Святое Евангелие (эрзянь)/В/Иоаннонь/14

[ 270 ]

Глава 14.

¹Илязо лазновт седееҥк; кемеде Пазостень, да Монь эйс кемеде. ²Тетянь кудосонзо ламо таркат; истя аволь уль-гак, Мон меревлень-бу теҥк: молян теҥк таркань анокстамо. ³Кода, молезь анокстан теҥк тарка, таго сан, да сайдядызь Эсьтень, штобу тынь-гак улевледе, косо Мон. ⁴А ков Мон молян, тынь содасыҥк, да кинть-как содасыҥк. ⁵Ѳома мерьсь Тензэ: Господи, минь а содатанок ков молят; кода тенек содави кись? ⁶Іисус мерьсь тензэ: кись-как, виде чись-как да эрямось-как Мон. Моньтемень кі-як а молеви Монь Тетястень. ⁷Содавлимизьдеряй Монь, Монь Тетясьть-как содавлеҥк. Теде мейле тынь содыҥк Сонзэ, да неиҥк. ⁸Филипп мерьсь Тензэ: Господи, невтик тенек Тетянть, да саты тенек. ⁹Іисус мерьсь тензэ: зняро шка Мон тыҥк мароян, а тон а содасамак Монь Филипп? Монь неицясь — Тетянть неизе; кода ино тон кортат: невтик тенек Тетянть? ¹⁰Ара тон а кемат, Мон Тетясонть да Тетясь-как Монь Эйсэнь? Конат валтнэнь Мон кортан теҥк, аволь Эсь пельдень кортан, Мон Эйсэ ашиця Тетясь, [ 271 ]Се теи тевтнесэ. ¹¹Кемеде Тень, што Мон Тетянть Эйсэян да Тетясь-как Монь Эйсэ, аволь истядеряй, кемеде Тень сетьне тевтьнень коряс. ¹²Видестэ, видестэ кортан теҥк: Монень кемицясь, кона тевтьнень Мон теян, сон-гак тейсынзе да сыньдест-как ламо теи; ведь Мон Тетянень молян. ¹³Мезе-як вештядодеряй Тетянь пельде Монь лемсэ, Мон тейса, штобу шнавоволь Тетясь Цёранть Эйсэ. ¹⁴Мезе-як вештядодеряй Монь лемсэ, Мон тейса. ¹⁵Вечксамизьдеряй Монь, Монь заповетьнень кирьдиҥк. ¹⁶Мон инялдса Тетянь да Сон максы теҥк лія Важдыця, кона карми мароҥк пиҥгень-пиҥгс ульме. ¹⁷Сон Виде Духсь, кона мастор лаҥгостень а саеви. Сонзэ ведь а нейсазо сон да а содасазо-як; а тынь Сонзэ содасыҥк: ведь Сон тыҥк маро эри да тыҥк эйсэҥк карми ульме. ¹⁸А кадтадызь сиротакс, сан теҥк. ¹⁹Ощо аламос да мастор лаҥгось а нейсамам уж Монь, а тынь нейсамизь Монь: ведь Мон эрян, тынь-гак карматадо эрямо. ²⁰Се чистэнть тынь содасыҥк, што Мон Тетянь Эйсэян, а тынь Монь Эйсэтядо, да Мон-гак тыҥк эйсэян. ²¹Ки Монь заповетьнень кирьдсыньзе да сынст кувалма теи, се Монь вечкицям, а ки Монь вечксамам, се вечкезь ули Монь Тетянь пельде-як да Мон-гак Сонзэ вечкса да Монсь неяван Тензэ. ²²Іуда (аволь Искаріотскойсь) мери Тензэ: Господи, те мезе: Тонть мелеть миненек прят невтемс, а аволь ломатьненень? ²³Тень каршо Іисус мерьсь Тензэ: ки Монь вечксамам, се Монь валон кирьдсыньзе, Тетям-гак сонзэ вечксазо, Минь сатанок тензэ да эрямо тарка эзэзэнзэ тейдянок. ²⁴Монь а вечкицясь, Монь [ 272 ]валтнэсэ а кирьди, а валсь, конань тынь марясынк, аволь Монь, а Монь кучиця Тетянть. ²⁵Тень Мон кортынь теҥк мароҥк ульместэ. ²⁶Важдыцясь, Святой Духсь, Конань Тетям кучсазо Монь лемс, весемес тонавттадызь, да весе мелезэҥк ледьстясынзе, мезть Мон теҥк кортынь. ²⁷Сэтьме чи кадан теҥк, Моньсинь сэтьме чим максса теҥк; аволь истя Мон максан теҥк, кода ломатьне максыть. Илязо лазновт седееҥк да илязо тандале-как. ²⁸Мариде, кода Мон меринь теҥк: туян эйстэҥк да сан теҥк. Вечкевлемезьдеряй тынь Монь, эргедевледе-бу, што Мон меринь: молян Тетянень, ведь Монь Тетям Мондедень покш. ²⁹Вана Мон теде кортынь теҥк топодьмадонзо икеле, штобу кемевледе, кода те топоди. ³⁰Аламо уж Тень кадовсь мароҥк кортамс; ведь сы те масторонть инязорось, аньсяк Монь эйсэ сонзэ мезезэ-як арась. ³¹Аньсяк содаволь-бу масторось, што Мон вечкса Тетянь, да кода мерьсь Тень Тетям, истя теян. Стядо, туйдянок тестэ.