Святое Евангелие (эрзянь)/В/Лукань/20
| ←Глава 19. | Святое Евангеліе (1910) Лукань сёрмадовт Евангелія, глава 20. |
Глава 21.→ |
Глава 20.
1Ве сеть читьнестэ, кода Сон ломатьнень тонавтсь церькувасо да парт кулят ёвтнесь, састь архіерейтьне да книжникне прявт атятьне маро 2да мерьсть Тензэ: ёвтак тенек, кодамо покш чисэ Тон тень теят? или ки Тенть максызе те покш чинть? 3Сон мерьсь каршост: Мон-гак кевстян кедьстэҥк ве вал, ёвтадо: 4Іоаннань лемдимась менельстэ ульнесь, или ломанень пельде? 5Сынь арсесть эсь пачкаст: мердянокдеряй менельстэ, Сон мери: мейс ино эзиде кемть тензэ? 6Мерьдянокдеряй: ломанень пельде, — весе ломатьне кевсэ чавсамизь, ведь сынь кемить, што Іоанн пророк. 7Сынь мерьсть: а содатанок косто. 8Іисус мерьсь тенст: Мон-гак а ёвтан теҥк, кодамо покш чисэ тень теян.
9Кармась народстень те притчанть ёвтлеме: ве ломань озавтлесь виноградник да максызе сонзэ виноград мельга якицянень, а соньсь тусь кувать шкас. 10Кода сась шкась, сон кучизе важонзо ваныцятненень виноградонь кис; а ваныцятьне сонзэ чавизь да кучизь истяк. 11Азорось кучизе омбоце важонзо, сынь сень-гак, сёвнозь да чавозь, кучизь истяк. 12Кучизе сон колмоцень, сынь сень-гак, порксазь, панизь. 13Сестэ мерьсь виноградонь азорось: мезьть тень теймекс? кучса эсь вечкима цёрам, сонзэ неезь, паряк виздилгадыть. 14А виноградонь ваныцятне, сонзэ неезь эсь ютковаст арсезь, [ 207 ]кортасть: те тетянзо таркас кадовицясь, адядо машцынек сонзэ, сестэ тензэ кадовиця ули-парось минек ули. 15Да сонзэ виноградникстэнть ушов ливтезь, маштызь. Мезе теи тенст виноградникень азорось? 16Сон сы да маштлесынзе сеть виноградонь ваныцятнэнь, а виноградниксть макссазо ліянень. Тень марицятьне мерьсть: истя илязо ульть. 17А Сон, лаҥгозост вачтазь, мерьсь: мезе те сёрмадозесь: кевсь, конань каизь теицятьне, уголонь прякс теевсь? 18Эрьва ки, кона пры се кевсть лаҥгс, порксави, а ки лаҥгс сонсь пры, сень лепштясазо.
19Се шкастонть архіерейтьне да книжникне вешнесть Сонзэ кундамс да пельсть народтонть: сынь чаркодьсть, што те притчанть сынст ланга ёвтызе. 20Сынь, мельганзо вандстозь, кучть Тензэ ёжов ломать, конатьне пряст парокс теезь, кода-як кундаволезь бу Сонзэ валсо, да максоволезь прявтостень да начальникстень. 21Сетне кевстизь Сонзэ: Тонавтыця! минь содатанок, Тон видьстэ кортат да тонавтат, ломань лаҥгс а ванат, а видьстэ Пазонь кистень тонавтат. 22Эряви-ли тенек Кесарьнень каявкс пандомс или а эряви? 23Іисус, сынст маньчимадост чаркодезь, мерьсь тенст: мейсь тынь Монь эснэ снартлитядо? 24Невтиҥк Тень динарійсьть; кинь лаҥгсонзо шачось да сёрмадовксось? Сынь мерьсть: Кесарень. 25Сон мерьсь тенст: максодо Кесареньзенть Кесарьнень, а Пазоньзенть Пазнэнь. 26Истя эзь кундавт тенст ломань икельде валсо; да, ответэнзэ лаҥгс дивазь, чатменьсть.
27Састь конат-конат саддукейтьнень эйстэ, конат кулозьтьнень вельмимас а кемильть, да кевстизь [ 208 ]Сонзэ: 28Тонавтыця! Моисей сёрмадсь тенек: кинь кулыньдеряй урьвакстозь братозо да кулы эйкакшонь апак кадт, нинзэ саемс эряви братонстэнь, штобу тензэ плема нолдамс. 29Ульнесть сисем братт; васенцесь, нинь саезь, эйкакштомо кулось. 30Нинзэ саизе омбоцесь да се-як эйкакштомо кулось. Нинзэ саизе омбоцесь да се-як эйкакштомо кулось. 31Саизе сонзэ колмоцесь, истяжо весе сисемнеск, да кулость эйкакшонь апак кад. 32Весемедест мейле кулось нись-как. 33Кулозтьнень вельмемеде мейле конатанень сынст эстэдест сон никс ули? Ведь сонзэ сисемнест никс сайнизь. 34Іисус мерьсь карчост: те пиҥгень ломатьне урьвакслить да мирденень тукшныть, 35а конатьне совавить тона пиҥгестень да куломодо мейле вельмевить, сетьне а урьвакслить да мирденень-гак а лиснить, 36да а куловить-как, ведь сынь, куломодо мейле вельмезь, Ангелтнэ маро вейкеть улить, Пазонь цёрат улить. 37А кулозтьнень вельмимадост Моисей-гак купина вакснэ кортась, кода сон Пазостень мерьсь: Авраамонь Паз, Исааконь Паз, Іаковонь Паз! 38Пазось ведь аволь кулозь ломатьнень Паз, а эрицятьнень: ведь Сонзэ икеле весе живойть. 39Тень карчо конат-конат книжниктьнень эйстэ мерьсть: Тонавтыця! Тон парьсте мерить; 40да теде мейле сынь эсть смеяк уж мезень кувалт-как Сонзэ кевстемензэ. А Сон мерьсь тенст: 41Кода кортыть, што Христозось Давидэнь Цёра, 42а Сонсь Давид псаломонь книгасонзо мери: мерьсь Пазось Пазостень: озак Монь вить пелень се шкас, 43знярдо Мон душманот путсынь пильгеть чалгамо таркакс. 44Ведь Давид Сонензэ Паз мери, кода ино Сон цёра тензэ?
[ 209 ] 45Весе ломатьнень кулсономо шкане Сон мерьсь эсь тонавтницянстэнь: 46ванцтодо пряҥк книжникнень эйстэ, конат вечксызь кувака одижасо якамонть, вечксызь народонь пурнавмо таркасо шумбракшниманть, синагогасо икеле озадо аштиманть, симме-ярцамо таркасо весемеде икеле таркас озамонть, 47конат дова авань кудотнесэ сэвнить да пряст невтимань кис куватьс ознокшныть. Сынь пек чумондозь улить.