Святое Евангелие (эрзянь)/В/Лукань/19
| ←Глава 18. | Святое Евангеліе (1910) Лукань сёрмадовт Евангелія, глава 19. |
Глава 20.→ |
Глава 19.
1Іерихонс совазь, Іисус ютась пачканзо. 2Вана вейке Закхей лемсэ сюпав ломань, кона ульнесь мытарьтьнень прявтост, 3правсь Іисусонь нейме, кодамо Сон ломансь; аньсяк Сон народсть экште эзь неявт тензэ: Закхеень сэрьзэ аволь покш ульнесь. 4Сон неймень кис чійсь икелев да куйсь смоковниця пряс, кона вакска Іисуснэнь ютамс эряволь. 5Кода Іисус пачкодсь се таркастень, вачтась верев, неизе сонзэ, да мерьсь тензэ: Закхей, валг седе курок: [ 203 ]чече Монень эряви улемс тонть кудосот. 6Закхей эряскадозь валгсь да, эрьгедезь, Сонзэ примизе. 7Тень неезь, весе кармасть пеняцамо да кортамо, мейсь Сон совась пежетев ломаннень. 8Закхей, стязь, мерьсь Іисуснэнь: Господи! ули-паром пелезэ явшиса мон ништёйнень, а кинь месне-як обедіядеряй, сенень нилень кирда пантса. 9Іисус мерьсь тензэ: чече сась те кудоньть идимазо: ведь сон-гак Авраамонь цёра. 10Ведь Ломанень Цёрась сась ёмазетнень вешнемест да ванмост. 11Нень кулсономо шкане ёвтась тенст притча-як: ведь Сон ульнесь Іерусалимде аволь васоло, секс сынь арсесть, што Пазонь Инязорокс чись курок ней панчты. Сон мерьсь:
12Ве паро родонь ломань тусь васоло масторов эстензэ инязорокс чинь сайме да мейле мекев мурдамо. 13Тердинзе сон кемень важонзо, максь тенст кемень минат[1] да мерьсь тенст: монь мурдамозон торгувадо эснэст. 14А се ошоньть эрицятне а вечкилизь сонзэ: сынь кучть мельганзо ломать ёвтамо: минек арась мельнек, штобу сон улевель лаҥгсонок инязорокс. 15Кода сон, инязорокс чинь саезь, мурдась мекев, мерьсь тердемеде сеть важотьнень, конатьненень максь ярмак, штобу содамс, ки зняро мусь лаҥгозост. 16Сась васенцесь да мерьсь: азором, тонть минат кандсь кемень минат. 17Сон мерьсь тензэ: паро, вадря важом: аламосо виде ульмат кис, сайть эстеть кирдемс кемень ошт. 18Сась омбоцесь да мерьсь: азором, тонть [ 204 ]минат кандсь вете минат. 19Сенень-гак мерьсь: тон-гак вете ош лаҥгсо ульть покшокс. 20Сась колмоцесь да мерьсь: азором, вана тонть минат, мон сонзэ паця потсо кирдія: 21мон пелинь эстэдеть: ведь тон ломансь калгодоят: саят, мезе эзить путлек; нуят, мезе эзить виднек. 22(Азорось) мерьсь тензэ: апаро важо, эсь валот кувалт судятан: тон содыть, мон ломаньсь калгодоян: саян, мезе а путан, нуян, мезе а видян; 23мейс ино тон эзик макст монь ярмаком торговицятьненень, мурдазь мон саевлея-бу сонзэ лезкс марто? 24Мейле мерьсь икелензэ аштицятьненень: саиҥк кедьстэнзэ минанть да максыҥк сенень, конань кемень минанзо. 25Сонензэ мерьсть: азоронок, сонзэ кемень минанзо. 26Сон мерьсь: мерян теҥк: эрь ломаньстень, конань ули, сенень максозь ули, конань арась, сень, мезезэ ули, се-як нельгезь ули кедьстэнзэ. 27Сетьне душматнэнь, конатнень арасель мелест монь сынст лаҥгсо инязорокс ульмам, туиҥк тезэ да монсинь икелень маштыҥк. 28Тень мерезь, Іисус тусь икелев, Іерусалим ёнов кузезь.
29Кода пачкодсь Сон Виѳсфагія маро Виѳанія малас, Елеон лемсэ пандо вакс, кучинзе кавто тонавтницянзо, 30мерезь: азёдо карчо аштиця велестень, эзэзэнзэ совазь, муйдядо содозь (осёлонь) парнэ, конань лаҥгс кі-як, знярдо-як ломатьнень эйстэ ласте эзь ойсек; укстезь ветиҥк сонзэ. 31Кі-як кевстядызьдеряй: мейс укстлесыҥк, истя мереде тензэ: сон эряви Тонавтыцянок туртов. 32Кучозетьне тусть да мусть, кода тенст мерьсь. 33Парнэнть укстемстэ, азоронзо мерьсть тенст: мейс укстнесыҥк [ 205 ]парнэнть? 34Сынь мерьсть: сон эряви Тонавтыцянок туртов. 35Ветизь сонзэ Іисуснэнь, да одижаст лаҥгозонзо каязь, озавтызь лаҥгозонзо. 36Сонзэ ютамстонзо (ломатьне) ацлесть кинть лаҥга эсь одижасост.
37Кода Сон пачкодсь Елеонской пандо прястонть валгума таркастень, весе, месть ульнесть тонавтницянзо, эрьгедезь, кармасть покш вальгейсэ Пазонть шнамо, весе чудатьнень кис, конатьнень сынь неизь, 38мерезь: Баславазь Пазонь лемсэ сыця Инязорось, менель лаҥгсо сэтьме-чи да вере-як шнамо. 39Конат-конат фарисейтне народсть ютксто мерьсть Тензэ: Тонавтыця! кардыть эсь тонавтницят. 40Сон карчост мерьсь: мерян теҥк, лоткитьдеряй сынь, кевтне серьгедить. 41Кода Сон пачкодсь малав да неизе ошонть, кармась кисэнзэ аварьдеме, 42мерезь: эх, коть те чистэнть содавлеть-как тон, мезе тенть эряви сэтьстэ эрямот кис! аньсяк ней те тонть сельместэть кекшезь. 43Вана сыть тенть чить, кода душманот чувдадызь кругом да, перькат аразь, кармить эснэть эрьва ёндо теснямо. 44Порксатадызь тоньть, да эйсэть эйкакшот-как чавсызь; а кадыть эстэдеть кев лаҥгс кев, секс, мейс эзить сода тонть эйс само шкадонть.
45Церькувастень совазь, кармась паньцеме эснэнзэ микшницятнень да рамсицятьнень, 46мерезь тенст: сёрмадозь: Монь кудом — ознума кудо; а тынь теиҥк разбойникень аштима таркакс. 47Мейле эрьва чистэ тонавтсь церькувасо. Архіерейтне, книжникне да народонь атятьне вешнесть Сонзэ маштуманзо, 48да эзьть муй, мезе маронзо теемс: [ 206 ]весе народсь вакстонзо апак тукшно, кулцонось Эснэнзэ.
- ↑ минасонть сядоведьгеменьшка целковой.