Святое Евангелие (эрзянь)/В/Лукань/08

From Wikisource
Jump to navigation Jump to search
Святое Евангеліе  (1910) 
Лукань сёрмадовт Евангелія, глава 8.
[ 163 ]

Глава 8.

1Теде мейле Іисус, менелень инязорокс чиде тонавтозь да паро кулянь ёвтлезь, якась ошка да велева; кемгавтовотьне-як маронзольть 2да конат-конат аватне-як, конатнень сон ваньськавтынзе [ 164 ]амазыде да ормадо: Марія Магдалина, конань эйстэ листь сисем шайтят, 3Іоанна, Иродонь кудонь ваныця Хузань низэ, Сусанна да ламо ліят-как, конат пособлясть Тензэ эсь ули-паросост. 4Кода пурнавсть ламо ломать, да весе ошнэстэ эрицятьне кармасть Тензэ проммо, Сон кармась тенст притчасо кортамо:

5Лись видиця эсь видсьтензэ видеме: сонзэ видьместэ кона (видьстесь) прась ки лаҥгс, се чалксезь ульнесь да менелень нармуть-как сонзэ кочксизь. 6Кона прась кев лаҥгс, се лись да летькень аразьде коськсь. 7Кона прась кормарав пулос, кайсть кормаравтнэ да ёмавтызь сонзэ. 8Кона прась паро мода лаҥгс, сон, лисезь, сядонь кырда видьсть кандсь. Тен мерезь, серьгедсь: кинь улить марямс пилензэ, — марязо. 9Тонавтницянзо кевстизь Сонзэ, мерезь: мезе ули те притчась? 10Сон мерьсь: Тынеҥк Пазонь инязорокс чиньть содамотнеде содамс максозь, а ліятненень притчасо: сынь ванозь-гак а неить, марязь-гак а чаркодить. 11Вана мезе те притчась: видстесь Пазоньть валзо. 12А ки лаҥгс празесь, те истят кулсоныцятнэ, конатненень кулсономодо мейле сы амазысь да сайсазо седейстэст валсть, авольть кемть-бу сынь да авольть идевть. 13А кев лаҥгс празесь — истят ломатьне, конатат знярдо марясызь валсть, эрьгедезь примасызь, аньсяк сынст корёност арась: сынь шкасто кемить, а стака шкасто манявить. 14Кона прась кормарав юткс, не сетьне марицятне, конатьне кодак туить ве ёнов, мелявксось, сюпавчись да паро эрямось лепштясызь валтнэнь да видсть а теить. [ 165 ] 15Кона прась паро мода лаҥгс, не улить истят, конатьне валсть, марязь, кирдить эснэнзэ ванькс, паро седейсэст да кирьдезь теить видсть. Тень, мерезь, Сон сергедсь: кинь улить марямс пилензэ — марязо.

16Свечаньть, курвастезь, кі-як а вельтясазо кедьгесэ или а путсазо тарка алов, путсазо сонзэ шанталс, штобу совицятьне неест валдо. 17Ведь арась истямо салава, конась-бу аволь содавт; кекшезь-гак мезе-як арась, кона-бу аволь ульть муезь да содазь. 18Тень кувалма, мезе мариде — мельсэҥк кирьдиҥк: ведь кинь ули, сенень максозь ули, а кинь арась, сень мезезэ, арсиманьзо кувалт ули, се-як нельгезь ули. 19Састь Тензэ авазо да братонзо да ламо ломанень ульмань кувалт, эсть молевть ваксозонзо; 20максть Тензэ содамс, мерезь: ават да братот ушосо аштить, Тонть неевледезь. 21Сон каршост мерьсь: Монь авам да братон сетне, конат кулсоныть Паз валт, да сынст кувалт теить.

22Ве чистэ Сон тонавтницянзо маро совась венчес да мерьсь тенст: печктянок эрькесть омбоце пелев; да тусьть. 23Сынст уйме шкане Сон матедевсь. Кепететсь эркесть лаҥгсо віев варма; да венчестень кармась совамо ведь, сынь ёмамо лаҥгсольть. 24Ваксозонзо молезь, пултызь[1] Сонзэ, да мерьсть: Тонавтыця! Тонавтыця! ёматанок? Сон, стязь, варманьть да ведсть-как кардынзе; сынь лоткасьть да теевсь сэтьме. 25Сон мерьсь тенст: косо тыҥк кемимаҥк? А сынь тандадмост да [ 166 ]дивамост пачк, кортасть вейкест-вейкест туртов: те ки истя, варманень да веднень-гак кармавты да сынь кулсоныть Эснэнзэ?

26Уезь састь сынь Гадаринской масторс, кона ульнесь Галилеень омбоце пеле. 27Кода Сон лись берёк лаҥгс, вастызе Сонзэ вейке ошонь ломань, конань потсо ламо іеть уж ульнесть амазыть. Сон одижат а орчлиль, кудосо-як а эриль, а калмонь латксо. 28Сон, Іисусонь неезь, пижакадсь, да икелензэ празь, покш вейгельсэ мерьсь: Вере Пазонь Цёра, Іисус! Мезень Тонть теветь монь эйсэ? Инялдан Тенть, илямак пиштевть монь. 29Іисус мерьсь амазыстень се ломансть эйстэ лисьмеде; сон ведь ламо іеть пиштевтсь эснэнзэ. Ёмамодонзо пелезь, путылизь сонзэ кшнис, керчилизь, а сон керчавкснэнь сезнилинзе да амазынть паневтсэ туиль чаво паксяс. 30Іисус кевстизе, сонзэ, мерезь: кода тонть леметь? Сон мерьсь: легіон.[2] Сонзэ потсо амазытьнеде ламо совазельть. 31Амазытьне инялдсть Іисуснэнь, аволь мерьть-бу тенст мастор алов туймеде. 32Сеске пандо лаҥгсонть покш тувонь стада ванозь ульнесь, амазытьне инялдсьть Тензэ, меревель-бу тенст не тувотнень потс совамодо. Сон мерьсь тенст. 33Амазытьне, ломансть потсто лисезь, совасть тувотненень. Стадась берёк лаҥгстонть ёртлевсь эрькестень да ваясь. 34Тень неезь, ваныцятьне тусть чіезь да ёвтлесть ошнэнть да велетнева-як. 35Листь ванмо, мезе тосо теевсь. Іисусонь вакс сазь, сынь муизь се ломансьть, конань эйстэ листь амазытьне, сон [ 167 ]аштесь озадо Іисусонь пильге вакснэ, орчазь да паро превсэ да тандадсть. 36Неицятьне ёвтлизь тенст, кода віемсь азарсь ломансь. 37Инялдсь Тензэ весе Гадаринской масторонь народсь, туевель-бу Сон вакстост: сынст вельть уж покш срасть саекшнынзе. Сон озась венчестень да мекев мурдась. 38Ломаньсь, конань эйстэ листь амазытьне, инялдсь Тензэ, саевлессе-бу сонзэ-як маронзо. Іисус кучизе сонзэ вакстонзо, мерезь: 39Мурдак эсь кудозот да ёвтлик, мезе тенть тейсь Пазось. Сон тусь, да ошоньть келес ёвтлесь, мезе тензэ тейсь Іисус.

40Кода Іисус мурдась, Сонзэ вастызе народ: сынь ведь весе учость Эснэнзэ. 41Вана сась Тензэ Іаир лемсэ ломань, кона синагогань начальникель, да Іисусонь пильгс празь, инялдсь Тензэ кудозонзо совамо. 42Сонзэ ульнесь кемгавтово іешкасо вейкине тейтерьзэ да се-як куломо лаҥгсоль. Сонзэ тов мольместэ народсь пек эцесь Эзэзэнзэ. 43Ве ава, кона верень чудьмесэ сэредсь кемгавтово іеть, весе ули парозо явшизе лекарьнень да вейкенень-гак эзь пичкавтовт, 44удалдо молезь, токадевсь Сонзэ одижа крайс да верьзэ сеск лоткась чудьмеде. 45Іисус пшкатсь: ки токадсь Монь эйс? Кода весе сёпсть, Петр да маронзо улезетьне мерсьть: Тонавтыця! весе народсь перькат эци Эзэзэть, а Тон мерят: ки Монь эйс токадсь? 46Іисус мерьсь: та ки токадсь Эзэзэнь: Мон маринь Эстэдень лисиця вій. 47Авась, нейсазо а сёпови, сорнозь мольсь, прась икелензэ да весе ломатьнень икеле ёвтлизе Тензэ, мезень кувалма токадсь Эзэзэнзэ да кода сеск пичкась. 48Сон мерьсь тензэ: иля пельть, [ 168 ]тейтерем! тоньть кемимат идиньзеть, азё сэтьме-чи маро. 49Сонзэ нень кортлима шкане, сась синагогань начальниксть кудосто ве ломань да мери тензэ: тейтереть кулось, иляк майсевте Тонавтыцянть. 50Тень марязь, Іисус мерьсь тензэ: иля пельть, аньсяк кемть: тейтереть идезь ули. 51Кудосьтень сазь, Сон киньгак эзь мерьть тозо совавтомодо Петрадо, Іаковдо, да тейтерсть тетядонзо, авадонзо башка. 52Весе аварьдсть да лайшесть тейтерсэнть. А Сон мерьсь тенст: илядо авардьть, сон ведь эзь кулок — уды. 53Сынь содасть, што тейтерьсь кулось, секс пеедсьть лаҥгсонзо. 54Сон весемень ушов панезь, саизе тейтерсть кедьте, да, сергедезь, мерьсь: тейтерьне, стяк; 55сонзэ велявсь мекев оймезэ да сеск стясь. Іисус мерьсь тензэ ярсамс максмодо. 56Тетянзо, аванзо дивасть. Сон эзь мерьть тенст теде кинень-гак ёвтлемеде.


  1. стявтызь, пувтызь.
  2. легіонсонть кото тыстят.