Pitla Storia bibia/N7

←N6

Pitla Storia bibia I Rëiesc Magi dl Urient vën per aduré Gejù

N8→

I Rëiesc Magi dl Urient vën per aduré Gejù

Ntlëuta canche Gejù ie nasciù a Betlem, iel unit i Rëiesc Magi dl Urient a Gerusalem. Ëi dijova: "Ulà ie pa l Rë di Giudieres che ie nasciù? Nëus on udù si stëila tl Urient y son unii a l aduré." An'audì na tela s'à l Rë Erode sperdù. L à fa cherdé adum i majeri prevesc y i sapienc dla scritura y i à damandei, ulache dëssa nascer Gejù Crist. Chisc à po' dit: "A Betlem dla Giudea."

Śën à l Rë Erode mandà i Rëiesc Magi a Betlem y à dit: "Jide y cride su l bambin! Y pernanche l ëis giapà, fajëmel al savëi, acioche posse nce ie jì a l aduré."

I Rëiesc Magi ie debota piëi via verscio Betlem. Y cëla la stëila, che i ova udù tl Urient, i va śën inò danora. Ruveda che la fova tl luech, ulache stajova l bambin, s'à la fermà. Pernanche i Rëiesc Magi à udù la stëila, fovi plëns d'alegrëza. Ëi ie jic ite te cësa y à giapà l bambin cun Maria y sant Ujep. Śën s'ài jenudlà ju y à adurà l bambin. Ëi à po' dunfrì or, ncëns y mira. Mo de nuet i à Chël Bel Die cumandà de ne dé plu ëuta da Erode. Davia de chël ài tëut n'autra streda a jì a cësa.