This page has been proofread.
[ ᭑᭓ 13B]
᭑᭓
ᬳᬦ᭄᭞ᬧᬜ᭄ᬘᬩᬬᬫᬶᬓᭀᬩᭂᬢᬶᬦ᭄᭞ᬧᬸᬦᬶᬓᬦᬾᬗᬃᬤ᭄ᬥᬶᬦᬶᬦ᭄᭞ᬫᬦᬸᬱᬦᬾᬲᬫᬶᬭᬭᬸᬤ᭄᭞ᬭᬭᬸᬤ᭄ᬫᬗ᭄ᬮᬶᬤᬂᬳ
ᬯᬓ᭄᭞ᬢᬦ᭄ᬫᬗᬶᬢᬸᬂᬓᬬᬵᬫᬶᬲ᭄ᬓᬶᬦ᭄᭞ᬦᬦ᭄ᬤᬂᬲᬸᬗ᭄ᬲᬸᬢ᭄᭞ᬫᬦᬶᬗ᭄ᬕᬮ᭄ᬤᬾᬰᬦᬕᬭ᭞ᬳ᭄ᬦᭂᬂᬗᬂᬫᬗ᭄ᬓᬶᬜ᭄ᬘᬭᬶᬢ᭞ᬧᬫ᭄ᬭᬾᬦ᭄ᬢᬄᬳᭀᬲᭂ
ᬓ᭄ᬫᬶᬦᭂᬳᬶᬦ᭄᭞ᬳᬶᬩᬸᬓᭀᬢ᭄ᬬᬓᬭᬗ᭄ᬳᬲᭂᬫ᭄᭞ᬲᬫᬶᬲᬫ᭄ᬧᬸᬦ᭄ᬫᬕᬶᬗ᭄ᬲᬶᬃ᭞ᬭᬶᬂᬤᬾᬰᬉᬮᬓᬦ᭄ᬫᬗ᭄ᬓᬶᬦ᭄᭞ᬲᬚ᭄ᬭᭀᬦᬶᬂᬩᬬᬓᬯᬸᬯᬸᬲ᭄᭞
ᬓᬭᬶᬦᬗ᭄ᬕᭂᬄᬕ᭄ᬦᬄᬓᭀᬢ᭄ᬢ᭞ᬤᬳᬾᬭᬄᬧᬫ᭄ᬭᬾᬦ᭄ᬢᬄᬫᬗ᭄ᬓᬶᬦ᭄᭞ᬤᬳᬢ᭄ᬲᬫᬸᬦ᭄᭞ᬢᬢᬶᬗ᭄ᬓᬳᬦ᭄ᬇᬯᬵᬘᬭ᭟ᬲᬾᬲᬦᬶᬂᬤᬾᬰᬵ
[ ᭑᭔ 14A]
ᬳᬸᬮᬓᬦ᭄᭞ᬭᬶᬂᬓᬭᬗ᭄ᬳᬲᭂᬫ᭄ᬦᬾᬫᬗ᭄ᬓᬶᬦ᭄᭞ᬳᬓᬾᬄᬓᬭᬶᬫᬚ᭄ᬦᭂᬓᬦ᭄᭞ᬫᬕᭂᬳᬂᬧ᭄ᬭᬾᬦ᭄ᬢᬳᬾᬓᬭᬶ᭞ᬫᬯᬵᬲᬦᬩᬶᬗᬸᬂᬲᬫᬶ᭞
ᬭᬓ᭄ᬳ᭄ᬬᬢᬾᬳᬓᬾᬄᬧ᭄ᬕ᭄ᬭᬸᬫᬸᬦ᭄᭞ᬩᬶᬗᬸᬂᬫᬗᭂᬦᭂᬳᬂᬳᬯᬵᬓ᭄᭞ᬢᬸᬦᬲᬗᬸᬢᬸᬦᬤᬕᬶᬂ᭞ᬤᬳᬢ᭄ᬓᬾᬯᬸᬄ᭞ᬓᬓᭀᬩᭂᬢᬦᬾᬢᬦ᭄
ᬧ᭄ᬕᬢ᭄᭟ᬳᬸᬧᭀᬦ᭄ᬳᬸᬧᭀᬦ᭄ᬘᬭᬶᬓ᭄ᬳᬩ᭄ᬬᬦ᭄᭞ᬧᬤᭂᬫ᭄ᬳᬸᬦᬢᭀᬬᬲᬫᬶ᭞ᬧᬦᬲ᭄ᬳᬗ᭄ᬲᭂᬗᬦᬾᬚᬕᬢ᭄᭞ᬮᬸᬤᬶᬦ᭄ᬜᬩ᭄ᬭᬦ᭄ᬲᬩᭂᬄᬧᬲᬶᬃ᭞ᬳᬯᭀᬦ
ᬦᬾᬫᬗᬶᬓᬶᬦ᭄᭞ᬫᬗᬃᬤ᭄ᬥᬶᬓᭀᬩᭂᬢ᭄ᬲᬢᬸᬯᬸᬓ᭄᭞ᬮᬸᬤᬶᬦ᭄ᬢᬸᬦᬧᬤᬕᬶᬗᬦ᭄᭞ᬧᬜ᭄ᬘᬩᬬᬦᬾᬗ᭄ᬭᬯᬸᬳᬶᬦ᭄᭞ᬗᬃᬤ᭄ᬥᬶᬲᬸᬗ᭄ᬲᬸᬢ᭄᭞
