Pitla Storia bibia/N6

←N5

Pitla Storia bibia Gejù vën prejentà tl templ

N7→

Gejù vën prejentà tl templ Canche Gejù ova caranta dis, l à la Madona y sant Ujep purtà a Gerusalem tl templ per l prejenté al Seniëur. Ëi à ënghe nel medemo tëmp dunfrì, cie che fova cumandà per la puera jënt, cioè doi pitla tupes.

Ntlëuta vivovel a Gerusalem n bon vedl drët dl timor de Die. L ova inuem Simeon. Chësc aspitova cun gran dejidere l Salvator. Nspirà dal Spirt sant iel ruvà tl templ, canche la Madona y sant Ujep purtova ite l bambin Gejù. L Spirt sant i ova dit, che l ne murirà dant avëi udù l Salvator dl mond. Simeon à tëut l bambin sul brac y laudova Chël Bel Die y dijova: Śën possi murì cun pesc, jache mi uedli à udù l Salvator." A Gerusalem vivovel a chëi tëmps ënghe na vëidua d'utantecater ani, che ova inuem Ana. Chësta serviva Chël Bel Die tl templ cun giajuné y fé urazion di y nuet. N chëla medema ëura che la Madona y sant Ujep à purtà l bambin tl templ, ie unida Ana adalerch; ëila laudova ënghe l Seniëur y rujenova de ël a duc canc, che aspitova l Salvator.