Page:Ичкиздень масторхня (А. П. Гайдар, 1933).pdf/19

From Wikisource
Jump to navigation Jump to search
This page has been proofread.
конань каволнц эзга шюди шяйста Тихай ляйсь, видя скалатьнень эзга пяк якстеря сёвоньста варяса эряйхть кырхтякст. Кальхнень потмоса кяшендийхть селхть, шумбаст и лама лия аф обиднай зверьнят. Но сяда тов, озератьнень фтала, Синявка ляйть тейса, ков тялонда алатьня тушондыхть строевой вирень керьма, сплавонди, васьфнесть вирень керихня выргаст и весть мусть сиря, понафтома офта.

Вов кодама цебярь вирсь келиста ёрдаф ся ширеса, коса эрясть Петькась и Васькась! И сянкса, то весяла, то угрумай вирть пачк, панда пряняста, панда пряняв, жалбинкатьнень пачк, туркскя вельдя шюдерькснень туркс бодраста ласксть маластонь кинять эзга кучф цёратьня Алёшинав.

Тоса, коса кинясь лисенди кити фкя километра Алёшинать эзда, ащесь козя алянь Данил Егорочть хутороц.

Тяса ляки цёратьня лоткасть эшить тейс симма.

Данил Егоровичсь, конац тяса-жа симць кафта топоцта алашат, кизефтезень цёратьнень, колдонь синь да местема ласький-

15