Священная история Ветхого завета (мокшень)/B/31
31. Аравійскя̈й пустыняса чудатня̈.
Чермнай моря̈ть туркс ётамда меля̈, Моисейсь ся̈вызень Еврейхнень шава паксява Синайскя̈й панть пя̈ли. Молемста Еврейхня̈ колма шит ашысть мушы̃нда ведь. Колма шида меля̈ синь мусть ведь, ся̈ вець ся̈піель и афы̃ль пы̃чкя̈ симы̃мс. Моисейсь ушы̃ць озы̃ндыма Шкайти. Шкайсь кулезя̈ сонь озы̃нды̃манц дӑ мя̈рьксь путы̃мда ся̈ ветти фкя̈ шуфта пакш; ветть ся̈пы̃ць эсты̃кигя̈ ётась, и Еврейхня̈ симсть [ 37 ]ся̈ ветта. Фкя̈ ковы̃нь ётазь, Еврейхнень лиссь сембя̈ Египецта ся̈вфь кшисна, дӑ тага кармасть пеняндама Моисейть лаҥкс.
Шкайсь мя̈рьксь Моисейти: азк наротти: иля̈ть ярцатада сивы̃льда, а шобдава максан теенть кши. Афкы̃лкс, иля̈ть састь ліезь кочкы̃ды̃кт (ёрт), дӑ пя̈шкы̃дезь самбя̈ ся̈ васть, коса ащесть Еврейхня̈, а шобдава пиземкс прасть менельста акша ямкст. Еврейхня̈, тя̈нь ня̈езь, ушы̃цть фкя̈-фкя̈нь кизефнемя̈: мезь тя̈ тяфтамсь? Моисейсь мя̈рьксь теест: тя̈ кши, конань максы̃зя̈ теенть Шкайсь ярцамс. Еврейхня̈ пуцть тя̈ кшити лемь: манна. Тя̈ маннась прашы̃нць я̈рь шобдава, субботада пашка.