Святое Евангелие (эрзянь)/В/Лукань/11
| ←Глава 10. | Святое Евангеліе (1910) Лукань сёрмадовт Евангелія, глава 11. |
Глава 12.→ |
Глава 11.
1Весть, кода Сон ве таркасо ознось да лоткась, тонавтницянзо ютксто вейке мерьсь Тензэ: Тонавтыця, тонавтымизь минек озномо, кода Іоанн тонавтынзе эсь тонавтницянзо. 2Сон мерьсь тенст: озномсто тынь мереде: Менельсэ тетянок! Тонть леметь шнавозь аштезэ. Тонть Инязорокс чить сазо. Мастор лаҥгсо-як Тонть олят менельсэ ладсо улезэ. 3Макст тенек эрьва чинень эрявиця кше. 4Простить минек пежетенек, ведь миньсь-как тенек пежетень теицятьнень простятанок. Манявмо оля тенек иля макст. Душмандо-як идимизь. 5Мейле мерьсь тенст: кинь-гак тыҥк ютксто улиньдеряй ялгазо, да сыньдеряй сон тензэ пелеве шкане да мери тензэ: ялгай, тука монень заём колмо кшеть: 6совась тень ялгам ки лаҥгсто да а мезе тензэ путомс. 7А се потсто мери каршонзо: илямак майсевть: кеҥкшень уж тулодозь, да эйкакшон-гак марон тарка лаҥгсот: а стяван да а максуван тенть. 8Мерян теҥк, сон а стиньдеряй да а максыньдеряй тензэ ялгань кувалма, стязь, максы тензэ, зняро веши, сонзэ пек педямонь кувалма.
9Мон-гак мерян теҥк: вешеде — максозь ули теҥк, вешнеде — муйдядо, стукадо — панжить теҥк. 10Ведь эрьва вешицясь — саи, вешницясь — муи, стукицянень панжить. 11Кодамо тыҥк юткстоҥк тетя, вешиньдеряй кедьстэнзэ цёразо кше, максы тензэ кев? или вешиньдеряй кал, максы тензэ калонь таркас гуй?[1] 12или вешиньдеряй ал, максы [ 178 ]тензэ скорпіон. 13Истя, тынсь апарт улезь-гак, машттадодеряй эйкакшоҥк туртов паронь максмо, менельсэ Тетяҥк седе-як макссазо кедьстэнзэ вешицятненень Святой Духсть.
14Весть Сон немоень эйстэ пансь амазы, да кода амазысь лись, немойсь кармась кортамо; народсь дивась. 15Конат-конат сынст ютксто кортасть: Сон амазытьнесэ панси амазытнень покшост, вельзевулонь війсэ. 16А ліятне, Сонзэ снартлезь, вейшть кедьстэнзэ менельстэ чуда. 17Сон, сынст арсимаст содазь, мерьсь тенст: эрьва инязорокс чись, явшевиньдеряй эсь юткованзо — чами. Кудо-як, башка туиньдеряй — машты. 18Шайтянсь-как туиньдеряй вейкень-вейкень лаҥгс, кода карми аштеме сонзэ инязорокс чизэ? А тынь кортатадо: Мон вельзевулонь війсэ пансян амазыть. 19Мон паньсиньдерян амазытьнесэ вельзевулонь війсэ, сестэ цёраҥк кинь війсэ пансить эснэст? Тень кувалма сынь улить теҥк судіякс. 20Паньсиньдерян Мон амазытьнесэ Пазонь війсэ, сестэ пачкодсь теҥк Пазонь Инязорокс чись. 21Знярдо віев ломань эсь кудосонзо ружія маро вансты, сонзэ ули-парозо апак пельть ашти. 22А знярдо сы лаҥгозонзо сондензэ віев, изнясазо сонзэ да сайсынзе сонзэ весе кедь-ёнксонзо, конатьне лаҥгс сон кемкшнесь да явшисазо сонзэ кедьстэ салазенть.
23Ки аволь Монь маро, се Монь каршо. Ки а пурны Монь маро, се ёмавтли. 24Знярдо аванькс духсь лиси ломаньсть эйстэ, сон, оймамо таркань вешнезь, яки ведьтеме таркава, да, апак муйть, мери: мурдан эсь кудозон, косто лисинь. 25Сазь, сон [ 179 ]муйсазо сонзэ теньсезь да урядазь. 26Сестэ сон моли да саи маронзо ліят сисем духт, эсьтедензэ-як благойть да, совазь, кармить эрямо тосо. Сестэ се ломанстень те меельцесь васенцеденть-как а паро эри. 27Сонзэ нень кортамсто, народсть ютксто ве ава верьде вайгельть мерьсь Тензэ: Таланов потмось, кона Тонть кандтлинзеть, да потетне-як, конатьне Тонть потсевтидизь! 28А Сон мерьсь: седе-як талановт Пазонь валонь марицятьне да мельсэст сонзэ кирдицятьне.
29Кода кармась проммо ламо народ, Сон кармась кортамо: те родсь а-паро; сон чуда вешни, аньсяк пророк Іонань чудадо башка лія чуда тензэ максозь а ули. 30Кода Іона Ниневіянь эрицятненень чудакс ульнесь, истя Ломанень Цёрась-как те родстень ули. 31Обед ёнксонь Инязоро авась сти судс те родонь ломатьне маро, да чумонцыньзе сынст: ведь сон масторонь ве пестэ сакшнось Соломононь превензэ кулсономо, а тесэ вана Соломондо-як покш. 32Ниневіянь эрицятьне стить судс те родсть маро да чумонтсызь сонзэ: ведь сынь Іонань проповедьте кадызь пежетест. А вана тесэ Іонадо-як покш. 33Ведь кі-як курвастезь свеча а путы кекшезь таркас или кедьге алов, а шанталс, штобу весе кудос совицятне валдо неест.
34Киськень валдомтыцязо — сельме. Тень кувалма, улиньдеряй тоньть сельметь ванькс, весе киськеть-как ули валдо. А улиньдеряй сон берянь, — киськеть-как ули чопуда. 35Ванок, эснэть валдось аволь чопуда-ли. 36Улиньдеряй весе киськеть валдо, а улиньдеряй эснэнзэ ве тарка-як чопуда, сестэ [ 180 ]весе валдосо валдомтозень кондямо улят валдо. 37Сонзэ нень кортамсто ве фарисей терьдизе эстензэ ярсамо. Сон совась тензэ да озась стольэкшес. 38Фарисейсь дивась, кода неизе Сонзэ кедень авак шляк ярсамо озамодо. 39Іисус мерьсь тензэ: ней, тынь фарисейтьне, ваканонь да блидянь ушо ёнкснэнь ванськавтлитядо, а тынсиҥк потмоҥк пешксеть саламодо да апародо. 40Превтеметь! аволь секе-ли теизе потмо-ёнксонть-как, кона теизе ушо-ёнксоньть. 41Макследе лучи, мезеҥк ули, милостинат, сестэ тыҥк весе ванькс ули.
42А паро теҥк, фарисейтьне, тынь кеменце часть макстадо метасто да рутасто[2] да эрьва мень пире эмежде-як, а Пазонь вечкеманть, да судсть кадносыҥк; неть-как теймекс эрявольть да сетне-як а кадомксольть. 43А паро теҥк фарисейтьне, тынь вечктядо синагогасо икеле озадо аштиманть; да ульця кунчкасо мартоҥк шумбракшнуманть. 44А паро теҥк, книжникть да фарисейть, лицемерт, тынь кекшезь кандолаз ёнов мольдядо, конатьнень лаҥга якить ломать, да а содыть эстэдест. 45Тень карчо законникнень ютксто вейкесь мерьсь Тензэ: Тонавтыця, нень кортазь, Тон минек эснэ-як досадят. 46Сон мерьсь: Тынеҥк-как а паро, законникть: тынь ломань лаҥгс путлитядо а кандовишка кандумат, а тынсь ве сурсоҥк-как а токшитядо эзэзэст.
47А паро теҥк, тынь тейнитядо парт калмо лаҥкт сетьне пророкнэнень, конатьнень кевсэ [ 181 ]маштлизь тетяҥк. 48Истя тынь тетяҥк тевдест невтлитядо да марост ве лаҥгс мольдядо: сынь пророкнэнь машнизь, а тынь калмолаҥкт тенст тейнитядо. 49Тень кувалт Пазоньть Премудростезэ-як мерьсь: кучан тенст пророкт да апостолт: сынь веенцнэнь эстэдест машцызь, омбонцнэнь паньсызь. 50Ино улезэ вешнезь те родсть пельде весе пророкнэнь верест, коната валозь масторонть тейме шкасто саезь, 51Авелень верьстэнть Захаріянь верьс пачкодьмес, коната маштозь жертвенник маро церькува ютксо. Да! мерян теҥк, вешнезь ули те родсть пельде. 52А паро теҥк, законниктьне: тынь саиҥк чаркодьмань панжумантьнень да тынсь-как эзиде совак, да совицятнень-гак эзиҥк нолда. 53Нень сынест кортамо шкане книжникне да фарисейтьне кежевстэ кармасть лаҥгозонзо мольме да ламонь кувалма пельдензэ ответэнь вешеме. 54Сынь снартлесть Эснэнзэ да стараясть, кода-як валсо кундамс Сонзэ да чумондомс.