Священная история Ветхого завета (мокшень)/B/28

by by Евсевьевъ, Макаръ Евсевьевичъ

[ 34 ]

28. Моисейсь Фараонть иҥгы̃ля̈.

Кодак Моисейсь дӑ Ааронць састь Египту, эстӑкигя̈ кочкасть Израилень атят дӑ азы̃нды̃зь, мезь кортась теест Шкайсь. Ня̈фтезь ся̈ чудатнень, конатнень мя̈рьксь ня̈фтемда Шкайсь; атя̈тня̈ веры̃ндасть.

Тяда меля̈ Моисейсь дӑ Ааронць мольсть Фараонти дӑ мя̈рьксть: Шкайсь мя̈рьксь марты̃ны̃к нолдамда Египецта Израильскя̈й народть. Фараонць мя̈рьксь каршы̃зы̃ст: мон аф-содаса тинь Шкаентень Израильскя̈й народткя̈ аф нолдаса. Эста Шкайсь нолдась Египецкя̈й мастырть лаҥкс кемень наказаніят. Васенця̈ наказанія̈сь: сембя̈ Египеца вець арась вя̈ркс, а кеменця̈ наказанія̈сь вага кодамы̃ль: Ангелсь сембя̈ Египецкя̈й кутнень эса кулы̃фты̃зень иҥгы̃ли шачф ломатнень. Тя̈ наказаніяда меля̈ Фараонць нолдазя̈ Израильскя̈й народть.