Pitla Storia bibia/N8

←N7

Pitla Storia bibia Gejù mucia tl Egit

N9→

N chël tëmp iel cumparì a sant Ujep l angiul dl Seniëur y à dit: "Leva su, tue l bambin y si oma y mucia tl Egit! Resta iló, nchina che te l feje al savëi. Erode crirà l bambin per l mazé." Sant Ujep ie levà su, à tëut de nuet mo l bambin y si oma y se n ie jit tl Egit.

Erode ova aspità n pez sui Rëiesc Magi. Tantosc che l à udù, che i ne vën, se al drët dessenà. Ël à mandà a crì su duc canc i pitli mutons de Betlem, che ova doi ani y de manco per i mazé. Ël ratova d'abiné nsci nce l bambin Gejù. La umans se lamentova y bradlova do si pitli mutons y n'ulova plu se lascé cunselé.

No giut do chësc mazamënt ie nce mort l Rë Erode da na burta malatia. Śën i cumparësc a sant Ujep inò l angiul dl Seniëur tl Egit y disc: "Leva su, tue l bambin y si oma y dà ëuta a cësa ti paijes d'Israel, pervia che śën ie morc chëi, che criva l bambin per l mazé. Sant Ujep ie levà su, à tëut l bambin y si oma y ie ruvà ti paijes d'Israel. Po' iel jit tla Galilea y abitova a Nazaret. "L'ira dl uomo ne fej nia, chël che ie giust dant a Idie."