Святое Евангелие (эрзянь)/В/Лукань/13
| ←Глава 12. | Святое Евангеліе (1910) Лукань сёрмадовт Евангелія, глава 13. |
Глава 14.→ |
Глава 13.
1Се шкастонть састь та-кить да ёвтасть Тензэ Галилеень ломатьнеде, конатьнень верест Пилат човоризе жертваст верь маро. 2Тень карчо Іисус мерьсь тенст: арситядо-ли тынь, што неть Галилейтне весе Галилейтнеде пежетевть ульнесть, секс сынь истя кулость? 3Арась, мерян теҥк; пежетеҥк а кадсыҥкдеряй, весе истя ёматадо. 4Или, арситядо-ли, што сеть кемьгавксово ломатьне, конатьнень лаҥгс саворьсь Силоамонь башнясь да маштынзе, весе Іерусалимсэ эрицятьнеде пежетевть ульнесть? 5Арась, мерян теҥк: пежетеҥк а кадсыҥкдеряй, весе истя ёматадо. 6Мейле ёвтызе те притчанть: Ве ломанень виноградниксэнзэ ульнесь озавтось смокомницязо. Сась сон лаҥгстонзо умарень вешнеме; да эзь муйть. 7Да мерьсь виноградникень ваныцястень: вана мон колмоце іе сакшнан те смоковницянть лаҥгсто умарень вешнеме, да а мукшнан; керикь сонзэ; мезень кис сон стяко мода кирьди. 8А се мерьсь каршонзо: азором! кадык сонзо те іестень-гак; мон чувса сонзэ юрзо да навоснэ валяса. 9А канды ли умарьть; сестэ-як а кандыньдеряй, сы іестэ керясак сонзэ.
[ 187 ] 10Субута чине Сон тонавтсь ве синагогатьнень эснэ. 11Тосо ульнесь ава, кона кемьгавксово іе амазынь колавцо сэредсь, сон ульнесь кичкерьгадозь, да видьстэ-як а аштевиль. 12Іисус, сонзэ неезь терьдизе, да мерьсь тензэ: ава, тон меньстезят ормадот, 13да путынзе лаҥгозонзо кедензэ: авась сеск видемсь, да кармась Пазонть шнамо. 14Синагогань прявтось, кежіявтозь, мейсь Іисус субута чине (ломаньсть) віемтизе, мерьсь народстень: улить тевень теемс кото чить, сетьнестэ пряҥк віемтлеме-як сакшнодо, а аволь субута чине. 15Іисус каршонзо мерьсь: Эх лицемер! эрьва ки тыҥк ютксто ара а укстьсазо субута чине очксто буканзо, или осёлонзо да а ветясазо симдеме? 16А те Авраамонь тейтерьсть, конань вана кемгавксово іе уж, кода сюлмсизе амазысь, ава аволь эрявт субута чине нолдамс не сюлмсевкснэде? 17Нень кортамсто весе каршонзо молицятьне визделгатьсьть, а весе народсь радувакшнось Сонзэ весе паро тевенстэнь.
18Мерьсь Сон: мезе ёнов моли Пазонь Инязорокс чись? Мезе вакс сонзэ ладяса? 19Сон моли горчицянь видсьть ёнов, конатань саизе ломань да видизе эсь садозонзо. Сон кайсь да теевсь покш чувтокс, менелень нармутьне-як кекшневсть тарад потмозонзо. 20Таго мерьсь: Мезе ёнов ладяса Пазонь Инязорокс чинть? 21Сон моли чапавтума ёнов, конань саизе ве ава, да каизе колмо оҥкст почт юткс, весемест чапаськадмозост. 22Сон тонавтозь ютась ошнэва да велетьнева, кинзэ Іерусалим ёнов кирьдезь. 23Ве ломань мерьсь [ 188 ]Тензэ: Господи! ара аламо идевицятнеде? Сон мерьсь тенст: 24Правтодо теине ортаванть совамс; мерян теҥк: ламо вешнить совамс да а совавить. 25Знярдо куд-азорось сти да кеҥкшензэ пекстасынзе, тынь карматадо ушосо аштеме да, кеҥкшентень зэрьказь, кортамо: Господи, Господи! панчт тенек; а сон мери каршозоҥк: а содатадызь костоньдядо. 26Сестэ карматадо кортамо: минь тонть икеле ярслинек да симнинек, минек ульця ютксоно-как Тон тонавтыть. 27А сон мери: мерян теҥк, а содатадызь костоньдядо, туеде вакстон, весе а паронь теицятне. 28Ули тосо авардима да пейень чикордома, кода нейсыҥк Пазонь Инязорокс чистэнть Авраамонь, Исааконь, Іаковонь, да весе пророкнэнь, а тыньсиҥк ушов паньманть. 29Сыть чинь лисьма ёндо, чинь валгума ёндо, пеле ве ёндо да обед ёндо, да Пазонь Инязорокс чистень совить. 30Вана, конат ульнесть меелькст, сетне улить васеньцекст, а конат ульнесть васенькст, сетне улить меельксэст.
31Се чистэнть састь конат конат фарисейтьне да мерьсть Тензэ: листь да тук тестэ, ведь Ирод Тонть маштомот арьси. 32Сон мерьсь тенст: азьдо, ёвтадо се ривеськестень: вана чече да ванды (аньсяк) амазытьнесэ паньсян да орматьнесэ пичкавтлян, а колмоце чистэ прятсынь. 33Истя улезь-гак Монень эряви чече-як, да ванды-як да вандыде мейле чистэнть-как якамс: ведь а эри, штобу пророк косо-як Іерусалимде башка куловоль. 34Іерусалим! Іерусалим! пророкнэнь машлиця да тенть кучозетнень кевсэ чавныця! зняро раст Монь [ 189 ]мелем ульнесь пурнамс тонть эйкакшот, кода клукницька пурнакшносынзе эсь левксэнзэ сёлнонзо алов да мелеҥк арасель. 35Вана кадови теҥк кудоҥк чавосто. Мерян теҥк: а нейсамизь Монь се шкастень, знярдо серьгедтядо: баславазь Пазонь лемс сыцясь!