Святое Евангелие (эрзянь)/В/Иоаннонь/15

←Глава 14.

Святое Евангеліе  (1910)  Іоаннонь сёрмадовт Евангелія, глава 15.

Глава 16.→

[ 272 ]

Глава 15.

¹Мон виде виноградонь нетьксан, а Монь Тетям виноградонть мельга якицясь. ²Эрьва Монь тарадсть, кона умарьть а канды, керясазо, а эрьва умарень теицянть ваньськавтсазо, штобу седе ламо умарьть кандоволь. ³Тынь уж ваньськавтозьдядо валсьть кувалт, конатань Мон теҥк ёвтыя. ⁴Уледе Монь Эйсэнь, Мон-гак тыҥк Эйсэ (улян). Кода тарадсь эсь пельдензэ а кандови умарьть, а улиньдеряй сон нетькснэ, истя тынь-гак а [ 273 ]ульдядодеряй Монь эйсэ. ⁵Мон виноградонь нетьксэсян, а тынь таратнэ; ки Монь эйсэ, да Мон-гак эйсэнзэян, се канды ламо умарьть; ведь Моньтемень мезе-як а теевдядо. ⁶Ки Монь Эйсэнь а ули, се тарад латсо ёртозь ули ве ёнов да коськи, а истят (таратнэнь) пурнасызь, да толс каясызь да сынь палыть. ⁷Ульдядодеряй Монь Эйсэнь да Монь валон-гак улиньдеряйть тыҥк эйсэҥк, мезе мелеҥк, вешеде — ули теҥк. ⁸Тейдядодеряй ламо лезэ да ульдядодеряй Монь тонавтницят, тень эйсэ шнави Монь Тетям.

⁹Кода вечкимем Монь Тетям, Мон-гак тыҥк вечкидизь; ащеде Монь вечкимасонть. ¹⁰Кирьдсыҥкдеряй Монь заповетьнень, ульдядо Монь вечкимасонть, кода Мон-гак кирьдинь Тетянь заповетьнень да ащан Сонзэ вечкимасонзо. ¹¹Тень Мон мерія теҥк секс, штобу Монь радостесь тыҥк эйсэ улевель, да тыҥк радостесь пешксе улевель. ¹²Вана Монь заповедем: вечкеде вейкеҥк-вейкеҥк эйсэ, кода Мон вечкидизь. ¹³Теде покш вечкима арась, ки путсазодеряй эсь ялганзо кис оймензэ. ¹⁴Тынь Монь вечкима ялган, тейдядодеряй, мезть Мон мерян теҥк. ¹⁵Мон а мерян теҥк важот^[1]; ведь важось а соды, мезе теи сонзэ азорозо; Мон меринь теҥк вечкима ялган: ведь Мон весе ёвтлинь, мезть маринь Тетянь пельде. ¹⁶Аволь тынь Монь пурнымизь, а Мон тыҥк пурныдизь да путыдизь, штобу тынь молевледе да лезэ теевледе, да лезэҥк ащевель-бу, штобу мезе авольде вешть Тетянь кедьстэ Монь лемс, Сон максоволь-бу теҥк.

[ 274 ] ¹⁷Вана мезть кармавтан теҥк: вечкеде вейкеҥк-вейкеҥк эйсэ. ¹⁸А вечктядызьдеряй мастор лаҥгсонть, содадо, Монь тыньдеҥк икеле анеймакс теимизь. ¹⁹Улевледе-як тынь те мастор лаҥгоньзетьнень ютксто, сынь сыньсистсетьнень вечкевлезь-бу, а тынь аволь те мастор лаҥгоньдядо. Мон тыҥк кочксидизь те мастор лаҥгстоньть, секс мастор лаҥгось а вечкттядызь. ²⁰Мельсэҥк кирьдиҥк валсть, конань Мон ёвтыя теҥк: важось азородонзо аволь покш. Монь Эйсэнь паньцестьдеряй, тыҥк эйсэ як кармить паньцеме; Монь валсон кирьстьдеряй, тыҥксеньть-как кирьдсызь. ²¹Весе нень тейсызь теҥк Монь лемень кис: ведь сынь а содасызь Монь Кучицянть. ²²Мон аволень са-как да аволень корта-как тенст, аволь уль-бу пежетест, а ней пежетьстэ лисьмань туфталост арась. ²³Монь а вечкицясь, Монь Тетянть как а вечксазо. ²⁴Аволень тейть-как икелест тевть, кодат кі-як лія эзь тейне, аволь уль-бу тенст пежеть, а ней неизь сынь да сельме анеймакс теимизь Монь да Тетянь-гак. ²⁵Кадык ино топодезэ законсост сёрмадозь валсь: стяко теимизь Монь сельме анеймакс. ²⁶Знярдо сы Важдыцясь, Конань Мон кучса теҥк Тетянь пельде, виде Духсь, Кона Тетястонть лиси, Сон карми кортама Монь Эстэдень. ²⁷Тынь-гак карматадо кортамо, што тынь, кода васьня саезь, Монь мартотадо.

---

1. Важо — слуга, работник.