Ndayotewa ya Riphabuḽiki ya Afrika Tshipembe

Ndayotewa ya Riphabuḽiki ya Afrika Tshipembe  (1996)

Ndayotewa ya Riphabuḽiki ya Afrika Tshipembe

Mvulatswinga

Ndima ya 1: Mbetshelo dza u Thoma

Ndima ya 2: Mulayotibe wa Pfanelo

Ndima ya 3: Muvhuso wa Tshumisano

Ndima ya 4: Phalamennde

Ndima ya 5: Phresidennde na Khorotshitumbe ya Lushaka

Ndima ya 6: Mavundu

Ndima ya 7: Muvhuso Wapo

Ndima ya 8: Dzikhothe na Ndaulo ya zwa Vhulamukanyi

Ndima ya 9: Zwiimiswa zwa Muvhuso zwi Tikedzaho Demokirasi ya Ndayotewa

Ndima ya 10: Ndaulo ya Muvhuso

Ndima ya 11: Tshumelo dza Tsireledzo

Ndima ya 12: Vharangaphanḓa vha Sialala

Ndima ya 13: Gwama

Ndima ya 14: Mbetshelo nga u Angaredza

Sheduḽu ya 1: Fuḽaga ya Lushaka

Sheduḽu ya 1A: Fhethuvhupo ha Mavundu

Sheduḽu ya 2: Miano na Khwaṱhisedzo

Sheduḽu ya 3: Matshimbidzele a Khetho

Sheduḽu ya 4: Maanḓa a Fhethu ha Mishumo ya Vhusimamilayo ha Lushaka Khathihi na ha Vundu

Sheduḽu ya 5: Maanḓa a Fhethu ha Mishumo ya Vhusimamilayo ha Vundu Fhedzi

Sheduḽu ya 6: Nzudzanyo dza Tshifhinganyana

Sheduḽu ya 7: Milayo yo Thuthwaho

Mvulatswinga

Riṋe, vhathu vha Afrika Tshipembe;

Ri dzhiela nṱha u shaea ha vhulamukanyi kha tshifhinga tsho fhelaho;

Ri ṱhonifha havho vhe vha tambulela vhulamukanyi na mbofholowo kha shango ḽashu;

Ri ṱhonifha havho vhe vha shuma vha tshi itela u fhaṱa na u bveledzisa shango ḽashu; na

U tenda uri Afrika Tshipembe ndi ḽa vhoṱhe vhane vha dzula khaḽo, vho vhofhekanywaho vha vha huthihi naho vha sa fani.

Zwenezwo, nga kha vhaimeleli vho khethiwaho zwavhuḓi, ri khou ṱanganedza ino Ndayotewa sa wone Mulayo Muhulwanesa wa Riphabuḽiki uri u-

• Fhelise khethululo ya tshifhinga tsho fhelaho na u thoma tshitshavha tshine tsho ḓisendeka kha ndeme dza demokirasi, vhulamukanyi ha matshilisano na pfanelo dza vhuthu;
• Fhaṱe mitheo kha demokirasi na tshitshavha tshi re khagala hune muvhuso wo ḓisendeka kha lufuno lwa vhathu nahone vhadzulapo vho tsireledzwa nga mulayo nga nḓila i linganaho;
• Khwinise ndeme ya Vhutshilo ha vhadzulapo vhoṱhe na u vhofholola vhukoni ha muthu muṅwe na muṅwe; na
• Fhaṱe mbumbano na demokirasi zwa Afrika Tshipembe uri ḽi kone u vha fhethu ho teaho sa muvhuso wo ḓiimisaho kha muṱa wa tshaka.

May God protect our people.
Nkosi Sikelel’ iAfrika.
Morena boloka setjhaba sa heso.
God seën Suid-Afrika.
God bless South Africa.
Mudzimu tsireledza vhathu vhashu.
Hosi katekisa Afrika.