Se̿ng-géng/Mǎ-tuo̿i Hŭ-éng/12
Jump to navigation
Jump to search
← · Di̿ 10 Cióng · Di̿ 13 Cióng →
«Se̿ng-géng» gâ̤ mù-lṳ̀
[ 31 ]
Di̿ 12 Cióng.
- Ǔ-cì-sî Iǎ-Sú da̿u úing-sĭ-nì giǎng mà-ciě châing-di̿-gua̿, hă-sáing bŭ-gṳě, ciū nṳ̆ mà-ciě lâ̤ iè.
- Huă-lī-so̿ nêng chū-gi̿ng, ciū iáu Iǎ-Sú uā, Nì gâ̤ hă-sáing ca̿ úing-sĭ-nì ēng gǒ̤ng ca̿ gâ̤ dī.
- Iǎ-Sú uā, Cě̤ng-chîng Duōi-pĭ iáu gáing gṳ̀ gâ̤ nêng bŭ-gṳě gâ̤ sî-hē ca̿ gâ̤ dī, nì gu̿ ēng-nǎing nāng-gua̿ à?
- Duōi-pĭ nì Ciōng-Di̿ gâ̤ chio̤̿, iè bâi-diū gâ̤ biǎng, iŏ̤ng biǎng Duōi-pĭ iáu gáing gṳ̀ gâ̤ nêng dú ēng gǒ̤ng iè, cǒng-lâ̤ ci̿-sí ciū gǒ̤ng iè.
- Lṳ̆-huă sṳ́-di̿ gi̿-diū ci̿-sí da̿u dāing-di̿ ngà̤ úing-sĭ-nì, sī mǎu cò gâ̤, nì iǎ ēng-nǎing nāng-gua̿ à?
- Uòi iáu nì uā, Iŏ̤ng-di̿ iǔ cì-ciă nêng piāng dāing ga̿ing duo̿i.
- Se̿ng-géng-di̿ uā, Uòi o̿ ta̿i nêng kǒ̤-lǐng gâ̤ dī, ēng o̿ hṳ̿ing-ci̿ gâ̤ dī, nì lâ̤ měng-bà̤ iŏ̤ng cì gṳ̿ dī sū-mū i̿-su̿, ciū mài nà mǎu cò gâ̤ nêng uā sī iǔ cò.
- Éng-ṳē nêng gâ̤ Gṳ̌ing iǎ sī úing-sĭ-nì gâ̤ Cṳ̌.
- ¶ Iǎ-Sú giǎng ŭ-di̿ ko̤̿, nì lǐ-ba̿i-dǒ̤ng.
- Da̿u ŭ-di̿ iǔ cì-ciă nêng cì ga̿i-tī siǔ kú-tiāu. Iǔ nêng lâ̤ mōng Iǎ-Sú, uā, Úing-sĭ-nì í-bāng, gǒ̤ng, ēng gǒ̤ng? Gṳ̀ gâ̤ séng-i̿ sī o̿ lāu ciă dī ga̿u Iǎ-Sú.
- Iǎ-Sú uā, Nì dǐ-bíng mǎu-lō̤ng sū-mū nêng iǔ cì-tê iông úing-sĭ-nì dǔing hā káng-di̿, nī-di̿ kǎing běng-cie̿ gṳ̀, ēng tuói gṳ́ iòng lâ̤?
- Nêng cǒng piāng iông ga̿ing dì-cîng dă̤ cāi! Gu̿-chu̿ úing-sĭ-nì sī gǒ̤ng ca̿ gâ̤.
- Ciū iáu kú-tiāu siǔ gâ̤ nêng uā, Nì siǔ sṳ́ing chṳ̆ lâ̤. Ŭ ciă nêng nà siǔ sṳ́ing chṳ̆ lâ̤; siǔ ciū hǎu-tiāu, iáu ŭ ga̿i-tī siǔ ĭ-búing.
- Huă-lī-so̿ nêng chṳ̆ ko̤̿, sióng-liông niōng gōng-ciōng-iōng ŏ̤ miè-tiāu Iǎ-Sú.
- Iǎ-Sú dă̤-dí kǐ lâ̤, ciū pī-tiāu ŭ sù-cài, iǔ cèng cāi nêng gáing gṳ̀ ko̤̿; iǔ bāng gâ̤ nêng, Iǎ-Sú dú ta̿i gṳ̀ í hǎu. [ 32 ]32
Mǎ-tuo̿i, 12.
- 16 Ge̿ng-ga̿i gu ēng niōng nà gṳ̀ gâ̤ miâng iông chṳ̄ ko̤̿.
- 17 Iǒ̤ng ciū-sī niōng gi̿ng-hāu síng-dí Ì-so̿-ngā tê-chîng uā-gua̿ gâ̤ dī,
- 18 Gō̤-uā, Chū uòi gâ̤ nû-gě, sī uòi tǐ chṳ̌ lâ̤ gâ̤; cèng dǎ̤ uòi o̿ gâ̤, uòi séng-dǐ cèng de̤̿ng-i̿ gâ̤, uòi ŏ̤ nà uòi gâ̤ Sěng hū da̿u gṳ̀ séng-di̿, gṳ̀ ŏ̤ nà uòi diāng-gṳ́ gâ̤ dī háu biē-gǒ̤-nêng dǎ̤-dí.
- 19 Gṳ̀ mài iáu nêng cáing, mài iáu nêng nāu; da̿u gái-diō̤-di̿ iǎ mǎu nêng tia̿ng-nī-gi̿ng gṳ̀ gâ̤ siáng-éng.
- 20 Tǎu ciè-tiāu gâ̤ mô̤ng-sáng gṳ̀ mài ǎu-dō̤ng, tǎn ú-tiāu gâ̤ dáing-hǒ gṳ̀ iǎ mài lōng ú-tiāu, dǎing gṳ̀ nà iǒ̤ng diāng-gṳ́ gâ̤ dī dṳ̌ing-dǎ̤ cèng kuǒi duōi iâng.
- 21 Biē-gǒ-nêng iǎ ŏ̤ ka̿u gṳ̀ miâng iǔ siǒng-tê.
- 22 Ǔ-cì-sî iǔ nêng iáu-diū cì-ciă nǎ gṳ̌ mî-diū gâ̤ nêng hā Iǎ-Sú-di̿ lâ̤, sī hǎi-ciě, ǐ bāng-ǎ: Iǎ-Sú ta̿i gṳ̀ í hǎu, ǔ ǎ-ciě ciū ŏ̤ uā dī, mì-ciú iǎ chū-dǎ̤-gi̿ng.
- 23 Ǔ cèng cāi nêng dú ngò̤-ngò̤-di̿, cèng gǐ-guo̿i, uā, Iǒ̤ng nêng sī Duōi-pǐ gâ̤ gṳ̌ing-só̤ng, ēng sī?
- 24 Huǎ-lī-so̿ nêng tia̿ng-nī-gi̿ng, ciū uā, Iǒ̤ng nêng dāi tiāu gṳ̀ dú sī ka̿u-diū gṳ̌-uâng Piě-sái-pǔ.
- 25 Iǎ-Sú dǎ̤-dí gṳ̀ gâ̤ séng-i̿, ciū iáu gṳ̀ uā, Mǎu-lō̤ng sū-mū gǒ lâ̤ iáu cù-cī sióng-cáing, dú ŏ̤ bi̿ng ca̿ huáng-biâng; mǎu-lō̤ng sū-mū sêng, sū-mū nêng chio̤̿, lâ̤ iáu cù-cī sióng-cáing cǒng mài bǎu-dǎ̤-diū:
- 26 Lâ̤-sī Sǎ-dàng, dāi-tiāu Sǎ-dàng, ciū-sī iáu cù-cī sióng-cáing; gṳ̀ gâ̤ gǒ nī-di̿ ŏ̤ bǎu-dǎ̤-diū?
- 27 Uòi lâ̤-sī ka̿u-diū Piě-sái-pǔ dāi-tiāu gṳ̌, nì gâ̤ hǎ-sáing dāi-tiāu gṳ̌ ǐ sī ka̿u-diū sū nêng nī? iǒ̤ng-gǎ̤-sǐ gṳ̀ ŏ̤ uā nì iǔ cho̤̿.
- 28 Uòi lâ̤-sī ka̿u-diū Ciōng-Di̿ gâ̤ Sěng dāi-tiāu gṳ̌, Ciōng-Di̿ gâ̤ gǒ ciū da̿u nì iǒ̤ng-di̿ làu.
- 29 Nêng gōng-ciōng ŏ̤ nì hǎu-giǒ̤ gâ̤ nêng chio̤̿-di̿, chiǒng gṳ̀ gâ̤ mî-dī nī? Cǒng niōng sáing gǎi-diū iǒ̤ng bǎu-giǒ̤ gâ̤ nêng, cuo̿i-hē ciū ŏ̤ chiǒng gṳ̀ chio̤̿-di̿ gâ̤ mî-dī. [ 33 ]Mǎ-tuo̿i, l2.
33
- 30 Eng iáu uòi gōng séng-sū, ciū-sī iáu uòi ca̿ do̿-tê; ēng iáu uòi siú giǎng-ce̿ng gâ̤, ciū-sī bṳ́ing su̿ing-tiāu.
- 31 Gu̿-chu̿ uòi iáu nì uā, mǎu-lō̤ng sū-mū cò, iáu lūing-mā nêng gâ̤ dī, iǒ̤ng gâ̤ cò dú ŏ̤ ta̿i nêng sia̿-tiāu; cǒng-lâ̤ lūing-mā Se̿ng-Sěng, iǒ̤ng cò ě̤ng-ṳ̌ing mài sia̿-tiāu.
- 32 Mǎu-lō̤ng sū-mū nêng lūing-uā nêng ga Gṳ̌ing , iǒ̤ng cò ŏ̤ ta̿i gṳ̀ sia̿-tiāu: cóng-lâ̤ lūing-uā Se̿ng-Sěng, iǒ̤ng cò da̿u iǒ̤ng cì-si̿, hē-lǎi ǔ cì-si̿, ě̤ng-ṳ̌ing dú mài ta̿i gṳ̀ sia̿-dǎ̤-tiāu.
- 33 Guǎ-ciě hǎu, ciū niōng uā chiū iǎ sī hǎu; guǎ-ciě làing, ciū niōng uā chiū iǎ sī làing: éng-ṳē chū guǎ-ciě, ciū dǎ̤-dí chiū.
- 34 Nì iǒ̤ng dù-ṳê gâ̤ gṳ̌ing-só̤ng, nì dú sī làing nêng, nī-dī ŏ̤ uā hǎu gâ̤ dī nī? éng-ṳē séng-dǐ cèng siǒng sū-mū dī chṳ̿-di̿ ciū uā sū-mū dī.
- 35 Hǎu gâ̤ nêng giǎng gṳ̀ séng-dǐ iǔ gâ̤ hǎu dī, hīng chṳ̌ hǎu gâ̤ dī lâ̤: làing gâ̤ nêng giǎng gṳ̀ séng-dǐ iǔ gâ̤ làing dī, hīng chṳ̌ làing gâ̤ dī lâ̤.
- 36 Uòi iáu nì uā, nêng mǎu-lō̤ng uā sū-mū hṳ́-tṳ̄ing gâ̤ dī, da̿u sěng si̿-gáing nêng gâ̤ nì-ciě, cì gṳ̿, cì gṳ̿, gṳ̀ dú niōng nēng-dio̿ng.
- 37 Éng-ṳē cia̿u-diū nì uā gâ̤ dī, ciū dō̤ng nì ca̿ ngī-nêng, iǎ cia̿u-diū nì uā gâ̤ dī, ciū dō̤ng nì ca̿ iǔ cò gâ̤ nêng.
- 38 Ǔ-cì-sî iǔ gǐ-ciǎ nāng-sṳ́ nêng, Huǎ-lī-so̿ nêng iáu Iǎ-Sú uā, Síng-Sáing, uòi o̿ chū nì hǐng ciǎ sěng-tóng gâ̤ dī.
- 39 Iǎ-Sú uā, Tóng-gáing cèng làing gâ̤ si̿-ga̿i o̿ chū sěng-tóng gâ̤ dī; ēng-sī síng-dí Iǒ̤-nà ǔ cì-iōng sěng-tóng gâ̤ dī, cuo̿i mǎu biē sěng-tóng gâ̤ dī nǎ gṳ̀ chū.
- 40 Ciū su̿-siōng Iǒ̤-nà sáng góng sáng mâng dao duōi ngṳ̂ bǔ-di̿, iǒ̤ng-gǎ̤-sǐ nêng gâ̤ Gṳ̌ing iǎ ŏ̤ sáng góng sáng mâng da̿u nâi dǐ-bíng.
- 41 Nǐ-nǐ-mǐ nêng da̿u sěng si̿-gáing nêng gâ̤ nì-ciě ŏ̤ kǐ lâ̤ diāng iǒ̤ng cì-si̿ gâ̤ cò, éng-ṳē gṳ̀ tia̿ng-nī-gi̿ng Iǒ̤-nà [ 34 ]gǒ̤ng-dàu ciū gǎi-ŏ̤ cě̤ng-sīngm giâ-gíng da̿u iǒ̤ng-di̿ gu̿ iǔ cì-ciă piāng Iǒ̤-nà ga̿ing duōi.
- 42 Nâng-bíng gâ̤ nṳ̌-uâng da̿u sěng si̿-gáing nêng gâ̤ nì-ciě ŏ̤ kǐ lâ̤ diāng iǒ̤ng cì-si̿ nêng gâ̤ cò, éng-ṳē gṳ̀ giǎng si̿-gáing děng dàu gâ̤ sù-cài-dī lâ̤ tia̿ng-nī Sǔ-lô̤-mô̤ng chóng-měng gâ̤ dī; giâ-gíng da̿u iǒ̤ng-di̿ gu̿ iǔ cì-ciă piāng Sǔ-lô̤-mô̤ng ga̿ing-duōi.
- 43 Ciǎ-gṳ̌ giǎng nêng séng-di̿ chṳ̆ lâ̤ làu ga sî-hē, ciū ko̤̿ mǎu sṳ̌ gâ̤ dǐ-huó̤ng, giǎng lâ̤, giǎng ko̤̿ lāu lò̤-hā gâ̤ sù-cài, dú mǎu-dǎ̤ lāu.
- 44 Ciū uā, Uòi niōng da̿u-tê ko̤̿ āing-làu chṳ̆ lâ̤ gâ̤ chio̤̿; da̿u ǔ-di̿ ciū chū-gi̿ng iǒ̤ng chio̤̿ dō̤-di̿ ko̤̿ng, se̿-dǎ̤ lâ̤i-lī-lī, bâi-dǎ̤ ngǎ-sǐ-sǐ.
- 45 Ciū ko̤̿ iáu chǐ-ciǎ piāng cù-cī ga̿ing ŏ̤ gâ̤ gṳ̌, câi di̿ ko̤̿ diū, ǔ ciǎ nêng hē-mṳě ga kǔ-nūing ciū piāng tê-chîng ga̿ing lī-huōi. Iǒ̤ng cì-si̿ cèng ŏ̤ gâ̤ nêng iǎ ŏ̤ iǒ̤ng-gǎ̤-sǐ.
- 46 Iǎ-Sú iáu ǔ cèng cāi nêng uā dī gâ̤ sî-hē, gṳ̀ nǎi, iáu gṳ̀ hiáng-dī gṳè da̿u ngṳē-bíng, o̿ iáu gṳ̀ uā dī.
- 47 Iǔ ciǎ nêng iáu Iǎ-Sú uā, Nì nǎi, iáu nì hiáng-dī gṳè da̿u ngṳē-bíng, o̿ iáu nì uā dī.
- 48 Iǎ-Sú a̿ing ǔ ciǎ nêng uā, Sū nêng sī uòi gâ̤ nǎi, sū nêng sī uòi gâ̤ hiáng-dī?
- 49 Ciū sṳ́ing siǔ bǐ-diū hǎ-sáing, uā, Nì chū uòi gâ̤ nǎi, uòi gâ̤ hiáng-dī.
- 50 Éng-ṳē mǎu-lō̤ng sū-mū nêng í uòi tíng ciōng gâ̤ Dá gâ̤ séng-i̿ ko̤̿ ca̿, iǒ̤ng nêng ciū-sī uòi gâ̤ hiáng-dī, ci̿-mṳē, iáu nǎi lò̤.