Святое Евангелие (эрзянь)/В/Лукань/10
| ←Глава 9. | Святое Евангеліе (1910) Лукань сёрмадовт Евангелія, глава 10. |
Глава 11.→ |
Глава 10.
1Теде мейле Іисус кочксесь ліятат сисьгемень тонавтницят да кавтонь-кавтонь кучинзе Эсьстедензэ икелев эрьва ошос да эрьва таркас, козо Сонсинзэ мельзэль мольмекс. 2Сон мерьсь тенст: нуйматне ламо, а нуицятнеде а ламо. Инялдодо нуйматьнень азоростень, кучоволь-бу сон эсь нуйманзо лаҥгс нуицят. 3Азёдо, Мон тыҥк кучтадызь, кода реветь вергиз юткс. 4Мароҥк илядо сай а котума, а кандст, а кемть, да ки лаҥгсонть кі-як маро илядо шумбракшне. 5Кодамо кудос соватадо, васнят-как мереде: сэтьме чи улезэ те кудосьтень. [ 174 ] 6Улиньдеряй тосо сэтьме чинь цёра, сонзэ лаҥгс сэтьме чись ойми, а аулиньдеряй, мекев эстеҥк велявты. 7Секе кудостень кадоводо, да мезест ули, ярсадо, симеде. Ведь эрьва тевень теись, ашти тевензэ кис андумашка. Кудодо-кудос илядо яка. 8Кодамо ошос соватадо, да приматадызьдеряй, — ярсадо, мезе тенк путыть. 9Шумбралгавтыҥк, кодат улить эснэнзэ сэредицят, да кортадо тенст, (мерезь): малав пачкодсь теҥк Пазонь Инязорокс чись. 10Сатадодеряй кодамо-як ошос да а приматадызьдеряй, ульцяс лисезь, мереде: 11вана, тыҥк ошосто пильгезэнек педязь пульсть-как сорновтлесынек теҥк. Содадо аньсяк: малазоҥк пачкодсь Пазонь Инязорокс чись. 12Мерян теҥк: судонь чистэнть Содомонь эрицятненень се оштонть шождыне ули. 13Апаро тенть Хоразин, апаро тенть Виѳсаида. Улевельтяк тыҥк эйсэ теезь чудатне Тирсэ да Сидонсо теезь, умок-бу сынь берянь одижань орчазь да пряст куловсо почодозь, озавольть да яҥгсевельть эсь пежетест кис. 14Ней-гак Тир маро Сидоннэнь судсть икеле тыньдеҥк шождыне ули. 15Тон-гак менельс кепедьтезь Капернаум, адс валтазь улят.
16Тыҥк кулсоныцясь, Монь кулсоны. Тыҥк эйстэ безарьдицясь, Монь эйстэ безарьди, а ки Монь эйстэ безарьди, се безарьди Монь кучицянть эйстэ. 17Сисьгемень тонавтницятне, эрьгедезь мурдасть да кортасть: Пазонок, Тонть леметь кувалт амазытьне-як эснэнек кулсоныть. 18Сон мерьсь тенст: Мон неія сатананть, кода сон ёндол ладсо менельстэнть прась. 19Вана Мон максан теҥк вій [ 175 ]чалгамс гуй лангс, скорпіон лаҥгс да весе душматнэнь віест лаҥгс-как да мезесь-как теҥк берянь а тееви. 20Аньсяк илядо эрьгелек сенень, што амазытьне эснэҥк кулсоныть, эрьгеледе сень кис, што лемеҥк менельсэ сёрмадозь. 21Се шкастонть Іисус радувась оймсэнзэ да мерьсь: Тонть эснэ шнан, Тетяй, менель да масторонь Пазось: Тон превейтнеде да ламонь содыцятнеде тень кекшик, а эйкакшнэнень содавтык. Да, Тетяй! Тонть истямоль паро мелеть.
22(Мейле) тонавтницянзо ёнов велявтозь, мерьсь: весе Монень максозь тетянь пельде; ки Цёрась — Тетядонть башка кі-як а содасозо да Тетясь-как ки — содасазо аньсяк Цёрась да се, кинень Цёранть мельзэ ёвтамс. 23Таго тонавтницянзо ёнов велявтозь, ськамост туртов мерьсь: талановт сельтне, конатне неить сень, мезе тынь нейдядо. 24Кортан теҥк: ламо пророкнэнь да инязоротнень ульнесь мелест неемс, мезе тынь нейдядо да эзть нейть; марямс, — мезе тынь марятадо, да эзть маряк.
25Вана ве законник стясь да сонзэ снартомонь кис мерьсь: Тонавтыця! мезе тень теемс, штобу пиҥгевтеме эрямостень совамс? 26Сон мерьсь тензэ: законсонть мезе сёрмадозь? кода ловнат? 27Сон мерьсь каршонзо: вечкик эсь Пазот весе седейсэть, весе оймесэть, весе війсэть, да весе арсимасот, а малавиксэть, кода эсь прят (вечкат). 28Іисус мерьсь тензэ: тон видьстэ кортыть, — тейть истя, — эрямо кармат. 29Сон, эсь прянзо видекс таргамонь кис, мерьсь Іисуснэнь: а ки монь малавиксэм? 30Тень каршо Іисус мерьсь: Ве ломань ютась [ 176 ]Іерусалимстэ Іерихонс, да поҥгсь разбойникнень, конатне одижанзо лаҥгстонзо нельгизь, сонсинзэ рань потсо теизь да куломо лаҥгсо кадозь, тусть. 31Савсь се кіяваньть ютамс ве попнэнь. Сон сонзэ, неезь, ютась ваксканзо. 32Истяжо левит-как се таркасонть улезь, мольсь ваксозонзо, ванызе да тусь ваксканзо. 33Ютамсто молевсь лаҥгозонзо ве самарянин, да сонзэ неизь, жализе. 34Сон, ваксозонзо молезь, ранензэ, вина маро ойсэ ваднезь, тапаринзе да, осёлонзо лангс озавтозь, гостинницас ускизе, да тосо-як якась мельганзо. 35Омбоце чистэ, туйместэнзэ, таргась кавто динарійть, максынзе гостинницянть кирьдицястень да мерьсь: якак мельганзо: ютавтатдеряй седе ламо, мекев ютамсто пантсынь тенть. 36Конась, арсимат кувалт не колмотнень ютксто разбойникнень поҥгозестень ульнесь малавикс? 37Сон мерьсь: конась тензэ паро тейсь. Іисус мерьсь тензэ: азё, тон-гак истя тейть.
38Якамстост совасть Сон ве велес. Тесэ ве Марфа лемсэ ава совавтызе Сонзэ эсь кудозонзо. 39Сонзэ ульнесь Марія лемсэ сазорозо, кона озась Іисусонь пильгензэ вакс да кулсонось Сонзэ валонзо, 40а Марфась майсесь Сонзэ покш каванямонь кис. Сон ваксозонзо молезь, мерьсь: Тонавтыця, или Тонть мельсэть-как арась, монь сазором ськамон кадымем Тонеть анокстамо? Мерьть тензэ, — пособляволь-бу тень. 41Іисус мерьсь каршонзо: Марфа! Марфа! Тон ламонь кис мелявтат да майсят. 42Вейке яньсякъ эряви. Марія кочксизе паро частеньть, кона сонзэ пельде а нельгеви.