This page has been proofread.
[ ᭒᭘ 28B]
᭒᭘
ᬍᬫ᭄ᬓᬳᬸᬭᬸᬕᬦ᭄᭞ᬦᬾᬦᬾᬤᬓᬾᬦ᭄ᬓᬦ᭄ᬥᬸᬓᬶᬦ᭄᭞ᬤᬤ᭄ᬬᬜᬓᬢᬄ᭞ᬢᬸᬓᬤᬾᬫᬕᭂᬦ᭄ᬢᬶᬕᭂᬦ᭄ᬢᬶ᭟ᬤᬾᬰᬢᬗ᭄ᬓᬲ᭄ᬲᬫᬶᬢ᭄ᬮᬲ᭄ᬓᬳᬸ
ᬭᬸᬕᬦ᭄᭞ᬓᬕᬦ᭄ᬢᭀᬲᬶᬦ᭄ᬜᬜᬤ᭄ᬧᬲᬶᬃ᭞ᬭᬔ᭄ᬬᬢᬾᬲᬶᬦᬫ᭄ᬬᬦ᭄᭞ᬲᬫᬶᬲᬫ᭄ᬧᬸᬦ᭄ᬓᬳᬸᬗ᭄ᬲ᭄ᬬᬂ᭞ᬓᬕᭂᬮ᭄ᬕᭂᬮ᭄ᬓ᭄ᬮᬸᬗ᭄ᬓᬸᬂᬦᬕ
ᬭᬶ᭞ᬢᬦ᭄ᬧᬳᬸᬫᬄᬳᬩ᭄ᬬᬦ᭄᭞ᬤ᭄ᬭᬸᬯᬾᬦ᭄ᬤᬦᬾᬳᬓᬾᬄᬪᬵᬱ᭄ᬫᬶ᭟ᬫᬦᬶᬩᬾᬦᬶᬦ᭄ᬚᬫ᭄ᬩᬢᬦ᭄ᬳᬸᬦ᭄ᬤᬦᬾᬓ᭄ᬮᭀᬓ᭄ᬢᬄ᭞ᬓᬓᬸᬓᬸᬳᬦᬾ
ᬫᬓᬤᬶ᭞ᬲᬫ᭄ᬧᬸᬦ᭄ᬓᬧᬃᬘ᭄ᬘᬬ᭞ᬢᬦ᭄ᬳᬸᬫᬥᬾᬓᬭᬸᬲᬓᬂ᭞ᬩ᭄ᬮᬩᬃᬩ᭄ᬮᬩᬃᬢᬢᬶᬢ᭄ᬫᬦᬶᬩᬾᬦᬶᬦ᭄᭞ᬢᬦᬸᬮᬶᬩ᭄ᬭᬱ᭄ᬞ᭞ᬓᬼᬧᬸᬕᬦ᭄ᬤᬳ
[ ᭒᭙ 29A]
ᬢ᭄ᬗᬗᭀᬩᬶᬦ᭄᭟ᬗ᭄ᬕᬯᬾᬚᭂᬚᭂᬄᬗ᭄ᬢᭀᬃᬩᬸᬗ᭄ᬓᭂᬃᬧᬮᬶᬂᬳᬾᬯ᭞ᬫᬮᬳᬶᬩ᭄ᬧᬢᬶᬲᬶᬮᬶ᭞ᬲᬫ᭄ᬫᬶᬋᬂᬲᬫ᭄ᬬᬦ᭄᭞ᬳᬶᬦᬩ᭄ᬳ᭄ᬬᬂᬓᬮᬵ
ᬦ᭄ᬣᬓ᭞ᬫᬦᬶᬩᬾᬦ᭄ᬓ᭄ᬮᬸᬗ᭄ᬓᬸᬂᬦᬕᬭᬶ᭞ᬩᬬᬵᬩᬜ᭄ᬘᬡ᭞ᬕᬺᬤᭂᬕᬦ᭄ᬕᭂᬦ᭄ᬢᬸᬄᬢᬦ᭄ᬤᬶᬗ᭄ᬲᬶᬃ᭟ᬲᬫᬶᬭᬭᬸᬤ᭄ᬧᬮᬶᬂᬳᬾᬯᬢᬦᭀᬮᬶ᭠
ᬳᬦ᭄᭞ᬳᬶᬦᬩᬂᬫᬸᬲᬸᬄᬧ᭄ᬭᬧ᭄ᬢᬶ᭞ᬩᬸᬬᬃᬢᬦ᭄ᬧᬳᬢ᭄ᬫᬵᬧ᭄ᬢᭂᬂᬤᭂᬤᭂᬢ᭄ᬲᬩᭂᬄᬭᬳᬢ᭄᭞ᬢᬦ᭄ᬓᬮᬶᬗᬸᬳᬦ᭄ᬢᬸᬓ᭄ᬧᬮᬶᬂ᭞ᬧᬫ᭄ᬭᬾᬦ᭄ᬢᬄ
ᬢ᭄ᬭᬕ᭄ᬬᬵᬜᬕᬢᬾᬫ᭄ᬩᬓᬦ᭄ᬤᬶᬢᬶᬃ᭟ᬢᬗ᭄ᬕᬮ᭄ᬮᬶᬫᬩᬸᬮᬦ᭄ᬓᬮᬶᬄᬬᬓᬶᬦᬸᬘᬧ᭄᭞ᬢᬳᬸᬦᬾᬳᬸᬘᬧᬂᬫᬮᬶᬄ᭞ᬲ᭄ᬬᬸᬲᬗᬵᬦᭂᬫ᭄ᬤᬰ᭞
