬓᬬᬵᬫᬶᬲ᭄ᬓᬶᬦ᭄᭞ᬦᬦ᭄ᬤᬂᬲᬸᬗ᭄ᬲᬸᬢ᭄᭞ᬫᬦᬶᬗ᭄ᬕᬮ᭄ᬤᬾᬰᬦᬕᬭ᭞ᬳ᭄ᬦᭂᬂᬗᬂᬫᬗ᭄ᬓᬶᬜ᭄ᬘᬭᬶᬢ᭞ᬧᬫ᭄ᬭᬾᬦ᭄ᬢᬄᬳᭀᬲᭂ
ᬓ᭄ᬫᬶᬦᭂᬳᬶᬦ᭄᭞ᬳᬶᬩᬸᬓᭀᬢ᭄ᬬᬓᬭᬗ᭄ᬳᬲᭂᬫ᭄᭞ᬲᬫᬶᬲᬫ᭄ᬧᬸᬦ᭄ᬫᬕᬶᬗ᭄ᬲᬶᬃ᭞ᬭᬶᬂᬤᬾᬰᬉᬮᬓᬦ᭄ᬫᬗ᭄ᬓᬶᬦ᭄᭞ᬲᬚ᭄ᬭᭀᬦᬶᬂᬩᬬᬓᬯᬸᬯᬸᬲ᭄᭞
ᬓᬭᬶᬦᬗ᭄ᬕᭂᬄᬕ᭄ᬦᬄᬓᭀᬢ᭄ᬢ᭞ᬤᬳᬾᬭᬄᬧᬫ᭄ᬭᬾᬦ᭄ᬢᬄᬫᬗ᭄ᬓᬶᬦ᭄᭞ᬤᬳᬢ᭄ᬲᬫᬸᬦ᭄᭞ᬢᬢᬶᬗ᭄ᬓᬳᬦ᭄‌ᬇᬯᬵᬘᬭ᭟ᬲᬾᬲᬦᬶᬂᬤᬾᬰᬵ

[ ᭑᭔ 14A]
ᬳᬸᬮᬓᬦ᭄᭞ᬭᬶᬂᬓᬭᬗ᭄ᬳᬲᭂᬫ᭄‌ᬦᬾᬫᬗ᭄ᬓᬶᬦ᭄᭞ᬳᬓᬾᬄᬓᬭᬶᬫᬚ᭄ᬦᭂᬓᬦ᭄᭞ᬫᬕᭂᬳᬂᬧ᭄ᬭᬾᬦ᭄ᬢᬳᬾᬓᬭᬶ᭞ᬫᬯᬵᬲᬦᬩᬶᬗᬸᬂᬲᬫᬶ᭞
ᬭᬓ᭄ᬳ᭄ᬬᬢᬾᬳᬓᬾᬄᬧ᭄ᬕ᭄ᬭᬸᬫᬸᬦ᭄᭞ᬩᬶᬗᬸᬂᬫᬗᭂᬦᭂᬳᬂᬳᬯᬵᬓ᭄᭞ᬢᬸᬦᬲᬗᬸᬢᬸᬦᬤᬕᬶᬂ᭞ᬤᬳᬢ᭄ᬓᬾᬯᬸᬄ᭞ᬓᬓᭀᬩᭂᬢᬦᬾᬢᬦ᭄
ᬧ᭄ᬕᬢ᭄᭟ᬳᬸᬧᭀᬦ᭄ᬳᬸᬧᭀᬦ᭄ᬘᬭᬶᬓ᭄ᬳᬩ᭄ᬬᬦ᭄᭞ᬧᬤᭂᬫ᭄ᬳᬸᬦᬢᭀᬬᬲᬫᬶ᭞ᬧᬦᬲ᭄ᬳᬗ᭄ᬲᭂᬗᬦᬾᬚᬕᬢ᭄᭞ᬮᬸᬤᬶᬦ᭄ᬜᬩ᭄ᬭᬦ᭄ᬲᬩᭂᬄᬧᬲᬶᬃ᭞ᬳᬯᭀᬦ
ᬦᬾᬫᬗᬶᬓᬶᬦ᭄᭞ᬫᬗᬃᬤ᭄ᬥᬶᬓᭀᬩᭂᬢ᭄ᬲᬢᬸᬯᬸᬓ᭄᭞ᬮᬸᬤᬶᬦ᭄ᬢᬸᬦᬧᬤᬕᬶᬗᬦ᭄᭞ᬧᬜ᭄ᬘᬩᬬᬦᬾᬗ᭄ᬭᬯᬸᬳᬶᬦ᭄᭞ᬗᬃᬤ᭄ᬥᬶᬲᬸᬗ᭄ᬲᬸᬢ᭄᭞ [ 15 ][ ᭑᭔ 14B]
᭑᭔
ᬯ᭄ᬗᬶᬭᬳᬶᬦᬫᬸᬮᬶᬲᬄ᭟ᬧᬶᬦᬄᬲᬫ᭄ᬧᬸᬦ᭄ᬓᬮᬶᬄᬩᬸᬮᬦ᭄᭞ᬕᬸᬦᬸᬂᬳᬕᬸᬗᬾᬫᬓᬵᬃᬤ᭄ᬥᬶ᭞ᬫᬬᭀᬕᬫᬗᬼᬩᬸᬃᬚᬕᬢ᭄᭞ᬢᬍᬃᬤᬸᬭᬸᬂ
ᬓᬦ᭄ᬢᭂᬦ᭄ᬩᭂᬘᬶᬓ᭄᭞ᬧᬸᬦᬶᬓᬵᬳᬯᬦᬦ᭄ᬫᬗ᭄ᬓᬶᬦ᭄᭞ᬲᬚᬕᬢ᭄ᬲᬫᬶᬫᭂᬫ᭄ᬩᬦ᭄ᬢᬸ᭞ᬩ᭄ᬭᬲ᭄ᬓᬳᬶᬦ᭄ᬚᬕᬸᬂᬚᬶᬦᬄ᭞ᬳᭀᬩᬣᭀᬩᬢᬦᬾᬲᬫᬶ᭞
ᬳᬓᬾᬄᬫᬸᬗ᭄ᬕᬸᬄ᭞ᬬᬦ᭄ᬧᬸᬦᬶᬓᬵᬘᬭᬶᬢᬬᬂ᭟ᬯᬮᬶᬦᬶᬦ᭄ᬫᬮᬶᬄᬘᬭᬶᬢ᭞ᬤᬸᬓ᭄ᬕᬸᬦᬸᬂᬳᬕᬸᬂᬫᬓᬃᬤ᭄ᬥᬶ᭞ᬭᬶᬂᬩᬮᬶᬗᬶᬦ᭄ᬓᬶᬦ᭄ᬫᬓᬃᬬ᭄ᬬ᭞ᬳᬾ
ᬓᬤᬰᬵᬭᬸᬤ᭄ᬭᬍᬯᬶᬄ᭞ᬭᬶᬂᬧᬸᬭᬩᬲᬓᬶᬄᬫᬗ᭄ᬓᬶᬦ᭄᭞ᬓᬃᬬ᭄ᬬᬵᬳᬕᬸᬂᬓᬂᬲᬶᬦᬗ᭄ᬕᬸᬄ᭞ᬧᬫ᭄ᬭᬾᬦ᭄ᬢᬄᬫᬦᬸᬭᬾᬓ᭄ᬱ᭞ᬤ᭄ᬯᬕᬸᬂᬓ᭄ᬮᬸᬗ᭄ᬓᬸᬂᬫᬗ

[ ᭑᭕15A]
ᬚᭂᬕᬶᬦ᭄᭞ᬫᬗ᭄ᬤᬵᬮᬦ᭄ᬤᬸᬄ᭞ᬲᬚᬕᬢ᭄ᬫᬗ᭄ᬕᬶᬄᬭᬳᬃᬚ᭄ᬚ᭟ᬤ᭄ᬯᬦᬶᬂᬓᬃᬬ᭄ᬬᬵᬤᬳᬢ᭄ᬫᬸᬮ᭄ᬬ᭞ᬲᬭᬶᬫᬶᬢᬮᬶᬄᬗᭀᬩᭂᬢᬶᬦ᭄᭞ᬓᬾᬗᬶ
ᬦ᭄ᬭᬶᬂᬩᬲᬓᬶᬄᬓᭀᬘᬧ᭄᭞ᬜᬲᬶᬳᬂᬲᬫ᭄ᬧᬸᬦ᭄ᬘᬸᬫᬯᬶᬲ᭄᭞ᬭᬦ᭄ᬢᬩᬦ᭄ᬗᬬᬄᬲᬸᬪᬓ᭄ᬢᬶ᭞ᬗᬃᬬ᭄ᬬᬵᬲᬮ᭄ᬯᬶᬃᬩᬦ᭄ᬢᭂᬦ᭄ᬭᬸᬗ᭄ᬕᬸᬄ᭞ᬯ᭄ᬗᬶᬭᬳᬶᬭᬢ
ᬦ᭄ᬧᬲᬄ᭞ᬫᬤᬸᬮᬸᬭᬦ᭄ᬫᬦᬄᬲᬸᬘ᭄ᬘᬸ᭞ᬢᬦ᭄ᬧᬗᬶᬢᬸᬂ᭞ᬢᬸᬬᬸᬄᬓ᭄ᬜᭂᬮ᭄‌ᬲ᭄ᬤᬸᬓ᭄ᬫᬕᬥᬂ᭟ᬲᬧᬸᬦᬶᬓᬵᬓᬧᬕᭂᬳᬦ᭄᭞ᬭᬓ᭄ᬬᬢ᭄ᬧᬫ᭄ᬭᬾ
ᬦ᭄ᬢᬄᬫᬓᬾᬃᬢ᭄ᬢᬶ᭞ᬗᬯᬗᬸᬦᬂᬓᬃᬬ᭄ᬬᬵᬳᬕᬸᬂ᭞ᬗᬲ᭄ᬢᬶᬢᬶᬭᬶᬂᬲᬂᬳ᭄ᬬᬂᬯᬶᬤ᭄ᬥᬶ᭞ᬕ᭄ᬫᬸᬄᬭᬳᬬᬸᬢᬺᬧ᭄ᬢᬶ᭞ᬲᬚᬕᬢ᭄ᬲᬫᬶᬫᬦ᭄ᬫᬸ᭞ᬧᬸᬦᬶᬓᬵᬦᬾᬓ [ 16 ][ ᭑᭕ 15B]
᭑᭕
ᬓᬾᬃᬢ᭄ᬢ᭄ᬬᬂ᭞ᬫᬢ᭄ᬫᬳᬦ᭄ᬫᬦ᭄ᬫᭀᬦᬶᬦ᭄᭞ᬤᬸᬭᬸᬂᬧᬸᬧᬸᬢ᭄᭞ᬕᬕᭀᬥᬦᬾᬕ᭄ᬮᬶᬲ᭄ᬧ᭄ᬭᬧ᭄ᬢᬵ᭟ᬬᬤᬶᬦ᭄ᬓᬳᬶᬘᬾᬦ᭄ᬕᬕᭀᬤᬦ᭄᭞ᬭᬔ᭄ᬬᬢᬾ
ᬭᬶᬂᬚᬕᬢ᭄ᬩᬮᬶ᭞ᬢᬸᬳᬸᬧᬕᭂᬄᬢᬦ᭄ᬕᬶᬗ᭄ᬲᬶᬭᬦ᭄᭞ᬲᬸᬪᬓ᭄ᬢᬶᬦᬾᬓᬲᬸᬗ᭄ᬓᭂᬫᬶᬦ᭄᭞ᬫᬗ᭄ᬤᬵᬲᬶᬤ᭄ᬥᬧᬸᬧᬸᬢ᭄ᬚᬢᬶ᭞ᬓᬃᬬ᭄ᬬᬳᬕᬸᬗᬾᬧᬫᬸᬘᬸᬓ᭄
᭞ᬲᬶᬤ᭄ᬥᬵᬫᬦᬸᬭᬸᬢ᭄ᬧᬜ᭄ᬘᬡ᭞ᬢᬦ᭄ᬳᬶᬢᬸᬂᬩᬬᬵᬗ᭄ᬭᬯᬸᬳᬶᬦ᭄᭞ᬦᬾᬓᬢᬸᬚᬸ᭞ᬰᬸᬓ᭄ᬭᬵᬧᭀᬦ᭄ᬯᬭᬓᬶᬦᬸᬘᬧ᭄᭟ᬚᬸᬮᬸᬗ᭄ᬯᬗᬶᬰᬰᬶᬄᬓ
ᬓᬲᬗ᭞ᬇᬰᬓᬵᬜᬲ᭄ᬬᬵᬩᬗ᭄ᬲᬷᬢ᭄᭞ᬦᬗ᭄ᬕᬸᬳᬸᬓᬸᬂᬤᬰᬮᬶᬫ᭞ᬤᬾᬯᬰᬦᬾᬦᬾᬓᬯᬶᬤ᭄ᬥᬶ᭞ᬧᬘᬂᬓᬃᬬ᭄ᬬᬦᬾᬘᬸᬫᬯᬶᬲ᭄᭞ᬲᬶᬤ᭄ᬥ

[ ᭑᭖ 16A]
ᬧᬗᬧ᭄ᬢᬶᬦᬾᬲᬫ᭄ᬧᬸᬦ᭄᭞ᬯ᭄ᬬᬵᬤᬶᬦ᭄ᬓᬳᬶᬘᬾᬦ᭄ᬕᬕᭀᬥᬦ᭄᭞ᬲᬦᬾᬤᬳᬢ᭄ᬫᬗᬺᬲ᭄ᬱᬲᬶᬦ᭄᭞ᬢᬦ᭄ᬓᬳᬶᬢᬸᬂ᭞ᬲᬶᬤ᭄ᬥᬲᬓᬤᬶᬋᬜ᭄ᬘᬡ᭟
ᬳᬸᬦ᭄ᬤᬗᬦ᭄ᬲᬫᬶᬭᬦ᭄ᬢᬸᬩᬦ᭄᭞ᬤᬍᬫ᭄ᬓᬮᬶᬄᬮ᭄ᬯᬃᬦᬕ᭄ᬭᬶ᭞ᬤᬸᬢᬵᬤᬸᬢᬦᬾᬲᬶᬦᬫ᭄ᬬᬦ᭄᭞ᬭᬯᬸᬄᬲᬫᬶᬓᬧᬶᬳᬸᬦᬶᬂ᭞ᬧᬫᬺᬦ᭄ᬢᬄ
ᬧᬸᬲᬢ᭄ᬫᬓᬤᬶ᭞ᬧᬶᬦ᭄ᬤᬓᬵᬲᬦᬾᬧᬫᬸᬘᬸᬓ᭄᭞ᬧᬂᬮᬶᬫᬳᬗ᭄ᬓᬢᬦ᭄ᬤᬭᬢ᭄᭞ᬧᬶᬦ᭄ᬤ᭄ᬤᬓᬵᬯᬓᬶᬮ᭄ᬗ᭄ᬭᬯᬸᬳᬶᬦ᭄᭞ᬤᬳᬢ᭄ᬳᬭᬸᬫ᭄᭞ᬓᬃᬬ᭄ᬬᬳᬕᬸ
ᬗᬾᬓᬶᬦᬸᬘᬧ᭄᭟ᬧᬗᬶᬭᬶᬗᬾᬤᬳᬢ᭄ᬓᬢᬄ᭞ᬧᬦ᭄ᬫᭂᬦ᭄ᬤᬓ᭄ᬱᬫ᭄ᬧᬸᬜ᭄ᬘᬸᬫᬯᬶᬲ᭄᭞ᬫᭀᬭᭀᬭᬾᬢᬦ᭄‌ᬓ᭄ᬦᬾᬂᬯᬶᬮᬂ᭞ᬳ᭄ᬩᭂᬓ᭄ᬫᬗ᭄ᬩᭂᬓᬶᬦ᭄ᬫᬃᬕ᭄ᬕᬶ [ 17 ][ ᭑᭖ 16B]
᭑᭖
ᬧ᭄ᬚᬕᬬᬦᬾᬫᬧᬶᬮ᭄ᬧᬶᬮ᭄᭞ᬲᬺᬕᭂᬧ᭄ᬲᬜ᭄ᬚᬢᬧᬶᬓᬸᬓᬸᬄ᭞ᬳᬢᬧ᭄ᬗ᭄ᬭᬯᬸᬳᬶᬦ᭄ᬧᬸᬭ᭞ᬲᬤ᭄ᬬᬧᬘᬂᬫᬜᬓ᭄ᬱᬶᬦᬶᬦ᭄᭞kᬳᬃᬬ᭄ᬬᬳᬕᬸᬂ᭞ᬦᬾᬓ
ᬳᬕᭂᬫ᭄ᬳᬦ᭄ᬢᬸᬓ᭄ᬚᬕᬢ᭄᭟ᬤᬤ᭄ᬬᬵᬜᬫᬯᬸᬯᬸᬄᬳᬾᬕᬃ᭞ᬭᬓ᭄ᬳ᭄ᬬᬢᬾᬗᬢᬸᬭᬂᬪᬓ᭄ᬢᬶᬢᬦ᭄ᬓᬶᬢᬸᬂᬩᬜ᭄ᬘᬡᬧ᭄ᬭᬧ᭄ᬢ᭞ᬕᬺᬤᭂᬕᬦ᭄ᬕᬸᬦᬸᬂᬢᬦ᭄ᬕᬶᬗ᭄ᬲᬶᬃ
ᬢᬍᬃᬢᬦ᭄ᬓᬮᬶᬗᬸᬲᬫᬶ᭞ᬪᬓ᭄ᬢᬶᬫᬗᬬᬄᬲᬸᬫᬸᬬᬸᬩ᭄᭞ᬫᬜ᭄ᬘᬚᬶᬂᬫᬶᬚᬶᬮ᭄ᬧᬜᬶᬬᬸᬯᬦ᭄᭞ᬳᬶᬦᬩ᭄ᬢᬦ᭄ᬳᬦᬩᬜ᭄ᬘᬡᬶ᭞ᬳᬦ᭄ᬢᬸᬓ᭄ᬚᬕᬸᬃ᭞ᬢᭂ
ᬍᬩ᭄ᬲᬸᬪᬓ᭄ᬢᬶᬫᬗᬬᬄ᭟ᬪᬝᬵᬭᬭᬶᬂᬳᭀᬤᬮ᭄ᬲᬫ᭄ᬬᬦ᭄᭞ᬧᬫ᭄ᬭᬾᬦ᭄ᬢᬄᬭᬓ᭄ᬳ᭄ᬬᬢ᭄ᬗᬪᬓ᭄ᬢ᭄ᬢᬶ᭞ᬳᬰᬰᬶᬄᬭᬳᬶᬦ᭞ᬫᬤᬸᬮᬸᬭᬦ᭄

[᭑᭗17B]
ᬲᬩᭂᬄᬕ᭄ᬦᬶ᭞ᬧᬲᬶᬃᬳᬯᭀᬦᬾᬫᬓᬤᬶ᭞ᬳᬸᬮᬸᬗᬦ᭄ᬩᬢᬸᬫᬘ᭄ᬭᬸᬤᬸᬲ᭄᭞ᬕ᭄ᬢᭂᬭᬜ᭄ᬚᬕᬢᬾᬮᬶᬦ᭄ᬢᬂ᭞ᬢᬦ᭄ᬗᬶᬢᬸᬂᬩᬬᬦᬾᬧ᭄ᬭᬧ᭄ᬢᬶ᭞ᬲᬶᬤ᭄ᬥᬵ
ᬧ᭄ᬧᬸᬧᬸᬢ᭄᭞ᬓᬃᬬ᭄ᬬᬵᬳᬕᬸᬗᬾᬦᬶᬦᬸᬘᬧ᭄᭟᭐᭟ᬕᬶᬦᬤ᭄ᬥ᭟᭐᭟ᬯᬮᬶᬦᬶᬦ᭄ᬫᬮᬶᬄᬘᬭᬶᬢ᭞ᬧᭂᬓᬃᬤ᭄ᬥᬶᬦ᭄ᬳᬶᬤᬳ᭄ᬬᬂᬯᬶᬤ᭄ᬥᬶ᭞ᬫᬗ᭄ᬕᭂᬄᬕᬸᬦᬸᬂ
ᬗᬾᬗᬋᬤᭂᬕ᭄᭞ᬗᬯ᭄ᬢᬸᬯᬂᬓᬸᬓᬸᬲ᭄ᬮᬶᬫᬸᬢ᭄᭞ᬜᬜᬤ᭄‌ᬕ᭄ᬦᬶᬦᬾᬢᬦ᭄ᬧ᭄ᬕᬢ᭄᭞ᬓᬸᬫ᭄ᬧᬸᬮ᭄ᬲᬫᬶ᭞ᬫᬮᬶᬬᬄᬗ᭄ᬩᭂᬓᬶᬦ᭄ᬢᬸᬓᬤ᭄᭞ᬳᬲᬶᬂᬓ
ᬩᬩᬃᬫᬘᭂᬥᬃ᭞ᬲ᭄ᬯᬭᬦᬾᬤᬳᬢ᭄ᬗᬗᭀᬩᬶᬦ᭄᭞ᬕᬸᬫᬸᬭᬸᬄᬫᬗ᭄ᬕᬯᬾᬭᬸᬦ᭄ᬢᬄ᭞ᬳᬲᭂᬧᬾᬲᬫᬶᬫᬗᭂᬧᬸᬮ᭄᭞ᬗ᭄ᬯᬾᬦ᭄ᬢᭂᬦᬂᬢᬢᬶ [ 18 ][ ᭑᭗ 17B]
᭑᭗
ᬢ᭄ᬳᬦ᭄ᬧ᭄ᬕᬢ᭄᭞ᬫᭂᬗᬃᬤ᭄ᬥᬶᬦᬶᬦ᭄᭞ᬕᬸᬍᬫ᭄ᬲᬩᭂᬄᬳᬾᬓᬮᬶᬦ᭄ᬢᬂ᭟ᬫᬢ᭄ᬫᬳᬦ᭄ᬕᭂᬦ᭄ᬢᬸᬄᬩ᭄ᬮᬩᬃ᭞ᬫᬗ᭄ᬭᬸᬲᬓ᭄ᬦᬾᬓᬫᬃᬕ᭄ᬕᬶᬦᬶᬦ᭄᭞ᬦᬢᬦ᭄ᬓᭂᬦᬾᬂᬫ
ᬗ᭄ᬓᬾᬯᬶᬮᬂ᭞ᬓᬓᭀᬩᭂᬢᬦᬾᬢᬦ᭄ᬲᬸᬭᬸᬤ᭄᭞ᬭᬓ᭄ᬳ᭄ᬬᬢᬾᬳᬓᬾᬄᬩ᭄ᬭᬲ᭄ᬢᬵᬫᬗ᭄ᬫᬲᬶᬦ᭄᭞ᬧᬤᭂᬫ᭄ᬓᬓᬳᬶᬭᬶᬤ᭄‌ᬩ᭄ᬮᬩᬃ᭟ᬕᬶᬮᬶᬳᬂᬲ
ᬲᭀᬯᬂᬲᭀᬯᬂ᭞ᬩ᭄ᬘᬶᬓ᭄ᬳᬗ᭄ᬕᬸᬳᬂᬭᬶᬂᬕᬸᬭᬸᬯᬸᬢ᭄᭞ᬳᬓᬾᬄᬓᬶᬤᬶᬓᬾᬳᬸᬘᬧᬂ᭞ᬤᬾᬰᬦᬾᬩᬳᬬᬦ᭄ᬫᬸ᭞ᬫ᭄ᬮᬜ᭄ᬘᬭᬦ᭄ᬧᬜ᭄ᬘᬪᬬ᭞
ᬦᬾᬫᭂᬓᬃᬤ᭄ᬥᬶ᭞ᬕᭂᬦ᭄ᬢᬸᬄᬳᬲᭂᬧᬾᬗᬯᬶᬦᬂ᭟ᬯᬶᬮᬂᬫᬗ᭄ᬓᬶᬜ᭄ᬘᬭᬶᬢᬬᬂ᭞ᬤᬾᬰᬦᬗ᭄ᬓᬦᬾᬗ᭄ᬫᬲᬶᬦ᭄᭞ᬦᭂᬫ᭄‌ᬗ᭄ᬮᬲ᭄ᬤᬶᬭᬶᬯᬶᬮᬗᬜ᭞

[ ᭑᭘ 18A]
ᬤᬾᬰᬲᭀᬕ᭄ᬭᬦᬾᬓᬯᬸᬯᬸᬲ᭄᭞ᬲᬢᬸᬲ᭄ᬤᬶᬭᬶᬩᬘᬓᬜ᭞ᬫᬗ᭄ᬓᬶᬦ᭄ᬦᬫ᭄ᬧᬶ᭞ᬤᬾᬰᬲ᭄ᬩᬸᬤ᭄ᬥᬶᬓᬶᬦᬸᬘᬧ᭄᭟ᬤᭀᬫᬲ᭄ᬤᬶᬭᬶᬲ
ᬦᬾᬩ᭄ᬭᬲ᭄ᬢ᭞ᬩᬤᬾᬕ᭄ᬤᬸᬓᬸᬳᬾᬫᭂᬓᬤᬶ᭞ᬲᬢᬓ᭄ᬩᬘᬓᬦᬾᬓᭀᬘᬧ᭄᭞ᬩᬤᬾᬕ᭄ᬢᭂᬗᬄᬫᬮᬶᬄᬫᬸᬗ᭄ᬕᬸᬄ᭞ᬲ᭄ᬬᬗᭀᬮᬲ᭄ᬤᬶ
ᬭᬶᬦᬾᬧ᭄ᬚᬄ᭞ᬤᬾᬰᬍᬩᬶᬄ᭞ᬲᬗᬂᬤᬰᬯᬶᬮᬗᬜ᭟ᬤᬾᬰᬵᬧᬸᬭᬫᬗ᭄ᬓᬶᬦ᭄ᬦᬶᬫ᭄ᬩᬮ᭄᭞ᬓ᭄ᬯᬾᬄᬜᬧ᭄ᬢᬂᬤᬰᬵᬤᬶᬭᬶ᭞ᬤᬾᬰ
ᬬᬾᬄᬜᬘᬭᬶᬢᬬᬂ᭞ᬢᬶᬕᬂᬤᬰᬲᬦᬾᬮᬫ᭄ᬧᬸᬲ᭄᭞ᬤᬾᬰᬧᭂᬡ᭄ᬥᭂᬫ᭄ᬫᬮᬶᬄ᭞ᬢᬍᬃᬓ᭄ᬦᬶ᭞ᬢᬶᬕᬂᬤᬰᬩᬘᬓᬜ᭟ᬩ [ 19 ][ ᭑᭘ 18A]
᭑᭘
ᬜ᭄ᬚᬃᬢ᭄ᬗᬄᬲᬸᬓᬵᬯᬡ᭞ᬯᬶᬮᬗᬦ᭄ᬫᬦ᭄ᬤᬶᬭᬶᬦ᭄ᬤᬶᬭᬶᬦ᭄᭞ᬤᬾᬰᬳᬸᬫᬸᬗ᭄ᬕᬸᬄᬭᬶᬗᬃᬱ᭞ᬗᬦ᭄ᬤᭂᬫ᭄ᬲ᭄ᬮᬢ᭄ᬯᭂᬗ᭄ᬓᭀᬦᬶᬧᬸᬦ᭄᭞ᬢᬶᬫ᭄ᬩᬮᬂᬭᬶᬂᬯᭂ
ᬗ᭄ᬓᬵᬦ᭄ᬓᭀᬢ᭄ᬯ᭞ᬦᬾᬫᭂᬫᬗ᭄ᬕᬶᬄ᭞ᬩᬬᬵᬓᬭᬵᬲᭀᬓᭀᬂᬓᭀᬘᬧ᭄᭟ᬲᬢᬓ᭄ᬤᬶᬭᬶᬯᬶᬮᬗᬜ᭞ᬧᬸᬦᬶᬓᬦᬾᬧᬥᭂᬫ᭄ᬲᬫᬶ᭞ᬫ᭄ᬮᬦ᭄ᬢᬭᬦ᭄ᬕᭂᬦ᭄ᬢᬸᬄ
ᬳᬲᬧ᭄᭞ᬳᬯᬦ᭄ᬧᬦᬲᬾᬓ᭄ᬮᬗ᭄ᬓᬸᬂ᭞ᬫᬗᬺᬲ᭄ᬱᬲᬶᬦ᭄ᬲᬂᬫᬜᬶᬗᬓ᭄᭞ᬇᬯᬾᬭᬢᬗᬶᬲ᭄᭞ᬩᭂᬮ᭄ᬩᭂᬮᬦ᭄ᬳᭀᬲᭂᬓ᭄ᬭᬶᬂᬫᬦᬄ᭟ᬢᬸᬢᬸᬕᬂᬫᬮᬶᬄᬫ
ᬦᬶᬫ᭄ᬩᬮ᭄᭞ᬯᬯᭂᬗ᭄ᬓᭀᬦ᭄ᬭᬶᬂᬓᬸᬩᬸᬤᬶᬲ᭄ᬢ᭄ᬭᬶᬓ᭄᭞ᬢᬍᬃᬓᬳᬦᬦ᭄ᬩᬬ᭞ᬲᬢᬸᬲ᭄ᬧᬢ᭄ᬧᬢ᭄ᬦᬾᬓᬯᬸᬯᬸᬲ᭄᭞ᬧᬸᬦᬶᬓᬵᬦᬾᬲᬫᬶᬩᬬ᭞

[ ᭑᭙ 19A]
ᬲᬦᬾᬓᬦᬶᬦ᭄᭞ᬓᬢᬄᬩᬘᬓᬦ᭄ᬜᬓᭀᬘᬧ᭄᭟ᬫᬗᬵᬲ᭄ᬢᬯᬵᬜᬩ᭄ᬭᬦ᭄ᬤᬶᬦ᭞ᬫᬤᬸᬮᬸᬭᬦ᭄ᬯᬃᬕ᭄ᬕᬵᬲᬭᬶ᭞ᬳᬓᬾᬄᬬᬦ᭄ᬧᬃᬡ᭄ᬦᬵ
ᬳᬸᬮᬢᬂ᭞ᬢᬶᬗ᭄ᬓᬄᬲᬂᬓᬳᬦᬦ᭄ᬮᬫ᭄ᬧᬸᬲ᭄᭞ᬮᬫ᭄ᬧᬸᬲ᭄ᬓᬢᬶᬩᬾᬦ᭄ᬩᬜ᭄ᬘᬡ᭞ᬦᬾᬫᬓᬃᬤ᭄ᬥᬶ᭞ᬮᬳᬃᬧᬦᬹᬲᬂᬗᬯᬶᬦᬂ᭟ᬯᬾᬦ᭄ᬢᭂᬦ᭄ᬫᬮᬶᬄ
ᬓᬘᬭᬶᬢ᭞ᬤᬸᬓᬸᬄᬩᬤᬾᬕ᭄ᬦᬾᬓᬧᬹᬚᬶ᭞ᬲᬤ᭄ᬬᬵᬧᬘᬂᬫᬧᬸᬧᬸᬢᬦ᭄᭞ᬫᬗᬸᬗ᭄ᬲᬶᬦᬶᬲ᭄ᬓᬮᬢᬸᬳᬸ᭞ᬳᬧᬦ᭄ᬳᬸᬦᬶᬂᬭᬶᬂᬧᬫᬃᬕ᭄ᬕᬵ᭞
ᬚᬢᬶᬍᬯᬶᬄ᭞ᬫᬗᬸᬗ᭄ᬲᬶᬲ᭄ᬯᬃᬕ᭄ᬕᬵᬭᬶᬂᬯᬦ᭟ᬲᬤᬸᬭᬸᬗᬾᬫᬧᬸᬧᬸᬢᬦ᭄᭞ᬲᭂᬲᭂᬤ᭄ᬧᬩᭂᬲᭂᬦᬾᬢᬸᬯᬶ᭞ᬫᬩᭂᬲᭂᬦ᭄ᬭᬶᬂᬳᬶᬧ᭄ᬬᬵ [ 20 ][ ᭑᭙ 19B]
᭑᭙
ᬦᬓ᭄᭞ᬗᬩᬾᬯᭀᬲᬾᬲᬤᬵᬳᬮᬸᬲ᭄᭞ᬳ᭄ᬦᬄᬓ᭄ᬫᬵᬘ᭄ᬦᬶᬂᬮᬸᬯᬲ᭄᭞ᬳᬾᬗ᭄ᬕᬮ᭄ᬗᬸᬗ᭄ᬲᬶ᭞ᬫᬦᬶᬗ᭄ᬕᬮ᭄ᬤᬾᬰᬵᬩᬳᬬ᭟ᬫᬦᬶᬧ᭄ᬯᬦ᭄ᬲᬶ
ᬤ᭄ᬥᬫ᭄ᬮᬄ᭞ᬳ᭄ᬬᬂᬯᬶᬤ᭄ᬥᬶᬳᬸᬲᬦ᭄ᬫᭂᬓᬃᬤ᭄ᬥᬶ᭞ᬓᬵᬮᬤᬶᬢᬸᬘ᭄ᬦᬶᬂᬢ᭄ᬓ᭞ᬦᬸᬢᬸᬕᬂᬕᬫᬦᬾᬳᬦᬸᬢ᭄᭞ᬳᬧᬂᬳᬤᬵᬗ᭄ᬮᬦ᭄ᬢᬸᬭᬂ᭞ᬫᬓᬵᬘᬶᬭᬶ᭞ᬢᬸ
ᬭᬸᬦᬦᬾᬢ᭄ᬯᬭᬧ᭄ᬕᬢ᭄᭟ᬦᬾᬚᬦᬶᬩᬧᬫᬢᬶᬗ᭄ᬕᬮ᭄᭞ᬫᬮᬓᬃᬩᬳᬦ᭄ᬲᬸᬪᬓ᭄ᬢᬶ᭞ᬗᬶᬭᬶᬂᬧᬓᬬᬸᬦᬦ᭄ᬳᬶᬬᬂ᭞ᬳᬧᬦᬾᬉᬢ᭄ᬢᬫᬢᬸ
ᬳᬸ᭞ᬧᬚᬮᬦ᭄ᬩᬧᬦᬾᬓᬶᬦᬸᬘᬧ᭄᭞ᬩᬸᬓᬵᬚᬦᬶ᭞ᬳ᭄ᬦᬄᬘ᭄ᬦᬶᬂᬓ᭄ᬫᬮᬸᬯᬲ᭄᭟ᬚ᭄ᬭᭀᬤᬸᬓᬸᬄᬗ᭄ᬭᬗ᭄ᬲᬸᬓ᭄ᬪᬸᬱᬡ᭞ᬫᬧᬗᬗ᭄ᬕᭀ
[ ᭒᭐ 20A]
ᬲᬃᬯ᭄ᬯᬵᬧᬸᬢᬶᬄ᭞ᬰᬶᬱ᭄ᬬᬦᬾᬭᬯᬸᬄᬭᬦ᭄ᬢᬩᬦ᭄᭞ᬲᬸᬪᬓ᭄ᬢᬶᬗᬶᬭᬶᬂᬯᬶᬢ᭄ᬢᬸᬳᬸ᭞ᬫᬧᬗᬗ᭄ᬕᬾᬲᬃᬯ᭄ᬯᬧ᭄ᬢᬓ᭄᭞ᬢᬹᬃᬗᬪᬓ᭄ᬢᬶ᭞ᬲᬕᬺᬳ
ᬦ᭄ᬫᬜ᭄ᬚᬶᬂᬧᬫ᭄ᬭᬚᬦ᭄᭟ᬗᬸᬜ᭄ᬘᬘᬭᬂᬯᬾᬤᬗᬲ᭄ᬢᬯᬵ᭞ᬫᬗ᭄ᬭᬡᬲᬶᬓᬵᬫᬫᬸᬱ᭄ᬞᬶ᭞ᬫᬦᬸᬗ᭄ᬕᬮ᭄‌ᬗᬺᬕᭂᬧ᭄ᬰᬸᬦ᭄ᬬᬢ᭞ᬓᬜ᭄ᬘᬶᬢ᭄ᬳᬯᬦ᭄ᬧᬦ
ᬲ᭄ᬭᬯᬸᬄ᭞ᬳᬓ᭄ᬥᭂᬧ᭄ᬫᬗ᭄ᬓᬾᬯᬸᬲ᭄ᬰᬶᬃᬡ᭄ᬦ᭞ᬧᬸᬧᬸᬢ᭄ᬕᭂᬮᬶᬲ᭄᭞ᬲᬂᬳ᭄ᬬᬂᬳᬢ᭄ᬫᬯᬸᬲ᭄ᬫᬢᬶᬗ᭄ᬕᬮ᭄᭟ᬯᬗ᭄ᬓᬾᬦᬾᬓᬭᬶᬩᬼᬕᭂᬭᬦ᭄᭞ᬯᬮᬸᬬᬫ
ᬯᬾᬥᬓᬓᬭᬶ᭞ᬢᬗᬦ᭄ᬓᬶᬯᬵᬗᬕᭂᬫ᭄ᬕᭂᬦ᭄ᬢ᭞ᬢ᭄ᬗᭂᬦ᭄ᬗᬫᭂᬮ᭄ᬲ᭄ᬓᬃᬳᬶᬓᬸ᭞ᬲᬧᬸᬦᬶᬓᬵᬧ᭄ᬓᬦ᭄ᬢᭂᬦᬦ᭄᭞ᬮᬶᬦ᭄ᬢᬂᬳᬗ᭄ᬭᬶ᭞ᬢ᭄ᬯᬶᬫᬓᬃᬤ᭄ᬥᬶᬉᬢ᭄ᬢᬫ᭟ᬳᬓᬾᬄ [ 21 ][᭒᭐ 20B]
᭒᭐
ᬢᬸᬢᬸᬭᬾᬳᬸᬘᬧᬂ᭞ᬧᬜ᭄ᬘᬩᬬᬦᬾᬦᬶᬩᬾᬦᬶᬦ᭄᭞ᬓᬵᬮᬶᬄᬳᭀᬃᬢᬦᬾᬫᬶᬬᬸᬭᬦ᭄᭞ᬢᬦ᭄ᬧᬩᭀᬗ᭄ᬓᭀᬮ᭄ᬢᬦ᭄ᬧᬫᬸᬜ᭄ᬘᬸ
ᬓ᭄᭞ᬫᬗ᭄ᬕᬯᬾᬳᭀᬲᭂᬓ᭄ᬭᬶᬂᬫᬦᬄ᭞ᬲᬂᬫᬶᬭᬕᬶ᭞ᬲ᭄ᬗᬭᬦ᭄ᬚᬕᬢᬾᬗᬯᬶᬦᬂ᭟ᬲᬧᬸᬦᬶᬓᬵᬓᬢᬸᬢᬸᬭᬦ᭄᭞ᬳᬶᬦ᭄ᬤᬶᬓ᭄ᬗ᭄ᬭ᭄‌ᬩᬬᬦᬾ
ᬗ᭄ᬭᬯᬸᬳᬶᬦ᭄᭞ᬧᬓᬃᬤ᭄ᬥᬶᬦ᭄ᬕᬸᬦᬸᬂᬓᬶᬦᬸᬘᬧ᭄᭞ᬗᬯᬾᬦ᭄ᬢᭂᬦᬂᬩᬬᬓᬾᬳ᭄ᬤᬸᬄ᭞ᬤᬸᬫᬤᬓ᭄ᬳᬶᬤᬫᬮᬶᬗ᭄ᬕᬵ᭞ᬫᬗᬶᬘᬾᬦᬶᬦ᭄᭞ᬕ᭄ᬮᬶᬲ᭄ᬜᬧᬸᬄ
ᬓᬓᭀᬩᭂᬢᬦ᭄᭟᭐᭟ᬧᬗ᭄ᬓᬸᬃ᭟ᬲᬧᬸᬦᬶᬓᬧᬶᬓᬦ᭄ᬤᬜ᭞ᬧᬳᬶᬦ᭄ᬤᬶᬓᬦ᭄ᬧᬜ᭄ᬘᬩᬬᬦᬾᬗ᭄ᬭᬯᬸᬳᬶᬦ᭄᭞ᬧᬓᬃᬤ᭄ᬥᬶᬦ᭄ᬳᬶᬕᬸ

[ ᭒᭑21A]
ᬦᬸᬂᬳᬕᬸᬂ᭞ᬳᬶᬦᬩ᭄ᬧᬘᬂᬫᬭᬂᬬ᭄ᬬᬦ᭄᭞ᬬᬦ᭄ᬯᬶᬦᬃᬡᬶᬲᬓᬶᬂᬧᬭᬸᬧᬬᬦ᭄ᬕᭂᬦ᭄ᬢᬸᬄ᭞ᬲ᭄ᬯᬾᬲᬫ᭄ᬧᬸᬦ᭄ᬫᬚᬤᭂᬗᬦ᭄᭞ᬦᬾᬗᬯᬶᬦᬂᬲᬫᬸ
ᬦ᭄ᬕᬸᬫᬶ᭟ᬤᬤ᭄ᬬᬜᬫᬯᬸᬯᬸᬄᬳᬾᬕᬃ᭞ᬳᬶᬓᬵᬗ᭄ᬭᬢ᭄ᬧᬦ᭄ᬢᭂᬲᬦ᭄ᬭᬫ᭄ᬬᬵᬫᬓᬵᬤᬶ᭞ᬧᬲᬃᬓᬵᬮᬶᬄᬫᭀᬢᭀᬃᬲᬫ᭄ᬧᬸᬦ᭄᭞ᬲᬶᬤ᭄ᬥᬵᬭ
ᬯᬸᬄᬭᬶᬂᬦᬕᬭ᭞ᬓᬤᬶᬭᬶᬳᬶᬦ᭄‌ᬧᬫᬃᬕ᭄ᬕᬶᬦ᭄ᬳᬦᬓᬾᬲᬫ᭄ᬧᬸᬦ᭄᭞ᬧᬗᬸᬗ᭄ᬲᬶᬭᬯᬸᬄᬧᬘ᭄ᬮᬜ᭄ᬘᬦ᭄᭞ᬦᬾᬗᬃᬤ᭄ᬥᬶᬦᬶᬦ᭄ᬭᬫ᭄ᬬᬵᬦ᭄ᬕᬸᬫᬶ᭟ᬫ
ᬯᬦ᭄ᬢᬶᬯᬦ᭄ᬢᬶᬓᬍᬕᬦ᭄᭞ᬢᬦ᭄ᬲᬶᬦᬗ᭄ᬕᭂᬄᬕᬸᬦᬸᬗᬾᬳᬸᬲᬦ᭄ᬫᬓᬃᬤ᭄ᬥᬶ᭞ᬦᬾᬗᬯᬶᬦᬂᬩᬬᬓᬾᬗ᭄ᬕᬸᬄ᭞ᬘᬬᬦᬾᬜᬩ᭄ᬭᬦ᭄ᬕᬮᬂ᭞ [ 22 ][ ᭒᭑ 21B]
᭒᭑
ᬫᬓᬵᬘᬶᬭᬶᬦ᭄᭞ᬚᬕᬢᬾᬕ᭄ᬮᬶᬲ᭄ᬭᬳᬬᬸ᭞ᬲᬧᬸᬦᬶᬓᬵᬧᬧ᭄ᬭᬵᬡ᭄ᬦᬬᬦ᭄᭞ᬫᬯᬶᬦᬦ᭄ᬳᬓᬾᬄᬫᬯᬮᬶ᭟ᬢᬦ᭄ᬤᬸᬫᬤᬾᬫᬢ᭄ᬫᬳᬦ᭄
᭞ᬧ᭄ᬢᭂᬂᬤᭂᬤᭂᬢ᭄ᬳᬲᭂᬧᬾᬫ᭄ᬤᬮ᭄ᬫᬮᬶᬄ᭞ᬲᭂᬍᬫ᭄ᬗᬍᬚᭂᬃᬗᬮᬸᬳᬸᬃ᭞ᬗᬃᬤ᭄ᬥᬶᬦᬶᬦ᭄ᬧ᭄ᬢᭂᬂᬚᬕᬢ᭄᭞ᬯ᭄ᬢᬸᬢᬢᬶᬢ᭄ᬢᬦ᭄ᬧ᭄ᬕᬢ᭄ᬲ᭄ᬯᬭᬵᬕᬸᬫᬸᬭᬸᬄ᭞ᬫᬗᬺ
ᬲ᭄ᬋᬲᬶᬦ᭄ᬓᬂᬫᬵᬦᬸᬱ᭞ᬗ᭄ᬕᬯᬾᬭᬸᬦ᭄ᬤᬄᬩᬶᬬᬸᬃᬧᬮᬶᬂ᭟ᬭᬯᬸᬄᬩᬬᬦᬾᬓᬶᬦᬸᬘᬧ᭄᭞ᬢᬗ᭄ᬕᬮ᭄ᬚᬯᬵᬳᬗ᭄ᬕᬾᬦ᭄ᬧᬗᬾᬮᬶᬂᬰᬰᬶᬄ᭞᭠
ᬦᭂᬫ᭄ᬩᭂᬮᬲ᭄ᬫᬾᬳᬶᬓᬯᬸᬯᬸᬲ᭄᭞ᬢᬳᬸᬦ᭄ᬲᬶᬬᬸᬦᬗ᭄ᬕᬸᬦᭂᬫ᭄ᬤᬵᬰ᭞ᬦᬗ᭄ᬕᬸᬢ᭄ᬭᬶᬚᬫ᭄ᬦᭂᬫ᭄ᬩᭂᬮᬲ᭄ᬦᬾᬓᬯᬸᬯᬸᬲ᭄᭞ᬓᬕ᭄ᬬᬵᬢ᭄ᬫᬗ᭄ᬕᬯᬾᬭᬸ

[ ᭒᭒ 22A]

ᬦ᭄ᬤᬄ᭞ᬫᬤᬸᬮᬸᬭᬦ᭄ᬲᬩᭂᬄᬧᬲᬶᬃ᭟ᬓᬮᬶᬄᬩᬬᬸᬃᬓᬂᬦᬕᬭ᭞ᬫᬢᬸᬮ᭄ᬯᬦ᭄ᬳᬶᬓᬂᬳᬦᬸᬱᬵᬲᬫᬶ᭞ᬧᬜ᭄ᬘᬩᬬᬦᬾᬓᬮᬗ᭄ᬓᬸᬂ᭞ᬫᬓᬃᬤ᭄ᬬᬵᬂ
ᬓᬭᬸᬲᬓᬦ᭄᭞ᬗᬮᬧ᭄ᬧᬢᬶᬫᬦᬸᬱᬦᬾᬳᬓᬾᬄᬲᬫ᭄ᬧᬸᬦ᭄᭞ᬮᬫ᭄ᬧᬸᬲ᭄ᬓᬓᬳᬸᬭᬸᬕᬦ᭄ᬮᬳᬃ᭞ᬕᬯᬾᬳᭀᬲᭂᬓ᭄ᬲᬂᬫᬶᬦᭂᬳᬶᬦ᭄᭟᭐
ᬲᬶᬦᭀᬫ᭄᭟ᬭᬸᬦ᭄ᬤᬄᬫᬮᬶᬄᬓᬂᬦᬕᬭ᭞ᬧᬜ᭄ᬘᬩᬬᬦᬾᬗ᭄ᬭᬯᬸᬳᬶᬦ᭄᭞ᬫᬯᬦ᭄ᬢᬶᬯᬦ᭄ᬢᬶᬗᬃᬤ᭄ᬬᬵᬂ᭞ᬓᬭᬸᬲᬓᬜ᭄ᬚᬕᬢ᭄ᬩᬮᬶ᭞ᬧᬓᬃᬤ᭄ᬥᬶᬦ᭄ᬳᬶ
ᬤᬳ᭄ᬬᬂᬯᬶᬤ᭄ᬥᬶ᭞ᬫᬦᬸᬱᬦᬾᬲᬫᬶᬲᬫᬸᬦ᭄᭞ᬲᬫᬸᬦ᭄ᬫᬗᭂᬦᭂᬳᬂᬳᬯᬓ᭄᭞ᬓ᭄ᬦᭂᬄᬜᬩ᭄ᬭᬦ᭄ᬢᬦ᭄ᬧᬳᬶᬦ᭄ᬤ᭄ᬤᬶᬓ᭄᭞ᬩᬬᬵᬓᬾᬗ᭄ᬕᬸᬄ᭞ᬦᬦ᭄ᬤᬂ [ 23 ][᭒᭒ 22B]
᭒᭒
ᬮᬭᬜᬩ᭄ᬭᬦ᭄ᬤᬶᬦ᭟ᬫᬤᬸᬮᬸᬭᬦ᭄ᬗᬗᭂᬢ᭄ᬓᬸᬦ᭞ᬧᬗᬸᬧᬚᬶᬯᬦᬾᬲᬫᬶ᭞ᬤᬤ᭄ᬬᬵᬜᬢ᭄ᬭᬓ᭄ᬲᬚᬕᬢ᭄᭞ᬮᬸᬤᬶᬦ᭄ᬩᬳᬬᬦᬾᬧ᭄ᬭᬧ᭄ᬢᬶ᭞
ᬫᬯᬦ᭄ᬢᬶᬯᬦ᭄ᬢᬶᬦᬶᬩᬾᬦᬶᬦ᭄᭞ᬯ᭄ᬗᬶᬭᬳᬶᬦᬭᬳᬶᬦᬢᬦ᭄ᬲᬸᬭᬸᬤ᭄᭞ᬫᬸᬮᬶᬲᬳ᭄ᬓᬤᬳᬧ᭄ᬤᬳᬧ᭄᭞ᬲᬫ᭄ᬩᬺᬦ᭄ᬢᭀᬂᬩᬓᬢ᭄ᬯᬶᬮᬗᬶᬦ᭄᭞ᬢᬦ᭄ᬧ
ᬯᬲ᭄ᬢᬸ᭞ᬕ᭄ᬚᭀᬃᬮᬶᬦᬸᬄᬳᬧ᭄ᬭᬧ᭄ᬢ᭄ᬢᬵ᭟ᬢᬶᬕᬂᬭᬳᬶᬦᬮᬫᬶᬜ᭞ᬮᬶᬦᬸᬄᬕ᭄ᬚᭀᬭᬾᬗᭀᬩᭂᬢᬶᬦ᭄᭞ᬫᬗᬃᬤ᭄ᬬᬂᬓᬭᬸᬲᬓᬦ᭄᭞ᬳᬸᬫᬄᬘᬘ
ᬗ᭄ᬕᬳᬦ᭄ᬲᬫᬶ᭞ᬋᬩᬄᬳᭂᬗ᭄ᬓᬕ᭄ᬮᬶᬗ᭄ᬲᭂᬫ᭄ᬪᬱ᭄ᬫᬶ᭞ᬫᬜ᭄ᬘᭂᬗᭂᬳᬓᬾᬄᬫᬘ᭄ᬭᬤᬸᬓᬦ᭄᭞ᬓᬓᭀᬩᭂᬢᬦᬾᬓᬮᬶᬦ᭄ᬢᬂ᭞ᬮᬶᬦ᭄ᬢᬂᬤᬳᬢ᭄ᬫᬜᬓᬶᬢᬶ᭠

[ ᭒᭓ 23A]
ᬦ᭄᭞ᬭᬸᬲᬓᬼᬩᬸᬃ᭞ᬍᬩᬸᬃᬢᬦ᭄ᬳᬦᬧᬬᬸᬩᬦ᭄᭟ᬫᬸᬗ᭄ᬕ᭄ᬯᬶᬂᬤᬾᬰᬦᬾᬓᬳᬦᬦ᭄᭞ᬭᬸᬲᬓᬂᬮᬶᬦᬸᬄᬫᬓᬤᬶ᭞ᬫᬓᬵᬤᬶᬢᬦ᭄ᬳᬦ
ᬳᬸᬫᬄ᭞ᬤᬾᬰᬤᬢᬄᬫ᭄ᬭᬶᬢᬵᬘᬸᬮᬶᬓ᭄᭞ᬩ᭄ᬬᬲ᭄ᬮᬦ᭄ᬢᬂᬫᬶᬦᬓᬤᬶ᭞ᬲᬶᬩᭂᬢᬦ᭄ᬮᬦ᭄ᬳᬗᬦ᭄ᬢᭂᬮᬸ᭞ᬧᬸᬦᬶᬓᬵᬳᬓᬾᬄᬪ᭄ᬭᬱ᭄ᬞ᭞ᬮᬶᬧᭂᬄᬫᬕ᭄ᬭᬶ
ᬬᬕ᭄ᬫᬧᬶᬮ᭄ᬧᬶᬮ᭄᭞ᬢᬦ᭄ᬓᬮᬶᬗᬸ᭞ᬕ᭄ᬥᭀᬂᬓᬸᬓᬸᬄᬳᬓᬾᬄᬘᬸᬯᬵᬢ᭄᭟ᬲᬲᬶᬦᬶᬂᬤᬾᬰᬓᬶᬦᬸᬘᬧ᭄᭞ᬢᬍᬃᬯᬾᬦ᭄ᬢᭂᬦ᭄ᬫᬗ᭄ᬫᬲᬶᬦ᭄᭞ᬳᬸᬫᬄ
ᬲᬦᬾᬳᭂᬗ᭄ᬓᬄᬳᭂᬗ᭄ᬓᬕ᭄᭞ᬗ᭄ᬕᬯᬾᬭᬸᬲᬓ᭄ᬫᬗᭀᬩᭂᬢᬶᬦ᭄᭞ᬲᬫᬶᬢᬦ᭄ᬧᬸᬭᬸᬦ᭄ᬗᬸᬦ᭄ᬤᬶᬮᬶ᭞ᬗᭂᬦᬳᬶᬦ᭄ᬳᬸᬫᬄᬦᬾᬓᬸᬓᬸᬄ᭞ᬲᬫᬶᬗ᭄ᬕᬯᬾ [ 24 ][᭒᭓ 23 B]
᭒᭓
ᬯᬭᬸᬂᬓᬾᬫᬄ᭞ᬜᬩ᭄ᬭᬳᬶᬦ᭄ᬮᬶᬦᬸᬳᬾᬧ᭄ᬭᬧ᭄ᬢᬶ᭞ᬤᬤᬶᬩᬶᬬᬸᬃ᭞ᬓᬤᬳᬧ᭄ᬤᬳᬧ᭄ᬫᬕᬥᬂ᭟ᬳᬓᬾᬄᬢᬍᬃᬫᬲᬗᬶᬤᬦ᭄᭞ᬯᬫ᭄ᬩᬾᬦ᭄ᬫᬗᬵ
ᬋᬧᬶᬦ᭄ᬳᬫ᭄ᬧᬶᬓ᭄᭞ᬓᬮᬸᬤ᭄ᬤᬬᬸᬄᬢᬸᬃᬫᬕᬥᬂ᭞ᬗ᭄ᬕᬯᬾᬧᬳᬤ᭄ᬧ᭄ᬢᭂᬂᬲᬳᬶ᭞ᬳᬸᬬᬸᬧ᭄ᬤᬬᬸᬄᬜᬩ᭄ᬭᬦ᭄ᬯᭂᬗᬶ᭞ᬍᬫᬄᬢᬸᬮᬾᬦ᭄ᬲ᭄ᬬᬧ᭄ᬕ᭄ᬭᬸᬩᬸᬕ᭄᭞
ᬤᬸᬮᬸᬭᬶᬦ᭄ᬓᭂᬦᭂᬄᬗᬶᬭᬯ᭞ᬳᬓᬾᬄᬦᬾᬧᬢᬸᬢ᭄ᬧᬶᬦᭂᬳᬶᬦ᭄᭞ᬤᬤ᭄ᬯᬵᬢ᭄ᬮᬸ᭞ᬧ᭄ᬢᭂᬂᬍᬫᬄᬫᬓᭂᬦᭂᬳᬦ᭄᭟ᬍᬫᬄᬫᬦᬦ᭄ᬤᬩᬂᬩ᭄ᬲᬂ᭞ᬳᬧᬂ
ᬳᬤᬦᬾᬓᬪᬸᬓ᭄ᬢᬶ᭞ᬯ᭄ᬗᬶᬗᬯᬶᬮᬗᬶᬦ᭄ᬩᬬ᭞ᬓᬮᬶᬓᬾᬦ᭄ᬓᬾᬦ᭄‌ᬓ᭄ᬭᬯᬸᬳᬶᬦ᭄᭞ᬜᬩ᭄ᬭᬦ᭄ᬧᬶᬦᬶᬓᬯᬶᬮᬗᬶᬦ᭄᭞ᬯᬯᬶᬮᬗᬦ᭄ᬗᬯᬂᬗᬯᬂ᭞

[ ᭒᭔ 24A]
ᬤᬤ᭄ᬬᬜᬫᬯᬸᬯᬸᬄᬲᬸᬲᬄ᭞ᬧᬜ᭄ᬘᬩᬬᬦᬾᬗ᭄ᬭᬯᬸᬳᬶᬦ᭄᭞ᬤᬤᬶᬳᬶᬩᬸᬓ᭄᭞ᬕᬦ᭄ᬢᬶᬦ᭄ᬫᭀᬦᬶᬦ᭄ᬲᬗ᭄ᬲᬭ᭟᭐᭟ᬕᬶᬦᬦ᭄ᬢᬶ᭟ᬕᬶᬦ
ᬦ᭄ᬢᬶᬕᬦ᭄ᬢᬶᬫᬳᬸᬦ᭄ᬤᬓ᭄᭞ᬳᬸᬦ᭄ᬤᬸᬔᬶᬦ᭄ᬤᬶᬓᬾᬦᬾᬫᬗ᭄ᬓᬶᬦ᭄᭞ᬓᭀᬦ᭄ᬓᭀᬦᬂᬳᬗ᭄ᬕᬾᬦ᭄ᬧᬶᬤᬃᬢ᭄ᬢ᭞ᬤᬃᬢ᭄ᬢᬬᬂᬳᬗ᭄ᬕᬾᬦ᭄ᬫᬳᬶᬦ᭄ᬤᬶᬓ᭄᭞ᬳᬶᬦ᭄ᬤᬶᬓ᭄ᬚᬕᬢᬾ
ᬩᬳᬬᬵ᭞ᬩᬳᬬᬵᬕᬸᬦᬸᬂᬫᬓᬃᬤ᭄ᬥᬶ᭟ᬧᬓᬃᬤ᭄ᬥᬶᬦ᭄ᬳᬶᬕᬸᬦᬸᬂᬳᬕᬸᬂ᭞ᬗ᭄ᬕᬯᬾᬭᬸᬲᬓ᭄ᬱᬦᬕᬭᬶ᭞ᬦᬕᬭᬶᬫᬶᬯᬄᬫᬦᬸᬱ᭞ᬫᬵᬦᬸᬲᬱᬦᬾ
ᬲᬫᬶᬧᬮᬶᬂ᭞ᬧᬮᬶᬂᬳᬸᬬᬂᬫᬓᭂᬦᭂᬳᬦ᭄᭞ᬫᬗᭂᬦᭂᬳᬂᬳᬯᬓ᭄‌ᬲᬳᬶ᭟ᬮᬸᬤᬶᬦ᭄ᬩᬬᬦᬾᬫᬦ᭄ᬫᬸ᭞ᬦ᭄ᬫᬸᬓᬲᬓᬶᬢᬦ᭄ᬲᬳᬶ᭞ᬢᬸᬦᬤᬕᬶᬂᬧ [ 25 ][᭒᭔ 24B]
᭒᭔
ᬗᬸᬧᬚᬶᬯᬵ᭞ᬚᬶᬯᬦᬾᬜᬩ᭄ᬭᬦ᭄ᬫᬗᬦ᭄ᬢᬶ᭞ᬫᬗᬦ᭄ᬢᬶᬬᬂᬲᬦ᭄ᬤᬂᬧᬗᬦ᭄᭞ᬧᬧᬗᬦᬦᬾᬗᭀᬩᭂᬢᬶᬦ᭄᭟ᬓᬓᭀᬩᭂᬢᬦᬾᬫᬯᬸ
ᬯᬸᬄ᭞ᬯᬸᬯᬸᬳᬶᬦ᭄ᬧᬓᬾᬯᭂᬄᬲᬳᬶ᭞ᬲᬳᬶᬲᬳᬶᬫᬲᬫ᭄ᬩᬢᬦ᭄᭞ᬫᬦ᭄ᬤᬸᬮᬫᬾᬲᬂᬳ᭄ᬬᬂᬯᬶᬤ᭄ᬥᬶ᭞ᬫᬗ᭄ᬤᬵᬕ᭄ᬮᬶᬲ᭄ᬓᬲᬫ᭄ᬧᬸᬭ᭞ᬜᬫ᭄ᬧᬸᬭᬵᬭᬵ
ᬔ᭄ᬢᬢ᭄ᬲᬫᬶ᭟ᬲᬫᬶᬲᬗ᭄ᬲᬭᬫᬦ᭄ᬫᬸ᭞ᬮᬳᬃᬮᬶᬦᬸᬳᬾᬗᬃᬤ᭄ᬥᬶᬦᬶᬦ᭄᭞ᬳᬸᬫᬄᬚᬶᬯᬵᬳᬓᬾᬄᬪ᭄ᬭᬱ᭄ᬝᬵ᭞ᬢᬦ᭄ᬲᬶᬤ᭄ᬥᬵᬳᬦ᭄ᬢᬸᬓ᭄ᬗᭂᬦᬳᬶ᭠
ᬦ᭄᭞ᬧᬫ᭄ᬭᬾᬦ᭄ᬢᬄᬫᬗ᭄ᬓᬶᬦ᭄ᬫᬶᬦᬩ᭄ᬤᬩ᭄᭞ᬤᬩ᭄ᬤᬩᬂᬭᬔ᭄ᬬᬢᬾᬲᬫᬶ᭟ᬲᬫᬶᬲᬦᬾᬲᬫ᭄ᬧᬸᬦ᭄ᬫᬸᬗ᭄ᬕᬸᬄ᭞ᬢᬦ᭄ᬫᬳᬸᬫᬄᬢ᭄ᬕᬮ᭄ᬘᬘᬭᬶᬓ᭄᭞ᬦᬾᬓ

[ ᭒᭕ 25A]
ᬢᬶᬩᬾᬦ᭄ᬳᬦ᭄ᬢᬸᬓ᭄ᬮᬳᬃ᭞ᬫᬗ᭄ᬤᬾᬦ᭄ᬤᬶᬕ᭄ᬮᬶᬲ᭄ᬫᬕᬶᬗ᭄ᬲᬶᬃ᭞ᬢ᭄ᬭᬦ᭄ᬫᬶᬕ᭄ᬭᬲᬶᬓᬲᬶᬦᬗ᭄ᬕᭂᬄ᭞ᬓᬮᬸᬯᬃᬧᬸᬮᬳᭀᬩᬮᬶ᭟ᬓ᭄ᬦᭂᬄᬜᬦᬾᬲᬫ᭄ᬧᬸᬦ᭄ᬜᬸ
ᬓᬸᬄ᭞ᬢᬶᬕᬂᬧᬸᬮᬳᭀᬓᬯᬶᬥᬶ᭞ᬲᬸᬮᬯᭂᬲᬶᬓᬮᬶᬫᬦ᭄ᬢᬦ᭄᭞ᬲᬸᬫᬢ᭄ᬭᬢ᭄ᬗᬄᬫᬓᬵᬤᬶ᭞ᬧᬸᬦᬶᬓᬦᬾᬓᬘᬸᬓᬸᬳᬂ᭞ᬭᬶᬂᬲᬂᬓᬳᬦᬦ᭄ᬩᬜ᭄ᬘ
ᬡᬶ᭟ᬳᬸᬫᬄᬓᭂᬲᭂᬤ᭄ᬬᬬᬂᬲᬫ᭄ᬧᬸᬦ᭄᭞ᬢᬦᬄᬓᬮᬶᬄᬳᬾᬓ᭄ᬢᬃᬧᭀᬮᬶᬄ᭞ᬲᬗᬸᬓᬮᬶᬄᬢᬯᬸᬦ᭄ᬓᭀᬘᬧ᭄᭞ᬧᬫ᭄ᬭᬾᬦ᭄ᬢᬄᬲᬤ᭄ᬬᬵᬫᭂᬜ᭄ᬚᬫᬶᬦ᭄᭟ᬓ
ᬲᬾᬬᬢᬦ᭄ᬓᬤᬩ᭄ᬤᬩᬂᬩᬦ᭄ᬢᬸᬯᬦ᭄ᬮᬸᬯᬃᬦᬕᬭᬶ᭟ᬧᬫ᭄ᬭᬾᬦ᭄ᬢᬄ᭠ᬫᬶᬤᬃᬢ᭄ᬢᬵᬲᬫ᭄ᬧᬸᬦ᭄᭞ᬜᬸᬓᬸᬄᬕ᭄ᬦᬄᬫᬶᬦᬩ᭄ᬤᬩᬶᬦ᭄᭞ᬫᬓᬸᬫ᭄ᬧᬸᬮ᭄ᬕᭂᬦᬄᬗ [ 26 ][ ᭒᭕ 25B]
᭒᭕
ᬦ᭄ᬢᭀᬲᬂ᭞ᬓᬧᬮ᭄ᬲᬦᬾᬧᬘᬂᬗᬫ᭄ᬩᬶᬮ᭄᭞ᬭᬶᬗ᭄ᬮᬩ᭄ᬯᬦ᭄ᬧᬕ᭄ᬦᬳᬦ᭄ᬜ᭞ᬓᬾᬫᬄᬳᬢᬸᬲᬦ᭄ᬘᬸᬫᬯᬶᬲ᭄᭟ᬦᬾᬫᬗ᭄ᬓᬶᬦ᭄ᬤᬾᬰᬵᬳᬸᬫᬸᬗ᭄ᬕᬸᬄ᭞ᬓᬵ
ᬮᬶᬄᬯᬶᬮᬗᬦᬾᬬᬸᬓ᭄ᬢᬶ᭞ᬦᬾᬧᬘᬂᬧᭀᬮᬶᬄᬩᬕ᭄ᬬᬦ᭄᭞ᬮᬸᬗ᭄ᬳᬵᬫᬫᬸᬧᭀᬦᬶᬦ᭄ᬩᭂᬘᬶᬓ᭄᭞ᬦᬶᬗ᭄ᬕᬍᬜ᭄ᬚᬕᬢ᭄ᬩᬜ᭄ᬘᬦᬡ᭞ᬗᬃᬤ᭄ᬥᬶᬕ᭄ᬦᬄᬫᬫᬸ
ᬧᭀᬦᬶᬦ᭄᭟᭐᭟ᬳᬤ᭄ᬭᬶ᭟ᬧᬸᬄᬳᬤ᭄ᬭᬶᬳᬗ᭄ᬕᬾᬦ᭄ᬫᬜᬫ᭄ᬩᬸᬂᬓᬶᬤᬸᬂ᭞ᬩᬯᬓ᭄ᬯᬶᬮᬗᬦᬾ᭞ᬤᬾᬰᬵᬦᬾᬦᬶᬗ᭄ᬕᬮ᭄ᬦᬕᬭᬶ᭞ᬤᬶᬲ᭄ᬢ᭄ᬭᬶᬓ᭄ᬩᭂᬩᬦ᭄ᬤᭂᬫ᭄ᬓ
ᬯᬸᬯᬸᬲ᭄᭞ᬫᬸᬗ᭄ᬯᬶᬂᬤᬾᬰᬵᬤᬾᬰᬵᬦ᭄ᬳᬶᬧᬸᬦ᭄᭞ᬧᭂᬲᬕᬶᬓᭀᬭᬶᬳᬸᬦ᭄ᬢᬮ᭄᭞ᬧᬗ᭄ᬕᬼᬕ᭄ᬧᬗᬤᬗᬦ᭄ᬳᬶᬓᬸ᭞ᬫᬶᬕᬸᬂᬩᬘᬓᬜᬲᬫ᭄ᬬᬦ᭄

[ ᭒᭖ 26A]
᭞ᬮᬶᬫᬂᬗᬢᬸᬲ᭄ᬧᬢ᭄ᬧᬢ᭄ᬓᬸᬋᬦ᭄᭟ᬢᬦᬄᬳᬭᭀᬦ᭄ᬦᬗ᭄ᬓᬮᬦ᭄ᬩᬸᬢᬸᬲ᭄᭞ᬯᬶᬕᬸᬂᬯᬘᬓᬦᬾ᭞ᬲ᭄ᬬᬸᬧᬶᬢᬸᬗᬢᬸᬲ᭄ᬤᬶᬭᬶ᭞ᬤᬶᬲ᭄ᬢ᭄ᬭᬶᬓ᭄ᬳᬩᬂᬦᬾᬓᬯᬸ
ᬯᬸᬲ᭄᭞ᬤᬾᬰᬵᬮᬕᬵᬤᬾᬰᬵᬯᬢᬸ᭞ᬧᬸᬭᬵᬲᬦᬾᬫᬦᬶᬫ᭄ᬩᬮ᭄᭞ᬧᬶᬕᬸᬂᬲ᭄ᬬᬸᬮᬶᬫᬂᬗᬢᬸᬲ᭄᭞ᬤᬾᬰᬵᬚᬸᬳᬸᬓ᭄ᬮᬦ᭄ᬓᬥᬫ᭄ᬧᬮ᭄᭞ᬓ
ᬮᬗ᭄ᬲᬭᬶᬯᬶᬮᬗᬦ᭄ᬜ᭟ᬢᬶᬕᬗ᭄ᬢᬮᬶᬓ᭄ᬭᭀᬩ᭄ᬮᬄᬫᬦᬗ᭄ᬕᬸ᭞ᬢᬶᬫ᭄ᬫᬵᬮᬂᬤᬾᬰᬵᬦᬾ᭞ᬳᬸᬫᬳᬜᬃᬤᬾᬰᬵᬩᬩᬶ᭞ᬢᬦᬄᬍᬗᬶᬲ᭄ᬩᬜ᭄ᬚᬃᬩᬸ
ᬫ᭄ᬩᬸᬂ᭞ᬩᭂᬲᬂᬧᬶᬓᬢ᭄ᬲᬫ᭄ᬧᬸᬦ᭄ᬧᬸᬧᬸᬢ᭄᭞ᬢᬶᬕᬂᬢᬮᬶᬩᬘᬓᬦ᭄ᬜ᭞ᬢᬸᬢᬸᬕᬂᬓᬤᬶᬲ᭄ᬢ᭄ᬭᬶᬓ᭄ᬓᬸᬩᬸ᭞ᬓᬸᬩᬸᬤᬸᬓᬸᬄᬩᬦ᭄ᬢ᭄ᬬᬜᬃ᭞ᬳᬸᬮᬸᬮᬶᬓᬸᬃ [ 27 ][ ᭒᭖ 26B]
᭒᭖
ᬢᬗ᭄ᬕᬸᬜ᭟ᬮᬶᬫᬂᬗᬢᬸᬲ᭄ᬤᬶᬭᬶᬦᬾᬓᬯᬸᬯᬸᬲ᭄᭞ᬫᬗ᭄ᬓᬶᬜ᭄ᬘᬭᬶᬢᬦᬾ᭞ᬤᬶᬲ᭄ᬢ᭄ᬭᬶᬓ᭄ᬲᭂᬮᬢ᭄ᬦᬾᬫᬦᬫ᭄ᬧᬶ᭞ᬤᬾᬰᬵᬤᬾᬰᬵᬦᬾᬫᬸᬗ᭄ᬕᬸᬄ᭞ᬍ
ᬩᬶᬄᬧᬸᬭᬵᬩᬥᬾᬖᬓᬸᬄ᭞ᬢ᭄ᬮᬸᬂᬩ᭄ᬯᬦᬫᬶᬯᬄᬲᭀᬃᬕ᭄ᬕ᭞ᬲᬗ᭄ᬓᬦ᭄ᬓ᭄ᬯᬱᬵᬳᬸᬫᬸᬗ᭄ᬕᬸᬄ᭞ᬲᭂᬩᬸᬤᬶᬤᬾᬰᬵᬬᬾᬄᬳᬵᬳᬵ᭞ᬓᬮᬶᬄᬢᬮᬶᬩᬘ
ᬓᬦ᭄ᬜ᭟ᬤᬶᬲ᭄ᬢ᭄ᬭᬶᬓ᭄ᬱᭂᬦ᭄ᬤᬗᬾᬢᬍᬃᬓᬘᬸᬓᬸᬄ᭞ᬲᬤᬾᬰᬵᬤᬾᬰᬵᬦᬾ᭞ᬧᭂᬫ᭄ᬧᬢᬦ᭄ᬲᬶᬫ᭄ᬧᬃᬩᭂᬲᬓᬶᬄ᭞ᬧᬶᬕᬸᬂᬩᬘᬓᬦᬾᬫᬸᬗ᭄ᬕᬸᬄ᭞ᬓᬸᬢᬸ
ᬲ᭄ᬢᬮᬶᬢᬹᬃᬫᬢᬗ᭄ᬕᬸ᭞ᬢ᭄ᬮᬸᬂᬗᬢᬸᬲ᭄ᬧ᭄ᬢᬂᬗᬢᬸᬲ᭄ᬧ᭄ᬢᬂᬤᬰ᭞ᬋᬜ᭄ᬘᬡᬧᬫ᭄ᬭᬾᬦ᭄ᬢᬄᬧᬸᬧᬸᬢ᭄᭞ᬦᬾᬧᬘᬂᬫᬕᬶᬗ᭄ᬲᬶᬃᬕ᭄ᬦᬄ᭞ᬧᬦ᭄ᬲᬶᬦᬗ᭄ᬕᭂᬄᬧᬜ᭄ᬘᬪᬬ᭟ᬲ

[᭒᭗ 27A]
ᬧᬸᬦᬶᬓᬵᬩᬘᬓᬦᬵᬧᬸᬧᬸᬢ᭄᭞ᬢᭂᬍᬩ᭄ᬋᬜ᭄ᬘᬦᬦᬾ᭞ᬧᬫ᭄ᬭᬾᬦ᭄ᬢᬄᬫᬗ᭄ᬓᬶᬦ᭄ᬫᬶᬦᭂᬳᬶᬦ᭄᭞ᬳᬧᬦ᭄ᬕᭂᬦᬄᬢᬦ᭄ᬧᬳᬸᬦ᭄ᬤᬸᬓ᭄᭞ᬫᬗ᭄ᬕᬯᬾᬭᬸ
ᬲᬓᬾᬍᬩᬸᬃ᭞ᬢᬦ᭄ᬧᬳᬸᬫᬄᬢᬦ᭄ᬧᬳᬩ᭄ᬬᬦ᭄᭞ᬗ᭄ᬕᬯᬾᬋᬜ᭄ᬘᬦᬦᬾᬮᬦ᭄ᬢᬸᬃ᭞ᬫᬦᬶᬗ᭄ᬕᬮ᭄‌ᬤᬾᬰᬵᬦᬕᬭ᭞ᬤᬹᬃᬫ᭄ᬫ᭞ᬦᬸᬚᬸᬗ᭄ᬕ
ᬯᬾᬕ᭄ᬦᬳ᭄᭟᭐᭟ᬤᬹᬃᬫ᭄ᬫ᭟᭐᭟ᬤᬸᬃᬫ᭄ᬫᬶᬢᬧᬜ᭄ᬘᬪᬬᬦᬾᬫᬜ᭄ᬘᬡ᭞ᬓ᭄ᬮᬸᬗ᭄ᬓᬸᬂᬓᬭᬗ᭄ᬫᬮᬶᬄ᭞ᬕᭂᬦ᭄ᬢᬸᬳᬾᬫᬓᬦ᭄ᬥ᭞ᬫᬗᬃᬤ᭄ᬬᬦᬭᬸᬲᬓᬦ᭄᭞
ᬤᬾᬰᬫᬶᬯᬄᬢ᭄ᬕᬮ᭄ᬘᬭᬶᬓ᭄᭞ᬯᬯᬗᬸᬦᬦ᭄ᬓᬢᬄ᭞ᬓᬍᬍᬩ᭄ᬓᬳᬸᬭᬸᬕᬶᬦ᭄᭟ᬫᬢᭂᬗᭂᬭᬦ᭄ᬳᬗᬶᬦ᭄ᬩᬋᬢᬾᬓᬮᬶᬦ᭄ᬢᬂ᭞ᬓᬢᬶᬫ᭄ᬩᬮ᭄ᬲᬩᭂᬄᬭ [ 28 ][ ᭒᭗ 27B]
᭒᭗
ᬭᬶᬲ᭄᭞ᬢᬶᬕᬂᬭᬳᬶᬦᬮᬫᬶᬜ᭞ᬯ᭄ᬗᬶᬭᬳᬶᬦᬢᬦ᭄ᬧ᭄ᬕᬢ᭄᭞ᬓᬸᬮ᭄ᬓᬸᬮᬾᬫᬯᬦ᭄ᬢᬶᬯᬦ᭄ᬢᬶ᭞ᬫᬓᬢᭂᬗᭂᬭᬦ᭄᭞ᬕᭂᬦ᭄ᬢᬸᬳᬾᬫᬗ᭄ᬭᬯᬸᬳᬶᬦ᭄
᭟ᬫᬗᬗᭀᬩᬶᬦ᭄ᬧᬗ᭄ᬭᬯᬸᬳᬦ᭄ᬕᭂᬦ᭄ᬢᬸᬄᬓᬮᬶᬦ᭄ᬢᬂ᭞ᬳᬲᭂᬧᬾᬗ᭄ᬤᬸᬲ᭄ᬢᬦ᭄ᬫᬭᬶ᭞ᬫᬩᬃᬯᬯᬗᬸᬦᬦ᭄᭞ᬓᬦ᭄ᬢᭀᬃᬓᬦ᭄ᬢᭀᬃᬲᬶᬦᬫ᭄ᬬᬦ᭄᭞ᬓᬭ᭠
ᬭᬸᬤᬂᬓᬳᬸᬭᬸᬕᬶᬦ᭄᭞ᬤᬸᬕ᭄ᬤᬸᬕᬦ᭄ᬮᬳᬃ᭞ᬗ᭄ᬕᬯᬾᬋᬲ᭄ᬲᬃᬜᬶᬗᬓᬶᬦ᭄᭟ᬢᬦ᭄ᬓᬳᬶᬢᬸᬂᬘᬭᬶᬓ᭄ᬳᬩ᭄ᬬᬦ᭄ᬓᬭᬸᬲᬓᬂ᭞ᬳᬜᬸᬤ᭄ᬩᬢᬸᬫᬶᬯᬄᬧᬲᬶᬃ᭞
ᬢᬦ᭄ᬓᭂᬦᬾᬂᬯᬶᬦᬶᬮᬂ᭞ᬯᬶᬢ᭄ᬢᬭᬸᬳᬓᬾᬄᬩᬮ᭄ᬩᬮ᭄᭞ᬧᬫᬃᬕ᭄ᬕᬶᬦ᭄ᬕᭂᬦ᭄ᬢᬸᬄᬫᬓᬵᬤᬶ᭞ᬢ᭄ᬕᬮ᭄ᬧᬦᬗ᭄ᬲᬭᬦ᭄᭞ᬭᬸᬧᬤᬳᬢ᭄ᬫᬗᬺᬲ᭄ᬋᬱᬶᬦ᭄᭟

[᭒᭘ 28A]
ᬲᬧᬸᬦᬶᬓᬵᬜᬩ᭄ᬭᬦ᭄ᬤᬶᬦᬓᬯᬾᬦ᭄ᬢᭂᬦᬦ᭄᭞ᬩᬜ᭄ᬘᬦᬦᬾᬦᬶᬩᬦᬶᬦ᭄᭞ᬳᬸᬫᬄᬘᬭᬶᬓ᭄ᬳᬩ᭄ᬬᬦ᭄᭞ᬓᬭᬸᬲᬓᬜᬩ᭄ᬭᬦ᭄ᬤᬶᬦ᭞ᬕᭂ
ᬦ᭄ᬢᬸᬳᬾᬫᬯᬦ᭄ᬢᬶᬯᬦ᭄ᬢᬶ᭞ᬫᬦᬶᬩᬾᬦ᭄ᬤᬾᬰ᭞ᬤᬸᬤᬧᬕᬸᬩᬸᬕᬦ᭄ᬪᬱ᭄ᬫᬶ᭟ᬭᬶᬂᬚᬸᬗᬸᬢᬦ᭄ᬲᬫ᭄ᬧᬸᬦ᭄ᬢᭂᬮᬲ᭄ᬓᬳᬸᬭᬸᬕᬦ᭄᭞ᬳᬸᬫᬄᬓᬸᬩᬸᬳ
ᬩ᭄ᬬᬦ᭄ᬘᬭᬶᬓ᭄᭞ᬤᬾᬰᬩᬸᬘᬸᬲᬫ᭄ᬬᬦ᭄᭞ᬲᬸᬩᬕᬦ᭄ᬚᬱᬶᬕᬮᬶᬭᬦ᭄᭞ᬲᬓᬮᬶᬄᬤᬾᬰᬧᬩᬸᬓᬶᬢ᭄᭞ᬩᬢᬸᬫᬲᬄ᭞ᬧᬗᭂ
ᬦ᭄ᬢᭀᬲ᭄ᬳᬸᬫᬄᬘᬭᬶᬓ᭄᭟ᬓᬕᬕᬯᭀᬓ᭄ᬧᬫᬃᬕ᭄ᬕᬶᬦ᭄ᬩᬜ᭄ᬚᬃᬳᬸᬘᬧᬂ᭞ᬳᬚᬳᬦ᭄ᬚᬳᬦ᭄ᬫᬲᬮᬶᬦ᭄᭞ᬓᬗᬶᬦ᭄ᬓᬯᬸᬄᬫᬫᬃᬕ᭄ᬕ᭞ᬦᬾᬦᬾᬪ [ 29 ][ ᭒᭘ 28B]
᭒᭘
ᬍᬫ᭄ᬓᬳᬸᬭᬸᬕᬦ᭄᭞ᬦᬾᬦᬾᬤᬓᬾᬦ᭄ᬓᬦ᭄ᬥᬸᬓᬶᬦ᭄᭞ᬤᬤ᭄ᬬᬜᬓᬢᬄ᭞ᬢᬸᬓᬤᬾᬫᬕᭂᬦ᭄ᬢᬶᬕᭂᬦ᭄ᬢᬶ᭟ᬤᬾᬰᬢᬗ᭄ᬓᬲ᭄ᬲᬫᬶᬢ᭄ᬮᬲ᭄ᬓᬳᬸ
ᬭᬸᬕᬦ᭄᭞ᬓᬕᬦ᭄ᬢᭀᬲᬶᬦ᭄ᬜᬜᬤ᭄ᬧᬲᬶᬃ᭞ᬭᬔ᭄ᬬᬢᬾᬲᬶᬦᬫ᭄ᬬᬦ᭄᭞ᬲᬫᬶᬲᬫ᭄ᬧᬸᬦ᭄ᬓᬳᬸᬗ᭄ᬲ᭄ᬬᬂ᭞ᬓᬕᭂᬮ᭄ᬕᭂᬮ᭄‌ᬓ᭄ᬮᬸᬗ᭄ᬓᬸᬂᬦᬕ
ᬭᬶ᭞ᬢᬦ᭄ᬧᬳᬸᬫᬄᬳᬩ᭄ᬬᬦ᭄᭞ᬤ᭄ᬭᬸᬯᬾᬦ᭄ᬤᬦᬾᬳᬓᬾᬄᬪᬵᬱ᭄ᬫᬶ᭟ᬫᬦᬶᬩᬾᬦᬶᬦ᭄ᬚᬫ᭄ᬩᬢᬦ᭄ᬳᬸᬦ᭄ᬤᬦᬾᬓ᭄ᬮᭀᬓ᭄ᬢᬄ᭞ᬓᬓᬸᬓᬸᬳᬦᬾ
ᬫᬓᬤᬶ᭞ᬲᬫ᭄ᬧᬸᬦ᭄ᬓᬧᬃᬘ᭄ᬘᬬ᭞ᬢᬦ᭄ᬳᬸᬫᬥᬾᬓᬭᬸᬲᬓᬂ᭞ᬩ᭄ᬮᬩᬃᬩ᭄ᬮᬩᬃᬢᬢᬶᬢ᭄ᬫᬦᬶᬩᬾᬦᬶᬦ᭄᭞ᬢᬦᬸᬮᬶᬩ᭄ᬭᬱ᭄ᬞ᭞ᬓᬼᬧᬸᬕᬦ᭄ᬤᬳ
[ ᭒᭙ 29A]
ᬢ᭄ᬗᬗᭀᬩᬶᬦ᭄᭟ᬗ᭄ᬕᬯᬾᬚᭂᬚᭂᬄᬗ᭄ᬢᭀᬃᬩᬸᬗ᭄ᬓᭂᬃᬧᬮᬶᬂᬳᬾᬯ᭞ᬫᬮᬳᬶᬩ᭄ᬧᬢᬶᬲᬶᬮᬶ᭞ᬲᬫ᭄ᬫᬶᬋᬂᬲᬫ᭄ᬬᬦ᭄᭞ᬳᬶᬦᬩ᭄ᬳ᭄ᬬᬂᬓᬮᬵ
ᬦ᭄ᬣᬓ᭞ᬫᬦᬶᬩᬾᬦ᭄‌ᬓ᭄ᬮᬸᬗ᭄ᬓᬸᬂᬦᬕᬭᬶ᭞ᬩᬬᬵᬩᬜ᭄ᬘᬡ᭞ᬕᬺᬤᭂᬕᬦ᭄ᬕᭂᬦ᭄ᬢᬸᬄᬢᬦ᭄ᬤᬶᬗ᭄ᬲᬶᬃ᭟ᬲᬫᬶᬭᬭᬸᬤ᭄‌ᬧᬮᬶᬂᬳᬾᬯᬢᬦᭀᬮᬶ᭠
ᬳᬦ᭄᭞ᬳᬶᬦᬩᬂᬫᬸᬲᬸᬄᬧ᭄ᬭᬧ᭄ᬢᬶ᭞ᬩᬸᬬᬃᬢᬦ᭄ᬧᬳᬢ᭄ᬫᬵᬧ᭄ᬢᭂᬂᬤᭂᬤᭂᬢ᭄ᬲᬩᭂᬄᬭᬳᬢ᭄᭞ᬢᬦ᭄ᬓᬮᬶᬗᬸᬳᬦ᭄ᬢᬸᬓ᭄ᬧᬮᬶᬂ᭞ᬧᬫ᭄ᬭᬾᬦ᭄ᬢᬄ
ᬢ᭄ᬭᬕ᭄ᬬᬵᬜᬕᬢᬾᬫ᭄ᬩᬓᬦ᭄ᬤᬶᬢᬶᬃ᭟ᬢᬗ᭄ᬕᬮ᭄ᬮᬶᬫᬩᬸᬮᬦ᭄ᬓᬮᬶᬄᬬᬓᬶᬦᬸᬘᬧ᭄᭞ᬢᬳᬸᬦᬾᬳᬸᬘᬧᬂᬫᬮᬶᬄ᭞ᬲ᭄ᬬᬸᬲᬗᬵᬦᭂᬫ᭄ᬤᬰ᭞ [ 30 ][ ᭒᭙ 29B]
᭒᭙
ᬘᬢᬸᬃᬫᬓᬵᬢᬢᬗ᭄ᬕᬸᬜ᭞ᬗᬃᬤ᭄ᬥᬶᬩᬵᬬᬦᬾᬫᬢᬶᬦ᭄ᬤᬶᬄ᭞ᬤᬤ᭄ᬬᬜᬕᬾᬯᭀᬃᬧᭂᬚᬮᬦ᭄ᬭᬸᬗ᭄ᬓᬵᬢᬦ᭄ᬲᬶᬧᬶ᭟ᬓᬓᭀᬩᭂᬢᬦ᭄ᬭᬓ᭄ᬳ᭄ᬬᬢᬾᬢ
ᬦ᭄ᬓᭂᬦᬶᬯᬶᬮᬂ᭞ᬤᬕᬂᬤᬕᬂᬦᬾᬫᬫᬃᬕ᭄ᬕᬶ᭞ᬬᬦ᭄‌ᬗ᭄ᬮᬶᬦ᭄ᬢᬂᬢᬸᬓᬤ᭄᭞ᬯᬾᬦ᭄ᬢᭂᬦ᭄ᬫᭂᬕᬦ᭄ᬤᭀᬂᬫᬤᬦ᭄ᬤᬦ᭄᭞ᬗ᭄ᬕᬯᬾᬓ᭄ᬤᬾᬓ᭄ᬲᬂᬜᬶᬗᬓᬶᬦ᭄᭞ᬮᬾᬦ᭄ᬓᬵ
ᬩᭂᬦ᭄ᬜᬶᬗᬓ᭄᭞ᬲᬸᬓᬵᬤᬸᬓᬦᬾᬫᬲᬦ᭄ᬤᬶᬂ᭟ᬮᬶᬦ᭄ᬢᬂᬭᬳᬫᬾᬜᬫᬜᬶᬗᬓ᭄ᬮᬦ᭄ᬓᬘᬶᬗᬓ᭄᭞ᬩᬸᬭᬸᬳᬾᬫᬧᬦ᭄ᬢᬶᬧᬦ᭄ᬢᬶ᭞ᬜᬕᬩᭂᬩᬦ᭄ᬤᬭᬦ᭄᭞ᬲ
ᬮᬶᬂᬋᬩᬸᬣ᭄ᬳᬸᬮᬄᬫᬳᬦ᭄᭞ᬳᬸᬧᬳᬾᬧᬘᬂᬓᬪᬸᬓ᭄ᬢᬶ᭞ᬫᬕᬾᬲᭀᬦᬦ᭄᭞ᬫᭂᬮᬸᬲᬮᬶᬂᬳᬸᬩᭂᬭᬶᬦ᭄᭟ᬬᬦ᭄ᬳᬶᬦᬩᬂᬧᬲᬃᬫᬍᬫ᭄ᬓ

[ ᭓᭐ 30A]
ᬦ᭄ᬢᭂᬦᬦ᭄ᬜ᭞ᬧᬫᬃᬕ᭄ᬕᬶᬦᬾᬫᬕᬶᬮᬶᬄ᭞ᬩᬭᬂᬓᬾᬄᬫᬲᬄᬲᬄ᭞ᬤᬶᬲᬶᬲᬶᬦ᭄ᬲᬶᬲᬶᬦ᭄ᬫᬃᬕ᭄ᬕ᭞ᬫᭀᬢᭀᬃᬤᭀᬓᬃᬢᬦ᭄ᬲᬶᬦᬶᬧᬶ᭞ᬜᬓᬵᬮᬦ᭄ᬗᬚᬶ᭞
ᬳᬩ᭄ᬯᬢᬦ᭄ᬩᬭᬂᬢᬦ᭄ᬕᬶᬂᬲᬶᬃ᭟᭐᭟ᬲᬶᬦᭀᬫ᭄᭟᭐᭟ᬲᬧᬸᬦᬶᬓᬓᬢᬸᬢᬸᬭᬦ᭄᭞ᬧᬜ᭄ᬘᬩᬬᬦᬾᬦᬶᬩᬦᬶᬦ᭄᭞ᬫᬗᬃᬤ᭄ᬬᬂᬓᬭᬸᬲᬓᬦ᭄᭞
ᬭᬸᬲᬓᬼᬩᬸᬃᬢᬦ᭄ᬧᬳᬶᬦ᭄ᬤᬶᬓ᭄᭞ᬗᬯ᭄ᬢᬸᬯᬂᬢ᭄ᬭᬓ᭄ᬭᬓ᭄ᬕᬸᬫᬶ᭞ᬢᬸᬦᬧᬗᬦ᭄‌ᬫ᭄ᬯᬂᬓᬶᬦᬸᬫ᭄᭞ᬭᬓ᭄ᬳ᭄ᬬᬭᬢᬾᬳᬓᬾᬄᬫᬦ᭄ᬤ᭄ᬭᬶᬢ᭞ᬪᬸᬲᬸᬂᬮᬧᬃᬓᬯᬲ᭄ᬢᬦᬶᬦ᭄᭞ᬢᬸᬦᬲᬵ
ᬗᬸ᭞ᬫ᭄ᬯᬂᬲᬸᬕ᭄ᬳᬯᬓ᭄ᬩᭂᬭᬕ᭄᭟ᬩᬢᬶᬲ᭄ᬩᭂᬢᭂᬕ᭄ᬫᬓᭀᬢᭀᬕᬦ᭄᭞ᬧᬶᬧᬶᬜᬮᬂᬧᬘᬵᬫᬶᬮ᭄ᬫᬶᬮ᭄᭞ᬳᬸᬮᬶᬳᬦ᭄ᬤᬳᬃᬤᭀᬦ᭄ᬤᭀᬦᬦ᭄᭞ᬜᬩ᭄ᬭᬦ᭄ᬤᬶᬦ [ 31 ][ ᭓᭐ 30B]
᭓᭐
ᬢᭀᬓᬪᬸᬓ᭄ᬢᬶ᭞ᬳᬸᬮᬶᬳᬦ᭄ᬢᭀᬂᬫᬳᬦ᭄ᬗᬮᬶᬄ᭞ᬢᬶᬮᬶᬄᬗᬶᬤᬶᬄᬢᭀᬂᬓᬮᬶᬗᬸ᭞ᬩᬸᬤ᭄ᬥᬶᬫ᭄ᬮᬶᬧᬶᬧᬶᬲᬶᬂᬗ᭄ᬮᬄ᭞ᬜᬩ᭄ᬭᬦ᭄ᬤᬶᬦᬓᬾᬢᭀᬲᬳᬶ᭞ᬢᬦ᭄ᬧᬳᬸ
ᬦ᭄ᬤᬸᬓ᭄᭞ᬦᬾᬓ᭄ᬦᭂᬳᬂᬢᭀᬂᬓᬲᬶᬤ᭄ᬥᬦ᭄᭟ᬩᬸᬗ᭄ᬓᬶᬮ᭄ᬩᬶᬬᬸᬩᬸᬗ᭄ᬓᬶᬮ᭄ᬕᭂᬥᬂ᭞ᬩᬢᬸᬦ᭄ᬯᬦᬶᬦᬾᬫᬓᬤᬶ᭞ᬩᬸᬗ᭄ᬓᬶᬮ᭄‌ᬓ᭄ᬮᬥᬶᬫ᭄ᬯᬂᬲᬶᬓᬧ᭞ᬳᭂᬦ᭄ᬢᭀᬓᬭᬸᬭᬸᬄᬲᬵ
ᬲᬳᬶ᭞ᬳᬓᬾᬄᬲᬦᬾᬓᬍᬗᭂᬳᬶᬦ᭄᭞ᬮᬩᬸᬄᬍᬗᭂᬄᬕᬺᬩ᭄ᬬᬕ᭄᭞ᬢ᭄ᬯᬭᬵᬳᬶᬗᭂᬢ᭄ᬢᭂᬓᬾᬦ᭄ᬳᬯᬓ᭄᭞ᬧᬦᬓ᭄ᬱᭀᬫᬳᬾᬧᬚ᭄ᬭᬶᬢ᭄᭞ᬢᬦ᭄ᬧᬯ
ᬲ᭄ᬢᬸ᭞ᬳᬾᬯᬵᬢᭀᬂᬲᬶᬤ᭄ᬥᬵᬫᬓ᭄ᬦᭂᬳᬦ᭄᭟ᬫᬢᬸᬮᬸᬂᬳᬸᬮᬶᬳᬦ᭄ᬫᬦᬄ᭞ᬧᬢᬸᬢ᭄ᬢᬸᬮᬸᬗᬶᬦ᭄ᬗᬦ᭄ᬤᬕᬶᬂ᭞ᬓᬾᬦ᭄ᬓᬾᬦᬂᬚᬦᬶᬫᬗᬺᬫ᭄ᬩᬢ᭄᭞ᬲ᭄ᬥᬸᬓ᭄ᬧᬢᬸ

[ ᭓᭑ 31A]
ᬢ᭄ᬩᬳᬂᬦᬲᬶ᭞ᬢᬸᬢᬸᬃᬓ᭄ᬦᭂᬄᬢᬦ᭄ᬧᬪᬸᬓ᭄ᬢᬶ᭞ᬫᬧ᭄ᬯᬭᬵᬢᬦ᭄ᬧᬳᬸᬦ᭄ᬤᬸᬓ᭄᭞ᬤᬤ᭄ᬯᬜᬫᬢ᭄ᬫᬳᬦ᭄᭞ᬳᬓᬾᬄᬲᬦᬾᬫᬗ᭄ᬫᬲᬶᬦ᭄᭞ᬧᬤᭂᬫ᭄ᬲᭂᬥᬸᬓ᭄᭞
ᬳᬸᬮ᭄ᬬᬦ᭄ᬓᭀᬩᭂᬢ᭄ᬗᬮᬶᬄᬫᬺᬢ᭄ᬢ᭟ᬧᬫ᭄ᬭᬾᬦ᭄ᬢᬄᬳᭀᬲᭂᬓ᭄ᬫᬶᬤᬩ᭄ᬤᬩ᭄᭞ᬭᬓ᭄ᬳ᭄ᬬᬢᬾᬫᬗ᭄ᬤᬵᬤᬶᬕ᭄ᬮᬶᬲ᭄᭞ᬧᭀᬮᬶᬄᬩᬕ᭄ᬬᬦ᭄ᬚᬕᬸᬂᬩ᭄ᬭᬲ᭄᭞ᬫᬓᬵᬢᬫ᭄ᬩ
ᬦᬾᬓᬪᬸᬓ᭄ᬢᬶ᭞ᬦᬗᬶᬂᬓᬧ᭄ᬭᬾᬓ᭄ᬱᬭᬶᬳᬶᬦ᭄᭞ᬤᭀᬓ᭄ᬢᭂᬃᬫᬦ᭄ᬢ᭄ᬭᬶᬧᬥᬕᬸᬧᬸᬄ᭞ᬫᬫ᭄ᬭᬾᬓ᭄ᬱᬲᬂᬓᬳᬦᬦ᭄᭞ᬦᬗ᭄ᬳᬶᬂᬧᬥᬵᬫᭂᬲᭀᬃᬲᬶᬗ᭄ᬕᬶᬄ᭞ᬲᬤᬮᬸᬘᬸ᭞
ᬧᬫ᭄ᬭᬾᬓ᭄ᬱᬦᬾᬫᬕ᭄ᬦᭂᬧᬦ᭄᭟ᬳᬤᬦᬾᬫᭀᬓᭀᬄᬫᬩᬳᬦ᭄᭞ᬦᬾᬩ᭄ᬭᬕ᭄ᬫᬸᬳᬵᬲ᭄ᬫᬶᬮ᭄ᬫᬶᬮ᭄᭞ᬢᬦ᭄ᬓᬲᬶᬤ᭄ᬥᬦ᭄ᬓᬧᭀᬮᬶᬳᬂ᭞ᬓᬲᬶᬦ [ 32 ][᭓᭑ 31B]
᭓᭑
ᬗ᭄ᬕᭂᬄᬲ᭄ᬕᭂᬃᬕᬢᬶ᭞ᬤᬤ᭄ᬯᬵᬜᬫᬧ᭄ᬯᬭᬮᬮᬶᬲ᭄᭞ᬧᬫ᭄ᬭᬾᬓ᭄ᬱᬦᬾᬢᬦ᭄ᬧᬦᬸᬮᬸᬂ᭞ᬤᬤᬶᬫᬮᬶᬗ᭄ᬕᬾᬦ᭄ᬮᬶᬄᬗ᭄ᬕᬦᬦ᭄᭞ᬢᬸᬮ᭄ᬬᬵᬳᬓᬾᬄᬫᬗ᭄ᬫᬲᬶᬦ᭄᭞ᬫᬵ
ᬢᬶᬓᬸᬢᬸ᭞ᬢᭀᬂᬳᬤᬫᬗᬺᬲᭂᬧᬂ᭟᭐᭟ᬤᬹᬃᬫ᭄ᬫᬵ᭟᭐᭟ᬫᬩ᭄ᬬᬬᬸᬯᬦ᭄‌ᬓᬺᬗ᭄ᬓᭂᬗᬦ᭄ᬭᬓ᭄ᬳ᭄ᬬᬢ᭄ᬲᬚᬕᬢ᭄᭞ᬫ᭄ᬭᬡᬵᬧᬜᬓᬶᬢ᭄ᬗᬩᬩᬶᬦ᭄᭞ᬭᬭᬸᬢᬸᬄ
ᬫᬶᬬᬸᬭᬦ᭄᭞ᬲᬮᬶᬂᬮᬶᬗ᭄ᬕᬾᬦᬶᬦ᭄ᬜᬭᬶᬢᬵ᭞ᬢ᭄ᬯᬭᬗᬶᬢᬸᬂᬓ᭄ᬦᭂᬄᬧ᭄ᬮᬶᬄ᭞ᬳᬲᬮ᭄ᬫ᭄ᬩᬳᬦ᭄᭞ᬗᬫᬾᬮ᭄ᬫᬾᬮ᭄ᬢᬦ᭄ᬧᬳᬶᬦ᭄ᬤᬶᬓ᭄᭟ᬋᬭᬯᭀᬲᬦ᭄ᬫᬯᬸᬯᬸᬄ
ᬫᬜᬩ᭄ᬭᬦ᭄ᬤᬶᬦ᭞ᬢᭀᬂᬩᬓᬢ᭄ᬩᬦ᭄ᬗᬶᬢᬸᬗᬶᬦ᭄᭞ᬦᬾᬩᭂᬲᬶᬓ᭄ᬤᬤᬶᬤᬤ᭄ᬯᬵ᭞ᬓᬦ᭄ᬢᬶᬤᬤᬶᬳᬓᬲᬦ᭄᭞ᬦᬾᬦᬾᬩ᭄ᬦᭂᬄᬤᬤᬶᬧ᭄ᬮᬶᬄ᭞ᬳᬲᬮ᭄ᬓᬩ᭄ᬭᬶ

[ ᭓᭒ 32A]
ᬬᬸᬓᬦ᭄᭞ᬧᬺᬲᬶᬤᬵᬧᬢᬸᬢ᭄ᬮᬮᬶ᭟ᬩ᭄ᬯᬶᬦᬜᬕᬯᭀᬓ᭄ᬢᭂᬓᬾᬦ᭄‌ᬧᬺᬳᬢᬸᬭᬦ᭄᭞ᬜᬩ᭄ᬭᬦ᭄ᬤᬶᬦᬫᬕᭂᬦ᭄ᬢᬶ᭞ᬲᬗ᭄ᬓᭂᬧ᭄ᬩᬸᬲᬦ᭄ᬩᬸᬲᬦ᭄᭞ᬩᬸᬮᬓ᭄ᬩᬮᬶᬓ᭄ᬭ
ᬭᬳᭀᬲᬦ᭄᭞ᬕᬳᬾᬦᬾᬜᬩ᭄ᬭᬦ᭄ᬫᬗᬦ᭄ᬢᬶ᭞ᬧᬶᬦᬄᬩᬸᬮᬦᬦ᭄᭞ᬢᭀᬂᬧᬸᬧᬸᬢ᭄ᬩᬦ᭄ᬗᭂᬜ᭄ᬘᬦᬶᬦ᭄᭟ᬳᬲᬮ᭄ᬫᬳᬦ᭄ᬧᬶᬧᬶᬲ᭄ᬓᬮᬶᬄᬧᬪᬸᬓ᭄ᬢ᭄ᬬᬦ᭄᭞
ᬕᬕᬳᬾᬦᬾᬧ᭄ᬭᬕᬢ᭄ᬕᭂᬮᬶᬲ᭄᭞ᬬᬦ᭄ᬢᬦ᭄ᬧ᭄ᬕᬥᬗᬶᬦ᭄᭞ᬢᬦ᭄ᬓᬲᬶᬤ᭄ᬥᬦ᭄ᬕᬯᬾᬜ᭞ᬤᬤ᭄ᬯᬜᬫᬳᬶᬫ᭄ᬩᬸᬄᬲᬓᬶᬢ᭄᭞ᬢᭀᬂᬓᬮᬶᬗ᭄ᬯᬂ᭞ᬦᬾᬘ᭄ᬦᬶ
ᬓ᭄ᬓᬚᭂᬓ᭄ᬚᭂᬓᬶᬦ᭄᭟ᬓᬲᬓᬶᬢᬦ᭄ᬚᬕᬢᬾᬢᬦ᭄ᬧᬳᬬᬸᬩᬦ᭄᭞ᬗᬯ᭄ᬢᬸᬯᬂᬓ᭄ᬩᬸᬲ᭄ᬲᬳᬶ᭞ᬤᬸᬳ᭄ᬓᬶᬢᬵᬫᬳᬵᬩᬭ᭞ᬗᬺᬜ᭄ᬘᬡᬵᬜᬩ᭄ᬭᬦ᭄ᬢᬦ᭄ᬧ᭄ᬕ [ 33 ][ ᭓᭒ 32B]
᭓᭒
ᬢ᭄᭞ᬓᬸᬤᬸᬳᬤᬫᬦᬸᬮᬸᬗᬶᬦ᭄᭞ᬩᬳᬦ᭄ᬭᬯᭀᬲ᭄ᬫᭂᬮᬄ᭞ᬉᬧᬜᬲᬶᬮᬶᬩ᭄ᬜᬓᬶᬢᬶᬦ᭄᭟ᬓᬚᬢ᭄ᬬᬦ᭄‌ᬜᬸᬕᬶᬳᬂᬳᬦᬓᬾᬘᭀᬭᬄ
᭞ᬭᬳᭀᬲ᭄ᬳᬸᬧᬬᬵᬲᬦ᭄ᬤᬶ᭞ᬤᬲᬃᬓᬕ᭄ᬮᬭᬂ᭞ᬫᬗᬋᬧᬂᬓᬯᬶᬪᬯᬦ᭄᭞ᬦ᭄ᬕᬸᬮ᭄ᬭᬓ᭄ᬳ᭄ᬬᬢ᭄ᬓᬲᬓᬶᬢᬶᬦ᭄᭞ᬓᭂᬧᬾᬮ᭄ᬓᬲᬢ᭄ᬲᬢ᭄᭞ᬓᬦ᭄ᬢᬶᬬ
ᬚᭂᬭᬢ᭄ᬚᭂᬭᬶᬢ᭄᭟ᬲᬧᬸᬦᬶᬓᬵᬭᬶᬂᬚᬕᬢᬾᬧᬜ᭄ᬘᬭᭀᬤ᭞ᬳᬓᬾᬄᬗᬗ᭄ᬓᭂᬦ᭄ᬧᬫᬶᬦ᭄ᬧᬶᬦ᭄᭞ᬫᬵᬫ᭄ᬩᭂᬓ᭄ᬘᬭᬧ᭄ᬭᬚ᭄ᬜᬦ᭄᭞ᬫᬶᬦᭂᬄᬓ᭄ᬭᬳᬬ᭄ᬯᬢ᭄ᬚᬕ
ᬢ᭄᭞ᬦᬗᬶᬂᬬᬦ᭄ᬲᬫ᭄ᬧᬸᬦ᭄ᬓᬯᬶᬤ᭄ᬥᬶ᭞ᬢᭀᬂᬲᬶᬤ᭄ᬥᬋᬱᭂᬧ᭄᭞ᬫᬗᬸᬮᬄᬜᬧᬤᬶᬤᬶ᭟᭐᭟ᬥᬂᬥᬂ᭟᭐᭟ᬗ᭄ᬕᬶᬄᬧᬸᬧᬸᬢ᭄ᬲᬫ᭄ᬧᬸᬦ᭄ᬳᬲᬧᬸᬦᬶᬓᬶ᭞ᬢᭂ

[ ᭓᭓ 33A]
ᬫ᭄ᬩᬂᬥᬂᬥᬂ᭞ᬳᬫ᭄ᬧᬸᬭᬦᬾᬜᬸᬭᬢ᭄᭞ᬫᬓᬤᬶᬕᬕᬸᬭᬶᬢᬦᬾ᭞ᬧᬓᬃᬬ᭄ᬬᬦ᭄ᬚᬤ᭄ᬫᬵᬫᬬᬸᬲ᭄᭞ᬢᬦᬯ᭄ᬭᬸᬄᬗᬗ᭄ᬲᬸᬤ᭄ᬓᬢᬶᬓ᭄᭞ᬤ᭄ᬯᬦᬶᬂᬰᬲ᭄ᬢ᭄ᬭ
ᬦᬾᬩᬸᬭᬲ᭄᭞ᬧᬲᬂᬤᭂᬓ᭄ᬤᭂᬓ᭄ᬱᬫᬸᬓ᭄᭞ᬧᬸᬧᬸᬳᬾᬚᭀᬓᬦ᭄ᬫᬗ᭄ᬮᬶᬯᬢ᭄᭞ᬗ᭄ᬕᬶᬄᬮᬾᬤᬗᬂ᭞ᬮᬸᬫᬮᬦᬬᬂᬭᬶᬂᬋᬤᬶ᭞ᬳᬫ᭄ᬧᬸᬭᬢᬶᬢ᭄ᬬᬂᬓᬢᬸᬦ
ᬦ᭄᭛᭐᭛ᬤᬸᬓ᭄ᬫᬓᬵᬍᬧᬸᬲ᭄‌ᬕᬸᬦᬸᬂᬳᬕᬸᬂᬧᬸᬦᬶᬓ᭞ᬭᬶᬂᬭᬳᬶᬦ᭞ᬘ᭞ᬓ᭞ᬯᬭᬯᬭᬶᬕᬵ᭞ᬢᬂ᭞᭑᭙᭞ᬩᬸᬮᬦ᭄ᬧᬾᬩ᭄ᬭᬳᬭᬶ᭞ᬢ
ᬳᬸᬦ᭄᭞᭑᭙᭖᭓᭟᭐᭟ᬩᬩᭀᬦ᭄ᬮᭀᬦ᭄ᬢᬃᬧᬸᬦᬶᬓᬶ᭞ᬤ᭄ᬭᬸᬯᬾᬦ᭄ᬳᬶᬓ᭄ᬢᬸᬢ᭄ᬲᬭ᭟᭐᭟ᬧᬸᬧᬸᬢ᭄ᬲᬶᬦᬸᬭᬢ᭄ᬫᬦ᭄ᬥᬸᬦ᭄ᬭᬶᬂᬤᬶᬦ᭞ᬰᬸ᭞ᬯ᭞ᬯᬭᬉᬬᬾ᭞ [ 34 ][ ᭓᭓ 33B]
᭓᭓
ᬯᬶᬯᬶ᭞ᬧᬂ᭞ᬧᬶᬂ᭞᭑᭔᭞ᬰᬰᬶᬄ᭞ᬓᬭᭀ᭞ᬭᬄ᭞᭓᭞ᬢᭂᬂ᭞᭑᭞ᬇᬰᬓ᭞᭑᭙᭑᭓᭟ᬢᬗ᭄ᬕᬮ᭄ᬫᬰᬾᬳᬶ᭞᭙᭞ᬳᬕᬸᬲ᭄ᬢᬸᬲ᭄᭞᭑᭙᭙᭑᭟᭐᭟
ᬲᬶᬦᬸᬭᬢ᭄ᬳᭀᬮᬶᬄᬲᬗᬧᬦ᭄ᬮᬄ᭞ᬳᬶᬓ᭄ᬢᬸᬢ᭄ᬲᬗᭀᬤ᭄᭞ᬲᬓᬶᬂᬤᬾᬰᬧᬶᬤ᭄ᬧᬶᬤ᭄ᬓᬮᬾᬃᬤᬯᬸᬄᬫᬃᬕ᭄ᬕ᭞ᬯᬃᬕ᭄ᬕᬵᬧᬲᭂᬓ᭄᭞ᬓᬤᬾᬰᬳᬦ᭄ᬧᬶᬤ᭄ᬧᬶᬤ᭄᭞
ᬓᬘᬫᬢᬦ᭄ᬳᬩᬂ᭞ᬓᬩᬸᬧᬢᬾᬦ᭄ᬓᬭᬗᬲᭂᬫ᭄᭛᭐᭛