Священная история Ветхого и Нового завета (1880)/В/Ветхий/22
| ←21-це глава. | Священная исторія Ветхаго и Новаго завѣта на эрзянскомъ нарѣчіи (1880) Священная исторія Ветхаго завѣта. 22-це глава. |
23-це глава.→ |
| Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 28—31 |
22. Іосифень лялянзо Египетсъ омбоцеде сюронь рамамо самодостъ.
Іаковонь цёранзо ускозь сюрось ве іесъ аньсякъ сатотсь. Сюронть эль маштомстонзо Іаковъ тердинзе цёранзо да мери тенстъ: „азеде ней Египетсъ одовъ сюронь рамамо“. Цёранзо мерить тензэ: „тятиненекъ! коли тонъ мартонокъ веженсь братонокъ, Веніанинэнь гакъ а кучсакъ, минь Египетсъ а мольдяно: тосонь прявтось сонтемензэ само эзь мерть тенекъ“. Іаковъ мерсь: „месть ней тейнемсъ темъ? Іосифъ цёрамъ [ 29 ]арась, Симіонъ гакъ арась, Веніаминэнь гакъ мартонкъ вештядо; коле сонзо мартоякъ кисэ мезіякъ тееви да и сонъ кулы, сестэ монъ мелявтомадомъ куланъ“. Іуда лемсэ цёразо тятянстэнь мерсь: „тятинемъ, мездеякъ иля пельть минь кудовъ весеменекъ шумбрасто сатанокъ. Веніаминнэнь мезіякъ теевиньдеряй, сестэ монъ тонь икелеть куломазомъ чумовъ улянъ“. Тятястъ мерсь тенстъ: „саинкъ ина Веніаминэнь гакъ мартонкъ да тосто Симіононь гакъ мекевъ туинкъ. Пазъ мартонкъ улезэ. Азеде ней“! Сынь тусть.
Іаковонь цёранзо весеместъ, Египетсъ шумбрань паро чистэ пачкодезь, Іосифнэнь састь. Сонъ кода Веніаминэнь неизе, сельведензэ тусть. Сонъ сельведензэ кинень гакъ апакъ невть нардынзе. Іосифъ эсь кудонзо мельга якицянтень обѣдъ анокстамо мерсь. Обѣдамстостъ Іосифъ братнэнь покшонзо покшонь веженсензэ веженсень таркасъ озавтнынзе. Симемстэ ярсамсто весемененень ровнасто кантлесть, аньсякъ ве Веніаминнэнь эрва конатадо вете разтъ седе ламо путнесть.
Обѣдамодостъ мейле Іосифъ сынстъ весемень мѣшокостъ пештеме мерсь. Эрва конатань ярмаконзо мекевъ мѣшокозонзо путомо мерсь, а Веніаминэнь мѣшоксъ эсензэ сіянь чашанзо (сонъ эйстэнзэ симниль) путомо мерсь. Кода сынь кудовъ тусть, Іосифъ сынстъ мельгастъ эсь кудонзо мельга якицянть кучизе. Сонъ Іосифень братнэнь сасынзе да лоткавтынзе. „Тынь“, мери, „мейсь монь кудазоромъ сіянь чашанзо салынкъ“? Сынь лоткасть да мерсть: „коле кинь кедстэ мусакъ кудазоротъ чашанзо, севатень маштсакъ“. [ 30 ]Вешнесть, вешнесть да Веніаминэнь мѣшоксто муизь. Сестэ сынь пекъ тандадсть да весеместъ мекевъ Іосифнэнь мурдасть. Сынь Іосифень пильгезэнзэ прасть да кортасть: „вай, паро ломань! тонь чашатъ минь эзинекъ салсекъ: Те истя минекъ Пазъ икелень пежетенекъ кисъ майсевти несакъ. Ней минь весеменекъ куломазонокъ тонь кедсэть работникексъ кадовтанокъ“. Іосифъ тенстъ ёвтась: „тынкъ монъ весеменкъ кирдеменкъ а карманъ, кудовъ кучтадызь; сень аньсякъ эстемъ кадса, конатань мѣшоксто муевсь монь чашамъ“. Сестэ Іуда Іосифень малазонзо сазь мерсь: „паро ломань! минь тонеть тятянокъ пекъ сыре улемадонзо кортынекъ. Минекъ тятянокъ те веженсь цёранзо весемеденекъ пекъ вечксазо. Коле минь кудовъ веженсь браттомонокъ сатано, тятянокъ мелявтозь кулы“. Неть валтнэде мейле Іосифъ эзь кирдь. Сонъ весе эсензэ слугатненень ліявъ туеме мерсь, аньсякъ ськамонзо братнэ марто кадовсь. Сонъ сестэ аварьгадсь да ёвтась: „монъ тынкъ братонокъ Іосифъ улянъ! Шумбра ли минекъ тятянокъ“? Братнэ тензэ мезіякъ эсть меревть: пекъ тандадсть ужъ сынь. Сонъ мерсь тенстъ: „садо тей малавъ, монъ тынкъ Египетсъ міезь братонкъ Іосифъ! Илядо тандалекъ: монь сюронь анокстамонь кисъ Пазъ Сонсь тей міевтимемь несакъ. Тынь ней шумбрань паро чистэ озеде кудовъ, мондемъ тятянень ёвтадо. Мейле тынсь тятянь марто, весе семіянкъ марто тей садо: кавто сюронь а шачома іеть ютасть, таго вете іеть сюро шачомо а карми“. Іосифень братонзо кудовъ сазь тятянстэстъ мезе мартостъ ульнесь, весе ёвтнизь. Іаковъ пекъ радувазь [ 31 ]мерсь: „пасиба Пазнэнь: монь Іосифъ цёрамъ эзь куло ищо. Молянъ Іосифъ цёрамъ неемензэ“. Іаковъ Пазнэнь озксъ кандсь да ознось. Весе, ули паронзо пурназь, семіянекъ (весеместъ 75 ломать ульнесть) Египетсъ тусь. Кода Іаковъ Египетэнь масторсъ пачкодсь, Іосифъ тятянзо каршо молсь. Іосифъ сындестъ фараоннэнь ёвтась. Фараонъ гакъ тенстъ пекъ радувась. Сонъ Іаковъ марто куватьсъ кортнесь. Мейле фараононь валонзо кувалтъ Іосифъ сынстъ Гесемъ лемсэ масторсъ ветинзэ: сынь тесэ эрямо ащеме кармасть.