This page has been proofread.
[ ᭑ 1B]
᭑
᭛᭐᭛ᬒᬁᬅᬯᬶᬖ᭄ᬦᬫᬲ᭄ᬢᬸ᭛᭐᭛ᬲᬶᬦᭀᬫ᭄ᬳᬗ᭄ᬕᬾᬦ᭄ᬧᬸᬃᬯ᭄ᬯᬓᬦ᭄ᬤᬵ᭞ᬓᬦ᭄ᬤᬬᬂᬫᬸᬭᬸᬓ᭄ᬫᬗᬸᬭᬶᬓ᭄ᬢ᭄᭞ᬫᬗᬸᬭᬶᬢ᭄ᬲᬫ᭄ᬩᬶᬮᬂᬩ᭄ᬗᭀᬂ᭞
ᬩ᭄ᬗᭀᬂᬩᬶᬗᬸᬂᬫᬗᭂᬦᭂᬳᬶᬦ᭄᭞ᬓ᭄ᬦᭂᬳᬾᬢᭀᬂᬓᬳᬶᬢᬸᬗᬶᬦ᭄᭞ᬳᬶᬢᬸᬗᬦᬾᬗᬯᬂᬗᬸᬯᬸᬂ᭞ᬲᬭᬸᬯᬂᬫᬜ᭄ᬚᬔᭂᬦ᭄ᬢᬮ᭄᭞ᬫᬗᬸᬦ᭄ᬢᬸᬓ᭄ᬭᬭᬶᬲ᭄ᬫᬦᬸ
ᬮᬶᬲ᭄᭞ᬧᬜᬮᬶᬫᬸᬃ᭞ᬫᬦᬸᬧ᭄ᬢᬸᬧᬂᬧᬗᬺᬜ᭄ᬘᬡ᭞ᬱᬜ᭄ᬘᬦᬦᬾ᭠ᬲᬫ᭄ᬩᭂᬄᬩᬸᬬᬃ᭟ᬫᬓ᭄ᬚᬂᬩᬓᬢ᭄ᬳᬶᬢᬸᬗᬶᬦ᭄᭞ᬯᬮᬸᬬᬵᬲᬓᬤᬶᬳᬾᬤᬦ᭄᭞
ᬳᬶᬦᬩ᭄ᬭᬶᬪᬸᬄᬳᬃᬱᬩᬸᬤ᭄ᬥᬶ᭞ᬢᭀᬂᬗ᭄ᬭᬱᬵᬤᬾᬯᬾᬓ᭄ᬕᬸᬭᬶᬄ᭞ᬩ᭄ᬮᭀᬕ᭄ᬮᬘᬸᬭᬾᬫᬧᬸᬦ᭄ᬤᬸᬄ᭞ᬕᬜ᭄ᬘᬂᬫᬗᬶᬓ᭄ᬢᬂᬢᭂᬫ᭄ᬩᬂ᭞ᬳᬗ᭄ᬕᬾᬦ᭄ᬜᬮᬶᬫᬸᬭᬂ
[ 2A]
ᬧᬮᬶᬂ᭞ᬳᬧᬂᬲᬭᬸ᭞ᬤᬶᬧ᭄ᬤᭂᬫᬦ᭄ᬫᬓ᭄ᬦᭂᬳᬦ᭄᭟ᬓᬤᭀᬂᬳ᭠ᬤᬵᬓᬯᬶᬗᭂᬦᬄ᭞ᬦᬗᬶᬂᬓᬾᬲᬓᬾᬂᬓᬯᭂᬃᬤ᭄ᬥᬶ᭞ᬳᬧᬂᬳᬤᬵᬧ
ᬳᬾᬮᬶᬗᬦ᭄᭞ᬓᬢᬢ᭄ᬯᬦ᭄ᬕᬸᬦᬶᬂᬢᭀᬄᬮᬗ᭄ᬓᬶᬃ᭞ᬫᬸᬗ᭄ᬕᬸᬄᬭᬶᬂᬲᬗ᭄ᬳᬭᬪᬸᬫᬶ᭞ᬧᬸᬦᬶᬓᬵᬫᬗ᭄ᬓᬶᬦ᭄ᬓᬢᬸᬧ᭄ᬢᬸᬧ᭄᭞ᬤᬸᬫᬤᬓ᭄ᬲᬶᬤ᭄ᬥᬓᬃᬬ᭄ᬬ᭞ᬲᬓᬶᬂᬧ
ᬦᬸᬕ᭄ᬭᬦ᭄ᬳ᭄ᬬᬂᬯᬶᬤ᭄ᬥᬶ᭞ᬫᬗ᭄ᬳᬵᬳᬲᬸᬂ᭞ᬢᬦ᭄ᬓᭂᬦᬾᬂᬓᬘᬓ᭄ᬭᬪᬯ᭟ᬯᬺᬲ᭄ᬧᬢᬶᬓ᭄ᬮᬶᬯᭀᬦ᭄ᬓᭀᬘᬧ᭄᭞ᬯᬭᬵᬫ᭄ᬭᬓᬶᬄᬫᬦ᭄ᬫᭀᬦᬶᬦ᭄᭞ᬰᬰᬶᬄᬘᬢᬸᬃ
ᬇᬰᬓᬜ᭞ᬲᬯ᭄ᬮᬲ᭄ᬧᬸᬦᬶᬓᬬᬸᬓ᭄ᬢᬶ᭞ᬧᬸᬘᬓ᭄ᬲᭂᬫᬾᬭᬸᬕᬶᬭᬶ᭞ᬲᬫ᭄ᬧᬸᬦᬾᬫᬗ᭄ᬓᬶᬦ᭄ᬢᬸᬫᬸᬭᬸᬦ᭄᭞ᬭᬶᬗ᭄ᬩᬮᬶᬓᬚ᭄ᬦᭂᬗᬂ᭞ᬳᬦ᭄ᬢᬸᬓ᭄ᬳᬶᬤᬳ᭄ᬬᬂ
