This page has been proofread.
34
mǎ-tuo̿i, 13.
gǒ̤ng-dàu ciū gǎi-ŏ̤ cě̤ng-sīng, giâ-gíng da̿u iŏ̤ng-di̿ gu̿ iǔ cì-ciă piāng Iŏ̤-nà ga̿ing duōi.
- Nâng-bíng gâ̤ nṳ̌-uâng da̿u sěng si̿-gáing nêng gâ̤ nì-ciě ŏ̤ kǐ lâ̤ diāng iŏ̤ng cì-si̿ nêng gâ̤ cò, éng-ṳē gṳ̀ giǎng si̿-gáing děng dàu gâ̤ sù-cài-di̿ lâ̤ tia̿ng-nī Sǔ-lô̤-mô̤ng chóng-měng gâ̤ dī; giâ-gíng da̿u iŏ̤ng-di̿ gu̿ iǔ cì-ciă piāng Sǔ-lô̤-mô̤ng ga̿ing duōi.
- Ciǎ-gṳ̌ giǎng nêng séng-di̿ chṳ̆ lâ̤ làu gâ̤ sî-hē, ciū ko̤̿ mǎu sṳ̌ gâ̤ dǐ-huó̤ng, giǎng lâ̤, giǎng ko̤̿ lāu lò̤-hā gâ̤ sù-cài, dú mǎu-dă̤ lāu.
- Ciū uā, Uòi niōng da̿u-tê ko̤̿ āing-làu chṳ̆ lâ̤ gâ̤ chio̤̿; da̿u ǔ-di̿ ciū chū-gi̿ng iŏ̤ng chio̤̿ dō̤-di̿ ko̤̿ng, se̿-dă̤ lâi-lī-lī, bâi-dă̤ ngǎ-sĭ-sĭ.
- Ciū ko̤̿ iáu chĭ-ciă piāng cù-cī ga̿ing ŏ̤ gâ̤ gṳ̌, câi di̿ ko̤̿ diū; ŭ ciă nêng hē-mṳě gâ̤ kǔ-nūing ciū piāng tê-chîng ga̿ing lī-huōi. Iŏ̤ng cì-si̿ cèng ŏ̤ gâ̤ nêng iǎ ŏ̤ iŏ̤ng-gă̤-sĭ.
- ¶ Iǎ-Sú iáu ŭ cèng cāi nêng uā dī gâ̤ sî-hē, gṳ̀ nǎi, iáu gṳ̀ hiáng-dī gṳè da̿u ngṳē-bíng, o̿ iáu gṳ̀ uā dī.
- Iǔ ciă nêng iáu Iǎ-Sú uā, Nì nǎi, iáu nì hiáng-dī gṳè da̿u ngṳē-bíng, o̿ iáu nì uā dī.
- Iǎ-Sú a̿ing ŭ ciă nêng uā, Sū nêng sī uòi gâ̤ nǎi, sū nêng sī uòi gâ̤ hiáng-dī?
- Ciū sṳ́ing siǔ bǐ-diū hă-sáing, uā, Nì chū uòi gâ̤ nǎi, uòi gâ̤ hiáng-dī!
- Éng-ṳē mǎu-lō̤ng sū-mū nêng í uòi tíng ciōng gâ̤ Dá gâ̤ séng-i̿ ko̤̿ ca̿, iŏ̤ng nêng ciū-sī uòi gâ̤ hiáng-dī, ci̿-mṳē, iáu nǎi lò̤.
Di̿ 13 Cióng.
- Gōng ŭ cì góng Iǎ-Sú giǎng chio̤̿-di̿ chṳ̆ lâ̤ cō da̿u huǒi-bíng.
- Iǔ cèng cāi nêng cṳ̀ da̿u gṳ̀ ŭ-di̿, Iǎ-Sú ciū iòng ṳ̌ing cō-diū; duōi-gá-nêng dú gṳè da̿u ngāing-di̿.
- Iǎ-Sú ciū nà cèng cāi bǐ-piāng gâ̤ dī iáu gṳ̀-huo̿i-nêng gǒ̤ng, uā, Iǔ cì-ciă suŏi-cě̤ng gâ̤ nêng chṳ̆ ko̤̿ suŏi cě̤ng.
