This page has been proofread.
[ ᭑᭘ 18A]
᭑᭘
ᬜ᭄ᬚᬃᬢ᭄ᬗᬄᬲᬸᬓᬵᬯᬡ᭞ᬯᬶᬮᬗᬦ᭄ᬫᬦ᭄ᬤᬶᬭᬶᬦ᭄ᬤᬶᬭᬶᬦ᭄᭞ᬤᬾᬰᬳᬸᬫᬸᬗ᭄ᬕᬸᬄᬭᬶᬗᬃᬱ᭞ᬗᬦ᭄ᬤᭂᬫ᭄ᬲ᭄ᬮᬢ᭄ᬯᭂᬗ᭄ᬓᭀᬦᬶᬧᬸᬦ᭄᭞ᬢᬶᬫ᭄ᬩᬮᬂᬭᬶᬂᬯᭂ
ᬗ᭄ᬓᬵᬦ᭄ᬓᭀᬢ᭄ᬯ᭞ᬦᬾᬫᭂᬫᬗ᭄ᬕᬶᬄ᭞ᬩᬬᬵᬓᬭᬵᬲᭀᬓᭀᬂᬓᭀᬘᬧ᭄᭟ᬲᬢᬓ᭄ᬤᬶᬭᬶᬯᬶᬮᬗᬜ᭞ᬧᬸᬦᬶᬓᬦᬾᬧᬥᭂᬫ᭄ᬲᬫᬶ᭞ᬫ᭄ᬮᬦ᭄ᬢᬭᬦ᭄ᬕᭂᬦ᭄ᬢᬸᬄ
ᬳᬲᬧ᭄᭞ᬳᬯᬦ᭄ᬧᬦᬲᬾᬓ᭄ᬮᬗ᭄ᬓᬸᬂ᭞ᬫᬗᬺᬲ᭄ᬱᬲᬶᬦ᭄ᬲᬂᬫᬜᬶᬗᬓ᭄᭞ᬇᬯᬾᬭᬢᬗᬶᬲ᭄᭞ᬩᭂᬮ᭄ᬩᭂᬮᬦ᭄ᬳᭀᬲᭂᬓ᭄ᬭᬶᬂᬫᬦᬄ᭟ᬢᬸᬢᬸᬕᬂᬫᬮᬶᬄᬫ
ᬦᬶᬫ᭄ᬩᬮ᭄᭞ᬯᬯᭂᬗ᭄ᬓᭀᬦ᭄ᬭᬶᬂᬓᬸᬩᬸᬤᬶᬲ᭄ᬢ᭄ᬭᬶᬓ᭄᭞ᬢᬍᬃᬓᬳᬦᬦ᭄ᬩᬬ᭞ᬲᬢᬸᬲ᭄ᬧᬢ᭄ᬧᬢ᭄ᬦᬾᬓᬯᬸᬯᬸᬲ᭄᭞ᬧᬸᬦᬶᬓᬵᬦᬾᬲᬫᬶᬩᬬ᭞
[ ᭑᭙ 19A]
ᬲᬦᬾᬓᬦᬶᬦ᭄᭞ᬓᬢᬄᬩᬘᬓᬦ᭄ᬜᬓᭀᬘᬧ᭄᭟ᬫᬗᬵᬲ᭄ᬢᬯᬵᬜᬩ᭄ᬭᬦ᭄ᬤᬶᬦ᭞ᬫᬤᬸᬮᬸᬭᬦ᭄ᬯᬃᬕ᭄ᬕᬵᬲᬭᬶ᭞ᬳᬓᬾᬄᬬᬦ᭄ᬧᬃᬡ᭄ᬦᬵ
ᬳᬸᬮᬢᬂ᭞ᬢᬶᬗ᭄ᬓᬄᬲᬂᬓᬳᬦᬦ᭄ᬮᬫ᭄ᬧᬸᬲ᭄᭞ᬮᬫ᭄ᬧᬸᬲ᭄ᬓᬢᬶᬩᬾᬦ᭄ᬩᬜ᭄ᬘᬡ᭞ᬦᬾᬫᬓᬃᬤ᭄ᬥᬶ᭞ᬮᬳᬃᬧᬦᬹᬲᬂᬗᬯᬶᬦᬂ᭟ᬯᬾᬦ᭄ᬢᭂᬦ᭄ᬫᬮᬶᬄ
ᬓᬘᬭᬶᬢ᭞ᬤᬸᬓᬸᬄᬩᬤᬾᬕ᭄ᬦᬾᬓᬧᬹᬚᬶ᭞ᬲᬤ᭄ᬬᬵᬧᬘᬂᬫᬧᬸᬧᬸᬢᬦ᭄᭞ᬫᬗᬸᬗ᭄ᬲᬶᬦᬶᬲ᭄ᬓᬮᬢᬸᬳᬸ᭞ᬳᬧᬦ᭄ᬳᬸᬦᬶᬂᬭᬶᬂᬧᬫᬃᬕ᭄ᬕᬵ᭞
ᬚᬢᬶᬍᬯᬶᬄ᭞ᬫᬗᬸᬗ᭄ᬲᬶᬲ᭄ᬯᬃᬕ᭄ᬕᬵᬭᬶᬂᬯᬦ᭟ᬲᬤᬸᬭᬸᬗᬾᬫᬧᬸᬧᬸᬢᬦ᭄᭞ᬲᭂᬲᭂᬤ᭄ᬧᬩᭂᬲᭂᬦᬾᬢᬸᬯᬶ᭞ᬫᬩᭂᬲᭂᬦ᭄ᬭᬶᬂᬳᬶᬧ᭄ᬬᬵ
