Святое Евангелие (эрзянь)/В/Лукань/14
| ←Глава 13. | Святое Евангеліе (1910) Лукань сёрмадовт Евангелія, глава 14. |
Глава 15.→ |
Глава 14.
1Савсь Тензэ субута чине совамс ве фарисеень покшостнэнь кудос кшеде ярсамо. Фарисейтьне ваньсть мельганзо. 2Вана арась икелензэ ведь ормасо сэредиця ломань. 3Тень кувалма Іисус кевстинзе законниктнень да фарисейтнень: маштови-ли субута чине сэредицянь шумбралгавтомс? 4Сынь чатьменсть. Сон сэредицястень токавозь, шумбралгавтызе да нолдызе. 5Мейле мерьсь тенст: кинь-гак тыҥк эстэдеҥк прыньдеряй лисьмас осёлзо, или буказо, ара а таргасазо сонзэ сеске, субута чине? 6Не валтнэнь каршо сынь мезе-як эсть меревть Тензэ. 7Кода неизе, кода госькс тердезетне кочксесть эстест парт таркатьнень, Сон ёвтась тенсь притча: 8Знярдо тонть кі-як тердтянзатдеряй свадьбас, иля оза икелев таркас, кода-бу тердезетнень ютксо тондеть паро аволь ульть. 9Сестэ тонть да сонзэ тердицясь, икелеть молезь, аволь мерьть-бу теньть: максык сонензэ таркасть. Сестэ визькс маро сави тенть саемс меельць тарка. 10А знярдо тердезь улят, сазь, озак меельць таркас, штобу тердицят, икелеть молезь, мерезэ тенть: ялгай, озак седе икелев; сестэ мартот аштицятьнень икеле ули тенть мельс паро. 11Ведь [ 190 ]эрьва ки, кона эсь прянзо покшокс теи, вишкиньгавтозь ули, а ки эсь прянзо вишкиньгавты, покшокс теезь ули.
12Мерьсь Сонсинзэ тердицястень-гак: знярдо тон теят обед или ужин, иля терьдть а эсь ялгант, а братот, а раськеть, а сюпав шабрат. Сыньгак-бу тонть истяжо аволедезь терьдть да аволезь пант тенть. 13А знярдо тон теят симмат-ярсамот, терьдть ништёйть, ормань колавт, хромойть да сокорт. 14Таланов улят, што сынест а мейсэ тенть пандомс: се пандозь ули тенть праведникнень вельмима шкастонть. 15Тень марязь, вейке Сонзэ маро стольэкшне озадотьнень ютксто мерьсь Тензэ: таланов, ки Пазонь Инязорокс чисэ кшеде суски.
16А Сон мерьсь тензэ: ве ломань тейсь покшт симмат ярцамот да терьдсь ламо ломать. 17Кода сась симма-ярцамо шкась, сон кучизе эсь важонзо тердезетненень ёвтамо: моледе, весе уж анок. 18Кармасть терьдезетне весе, вейсэ кортазь ладсо, тувталонь кайсеме: вейкесь мерьсь тензэ: мон мода раминь, эряви тень ванмонзо молемс: инялдан тенть, иля пеняця лаҥгозон. 19Омбоцесь мерьсь: мон вете парат букат раминь; молян, сынст кильдезь вачамост, инялдан тенть: иля пеняца лаҥгозон. 20Колмоцесь мерьсь: мон урьвакстынь, секс а моливан. 21Мурдазь, се важось ёвтлесь теде азоронстэнь. Сестэ кудазорось, кежіявтозь, мерьсь важонстэнь: азё седе курок ошоньть ульцянь кувалт да пролутка юткова да совавтыть тезэ ништёйтьнень, ормань колавтнэнь, хромойтьнень да сокортнэнь. 22Важесь (сазь) мерьсь: азором, мон теинь, [ 191 ]кода мерить, да оштё тарка ули. 23Азорось мерьсь важостень: азё китьнень лаҥгс да пирявкснэнь кувалт да инялдозь терьдть, штобу пешкедезэ монь кудом. 24Мерян теҥк: кі-як васень тердезетьнень эйстэ а суски монь ярцамодон: ведь ламо терьдезетнеде да аламо кочксезетнеде.
25Маронзо ламо мольсть ломать. Сон ёност велявтозь, мерьсь тенст: 26Ки сыньдеряй Монень, а соньсь а кармидеряй авечкеме: нинзэ, эйкакшонзо, братонзо, патянзо-сазоронзо, да эсь оймензэ-як, се Монень тонавтницякс а тееви. 27Ки эсь крёстонзо эснэ а кантли да Монь мельган а яки, Монень тонавтницякс а тееви. 28Кі-як юткстоҥк арсиньдеряй башнянь тейме, ара сон васнят, озазь, а ловнусазо, саты а саты ули-парозо сонзэ прядмокс? 29А то, ушодозь, апрядовиньдеряй тензэ, авольть карма-бу весе неицятьне лаҥгсонзо пеедьме, 30мерезь: вана те ломансь ушотсь тейме, да эзь прядовт тензэ. 31Или кодамо инязоро, лія инязоронь карчо турьме мольместэ, васнят, озазь, а арси: саты-ли сонзэ кемень тыстянь війзэ, лаҥгозонзо сыцянть комсь тыстянь віень каршо. 32А сатышка улиньдеряй, сон сонзэ васоло ульместэ-як оштё кучи тензэ мирямонь инялдомо. 33Истяжо, эрьва ки тыҥк ютксто, конась а катсазо весе ули-парозо, Монень тонавтницякс а тееви. 34Сал паро; а ёмавтсазодеряй війзэ, месьне сон витьмекс? 35сестэ сон а маштови а модас, а навозос да каясызь сонзэ ушов. Кинь улить марямс пилензэ — марязо.