This page has been proofread.
[᭒᭔ 24B]
᭒᭔
ᬗᬸᬧᬚᬶᬯᬵ᭞ᬚᬶᬯᬦᬾᬜᬩ᭄ᬭᬦ᭄ᬫᬗᬦ᭄ᬢᬶ᭞ᬫᬗᬦ᭄ᬢᬶᬬᬂᬲᬦ᭄ᬤᬂᬧᬗᬦ᭄᭞ᬧᬧᬗᬦᬦᬾᬗᭀᬩᭂᬢᬶᬦ᭄᭟ᬓᬓᭀᬩᭂᬢᬦᬾᬫᬯᬸ
ᬯᬸᬄ᭞ᬯᬸᬯᬸᬳᬶᬦ᭄ᬧᬓᬾᬯᭂᬄᬲᬳᬶ᭞ᬲᬳᬶᬲᬳᬶᬫᬲᬫ᭄ᬩᬢᬦ᭄᭞ᬫᬦ᭄ᬤᬸᬮᬫᬾᬲᬂᬳ᭄ᬬᬂᬯᬶᬤ᭄ᬥᬶ᭞ᬫᬗ᭄ᬤᬵᬕ᭄ᬮᬶᬲ᭄ᬓᬲᬫ᭄ᬧᬸᬭ᭞ᬜᬫ᭄ᬧᬸᬭᬵᬭᬵ
ᬔ᭄ᬢᬢ᭄ᬲᬫᬶ᭟ᬲᬫᬶᬲᬗ᭄ᬲᬭᬫᬦ᭄ᬫᬸ᭞ᬮᬳᬃᬮᬶᬦᬸᬳᬾᬗᬃᬤ᭄ᬥᬶᬦᬶᬦ᭄᭞ᬳᬸᬫᬄᬚᬶᬯᬵᬳᬓᬾᬄᬪ᭄ᬭᬱ᭄ᬝᬵ᭞ᬢᬦ᭄ᬲᬶᬤ᭄ᬥᬵᬳᬦ᭄ᬢᬸᬓ᭄ᬗᭂᬦᬳᬶ᭠
ᬦ᭄᭞ᬧᬫ᭄ᬭᬾᬦ᭄ᬢᬄᬫᬗ᭄ᬓᬶᬦ᭄ᬫᬶᬦᬩ᭄ᬤᬩ᭄᭞ᬤᬩ᭄ᬤᬩᬂᬭᬔ᭄ᬬᬢᬾᬲᬫᬶ᭟ᬲᬫᬶᬲᬦᬾᬲᬫ᭄ᬧᬸᬦ᭄ᬫᬸᬗ᭄ᬕᬸᬄ᭞ᬢᬦ᭄ᬫᬳᬸᬫᬄᬢ᭄ᬕᬮ᭄ᬘᬘᬭᬶᬓ᭄᭞ᬦᬾᬓ
[ ᭒᭕ 25A]
ᬢᬶᬩᬾᬦ᭄ᬳᬦ᭄ᬢᬸᬓ᭄ᬮᬳᬃ᭞ᬫᬗ᭄ᬤᬾᬦ᭄ᬤᬶᬕ᭄ᬮᬶᬲ᭄ᬫᬕᬶᬗ᭄ᬲᬶᬃ᭞ᬢ᭄ᬭᬦ᭄ᬫᬶᬕ᭄ᬭᬲᬶᬓᬲᬶᬦᬗ᭄ᬕᭂᬄ᭞ᬓᬮᬸᬯᬃᬧᬸᬮᬳᭀᬩᬮᬶ᭟ᬓ᭄ᬦᭂᬄᬜᬦᬾᬲᬫ᭄ᬧᬸᬦ᭄ᬜᬸ
ᬓᬸᬄ᭞ᬢᬶᬕᬂᬧᬸᬮᬳᭀᬓᬯᬶᬥᬶ᭞ᬲᬸᬮᬯᭂᬲᬶᬓᬮᬶᬫᬦ᭄ᬢᬦ᭄᭞ᬲᬸᬫᬢ᭄ᬭᬢ᭄ᬗᬄᬫᬓᬵᬤᬶ᭞ᬧᬸᬦᬶᬓᬦᬾᬓᬘᬸᬓᬸᬳᬂ᭞ᬭᬶᬂᬲᬂᬓᬳᬦᬦ᭄ᬩᬜ᭄ᬘ
ᬡᬶ᭟ᬳᬸᬫᬄᬓᭂᬲᭂᬤ᭄ᬬᬬᬂᬲᬫ᭄ᬧᬸᬦ᭄᭞ᬢᬦᬄᬓᬮᬶᬄᬳᬾᬓ᭄ᬢᬃᬧᭀᬮᬶᬄ᭞ᬲᬗᬸᬓᬮᬶᬄᬢᬯᬸᬦ᭄ᬓᭀᬘᬧ᭄᭞ᬧᬫ᭄ᬭᬾᬦ᭄ᬢᬄᬲᬤ᭄ᬬᬵᬫᭂᬜ᭄ᬚᬫᬶᬦ᭄᭟ᬓ
ᬲᬾᬬᬢᬦ᭄ᬓᬤᬩ᭄ᬤᬩᬂᬩᬦ᭄ᬢᬸᬯᬦ᭄ᬮᬸᬯᬃᬦᬕᬭᬶ᭟ᬧᬫ᭄ᬭᬾᬦ᭄ᬢᬄ᭠ᬫᬶᬤᬃᬢ᭄ᬢᬵᬲᬫ᭄ᬧᬸᬦ᭄᭞ᬜᬸᬓᬸᬄᬕ᭄ᬦᬄᬫᬶᬦᬩ᭄ᬤᬩᬶᬦ᭄᭞ᬫᬓᬸᬫ᭄ᬧᬸᬮ᭄ᬕᭂᬦᬄᬗ
