Святое Евангелие (эрзянь)/В/Лукань/18
Глава 18.
1Ёвтась истя-жо притча-як тенст, кода эряви яла озномс да а мелявтомс: 2Ве ошнэ ульнесь судія, кона Паздо-як а пелиль, ломанде-як а визьдиль. 3Секе ошнэнть ульнесь ве дова-ава; сон сакшнось тензэ да инялдсь, идимак монь марон пелькстыцяньть эйстэ. 4Судіясь куватьс эзь тейть сонзэ инялдомонзо кувалт. Мейле мерьсь эсь пачканзо: коть мон Паздо-як а пелян, ломаньде-як а виздян, 5а те довась монень оймамо-як а максы, идиса мон сонзэ, лотказо монень сакшномодо да нерьнемеде. [ 200 ] 6Мейле Іисус мерьсь: марятадо, мезть корты аволь виде судіясь? 7А идясынзе-ли Пазось эсь кочксезь ломанензэ, конат чинек-венек инялдыть Тензэ, коть Сон а эряскады идямост? 8Мерян теҥк: Сон курок идясынзе; аньсяк Ломанень Цёрась, сазь, муи-ли мастор лаҥгсонть кемима? 9Ёвтась истяжо притча-як эсь пряст праведнойкс ловныцятнэнень да лія ломатьнень мезекс-как апутыцятнэнень:
10Кавто ломать совасть церькувас озномо: вейкесь фарисей, омбоцесь мытарь. 11Фарисейсь, стязь, эсь пачканзо озность истя: пасиба Теньть Пазом, мон аволь истямоян, кодат ліят ломатьне: ломанень паронь нельгсицят, аволь видеть, ускурявицят; или вана кодамо те мытарсь. 12Недлязонзо кавсть пост кирьдян, мезе добуван, — кеменьтсе часть максан аразь ломаннень. 13А мытарьсь ве ёно аштесь, сон сельмензэ-як менельс кепедмест визьдсь, аньсяк, мештензэ лаҥга чавозь, кортась: Пазом, ульть милостливой монень, пежетевстень. 14Мерян теҥк, те тусь эсь кудозонзо тонадо пек пежеттензэ ваньскадозь: эрьва конась, ки эсь прянзо покшокс тейни, се вишкиньгавтозь ули, а эсь прянзо вишкиньгавтыцясь, покшокс теезь ули.
15Кантлесть Тензэ эйкакшкеть-как Сонзэ эзэзэст токадимань кис. Тонавтницянзо, тень неезь, кардасть эснэст. 16Іисус, сынст тердезь, мерьсь: нолдынк эйкакштнэнь Монень сакшномо да илиҥк кирьдть сынст; ведь истятнэнь ули Пазонь Инязорокс чись. 17Видестэ мерян теҥк: ки эйкакш ладсо Пазонь Инязорокс чинть а примасазо, се а сови эзэзэнзэ.
[ 201 ] 18Кевстизе Сонзэ ве прявт ломань, мерезь: Паро Тонавтыця! Мезть монень теемс, штобу пиҥгень пиҥгс эрямостень совамс? 19Іисус мерьсь тензэ: мейс мерят Тень паро? Ве Паздо башка кі-як аволь паро. 20Заповетнень содасыть: иля ускурявт, иля машт, иля салак, ломань лаҥгс стяко иля невть, тетять, авать мель ванок. 21Сон мерьсь: нень весемень мон вишка пиҥгстэнь теян. 22Тень марязь, Іисус мерьсь тензэ: Тонеть оштё вейке аньсяк а саты: весе, мезеть ули, міить да ништёйнень явшить, сестэ ули-парот карми ульме менель лаҥгсо, а тонсь Монь мельга мольть. 23Тень марязь, сон нусмангатсь, — сон вельть уж сюпав ульнесь. 24Іисус, сонзэ нусмангадмонзо неезь, мерьсь: кодамо стака сюпавтнэнень Пазонь Инязорокс чистень совамось! 25Сюпавонь Пазонь Инязорокс чистень совамодонть шождыне верблюднэнь салмукс варянь пачк лисемс. 26Тень марицятьне мерьсть: кинь ино прязо ванови? 27Сон мерьсь: мезе ломаннень а теевмашка, Пазостень тееви. 28Петр мерьсь: вана, минь весе кадынек да Тонть мельга туинек. 29Сон мерьсь тенст: видестэ мерян теҥк: арась кі-як, конась Пазонь Инязорокс чинть кис кадовольце-бу кудонзо, или тетянзо-аванзо, или патянзо-сазоронзо, или нинзэ или эйкакшонзо, 30да аволь сайть-бу седе ламо те шкастоньть, да сыця пиҥгевтеме эрямо чисэнть-как.
31Кемгавтово тонавтницянзо тердезь, мерьсь тенст: вана, минь кузезь мольдянок Іерусалимс, да топодить весе, мезть Ломанень Цёранть кувалт пророкнэнь вельде сёрмадозь. 32Ведь макссызь Сонзэ язычникненень, нарьгасызь Сонзэ, [ 202 ]покордасызь да сельгенесызь 33да, чавозь, маштсызь Сонзэ, да колмотькс чистэ вельми. 34А сынь тень эйстэ мезе-як эзть чаркодть: ведь не валтнэ сынст эйстэ вельтязь ульнесьть, секс сынь эзизь чаркодть ёвтазенть.
35Кода Сон кармась пачкодьме Іерихон малас, ки чересэ ве сокор, милостынянь пурназь, аштесь озадо. 36Ваксканзо народсть ютамодо марязь, сон кевсьтсь: те мезе истя? 37Тензэ ёвтасть: Назаретэнь Іисус юты. 38Сестэ сон, серьгедезь, мерьсь: Іисус, Давидэнь Цёра! жалямак монь. 39Икелев ютыцятне кардасть эйсэнзэ, лоткаволь-бу, а сон седе-як пек пижнесь: Давидэнь Цёра! жалямак монь. 40Іисус, лотказь, мерьсь сонзэ эсь ваксозонзо ветямодо; кода се мольсь ваксозонзо, кевстизе сонзэ: 41Мезе мелеть, Мон теевлень-бу тенть? Сон мерьсь: Господи, монь сельмень неевельть бу! 42Іисус тензэ мерьсь: неест: тонть кемимат ванынзеть. 43Эрь сон сеск нейме кармась да, Пазоньть шназь, тусь Мельганзо. Весе народсь-как, тень неезь, шнась Пазоньть эйсэ.