Святое Евангелие (эрзянь)/В/Лукань/23
| ←Глава 22. | Святое Евангеліе (1910) Лукань сёрмадовт Евангелія, глава 23. |
Глава 24.→ |
Глава 23.
1Стясть весе, мезть ульсь эстэдест да ветизь Сонзэ Пилатнэнь, 2да кармасть Эснэнзэ чумондомо, мерезь: минь рединек, Сон колы минек народсонок, а мери Кесярьнень каявксонь пандомодо; Эсь [ 217 ]прянзо Инязорокс, Христозокс путли. 3Пилат кевстизе Сонзэ: Тон Іудеень инязороят? Сон мерьсь каршонзо: тон видьстэ кортат. 4Пилатсь мерьсь архіерейтьненень да народстень: мон те ломаньстэнть мень-гак чумо а мукшнан. 5А сынь эсь валсост аштезь, кортасть: Сон Галилеясто саезь, тезэ пачкодьмес, Іудеень келес тонавтозь, мути народсьть эснэ. 6Пилат, Галилеядо марязь, кевстиньзе: ара те ломаньсь Галилеень? 7Кода марясь, што Сон Иродонь масторонь, кучизе Сонзэ Ироднэнь, кона неть читьнестэ истяжо ульнесь Іерусалимсэ. 8Кода Ирод неизе Іисусонь, пек радувась, — сонзэ умок мельзэль Сонзэ неймекс: сон ламо марсесь Эздэнзэ, — сон кемсь, што кодамо-як чуда неи пельдензэ. 9Сон ламодо кевстлесь Эснэнзэ. А Сон мезть-как каршонзо эзь отвечак. 10Архіерейтьне да книжникне (сесэ жо) аштесть да пек чумондсьть Эснэнзэ, 11а Ирод эсь салдатонзо маро лаҥгсонзо пеелезь да нарьгазь пешкедезь, орчавтьсь лаҥгозонзо валдо одижат да кучизе мекев Пилатнэнь. 12Те чистэнть Ирод маро Пилат ялгакс теевсть, икеле сынь вейкест вейкест лаҥгс кеж кирдсьть. 13Пилат, архіерейтьнень, начальникнень да народсть терьдезь, 14мерьсь тенст: тынь ветиҥк монень те Ломансть, народ мути, мерезь, вана, мон тынсиҥк икеле кевстлія те Ломаньсть да мень-гак чумо лаҥгстонзо эзинь муйть, месне тынь Эснэнзэ чумондтадо. 15Ирод-гак истяжо: ведь мон кучлія Сонзэ тензэ; да сон-гак мезе-як эзь муйть эйстэнзэ, мезень кис-бу Сон эряволь маштомс. 16Ино, наказазь, нолдаса Сонзэ. 17А сонензэ праздникнень эряволь нолдамс тенст вейке [ 218 ]пекстазь ломань. 18А весе народсь кармась сеереме: саик Сонзэ, а миненек Вараввань нолдык, 19кона тюрьмас пекстазель ошнэ ломанень мутямонь да маштумань кис. 20Пилат таго пшкадсь Іисусонь нолдамонь кис. 21А сынь сеересть, мерезь: крёст лаҥгс чавик Сонзэ! крёст лаҥгс чавик! 22Пилат колмоцеде мерьсь тенст: мезень беряньсть Сон тейсь? Мон мень-гак чумо эзинь муйть лаҥгстонзо, мезень кис-бу Сон куловтомс эряволь. Ино, наказазь, нолдаса Сонзэ. 23А сынь, седе-як пек сеерезь, вейшть Сонзэ маштомонзо. Эрь сынст да первосвященникнень пижнимаст верькс сайсь. 24Пилат сынст вешимаст кувалт арьсесь тейме: 25сон нолдызе тенст ломанень мутямонь да маштомонь кис тюрьмас пекстазенть, конань эснэ вейшть, а Іисусонь максызе сынст оляс. 26Сонзэ ветямсто лоткавсть вейке паксясто ютыця Киринеянь эриця Симон лемсэ ломань да путызь крёстонть лаҥгозонзо Іисусонь мельга кандомо. 27Іисусонь мельга мольсть знярыя ломать да ават-как, конатьне авардьсть да рангасть кисэнзэ. 28Іисус, сынст ёнов велявтозь, мерьсь: Іерусалимень тейтерть! илядо авардьть Монь кис, аварьдеде эсь кисэҥк да эсь эйкакшоҥк кис. 29Вана, сыть чить, конатьнестэ мерить: талановт а шачлицятьне да потмотьне, конат эзьть шачлек, потетьне-як, конат эзьть потявтлек. 30Сестэ кармить мерьме пандотьненень: прадо минек лаҥгс; губратненень-гак: вельтямизь минек. 31Ведь пиже чувтонть маро истя теитьдеряй, мезе ули коськенть маро?
32Ведясть маронзо куломо кавто [ 219 ]разбойникть-как. 33Кода пачкодсть се таркастень, конадо мерить лобной тарка, тосо Іисусонь чавизь крёст лаҥгс; разбойникнень-гак, вейкень видть пелензэ, омбоцень керч пелензэ. 34Іисус кортась: Тетяй, простить сынст: ведь сынь а содыть, мезть теить. Одижанзо-як явшизь, жеребеень каязь. 35Народсь-как аштесь да ванось. Пеелесть лаҥгсонзо сынст маро вейсэ начальникне-як, мерезь: ліятьнень идьсесь, кадык ней, улиньдеряй Пазонь кочксевть Христос, Эсь прянзо идисазо. 36Истяжо салдатнэ-як уксузонь максмосто, ваксозонзо молезь, пеелесть Лаҥгсонзо, 37мерезь: улиньдерят Тон Іудеень Инязоро, идик эсь прят. 38Ульнесь пря велькснэнзэ сёрма-як, конасо сёрмадозель грекень, римень, да евреень кельсэ: те Іудеень Инязоро. 39Вейке эсксэ чавозь разбойникнень эйстэ-як пеелесь Лангсонзо да кортась: улиньдерят Тон Христос, идик эсь прят да мине-как. 40А омбоцесь кардась эснэнзэ, мерезь: или тон Паздо а пелят, — тонсь-как ведь сезэ-жо судязат. 41Минь ино видьстэ (судязьдянок): эсь тевнек коряс приматанок, а Сон мень-гак берянь эзь тейть. 42Мейле мерьсь Іисуснэнь: Господи, знярдо сат эсь Инязорокс чизэть, ледьстимак монь-гак мелезэть. 43Іисус мерьсь тензэ: видестэ мерян тенть: чече-як Монь маро райсэ улят. 44Ульнесьть чинть котошка част. Теевсь вейксэ часонь топодьмес весе масторонть келес чопуда. 45Чись-как чопулгадсь, церькувань занавесась-как сезевсь кунчкава. 46Іисус, покш вайгельсэ серьгедезь, мерьсь: Тетяй, Тонть кедезэть максса оймем! Тень мерезь, нолдызе оймензэ. 47Тень неезь, [ 220 ]сотниксь, Пазонь шназь, мерьсь: алкукс те ломансь праведной ульнесь. 48Весе народсь, кона промкшнось те лаҥгс ванмо, нень неезь, мештезэст чавозь мурдасть мекев. 49Весе Сонзэ содыцятне, да мельганзо Галилеясто сазь аватне-як, аштесть ве ёно да те лаҥгс ваность. 50Сестэ вейке, Іосиф лемсэ, судіятьнень эйстэ, ломаньсь паро, да виде, 51кона те тевсть эснэ ліятне маро эзь судяк, сон ульнесь Іудеень Аримафей лемсэ ошосто, да учось истяжо Пазонь инязорокс чисэнть, 52сась сон Пилатнэнь да вешизе Іисусонь киськензэ. 53Валтазь, тапаризе сонзэ ашо коцнэ, да одс теезь калмозонзо путызе, конань эснэ кі-як оштё путозь арасель. 54Се чись ульнесь пеця; пачколиль субута-як. 55Мольцть истяжо аватьне-як, конат Іисусонь мельга Галилеясто састь да ваность калмостень, кода путсызь Іисусонь киськензэ. 56Тосто мурдазь, сынь анокстасть мира да тантей чине мартонь ваднимат. Субота чиньть сынь ютавтызь заповедень кувалт, оймазь.