Священная история Ветхого завета (мокшень)/B/32
32. Шкайсь Синай панть ланкса максы Еврейхненди закон.
Египецта лисемда меля̈, ведьгемы̃нь шинь ётазь, Еврейхня̈ пачкы̃цть Синайскя̈й панть малас. Синь самды̃ст меля̈, Синайскя̈й пантть вельтя̈зя̈ равжа туця̈; кармась торама атям, дӑ кифчіемя̈ ёнды̃л.
Тихтець Шкайсь дӑ азсь теест кемень заповѣдть:
1. Мон тонь Шкайцян, Мондеды̃н пашка кодамы̃вы̃к иля̈ шкайхня̈ тяст уль.
2. Тят тишендя̈ эстить идолт, дӑ кодамы̃вы̃к синь лацы̃ст, мезь ули менельса вя̈ря̈, мезь масты̃рть [ 38 ]лаҥкса ала, мезь ветть эса, модада ала: тят озы̃ҥкшня̈ теест.
3. Шкайть лемы̃нц стак ащемда (зря̈) тяк кунця̈.
4. Мя̈ляфтк суббота шить[1] — цебя̈рьста ётафтк сонь. Кота шит работак, — ня̈ шитнень тіить сембя̈ тефнень, а сисемця̈ шись, субботась, улеза Шкайти.
5. Аля̈цень, тя̈дя̈цень кулцы̃ндыть, сяҥкса эститкя̈ ули цебя̈рь, масты̃рть лаҥксы̃ҥга ламы̃с эрят.
6. (Ломань) тят шав.
7. Тят усксевь.
8. Тят сала.
9. Мала ломанцень лаҥкс стак ащемда тят корта (васькафня̈).
10. Тят кая̈ сельмя̈ ялгацень[2] аванц лаҥкс, аф сонь куды̃нц лаҥкс, аф паксянц лаҥкс, аф работнекы̃нц лаҥкс, аф бы̃канц лаҥкс, аф осёлы̃нц лаҥкс, мезенц лаҥкска тят кая̈ сельмя̈.
Еврейхня̈ я̈вы̃цть Шкайть вайгя̈ленц эзда, дӑ мя̈рьксть Моисейти: арт тон ськамы̃т панть пряс Шкайть кулцы̃нды̃ма, сальдя̈ сембы̃нь азы̃нцайть теенекь: кода мя̈рьги сон теть, станя̈ минь тихтяма. Моисейсь тусь панть пряс дӑ ниля̈гемы̃нь шит-вет кортнесь Шкайть марта. Шкайсь макссь теенза [ 39 ]кафта кевы̃нь седяфт, конатнень лаҥкс сёрматфты̃льть кемы̃нь заповѣдтня̈.
Моисеень панда пряса улемсты̃нза, еврейхня̈ пуры̃мсть сонь брады̃нцти, Ааронти дӑ мя̈рьксть теенза: Моисей маряк имась тоса, тикь теенекь ся̈ шкайть, конанди минь озы̃ҥкшнемя̈ Египеца. Ааронць карнесь наротть эса, сон мя̈рьгы̃нць теест Моисейть учы̃мда.
Эста Еврейхня̈ синць вочказь авасны̃н кя̈цта серень пилькссны̃н дӑ суркссны̃н; солафты̃зь сембы̃нь, валсть эстіест серень ваз, дӑ кармасть теенза сюкы̃някшнемя̈, кода сюкы̃някшнесть Египеца.
Панть пряста валгы̃мста Моисейсь ня̈езень, кода Еврейхня̈ сюкы̃някшнихть серень вазти; сон пя̈кь кя̈жіяфць лаҥгы̃зы̃ст — кя̈цты̃нза прасть Шкаень максф заповѣдень седяфня̈ дӑ лазы̃нды̃всть.
Моисейсь ся̈вы̃зя̈ серень вазсны̃н дӑ тапазя̈ сембы̃нь, пя̈льксы̃нзы̃н шовазень пулькс, кая̈зень вец, дӑ ся̈ ветта Еврейхненди мя̈рьксь симы̃мда.
Сальдя̈ сонць тага тусь панда пряв, дӑ тага ащесь тоса ниля̈гемы̃нь шит-вет. Шкайсь тага макссь од седяфт заповѣднень марта, дӑ тонафты̃зя̈, кода тіема скиніясь (походнай церькавсь).