Священная история Ветхого завета (мокшень)/B/29
29. Еврейхнень Египецта лисемасна.
Кемы̃нця̈ наказаніяда иҥгы̃ля̈ Шкайсь мя̈рьксь Моисейти: тя̈ веня̈ мон кучан Ангел, кона я̈рь [ 35 ]Египецкя̈й семіяста шавсы сиря̈ ломанть; тон азк Израильтятненди: я̈рь куца печкы̃ст фкя̈ кизы̃нь вя̈ры̃скя̈, вя̈ры̃нц марта вадезазь кеньчкс касяксны̃н. Ангелсь аф-сувай кулы̃фты̃ма ся̈ кутненди, конатнень кеньчкс касяксна ватьфть вя̈рса. Сонцень вя̈ры̃зть пидезазь пакарензы̃н апак синекь дӑ ярцаст эзды̃нза ламбама кши марта. Ярцаст сембя̈ щафста: кодак Фараонць нолдасы̃нень, аны̃кт улест тумс. Еврейхня̈ тисть станя̈, кода мя̈рьксь теест Шкайсь Моисейть вельдя̈. Пя̈ля̈ веста Ангелсь ётась сембя̈ Египетть лаҥга дӑ шавы̃зя̈ я̈рь куцта сиря̈ ломанть. Сембя̈ Египеца эря̈йхня̈ я̈вецть дӑ ушы̃цть аварьдемя̈. Фараонць тердезень Моисейть марта Ааронть дӑ мя̈рьксь теест куры̃кы̃ня̈ тумда Израильскя̈й народть марта Египецкя̈й масты̃рста. Сембя̈ Израильда Египецта лиссь котасятт тёжя̈нь, авада дӑ итта пашка. Кить теест ня̈фтезя̈ Сонць Шкайсь: шить иҥгы̃лест мольсь туця̈нь столба, а веть — толы̃нь столба.