This page has been proofread.
33
mǎ tuo̿i, 12.
- Eng iáu uòi gōng séng-sū, ciū-sī iáu uòi ca̿ do̿-tê; ēng iáu uòi siú giǎng-ce̿ng gâ̤, ciū-sī bṳ́ing su̿ing-tiāu.
- Gu̿-chu̿ uòi iáu nì uā, Mǎu-lō̤ng sū-mū cò, iáu lūing-mā nêng gâ̤ dī, iŏ̤ng gâ̤ cò dú ŏ̤ ta̿i nêng sia̿-tiāu; cǒng-lâ̤ lūing-mā Se̿ng-Sěng, iŏ̤ng cò ě̤ng-ṳ̌ing mài sia̿-dă̤-tiāu.
- Mǎu-lō̤ng sū-mū nêng lūing-uā nêng gâ̤ Gṳ̌ing, iŏ̤ng cò ŏ̤ ta̿i gṳ̀ sia̿-tiāu: cǒng-lâ̤ lūing-uā Se̿ng-Sěng, iŏ̤ng cò da̿u iŏ̤ng cì-si̿, hē-lǎi ŭ cì-si̿, ě̤ng-ṳ̌ing dú mài ta̿i gṳ̀ sia̿-dă̤-tiāu.
- Guǎ-ciě hǎu, ciū niōng uā chiū iǎ sī hǎu; guǎ-ciě làing, ciū niōng uā chiū iǎ sī làing: éng-ṳē chū guǎ-ciě, ciū dă̤-dí chiū.
- Nì iŏ̤ng dù-ṳê gâ̤ gṳ̌ing-só̤ng, nì dú sī làing nêng, nī-di̿ ŏ̤ uā hǎu gâ̤ dī nī? éng-ṳē séng-dǐ cèng siǒng sū-mū dī, chṳ̿-di̿ ciū uā sū-mū dī.
- Hǎu gâ̤ nêng giǎng gṳ̀ séng-dǐ iǔ gâ̤ hǎu dī, hīng chṳ̆ hǎu gâ̤ dī lâ̤: làing gâ̤ nêng giǎng gṳ̀ séng-dǐ iǔ gâ̤ làing dī, hīng chṳ̆ làing gâ̤ dī lâ̤.
- Uòi iáu nì uā, nêng mǎu-lō̤ng uā sū-mū hṳ́-tṳ̄ing gâ̤ dī, da̿u sěng si̿-gáing nêng gâ̤ nì-ciě, cì gṳ̿, cì gṳ̿, gṳ̀ dú niōng nēng-dio̿ng.
- Éng-ṳē cia̿u-diū nì uā gâ̤ dī, ciū dō̤ng nì ca̿ ngī-nêng, iǎ cia̿u-diū nì uā gâ̤ dī, ciū dō̤ng nì ca̿ iǔ cò gâ̤ nêng.
- ¶ Ŭ-cì-sî iǔ gǐ-ciă nāng-sṳ́ nêng, Huă-lī-so̿ nêng iáu Iǎ-Sú uā, Síng-Sáing, uòi o̿ chū nì hǐng ciă sěng-tóng gâ̤ dī.
- Iǎ-Sú uā, Tóng-gáing cèng làing gâ̤ si̿-ga̿i o̿ chū sěng-tóng gâ̤ dī; ēng-sī síng-dí Iŏ̤-nà ŭ cì-iōng sěng-tóng gâ̤ dī, cuo̿i mǎu biē sěng-tóng gâ̤ dī nă gṳ̀ chū:
- Ciū su̿-siōng Iŏ̤-nà sáng góng sáng mâng da̿u duōi ngṳ̂ bŭ-di̿, iŏ̤ng-gă̤-sĭ nêng gâ̤ Gṳ̌ing iǎ ŏ̤ sáng góng sáng mâng da̿u nâi dǐ-bíng.
- Nǐ-nǐ-mǐ nêng da̿u sěng si̿-gáing nêng gâ̤ nì-ciě ŏ̤ kǐ lâ̤ diāng iŏ̤ng cì-si̿ gâ̤ cò, éng-ṳē gṳ̀ tia̿ng-nī-gi̿ng Iŏ̤-nà
