Святое Евангелие (эрзянь)/В/Лукань/09
| ←Глава 8. | Святое Евангеліе (1910) Лукань сёрмадовт Евангелія, глава 9. |
Глава 10.→ |
Глава 9.
1Кемгавтотьнень тердезь, максь тенст вій да покш чи весе амазытнень лаҥгс да ормань пичкавтлемс-как. 2Кучинзе сынст Пазонь инязорокс чиденть ёвтлеме да сэредицятьнень шумбралгавтомо. 3Сон мерьсь тенст: ки лаҥгс мезе-як илядо сайть, а палка, а котума, а кше, а сія; кавонст одижаҥк-как иляст ульть. 4Кодамо кудос соватадо, тоск кадоводо, тосто уж кис-как лиседе. 5А косо а приматадызьдеряй, се ошостонть лисьместэ лангозост нефтимань кис пильгезэҥк педязь пульсть-как чукиҥк. 6Сынь, туезь, якасьть велева, эрьва косо паро кулянь ёвтлезь да сэредицянь пичкавтлезь.
[ 169 ] 7Сонзэ тевтнеде марясь нилетькс частень Инязоро Ирод-гак да эзь сода, мезьть арсемс-как: веенцт кортасть: Іоанн кулозьде вельмесь, 8омбонст — Илія сась, а ліят — кодамо-як кезэрень пророкнень эйстэ вельмесь. 9Ирод мерьсь: Іоаннань мон прязо керія; ки ино тевате, конатадо мон истят марян. Да бажась Сонзэ нейме. 10Апостолтнэ, мурдазь ёвтлесть Тензэ, мезе сынь тейсть. Сон, сынст саезь, тусь марост ве Вифсаида лемсэ ош маласо чаво таркас. 11А народсь, теде содазь, мольтсь мельганзо; Сон, сынст примазь, кортась марост Пазонь Инязорокс чиденть, а кинень эрявсь ормадо віеммекс — віемтинзе.
12Кода чизэ кармась чокшнэ ёнов велявтомо, састь ваксозонзо кемгавтовотьне да мерьсть Тензэ: ведь минь тесэ чаво таркасотанок, нолды ломатьнень, молест перька велетненень удомо, да ярсамонь вачамо. 13А Сон мерьсь тенст: тынь максодо тенст ярсамс. А сынь мерьсть: минек вете кшеде, да кавто калдо башка мезенек-как арась; ара мольмекс тенек да весе не ломатьненень ярсамс рамамс? 14Ведь ломатнеде ульнесть вете тыстяшка. Сон мерьсь тонавтницянстэнь: озавтниҥк сынст рядс ветгеменень—ветгеменень. 15Сынь тейсть истя, весемень озавтнизь. 16Сон вете кшетнень да кавто калтнэнь саезь, вачтась менельсть лаҥгс, баславинзе сынст да, синтрезь, максынзе тонавтницянстэнь ломатьненень явшемс. 17Весе ярсасть да пешкедсьть да сындест мейле кадовозь сускомотьнеде пурнасть кемгавтово кептереть.
18Весть Сон ськамонзо таркасо ознось, [ 170 ]тонавтницянзо-як маронзольть. Сон кевстинзе сынст, мерезь: кикс ловсамизь Монь ломатьне? 19Сынь мерьсть каршонзо: Іоанн Крестителькс, а конат — Иліякс, конат мерить, — кодамо-як кезэрень пророкнэнь эйстэ вельмесь. 20Сон мерьсь тенст: а тынь кикс Монь ловсамизь? Петр мерьсь каршонзо: Пазонь Христозокс. 21Сон кеместэ кардынзе сынст, штобу кинень-гак теде иляк ёвтлек, 22мерезь: Ломанень Цёрастень ламо пиштевтемс сави, атятнень, архіерейтьнень да книжникнень пельде апримазь ульма Тензэ, маштозь ульма да колмоце чистэ мекев вельмима.
23Мейле весеменень мерьсь: кинь мельзэ ули Монь мельган молемс, се эсь прянзо стувтоссо саессэ эсь крёстонзо да Монь мельга молезэ. 24Ведь кинь мельзэ эсь оймензэ ванстомс, се ёмавцазо сонзэ. А ки ёмавцазо Монь кис оймензэ, се вансцазо сонзэ. 25Кодамо лезэсь ломанстень, сайсазодеряй сон весе мастор лаҥгсоть эстензэ, а эсь прянзо ёмавцазо, или коласазо? 26Ведь ки виздилгады Моньдень, да Монь валдон, седе Ломанень Цёрась-как виздилгады, кода Сон сы эсь покш чисэнзэ, Тетянзо да святойть Ангелтнэнь-гак покш чисэст. 27Видьстэ кортан теҥк: улить конат-конат тесэ аштицятнень ютксо, конат а неить куломодо Пазонь инязорокс чиньть неймезэст.
28Не валтнэде мейле, кавксошка чинь ютазь, саинзе Сон Петрань, Іоаннань, Іаковонь да куйсь пандо пряс озномо. 29Озномстонзо Сонзэ шачозо ліякс велявтсь, одижанзо теевсть ашокс, вандолдыцякс. 30Маронзо кортлесть кавт ломать, конат ульнесть: [ 171 ]Моисей, да Илія. 31Сынь, покш чисэст неявозь, кортасть маронзо Сонзэ Іерусалимсэ куломодонзо. 32Петрань да мартонзо улезьтнень сайнинзе удомо. Кода сынь сыргойсть, неизь Сонзэ покш чинзэ да мартонзо аштицят кавт ломатьнень. 33Кода кармасть сынь вакстонзо туйме, Петр мерьсь Іисуснэнь: Тонавтыця! паро тесэ тенек аштемс. Тейдянок колмо шалагат: вейкень Тонеть, вейкень Моисейнень, вейкень Иліянень. Сонсь-как эзь содак сон месть кортась. 34Сонзэ тень кортамсто коначинзе сынст пиземе пель. Сынь пельсть потс совазь, тандадсть. 35Пельсть потсто марявсь вайгель, кона кортась: Те Монь вечкезь Цёрам; Сонзэ кулсонодо. 36Те вайгельсть марявмо шкане, Іисус кадовсь ськамонзо. Теде сынь чатьменьсть, мезе нейсть сеть читнестэ, кинень-гак эзть ёвтлек.
37Пандо прястонть валгомодо мейле омбоце чистэнть вастызь Сонзэ ламо ломать. 38Друк ломатьнень ютксто вейке, сергедезь, мерьсь: Тонавтыця! инялдан Тенть, вачтак монь цёран лаҥгс, — сон монь вейкине. 39Сонзэ кунцисазо дух, да сон друк пижакали, кургстонзо човт чудить. Аньсяк парьсте муцямодо мейле каднусазо сонзэ. 40Мон инялдокшнынь тонавтницят туртов сонзэ паньмекс да эзь паневть тенст. 41Іисус каршонзо мерьсь: эх, акемиця да колезь плема! Знярс Мон карман ульме мароҥк да кирьдеме эстэдеҥк! Ветик цёрат тезэ. 42Ветямстонзо амазысь тувтызе сонзэ да кармась рестеемензэ. Іисус кардызе аванькс духсть, да эйкакшонть віемтезь, максызе тетянстэнь.
[ 172 ] 43Дивасть весе Пазонть покш чизэнзэ. Весемень Сонзэ лаҥгс дивамо шкастонть Сон мерьсь эсь тонавтницянстэнь: 44путыҥк тынь не валтнэнь пилезэҥк: Ломанень Цёрась максозь ули ломатьнень кедьс. 45А сынь эзизь чаркодть те валсть: сон сынст эйстэ вельтязь ульнесь, секс эзизь чяркодть, а Сонзэ кевстемс те валдонть пельсть. 46Сась превезэст: ки юткстост весемеде покш. 47Іисус, седейсэ арсимаст содазь, сайсь эйкакш, аравтызе икелензэ, 48да мерьсь тенст: ки те эйкакшонть Монь лемень кис примасазо, се Монь примасамам; а ки Монь примасамам, се Монь кучицянть примасазо. Ки ютксоҥк весемеде вишкене — се ули покш.
49Іоанн каршонзо мерьсь: Тонавтыця! Минь неинек Тонть лемсэ амазынь пансиця ломань да кардынек сонзэ, мейс сон минек марто а яки. 50Іисус мерьс тензэ: илядо картле: ведь ки аволь каршонк, се тынк кис ашти. 51Кода кармасьть пачкодме Сонзэ те чистэ сайме чинзэ, Сон мелензэ сайсь Іерусалимев мольме. 52Кучсь эсь икелензэ валонь пачтицят. Сынь тусть да Самарянонь велес совасть Сонензэ анокстамо. 53Тосо содасть Сонзэ Іерусалимев мольмедензэ да эзизь примак. 54Тень неезь, тонавтницянзо Іаков да Іоанн мерьсть: Тонавтыця! ули мелеть, минь мердянок менельстэ тол валгозо да сынст маштыньзе, кода тейсь Илія? 55Сон, ёност велявтозь, кардынзе сынст да мерьсь: Тынь тынсь как асодатадо, кодамо превсэтядо. 56Ведь Ломанень Цёрась сась аволь ломань ойметьнень ёмавтомо, а ванцтомо. Мейле тусть сынь лія велес.
[ 173 ] 57Кіява мольместэст ве ломань мерьсь Тензэ: Господи! ков Тон иля мольть, мон мельгат молян. 58Іисус мерьсь тензэ: ривезтьнень улить варяст[1], менелень нармутьнень-гак улить пизэст, а Ломанень Цёраньть арась прянь путомс тарказо-як. 59А омбоценень мерьсь: мольть Монь мельган. Се мерьсь: Господи! мерьть тень васня тетянь калмамо мольме. 60А Іисус мерьсь тензэ: кадыть кулозтнень эсь кулозест калмамо, а тон мольть да Пазонь Инязорокс чиденть ёвтлек. 61Истяжо мерьсь омбоцесь-как: Господи! Тонть мельга молян, мерьть аньсяк тень васня монсинь кудосотнень марто простямо мольме. 62Іисус мерьсь тензэ: Эрьва ки, конась путсынзе кедензэ сока лаҥгс да сонсь удалов ваны, се Пазонь Инязорокс чисэнть аволь кемма ломань.
- ↑ нораст, пизэст.