Священная история Ветхого завета (мокшень)/B/04
| ←3. Адам марта Евань Райса эряфсна. | Священная исторія Ветхаго завѣта на Мокшанскомъ нарѣчіи Мордовскаго языка (1900) 4-це главась. |
5. Адамть дӑ Евать грехс прамда меля̈ эряфсна.→ |
| Священная исторія Ветхаго завѣта на Мокшанскомъ нарѣчіи Мордовскаго языка. Изданіе Православнаго Миссіонерскаго Общества. — Казань, типо-литографія Императорскаго университета, 1900. — с. 5—6 |
4. Васеньця̈ ломатнень грехс прамасна.
Адам марта Ева Райть эса аф ламы̃с эря̈сьть; синь дьявы̃лсь прафты̃зень грехс.
Дьявы̃лсь васенда ангелэль; сон лоткась Шкайть кулцы̃нды̃мды̃нза, дӑ кармась сонь каршы̃зы̃нза молемя̈. Шкайсь панезя̈ сонь менельста, дӑ сон арась дьявы̃лкс.
Весть Евась лоткась ся̈ шуфть каршы̃с, конань марьденза Шкайсь ашы̃зь мя̈рьгя̈ теест ярцамда. Ся̈ шуфть пряса ащесь куй; дьявы̃лсь сувась куйть потмы̃с да кизефтезя̈ Евать: афкы̃лкс-али Шкайсь ашы̃зь мя̈рьгя̈ тееньть ярцамда марьда райста [ 6 ]сембя̈ шуфтнень эзда? Евась мя̈рьксь теенза: аф, минь ярцатама марьда семьбя̈ шуфтнень эзда, анцяк вага тя̈ шуфть марьда Шкайсь ашы̃зь мя̈рьгя̈ теенекь ярцамда. Сон мя̈рьксь теенекь, кодак тинь сусктада тя̈ шуфть марьды̃нза, эсты̃кигя̈ кулы̃тада. Дьявы̃лсь мя̈рьксь Евати: аф, тинь аф кулы̃тада, а кодак сусктада ня̈ марьтнень эзда, тиньць эсты̃кигя̈ шкайкс тіефтяда, панжэвихть тинь сельмы̃ньтя̈ дӑ карматада цебя̈рень дӑ аф цебя̈рень содама. Евась васькафты̃всь дьявы̃лти, ся̈зьсь ся̈ шуфть эзда марь, дӑ ярцась эзды̃нза. Сальдя̈ максь Адамтигя̈; Адамськя̈ ярцась. Тяфта прасть грехс васеньця̈ ломатня̈.