Ичкиздень масторхня/03
| ←2-це главась | Ичкиздень масторхня (1933) by , edited by Кочетков А., translated by Аф содаф (аноним) 3-це главась |
4-це главась→ |
| Арк. Гайдар. Ичкиздень масторхня. — ОГИЗ Молодая гвардия, Москва, 1933. — стр. 14—22 |
[ 14 ]
| 3.
|
Шарндозь якама кить эзга Алёшинав-вехса километрат, а видя кинява — аньцек ветя.
Тихай ляйть тейса уйфти туста вирь. Тя вирсь пефтема, таргаф ков-бди ляк ичкизи. Ся внрть эса — озерат, конатнень эса улийхть оцю пиндолды, кода валдоптф серя, карастть, но тов цёратня аф якайхть: ичкизя да и эрьгодьмос шяйса аф трудна. Ся вирть эса лама инезида, панкта, пяштекста. Крута берекса,
[ 15 ]_p19.jpg)
Вов кодама цебярь вирсь келиста ёрдаф ся ширеса, коса эрясть Петькась и Васькась! И сянкса, то весяла, то угрумай вирть пачк, панда пряняста, панда пряняв, жалбинкатьнень пачк, туркскя вельдя шюдерькснень туркс бодраста ласксть маластонь кинять эзга кучф цёратьня Алёшинав.
Тоса, коса кинясь лисенди кити фкя километра Алёшинать эзда, ащесь козя алянь Данил Егорочть хутороц.
Тяса ляки цёратьня лоткасть эшить тейс симма.
Данил Егоровичсь, конац тяса-жа симць кафта топоцта алашат, кизефтезень цёратьнень, колдонь синь да местема [ 16 ]ласькийхть Алёшинав. И цёратьня охотнаста азондозь теенза, кит синь и кодама синнь тевсна Алёшинаса председательти Егор Михалочти.
Синь корхнелть-ба Данил Егоровичть мархта и сяда куваць, сяс мес теест улсь любопытна ванмос тяфтама ломанть ланкс, конань колга ломатть корхтайхть, што сон кулак, но тяса синь няезь, што калдазста лисендийхть Данил Егорычть тейс колма алёшинскай сокай ломатть, и синнь фталост моли хмурай и кяжи Ермолайсь. Няезь Ермолайть, сяннь, конац пиксозя весть ВаськатЬ палаксса, цёратьня тусть эшить эзда ласькозь и курок пачкоцть Алёшинав, площеть ланкс, коса пуромс народ кодама-бди митинкс.
Но цёратьня, исть ащя тоса, тусть сяда тов, велеть пес, арьсезь, што толда самоста куляксасазь Егор Михайлочть эзда, мес народ и мезя тяфтама интереснай уйфни тяса.
Но Егорть куца синь сатозь аньцек сонь идензон — Пашкать да Машкать. Нят улсть кота кизонь близнецт, пяк дружнайхть эсь ёткова и пяк шавийхть фкя фкянь ланкс.
Кода и валда, синь налхксийхть марса. Пашкась инцсесь кодама-бди цюрбаконят и планканят, а Машкась синь эздост тиенц пясоконя ланкса, кода няевсь цёратьненди, кати куд, кати эши.
Но Машкась азондозя теест, што тя аф куд и аф эши, а вася улсь трактор, тяни ни ули аэроплан.
— Эх тинь! — мярксь Васькась, бесцеремоннайста токсесы «аэропланть» ракитовай илиняса. — Эх тинь, глупай ломатть. Рызи щепкаста аэроплан тиендийхть? Синь тиенцазь сафсем лияста. Коса тинь аляндесть?
— Алязя собранияв тусь, — пеедезь отвецясь, вохси аф кяжиязь Пашкась.
— Сон собранияв тусь, — пышкяць Машкась кеподезень голубой цють-цють дивандафста ащи сельмонзон цёратьнень ланкс.
— Сон тусь, а куца аньцек бабазя матф пянокланкс и сялонды — пшкяць Пашкась.
— А бабазя матф и сялонды, — азонцы Машкась. — И мзярда алязя тушенды, сон тожа сялонды. Корхтай, штоба модать пачк тулеть эсь колхозцень мархта.
И Машкась аф споконайста варжакксь ся шири, коса ащесь [ 17 ]куцна и коса улсь матф аф цебярь бабац, конац вешелхця алянц нолдамода модать пачк.
— Сон аф туй модать пачк, — пшкяць Васькась. — Ков сон туй? Ну, вачкотьк тонць пильксот модать, и тон Пашка тожа вачкотьк. Да сяда вишкста вачкияда! Ну вов, издя ту модать пачк? А ну, ненгя сяда вишкста вачкияда.
И кошардозень аф смышленайхнень Пашкать и Машкать усерднайста модать вачкияма, мзярс сят исть сизя. Мялезост тусь эсь колендема выдумкасна. Цёратня тусть площетть ланкс, коса кунара-ни уйфць аф спокойнай собраниясь.
Вов тяфтапт тефня, — мярксь Петькась, тяда меля кда шарксцть синь пуроптоф наротть ёткова.
— Интереснайхть тефня, — согласиндась Васькась, сонць озась ечкя куз шини шочка пети и сатць повстонза ляпошка суском.
— Тон ков цють изеть юма, Васька?
— Симма ласькондень. И мес тяфта ювачнихть алятьня? Аньцек и кулеви колхос да колхос. Финцня наругасазь колхозть, омбонцня корхтайхть колхозфтома кодага няльзи. Цёранятьня и то кярмочнийхть. Тон содасак Галкань Федькать? Ну, тяфтама рябой.
— Содаса.
— Тк вов. Мон симма ласькондень и няия, кода сон тяни кодама-бди рыжай мархта тюрсь. Ся, рыжайсь лиссь, да и моразевсь: «Петькась колхозса — шалхкоц пурхцень». А Петькась кяжиясь тяфтама моротькса, и уйфцть тюрьма. Мон тейть ни ювадмода вешень, што-ба тон ванолеть кода тюрихть. Да тяса кодама-бди горбун баба мацийхть паньць и кафкця цёранятьнень илиса таргазень — ну синь и страцть.
Васькась варжакксць шинять ланкс и пичедезевсь.
— Адя, Петька, макксаськ сёрманять. Мзярс ласьктям куду шовда ули ни. Кода-ба афоль пов куца.
Яцийхть наротт ёткова, лакай цёранятня. Пачкоцть лама шочкнень тейс, конатнень тейса моркш вамкса ащесь Егор Михайловичсь.
Мзярс саф ломанць шочкнень пряса азондозя сокай ломатьненди, кодама вигодясь колхозу сувамать эзда, Егорсь аф [ 18 ]вишкста, но настойчивайста мезса-бди корхнезень комафтф теенза кафта велень советонь члетнень. Сят шерфнезь пряснон, а Егорсь кода няеви кяжи синь нерешительнозснон ланкс ненгя сяда упорнайста азонц мезя-бди теест пялес вайгяльхть визделгофнезень синь.
Мзярда озабоченный велень советонь члетня тусть Егорть тейста, Петкась валомня навазя теенза доверенность и сёрманять.
Егорсь келептезя грамотанять, но изь кенерь морафтомонза, сяс мес страфтф шочкнень ланкс лиссь од ломань, и тя ломанть, цёратьня содазь тя фкясь алятьнень ёткста, конатнень мархта синь васецть хуторса. Данил Егоровичть эшинць тейса.
Тя алясь корхтась, што колхозсь — тя канечна тевсь од, и што сембонди сразу яцемс колхозу ашместь. Сёрматфцть тяни кемонь семьят колхозу, ну и катк работайхть.
Кда синь тевсна туй лац, то и лиятьненди аф позна ули сувамс, а кда тевсь аф туй, эста, значит, колхозу сувамс аш тев и эряви работамс сирекс.
Сон корхтась куваць, и мзярс сон корхтась, Егор Михайловичсь ненгя сембя крдезя келептф гаготкять апак морафт. Сон солгондознь тяйня сельмонзон, кулхцондозь, пяк оцю мяль мархта ванонц кулхцонды сокай ломатнень шамаснон лангс.
— Подкулачник, — кяжиста мярькс сон, сонць шерьфтозя кядезонза наваф каготкять.
Эста Васькась валомня тостядезя председателть кятта. Сон пельсь кода ба Егорсь дялхця сязь Иван Михайловичть доверенностенц.
— Егор оцяй, морафтк, мон эняльдян. А то тейнек эряви куду тумос сяда курокста.
Егорсъ курокста морафтозя каготкять и мярксь тетьмакненди, што сон тийсыйнь сембоннь мезя эряви, што ошу сон туй фчек неделяда меля, а мянь снарс обязательна моли Иван Михайловичти. Сон вешссь ненгя мезя бди азмода, но тя пингть эзда сокай ломанць шумордазя эсь валнц и Егорсь, клетка мархта кепканц эсь кяцонца люпштазь, шятясь шочкнень лангс и кармась корхтама вишкста и кяжиста.
А тётьмакня, мянцть тийсть наротть потмоста, тусть ласькозь кить ланга разёзти.
[ 19 ]_p23.jpg)
Хуторть тейга ласькомста синь изезь примета аф Ермолайть аф своякснон, аф племянникснон, аф азор авать — няйф синь сембя улсть пуромксса. Но сонць Данил Егорочсь улсь куца. Сон ащесь озада крылец лангса, куредондась сиря кичкора трубканц эзда, конань лангса улсь тяштьф кинь бди рахай шамац, и няевсь, што сон улсь скамонза-ажаня ломань сембя Алёшинать эса, конаннь исця токся и исця кеняньфть од валсь — колхозссь.
Ласькийхть Тихай ляйть берекова кальхнень ёткова, марясазь цёратня кода-бта вець лоборгоць, кода-бта кия бди стака кев ёрдась.
Салаваня шаштцть, синь содазь Серёжкать, конац ащесь берякть ланкса и ванць тоза, коста ветть ланга уенцть ровнай крукт.
— Нерятанять нолдазя, — щархкоцть цёратьня и хитрайста варжакксцть фкя фкянь ланкс, валомня шашцть меки, молмоста тяшнесазь тя вастт.
Синь листть кинять ланкс и кенянцть тя апак учт удачать колга ненгя сяда вашкста тусть ласькома кудшири, ненгя сяс, мес марявсь, кода дуборць вирть эса скорай поездть эзда эхось.
Тяни улсь-ни ветя частт, тяни Васкять аляц ашкордазя пижа флагонц, сувси-ни куду, а Васькать мамац сатнезя пянакуцта пси обедонь пекшкать.
Куцонга кармасть корхтама колхозть колга. А корхтама уйфцть сяс, мес мамац целай киза пуропць ярмакт траксонь рамамс, ненгя тялонда варчсезя Данил Егорочть кизонь ведраженц и кизоти надиясь рамасы и нолдасы стадав. Тяни кулезь станя, што колхозу кармайхть примама сятнень, конат сувамода инголя аф печксазь, или аф мисазь лия васц скатинаснон, мамац пичедезевсь сянь колга, што колхозу сувамста Данил Егорычсь вяцы тов ведраженц, и тоса вешенть лия, а коса тяфтама муят?
Но аляц ломанць толковай улсь, сон эрь шиня морафнезя машина кинь газетать «Гудок» и шархкодезя коса мезя моли.
Сон рахазевсь маманц ланкса и азондозя теенза, што Данил Ёгоровичть аф ведраженц мархта, аф ведражафтема колхозти сяда аськолмада аф нолдасазь, сяс мес сон кулак. А колхосня синь сянкса и тендевихть, штоба улель кода эрямс [ 21 ]кулакфтома. И што мзярда сувай колхозу сембя велесь, эста и Данил Егоровичти, и Петунан мельникти, и Загрёбин Семёнтти сайпе, лиякс азомс страдыйхть сембя синь кулацкай хозяйствасна.
Лятфтазя мамац сянь колга, кода ётай кизоня валхтозь Данил Егорочть лангста сятт пялет пуд налокть, кода эздонза пелийхть алятьня и кода мес-бди лисенди тяфта кода теенза эряви. И сон пяк аф верондазь думондась, меляфць, што Данил Егорочть хозяйствац страды, а мянь меки шит, азонць пелькс, кодаба афоль страд сонць колхозсь, сяс мес Алёшинась — велес глухой перьфканза вирь да шяйхть. Тонадмос колхознайкс работама аш кинь эзда, и лезкс сусетнень эзда аш мезя учемс.
Аляц якстерьгоц, и мярксь, што налоксь тевсь шовда и аф лия мезя кода Данил Егоровичсь кинди-бди ачкать нардась да кинь бди васькафтозя, а теенза аф валда моли, и што тяфтама тевонкса аф куваць повмос ков эряви. Но марса сон ювачнезень и сят дуракнень велень советт эзда, конатнень Данил Егоровичсь шаракафтозень пряснон, и мярксь, што кда-бы тя тевсь улель тяни, мзярда председателсь Егор Михаловичсь, то сонь пинкстонза тяфтама безобразия афоль уль.
Мзярс аляц маманць мархта спорьвондасть Васькась сивсь кафта сускопт сиволь, лапшава лям и кода бта апак содак навась кургозонза оцю поколь сахор сахаронь кятткста, конань мамац путозя моркш ланкс, сяс мес аляц эзк обетта меля кельксы симманц стакан-кафта чай.
Сембя сяка мамац изь веронда сянди, што сон тянь тиезя апак содак, туркадезя сонь моркш ваккста и сон аварьгац ненгя сяда пяк кода и валда аварьгачнесь, а аф абидать эзда, куцсь пянакуд ланкс рыжай катть тейс, Иван Иванычть, и кода валда нуваськаць.
Кати онстонза, кати афкукс кулезя нувама пачк, а теенза кулевсь, што аляц азонць кодама-бди од заводонь колга, кодама-бди постройкань колга, кодама-бди ломанень колга конат якайхть и мезя-бди вешендийхть оврагова и вирьга и бта мамац сембя дивандай, сембя изь веронда сембя ахандась ды охондась.
Тоса мамац ускозя сонь пянакуд ланкста, каяфнезень щамонзон понксонзон и матозя лавзяв. Сон няйсь настоящай он, бта вирьса палыйхть пяк лама толда, кода-бта Тихай ляйть эзга уи оцю, кода сенемя моряса, пароход и неньгя кода-бта ся [ 22 ]парохотт эса уихть синь Петькать мархта пяк ичкиздень и пяк цебярь мастору.