Page:Священная история Ветхого и Нового завета на эрзянском (А. Ф. Юртов, 1880).djvu/105

From Wikisource
Jump to navigation Jump to search
This page has been proofread.

— 101 —

палы толсъ (вадсъ) коясызь (ёртсызь); тосо тенстъ пекъ стака ули: сынь пейсэстъ чикордозь авардеме кармить. А праведнойтне сестэ Пазонь царствасонзо чи ладсо валдомить». Іисусъ неть ёвталмотнеде мейле мерсь: «кинь кулцономо пилензэ улить, марязо»!

 

26. Іисусъ Христозонь Галилейской эрке лангсо віевъ вармань пувамадонзо лоткавтомадо.

Іисусъ Христосъ кона чистэнть ёвталмотнень эйсэ Мессіянь царствасъ совицятнеде ёвтась, Эсензэ тонавтницятне марто, венчесъ озазь, Галилеень эркенть омбоце ёнозо тусь. Сынстъ мартостъ лія венчсэ молицятъ какъ ульнесть. Эркеванть уемстэ Іисусъ Христосъ матидевсь. Сонзо удомсто пекъ віевъ варма кептясь. Варманть кеместэ пувамодонзо ведесь лаказь лакамо кармась да венченть, кирнавтнезь, пештемензэ кармась. Іисусъ Христозонь тонавтницянзо пекъ тандадсть. Сынь пувтызь да мерсть Тензэ: «Тонавтыцянокъ! эле а неятъ тонъ — минь эль ёматано (ваятано)? Тонавтыцянокъ ваныть минекъ прянокъ»! Іисусъ Христосъ мерсь тенстъ: «эхъ тынь аламо кемицятъ! Мезде истя тандадыте»? Сонъ вармантень «иля пувакъ»! ведентень «лакамодо лоткакъ»! мерсь. Кодакъ мерсь, вармась пувамодо, ведесь лакамодо лоткась. Сесэ ульнезь ломатне весе, дивазь тандадомастъ пачкъ, „Сонзо вармась какъ, иневедесь какъ кулцоносызь, Ки Сонь истямо“? мерезь кортасть.