Священная история Ветхого завета (мокшень)/B/30
30. Еврейхнень Чермнай моря̈ть туркс ётамасна.
Еврейхнень Египецта лисемды̃ст меля̈, Фараонць ушы̃ць ужя̈льдемя̈, мезенди нолдазень Еврейхнень. Сон куры̃к кочказень сембя̈ войсканзы̃н дӑ тусь Еврейхнень меки мы̃рдафты̃мы̃ст. Сон саты̃зень [ 36 ]Еврейхнень Чермнай моря̈ть ваксста. Еврейхня̈ кодак ня̈езь Фараоны̃нь, я̈вы̃цть дӑ ушы̃цть пеняндама Моисеень лаҥкс, мезенди сон лихтезень синь Египецта: синь пельсть, штӑ Фараон синь сембы̃нь шавы̃нцы̃нень. Шкайсь мя̈рьксь Моисейти: я̈рьтть веть лаҥга пайдекцень марта, сон эсты̃кигя̈ яви кафты̃ва, и Еврейхня̈ ётайхть моря̈ть коськя̈ потмаксканза. Фараонць войсканза марта тусь Еврейхнень мельгя̈ моря̈ть потмакска. Мы̃зярда Еврейхня̈ лиссть моря̈ть омбокс, Фараонць войсканза марта неҥгя̈ анцяк моря̈ть кучкасы̃ль. Шкайсь тага мя̈рьксь я̈рьтемда Моисейти пайдекы̃нц марта моря̈ть лаҥга. Моисей станя̈ и тись, вець эсты̃кигя̈ пуры̃мсь марс дӑ ваяфты̃зень сембя̈ Египтятнень.