Священная история Ветхого и Нового завета (1880)/В/Новый/25
25. Видьмень видицядо да товсюро ([1]) марто кукольде ёвталмо.
Іисусъ Христосъ истямо ёвталмо ёвтась. «Ве видиця видьмень видеме лись. Сонъ видемстэ конатъ видьстне ки лангсъ, конатъ соръ тикше ютксъ, а конатъ паро модасъ прасть. Ки лангсъ празь видьстнень ютыця ломать чалксизь, нармоть клюксизь. Кевъ [ 99 ]ютксъ празь видьмесь, сескэ веревъ отроска нолдась; мейле кода чизэ лись, сонъ пуйшсь да косксь: тензэ корёнъ аковъ ульнесь нолдамсъ. Соръ тикше ютксъ празесь отроска нолдась да косксь: тикшесь касомо воля эзь макстъ тензэ. Паро модасъ празь видстне коната сядо, коната коткемень, коната колонькемень видьме максь». Мейле тонавтницянзо Іисусъ Христозонь кевстизь: «вай, Паро Тонавтицянокъ! минь асодатанокъ мезе истямо Тонъ те ёвталмосонть ёвтлятъ»? Сонъ ёвтась тенстъ: «видицясь — Пазонь Цёразо ули; видстне — Пазонь валонзо; модась, — кона лангсъ неть видьстне видевить, — ломанень седеезэ (мелезэ). Ки лангсъ празь видьменть, нармотне клюксезь ладсо, Пазонь валонзо, авуль ваньксъ мельсэ кулцонозь ломанень седстэ, шайтянъ сазь сайсазо. Кевь лангсъ празь видмесь курокъ лиси да седіякъ куроксто пужозь коски; улить истя жа ломать, кодамо валъ кодакъ марить, апакъ думакъ, сескэ кемеме кармить. Се валонть кисъ панме, чавмо кармить эйсэстъ, сынь валдонть сёпить. Видьме соръ тикше ютксъ пры, лиси, сорось касомо тензэ воля а максы, матрасазо; истя жо ломанень седсэ якъ апартъ мелть: масторъ лангсо парсте, сюпавсто эрямо мелть Пазонь валонзо матрасызь, велтясызь. Паро виде седсэ, ваньксъ мельсэ ломань паро модань кондямо: сонъ Пазонь валонзо, марязь, эсь седсэнзэ кирди, тень кувалтъ сонъ ламо партъ тевть теи».
Іисусъ Христосъ амбоце ёвталмо ёвтась. Сонъ «менелень царствась эсь паксясонзо паро видьме [ 100 ]видезь ломань ёновъ моли», мерсь. «Ве ломань, паксякъ молезь, эсь уманзо лангсъ товсюро видсь да сонсь кудовъ тусь. Кода рабутникензэ удомо мадсть, сонзо душманозо, сазь, товсюронть ютксъ куколь видсь. Кода товсюрось, лись, да кептямо, касмо кармась, сестэ куколесь какъ касмо кармась. Робутниктне кудазоростъ кевстизь: «кудазоро паро чи, тонъ паро видьме аньсякъ видекшныть, косто истя куколесь сась»? Сонъ ёвтась тенстъ: «душманъ ломанемъ истя тейсь». Рабутниктне, «коле тонъ кармавсамизь, минь мольдянокъ, куколенть кочксесынекъ», мерсть тензэ. Кудазоростъ мерсь: «а эряви, илядо якакъ кочкамо: тынь куколенть кочксемстэнзэ товсюронть какъ тарксемензэ карматадо. Кадынкъ нуема порань самсъ вейсэ касостъ. Кода сонъ кенери, монъ нуемензэ ломать кучанъ да истя кармавтанъ тенстъ: тынь, мерянъ, куколенть пурныкъ да толсо пултамонзо кисъ пулткесъ сюлмсинкъ, а товсюронть утомозомъ пурнынкъ». Те ёвталмонть Іисусъ Христосъ, Эсь тонавтницянзо марто аньсякъ кадовозь, истя ёвтызе: «паро видменть Видиця — ломанень Цёразо ули; паксясь — масторъ (лангсонзо эриця ломатне марто); паро видмесь — менелень царствасъ совиксъ ломатне; куколесь — вадсъ туиксъ берять, апартъ ломатне; куколень видиця душманось — дьяволъ ули; нуема шкась — свѣтэнь маштомазо (пезэ); нуицятне — ангелтъ. Сюронть нуесь, кукольтнень, пурназь, толсъ пултазь ладсо свѣтэнть маштомсто ули. Ломанень Цёразо Эсь Ангелонзо кучсынзе; сынь Сонзо царствастонзо весе берянь тевень теицятнень, авуль Пазонь закононзо кувалтъ эрицятнень пурнасызь да [ 101 ]палы толсъ (вадсъ) коясызь (ёртсызь); тосо тенстъ пекъ стака ули: сынь пейсэстъ чикордозь авардеме кармить. А праведнойтне сестэ Пазонь царствасонзо чи ладсо валдомить». Іисусъ неть ёвталмотнеде мейле мерсь: «кинь кулцономо пилензэ улить, марязо»!
- ↑ (*) Сюро — хлѣбъ, товъ — ядро.