Святое Евангелие (эрзянь)/В/Лукань/24
| ←Глава 23. | Святое Евангеліе (1910) Лукань сёрмадовт Евангелія, глава 24. |
Лукань сёрмадовт Евангелія.→ |
Глава 24.
1Недлянь васенце чистэнть рана-як састь калмонть лаҥгс тантей чинень вадьниматьнень кандомо сетьне аватьне, конат сынст анокстызь; марост састь ліят-как ават. 2Сынь муизь калмонть лаҥгсто кевенть сявордозь. 3А калмостень совазь, эзизь муйть Іисус Пазонть киськензэ. 4Кода сынь эсть сода, мезть теде арсемс-как, икелест появасть кавто цицерьдиця одижасо ломать, 5да сынст тандадозь да сельмест масторов комавтозь аштемстэ, [ 221 ]мерьсть тенст: месть тынь живоеньть кулозь юткова вешнитядо? 6Сон арась тесэ: вельмесь. Ледьстиҥк мелезэҥк, кода кортась теҥк, знярдо оштё Галилейсэ ульнесь, 7мерезь, што Ломанень Цёрастень эряви пежетев ломанень кедс максозь ульмекс, крёст лаҥгс чавозь ульма Тензэ, да колмоце чистэ вельмима. 8Сестэ ледсть мелезэст Сонзэ валонзо. 9Калмонть ваксто мурдазь, весемень нень ёвтлизь кевійкетьненень да ліятненень-гак весеменень. 10Не аватьне ульнесть: Марія Магдалина, Іоанна, Іаковонь (авазо) Марія, да ліятне-як марост, конат теде ёвтлесть апостолтнэнень. 11Сынст валост апостолтнэнень неявсть стяконь валкс, да эзть кемть тенст.
12Петр стясь да калмонть вакс чіезь тусь, тозо комазь, неинзе аньсяк тапарямо коцтнэнь да, эсь пачканзо те лаҥгс дивазь, тусь мекев. 13Секе чистэнть кавто эстэдест ютасьть Эммаус лемсэ велес, конань эйс Іерусалимстэ ульнесь кемгавтошка вайгельбе, 14да эсь ютковаст кортлесть весе не теевсь тевтнеде. 15Сынст кортамо да вейкест-вейкест кевстлима шкане Сонсь Іисусось мольсь малазост да кармась марост ютамо. 16А сынст сельмест кирьдезь ульнесть, сынь эзизь содак Сонзэ. 17Сон мерьсь тенст: мезде тынь истя ютамсто эсь ютковаҥк кортатадо, да мейсь вельть нусманятадо? 18Вейке эстэдест, конань лемзэль Клеопа, мерьсь карчонзо: Ара тон ськамот Іерусалимс сакшнозетьнень эйстэ а содат, мезе тосо неть читьнестэ теевсь? 19Сон мерьсь тенст: мезе? Сынь мерьсть Тензэ: мезе ульнесь Іисус Назореень [ 222 ]маро, кона ульнесь пророк, віев тевсэнзэ, валсонзо, Пазонть икеле, да весе народсть икеле-як. 20Кода Сонзэ максызь минек архіерейтне, да прявтнэ куловтомс судямо, да крёст лаҥгс чавизь, 21а минь кемкшнынек лаҥгозонзо, минь меринек Сон севате, коната Израильтнень идесынзе. Вана ней уж колмоце чи, кода те теевсь. 22Аньсяк конат-конат минсинек юткстонь аватьне дивавтымизь минек: сынь валске рана-як ульнесть калмонть вакснэ 23да эзизь муйть Сонзэ киськензэ, мекев сазь, сынь ёвтлесть, што Ангелт нейсть, конат тенст, мерьсть, што Сон жив. 24Минсинек ютксто-як конат-конат якасть калмонть лаҥгс, да истяжо муйсть, кода аватне ёвтлесть, а Сонсинзэ эзизь нейть. 25Сестэ Сон мерьсь тенст: эх, а чаркодицят да кеме седейть, мейсь-бу теҥк а кеммекс весеменень, мезе пророкнэ икелев ёвтасть. 26Аволь истя-ли эряволь Христозостень пиштевтемс да эсь славазонзо совамс? 27Мейле кармась тенст ёвтлеме, кода весе пророкнэ, Моисейстэ саезь, кортасть Эстэдензэ весе писаніясонть. 28Пачкодсть сынь се велентень, козо молильть. Сон тейсь пря седе васов моликс. 29Сынь кирьдсть Эснэнзэ, мерезь: кадовт минек маро, чизэ-як уж чопотьме ёнов велявтсь. Сон совась да кадовсь марост. 30Кода Сон стольэкшнэ марост озадо аштемстэ сайсь кше, баславизе да синьдезь максызе тенст, 31сестэ панжовсть сынст сельмест да содызь Сонзэ, а Сон теевсь тенст анеявицякс. 32Сынь мерьсть вейкест-вейкест туртов: эсть палт-ли эйсэнек седейнек, кода Сон ки лаҥгсо кортась маронок да Писаніясонть [ 223 ]ёвтлесь тенек? 33да стязь секе часостоньть мурдасть Іерусалимев. Тосо муизь ве таркасто кевійкенест да марост улезетьнень-гак, 34конат кортасть, што Іисус алкукс вельмесь да Симоннэнь прянзо невтсь. 35Сынь-гак ёвтлизь, мезе мартост ки лаҥгсо ульнесь да кода Сон содавсь тенст кшень синьдемстэ.
36Сынст нень кортамо шкане Сонсь Іисусось арась юткозост да мерьсь: сэтьме чи теҥк! 37Сынь талакадозь да тандадозь арсесть, што дух неить. 38А Сон мерьсь тенст: мейс тандадыде да мейс истят арсимат седеезэҥк сакшныть? 39Ваныҥк кедень да пильгень, — те Мон Монсь. Штюпимизь Монь да ванымизь, ведь духонь киськезэ да ловажанзо арасть, А Монь — нейсыҥк — улить. 40Тень мерезь, невтинзе тенст кедензэ да пильгензэ. 41Кода сынь оштё эрьгедьмаст пачк эзьть кемть да дивазь аштесть. Сон мерьсь тенст: ули тесэ тыҥк мень-гак ярсамоҥк? 42Сынь максть Тензэ аламо пидень кал да сота медь. 43Сон саезь, ярсась икелест. 44Мейле мерьсь тенст: вана (ней топодсь) те, мезьде Мон теҥк кортынь, кода оштё мартоҥк ульнинь, што весеменень топодьмекс эряви, мезе Мондедень сёрмадозь Моисеень законсо, пророкнэнь эйсэ да псаломтнесэ. 45Сестэ панжинзе сынст превест Писаніянь чаркодьмекс 46да мерьсь тенст: истя сёрмадозель, истя эряволь пиштевтемс-как Христозостень да колмоце чистэ мекев вельмемс. 47Сонзэ лемсэ тонавтомс эряви весе народсьть, Іерусалимстэ саезь, пежетест кис яҥксеме да пежетест кадмо. 48Тынь тень неицят ульдядо. 49Вана Мон кучса теҥк Тетянь пельде алтазенть; тынь аштеде Іерусалим ошнэ семс, знярдо [ 224 ]верьде війсэ пештязь ульдядо. 50Мейле ливтинзе сынст ушов, Вифанія вакс, да кедензэ кепедезь, баславинзе сынст. 51Сынст баславамо шкастонть кармась явмо эстэдест да менельс кепедьтеме. 52Сынь сюкунясть Тензэ да покш радость маро мурдасть Іерусалимс. 53Мейле, Пазонь шназь да баславазь, ульнесть яла церькувасо. Аминь.