Jv/Alkitab/Kaimaman/8

^8:1 ꦒꦸꦱ꧀ꦠꦶꦄꦭ꧀ꦭꦃꦔꦤ꧀ꦢꦶꦏꦩꦫꦁ​꧊ꦩꦸꦱ꧈​

^8:2 "ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦥꦽꦤꦃꦤꦲꦶꦁꦭꦮꦁꦔꦺꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​ꦔ꧀ꦒꦮꦲꦥꦼꦔꦁꦒꦺꦴꦤꦺꦲꦶꦩꦩ꧀꧈​ꦊꦔꦗꦼꦧꦢ꧀꧈​ꦱꦥꦶꦭꦤꦁꦤꦺꦴꦩ꧀ꦏꦁꦒꦺꦴꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧈​ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦺꦴꦫꦺꦴ꧈​ꦭꦤ꧀ꦫꦺꦴꦠꦶꦠꦤ꧀ꦥꦫꦒꦶꦱꦼꦮꦏꦸꦭ꧀꧉​

^8:3 ꦱꦮꦶꦱ꧀ꦱꦺꦏꦸꦮꦶꦲꦸꦩꦠ꧀​꧊ꦆꦱꦿꦲꦺꦭ꧀ꦏꦤ꧀ꦝꦤ꧀ꦤꦤ꧈​ꦱꦸꦥꦪꦔ꧀ꦭꦸꦩ꧀ꦥꦸꦏ꧀ꦲꦶꦁꦥꦁꦒꦺꦴꦤ꧀ꦤꦤ꧀ꦏꦺꦴꦤꦺꦴ꧉"​

^8:4 ​꧊ꦩꦸꦱꦔ꧀ꦭꦏꦺꦴꦤ꧀ꦤꦶꦲꦥꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃ꧉​ꦧꦉꦁꦲꦸꦩꦠ꧀​꧊ꦆꦱꦿꦲꦺꦭ꧀ꦮꦶꦱ꧀ꦥꦝꦔ꧀ꦭꦸꦩ꧀ꦥꦸꦏ꧀ꦏꦧꦺꦃ꧈​

^8:5 ​꧊ꦩꦸꦱꦧꦚ꧀ꦗꦸꦂꦏꦤ꧀ꦝꦩꦼꦁꦏꦺꦤꦺ꧈​"ꦲꦥꦱꦶꦁꦲꦉꦥ꧀ꦢꦏ꧀ꦠꦶꦤ꧀ꦢꦏ꧀ꦏꦏꦺꦱꦲꦶꦏꦶ꧈​ꦲꦶꦏꦶꦲꦠꦱ꧀ꦝꦮꦸꦃꦲꦺꦄꦭ꧀ꦭꦃ꧉"​

^8:6 ​꧊ꦩꦸꦱꦧꦚ꧀ꦗꦸꦂꦔꦤ꧀ꦛꦶꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦩꦗꦸꦭꦤ꧀ꦢꦶꦏꦺꦴꦤ꧀ꦱꦼꦱꦸꦕꦶ꧈​ꦮꦶꦱꦸꦃꦩꦤꦸꦠ꧀ꦥꦽꦤꦠꦤꦺꦲꦒꦩ꧉​

^8:7 ꦲꦫꦸꦤ꧀ꦧꦚ꧀ꦗꦸꦂꦢꦶꦲꦼꦁꦒꦺꦴꦤ꧀ꦤꦶꦫꦁꦏꦼꦥ꧀ꦥꦤ꧀ꦭꦤ꧀ꦗꦸꦧꦃꦱꦂꦠꦱꦧꦸꦏ꧀꧉​ꦱꦮꦶꦱ꧀ꦱꦺꦏꦸꦮꦶꦧꦚ꧀ꦗꦸꦂꦢꦶꦲꦼꦁꦒꦺꦴꦤ꧀ꦤꦶꦲꦺꦥ꦳ꦺꦴꦢ꧀ꦭꦤ꧀ꦭꦩ꧀ꦧꦸꦁꦔꦺꦢꦶꦱꦧꦸꦏ꧀ꦏꦶ꧈​ꦱꦶꦁꦢꦶꦒꦮꦺꦱꦏꦠꦼꦤꦸꦤ꧀ꦤꦤ꧀ꦲꦭꦸꦱ꧀꧈​

^8:8 ꦧꦚ꧀ꦗꦸꦂꦩꦱꦁꦠꦸꦠꦸꦥ꧀ꦥꦺꦝꦝꦤꦺ꧉​ꦲꦶꦁꦚ꧀ꦗꦼꦫꦺꦴꦤꦺꦠꦸꦠꦸꦥ꧀ꦝꦝꦩꦲꦸꦢꦶꦥꦱꦁꦔꦶ​꧊ꦈꦫꦶꦩ꧀ꦭꦤ꧀​꧊ꦠꦸꦩꦶꦩ꧀꧉​

^8:9 ꦲꦫꦸꦤ꧀ꦧꦚ꧀ꦗꦸꦂꦢꦶꦲꦼꦁꦒꦺꦴꦤ꧀ꦤꦶꦱꦼꦂꦧꦤ꧀꧉​ꦲꦶꦁꦱꦼꦂꦧꦤ꧀ꦱꦶꦱꦶꦃꦔꦉꦥ꧀ꦢꦶꦥꦱꦁꦔꦶꦉꦉꦁꦒꦤ꧀ꦲꦼꦩꦱ꧀꧉​ꦏꦸꦮꦶꦠꦤ꧀ꦝꦤꦺꦪꦺꦤ꧀ꦲꦫꦸꦤ꧀ꦮꦶꦱ꧀ꦢꦢꦶꦏꦒꦸꦁꦔꦤ꧀ꦤꦺꦄꦭ꧀ꦭꦃ꧉​ꦏꦧꦺꦃꦩꦲꦸꦢꦶꦠꦶꦤ꧀ꦢꦏ꧀ꦏꦏꦺꦢꦺꦤꦶꦁ​꧊ꦩꦸꦱꦩꦶꦠꦸꦫꦸꦠ꧀ꦝꦮꦸꦃꦲꦺꦄꦭ꧀ꦭꦃ꧉​

^8:10 ​꧊ꦩꦸꦱꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦊꦔꦗꦼꦧꦢ꧀ꦏꦁꦒꦺꦴꦚ꧀ꦗꦼꦧꦢ꧀ꦢꦶꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃꦭꦤ꧀ꦱꦏꦺꦃꦲꦶꦁꦥꦶꦫꦤ꧀ꦠꦶꦱꦶꦁꦲꦤꦲꦶꦁꦏꦺꦩꦃꦏꦺꦴꦤꦺꦴ꧉​

^8:11 ꦊꦔꦗꦼꦧꦢ꧀ꦩꦲꦸꦱꦭꦺꦴꦁꦢꦶꦕꦶꦥꦿꦠ꧀ꦕꦶꦥꦿꦠ꧀ꦠꦏꦺꦫꦩ꧀ꦧꦃꦥꦶꦁꦥꦶꦠꦸꦲꦶꦁꦩꦼꦱ꧀ꦧꦺꦃꦭꦤ꧀ꦱꦏꦺꦃꦲꦺꦥꦶꦫꦤ꧀ꦠꦶꦤꦺ꧈​ꦲꦶꦪꦲꦶꦁꦗꦼꦩ꧀ꦧꦁꦔꦤ꧀ꦭꦤ꧀ꦲꦸꦩ꧀ꦥꦏ꧀ꦏꦺ꧉​ꦱꦿꦤꦩꦼꦁꦏꦺꦴꦤꦺꦴꦧꦫꦁꦧꦫꦁꦩꦲꦸꦢꦶꦱꦸꦕꦺꦏ꧀ꦏꦏꦺꦏꦒꦼꦩ꧀ꦄꦭ꧀ꦭꦃ꧉​

^8:12 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦲꦫꦸꦤ꧀ꦧꦚ꧀ꦗꦸꦂꦢꦶꦠꦼꦠꦼꦥ꧀ꦥꦏꦺꦢꦺꦤꦶꦁ​꧊ꦩꦸꦱ꧈​ꦱꦿꦤꦔꦼꦱꦺꦴꦏ꧀ꦏꦏꦺꦊꦔꦗꦼꦧꦢ꧀ꦲꦶꦁꦱꦶꦫꦃꦲꦺꦲꦫꦸꦤ꧀꧉​

^8:13 ​꧊ꦩꦸꦱꦧꦚ꧀ꦗꦸꦂꦲꦏꦺꦴꦤ꧀ꦲꦤꦏ꧀ꦲꦤꦏ꧀ꦏꦺꦲꦫꦸꦤ꧀ꦩꦗꦸ꧈​ꦢꦶꦲꦼꦁꦒꦺꦴꦤ꧀ꦤꦶꦏꦸꦭꦸꦏ꧀ꦏꦪꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃꦩꦫꦁ​꧊ꦩꦸꦱ꧉​

^8:14 ​꧊ꦩꦸꦱꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦱꦥꦶꦭꦤꦁꦤꦺꦴꦩ꧀ꦱꦶꦗꦶ꧈​ꦢꦶꦱꦲꦺꦴꦱ꧀ꦱꦏꦺꦢꦢꦶꦏꦸꦂꦧꦤ꧀ꦥꦔꦿꦸꦮꦠ꧀ꦠꦶꦁꦢꦺꦴꦱ꧉​ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦧꦚ꧀ꦗꦸꦂꦥꦝꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦶꦁꦲꦼꦤ꧀ꦝꦱ꧀ꦱꦺꦱꦥꦶ꧉​

^8:15 ꦱꦥꦶꦤꦺꦤꦸꦭꦶꦢꦶꦱꦼꦩ꧀ꦧꦼꦭꦺꦃ꧉​​꧊ꦩꦸꦱꦚ꧀ꦗꦸꦥꦸꦏ꧀ꦒꦼꦠꦶꦃꦲꦺꦱꦮꦼꦠꦫ꧈​ꦢꦶꦭꦺꦭꦺꦠ꧀ꦠꦏꦺꦔꦁꦒꦺꦴꦢꦿꦶꦗꦶꦤꦺꦲꦶꦁꦱꦸꦔꦸꦱꦸꦔꦸꦱꦶꦁꦲꦤꦲꦶꦁꦥꦺꦴꦗꦺꦴꦏ꧀ꦥꦺꦴꦗꦺꦴꦏ꧀ꦏꦺꦩꦼꦱ꧀ꦧꦺꦃꦱꦸꦥꦪꦩꦼꦱ꧀ꦧꦺꦃꦩꦲꦸꦢꦶꦱꦸꦕꦺꦏ꧀ꦏꦏꦺꦏꦒꦼꦩ꧀ꦄꦭ꧀ꦭꦃ꧉​ꦠꦸꦫꦃꦲꦤ꧀ꦤꦺꦒꦼꦠꦶꦃꦧꦚ꧀ꦗꦸꦂꦢꦶꦱꦶꦫꦩ꧀ꦩꦏꦺꦲꦶꦁꦱꦶꦏꦶꦭ꧀ꦭꦺꦩꦼꦱ꧀ꦧꦺꦃꦩꦸꦧꦼꦁ꧉​ꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦩꦼꦱ꧀ꦧꦺꦃꦩꦲꦸꦢꦶꦱꦸꦕꦺꦏ꧀ꦏꦏꦺꦭꦤ꧀ꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃꦩꦤꦸꦠ꧀ꦥꦽꦤꦠꦤꦶꦁꦄꦭ꧀ꦭꦃ꧉​

^8:16 ꦱꦮꦶꦱ꧀ꦱꦺꦏꦸꦮꦶ​꧊ꦩꦸꦱꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦒꦗꦶꦃꦱꦶꦁꦤꦺꦩ꧀ꦥ꧀ꦭꦺꦏ꧀ꦲꦶꦁꦗꦼꦫꦺꦴꦮꦤ꧀ꦤꦺꦱꦥꦶꦱꦶꦁꦮꦶꦱ꧀ꦢꦶꦱꦼꦩ꧀ꦧꦼꦭꦺꦃꦩꦲꦸ꧉​ꦲꦸꦒꦚ꧀ꦗꦸꦥꦸꦏ꧀ꦥꦺꦫꦁꦔꦤ꧀ꦤꦶꦁꦲꦠꦶꦱꦶꦁꦲꦥꦶꦏ꧀ꦝꦺꦮꦺꦭꦤ꧀ꦒꦶꦚ꧀ꦗꦼꦭ꧀ꦱꦒꦗꦶꦃꦲꦺ꧉​ꦏꦧꦺꦃꦩꦲꦸꦤꦸꦭꦶꦢꦶꦲꦺꦴꦧꦺꦴꦁꦲꦶꦁꦩꦼꦱ꧀ꦧꦺꦃ꧉​

^8:17 ꦠꦸꦫꦃꦲꦤ꧀ꦤꦺꦱꦥꦶꦩꦲꦸ꧈​ꦲꦶꦪꦢꦒꦶꦁ꧈​ꦭꦸꦭꦁꦱꦂꦠꦲꦸꦱꦸꦱ꧀ꦱꦺ꧈​ꦢꦶꦲꦺꦴꦧꦺꦴꦁꦲꦶꦁꦱꦚ꧀ꦗꦧꦤꦺꦏꦺꦩꦃ꧈​ꦏꦪꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃ꧉​

^8:18 ​꧊ꦩꦸꦱꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦏꦁꦒꦺꦴꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀;ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦥꦝꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦶꦁꦲꦼꦤ꧀ꦝꦱ꧀ꦱꦺꦮꦼꦝꦸꦱ꧀ꦩꦲꦸ꧉​

^8:19 ​꧊ꦩꦸꦱꦧꦚ꧀ꦗꦸꦂꦚꦼꦩ꧀ꦧꦼꦭꦺꦃꦏꦺꦮꦤ꧀ꦏꦸꦮꦶ꧈​ꦒꦼꦠꦶꦃꦲꦺꦢꦶꦱꦶꦫꦩ꧀ꦩꦏꦺꦲꦶꦁꦱꦶꦏꦶꦭ꧀ꦭꦺꦩꦼꦱ꧀ꦧꦺꦃꦩꦸꦧꦼꦁ꧉​

^8:20 (8:20-21)ꦱꦮꦶꦱ꧀ꦱꦺꦏꦸꦮꦶꦮꦼꦝꦸꦱ꧀ꦱꦺꦧꦚ꧀ꦗꦸꦂꦢꦶꦠꦼꦁꦏꦼꦭ꧀ꦠꦼꦁꦏꦼꦭ꧀꧈​ꦗꦼꦫꦺꦴꦮꦤ꧀ꦤꦺꦭꦤ꧀ꦱꦩ꧀ꦥꦶꦭ꧀ꦭꦺꦢꦶꦉꦱꦶꦏ꧀ꦏꦶꦔꦁꦒꦺꦴꦧꦚꦸ꧉​ꦲꦼꦤ꧀ꦝꦱ꧀꧈​ꦒꦗꦶꦃꦭꦤ꧀ꦠꦸꦫꦃꦲꦤ꧀ꦭꦶꦪꦤꦺꦢꦶꦲꦺꦴꦧꦺꦴꦁꦲꦶꦁꦩꦼꦱ꧀ꦧꦺꦃꦩꦶꦠꦸꦫꦸꦠ꧀ꦝꦮꦸꦃꦲꦺꦄꦭ꧀ꦭꦃꦩꦫꦁ​꧊ꦩꦸꦱ꧉​ꦏꦸꦮꦶꦏꦸꦂꦧꦤ꧀ꦝꦲꦂꦫꦤ꧀ꦱꦶꦁꦢꦶꦲꦺꦴꦧꦺꦴꦁ꧈​ꦭꦤ꧀ꦒꦤ꧀ꦢꦤꦺꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦄꦭ꧀ꦭꦃ꧉​

^8:21 (8:20)

^8:22 ​꧊ꦩꦸꦱꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦱꦶꦁꦏꦥꦶꦤ꧀ꦝꦺꦴ꧈​ꦏꦁꦒꦺꦴꦤꦼꦠꦼꦥ꧀ꦥꦏꦺꦲꦶꦩꦩ꧀꧉​ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦤꦸꦩ꧀ꦥꦁꦔꦏꦺꦠꦔꦤ꧀ꦤꦺꦲꦤꦲꦶꦁꦲꦼꦤ꧀ꦝꦱ꧀ꦱꦺꦏꦺꦮꦤ꧀ꦩꦲꦸ꧉​

^8:23 ​꧊ꦩꦸꦱꦧꦚ꧀ꦗꦸꦂꦚꦼꦩ꧀ꦧꦼꦭꦺꦃꦏꦺꦮꦤ꧀ꦏꦸꦮꦶ꧈​ꦭꦤ꧀ꦚ꧀ꦗꦸꦥꦸꦏ꧀ꦒꦼꦠꦶꦃꦲꦺꦱꦼꦛꦶꦛꦶꦏ꧀꧈​ꦢꦶꦭꦺꦭꦺꦠ꧀ꦠꦏꦺꦔꦁꦒꦺꦴꦢꦿꦶꦗꦶꦤꦺꦲꦶꦁꦏꦸꦥꦶꦁꦔꦺꦲꦫꦸꦤ꧀ꦱꦶꦁꦠꦼꦔꦼꦤ꧀꧈​ꦗꦼꦩ꧀ꦥꦺꦴꦭ꧀ꦭꦺꦠꦔꦤ꧀ꦠꦼꦔꦼꦤ꧀ꦭꦤ꧀ꦗꦼꦩ꧀ꦥꦺꦴꦭ꧀ꦭꦺꦱꦶꦏꦶꦭ꧀ꦠꦼꦔꦼꦤ꧀꧉​

^8:24 ꦲꦤꦏ꧀ꦲꦤꦏ꧀ꦏꦺꦲꦫꦸꦤ꧀ꦧꦚ꧀ꦗꦸꦂꦢꦶꦏꦺꦴꦤ꧀ꦩꦗꦸ꧉​​꧊ꦩꦸꦱꦧꦚ꧀ꦗꦸꦂꦔ꧀ꦭꦺꦭꦺꦠ꧀ꦠꦏꦺꦒꦼꦠꦶꦃꦲꦶꦁꦏꦸꦥꦶꦁꦔꦺꦠꦼꦔꦼꦤ꧀ꦲꦤꦏ꧀ꦲꦤꦏ꧀ꦏꦺꦲꦫꦸꦤ꧀ꦩꦲꦸ꧈​ꦲꦶꦁꦗꦼꦩ꧀ꦥꦺꦴꦭ꧀ꦭꦺꦠꦔꦤ꧀ꦠꦼꦔꦼꦤ꧀꧈​ꦱꦂꦠꦲꦶꦁꦗꦼꦩ꧀ꦥꦺꦴꦭ꧀ꦭꦺꦱꦶꦏꦶꦭ꧀ꦠꦼꦔꦼꦤ꧀꧉​

^8:25 ​꧊ꦩꦸꦱꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦒꦗꦶꦃꦲꦺꦏꦺꦮꦤ꧀ꦩꦲꦸ꧈​ꦒꦗꦶꦃꦱꦶꦁꦲꦤꦲꦶꦁꦧꦸꦤ꧀ꦠꦸꦠ꧀꧈​ꦭꦤ꧀ꦱꦏꦺꦃꦲꦺꦒꦗꦶꦃꦱꦶꦁꦤꦺꦩ꧀ꦥ꧀ꦭꦺꦏ꧀ꦲꦶꦁꦗꦼꦫꦺꦴꦮꦤ꧀;ꦧꦚ꧀ꦗꦸꦂꦥꦺꦫꦁꦔꦤ꧀ꦤꦶꦁꦲꦠꦶꦱꦶꦁꦲꦥꦶꦏ꧀ꦝꦺꦮꦺ꧈​ꦒꦶꦚ꧀ꦗꦼꦭ꧀ꦱꦒꦗꦶꦃꦲꦺ꧈​ꦱꦂꦠꦱꦩ꧀ꦥꦶꦭ꧀ꦩ꧀ꦧꦸꦫꦶꦱꦶꦁꦠꦼꦔꦼꦤ꧀꧉​

^8:26 ꦤꦸꦭꦶꦚ꧀ꦗꦸꦥꦸꦏ꧀ꦫꦺꦴꦠꦶꦠꦤ꧀ꦥꦫꦒꦶꦱꦏꦮꦏꦸꦭ꧀꧈​ꦢꦶꦱꦲꦺꦴꦱ꧀ꦱꦏꦺꦩꦫꦁꦄꦭ꧀ꦭꦃ;ꦫꦺꦴꦠꦶꦏꦤ꧀ꦢꦼꦭ꧀ꦱꦶꦗꦶꦱꦶꦁꦢꦶꦲꦺꦴꦭꦃꦔꦁꦒꦺꦴꦊꦔ꧈​ꦭꦤ꧀ꦫꦺꦴꦠꦶꦠꦶꦥꦶꦱ꧀ꦱꦶꦗꦶ꧉​ꦫꦺꦴꦠꦶꦩꦲꦸꦢꦶꦠꦸꦩ꧀ꦥꦁꦔꦏꦺꦲꦶꦁꦒꦗꦶꦃꦭꦤ꧀ꦱꦩ꧀ꦥꦶꦭ꧀ꦭꦺꦏꦺꦮꦤ꧀ꦱꦶꦁꦢꦶꦲꦼꦁꦒꦺꦴꦏꦸꦂꦧꦤ꧀ꦩꦲꦸ꧉​

^8:27 ꦧꦫꦁꦧꦫꦁꦩꦲꦸꦏꦧꦺꦃꦢꦶꦱꦺꦭꦺꦃꦲꦏꦺꦲꦶꦁꦠꦔꦤ꧀ꦤꦺꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​ꦱꦶꦁꦧꦚ꧀ꦗꦸꦂꦥꦝꦚꦲꦺꦴꦱ꧀ꦱꦏꦺꦢꦢꦶꦱꦼꦱꦲꦺꦴꦱ꧀ꦱꦤ꧀ꦩ꧀ꦭꦶꦒꦶꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉​

^8:28 ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴ​꧊ꦩꦸꦱꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦧꦫꦁꦧꦫꦁꦩꦲꦸꦱꦏꦠꦔꦤ꧀ꦤꦺꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​ꦢꦶꦲꦺꦴꦧꦺꦴꦁꦲꦶꦁꦩꦼꦱ꧀ꦧꦺꦃ꧈​ꦢꦶꦠꦸꦩ꧀ꦥꦁꦔꦏꦺꦲꦶꦁꦏꦸꦂꦧꦤ꧀ꦲꦺꦴꦧꦺꦴꦁꦔꦤ꧀꧈​ꦢꦢꦶꦏꦸꦂꦧꦤ꧀ꦠꦼꦠꦼꦥ꧀ꦥꦤ꧀꧉​ꦏꦸꦮꦶꦏꦸꦂꦧꦤ꧀ꦝꦲꦂꦫꦤ꧀꧈​ꦱꦶꦁꦒꦤ꧀ꦢꦤꦺꦒꦮꦺꦉꦤꦤꦶꦁꦥꦼꦁꦒꦭꦶꦃꦲꦺꦄꦭ꧀ꦭꦃ꧉​

^8:29 ​꧊ꦩꦸꦱꦧꦚ꧀ꦗꦸꦂꦚ꧀ꦗꦸꦥꦸꦏ꧀ꦢꦒꦶꦁꦝꦝꦤꦺꦏꦺꦮꦤ꧀ꦩꦲꦸꦭꦤ꧀ꦢꦶꦱꦲꦺꦴꦱ꧀ꦱꦏꦺꦢꦢꦶꦏꦸꦂꦧꦤ꧀ꦩꦶꦫꦸꦁꦒꦤ꧀ꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉​ꦏꦸꦮꦶꦢꦢꦶꦧꦒꦺꦪꦤ꧀ꦤꦺ​꧊ꦩꦸꦱꦱꦏꦮꦼꦝꦸꦱ꧀ꦒꦺꦩ꧀ꦧꦺꦭ꧀ꦭꦤꦁꦩꦲꦸ꧈​ꦱꦶꦁꦢꦶꦲꦼꦁꦒꦺꦴꦏꦸꦂꦧꦤ꧀ꦠꦼꦠꦼꦥ꧀ꦥꦤ꧀ꦤꦺꦲꦶꦩꦩ꧀꧉​​꧊ꦩꦸꦱꦤꦶꦤ꧀ꦢꦏ꧀ꦏꦏꦺꦩꦲꦸꦏꦧꦺꦃꦏꦪꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃ꧉​

^8:30 ꦊꦔꦗꦼꦧꦢ꧀ꦭꦤ꧀ꦒꦼꦠꦶꦃꦲꦺꦱꦭꦺꦴꦁꦢꦶꦗꦸꦥꦸꦏ꧀​꧊ꦩꦸꦱ꧈​ꦢꦶꦕꦶꦥꦿꦠ꧀ꦕꦶꦥꦿꦠ꧀ꦠꦏꦺꦩꦫꦁꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦱꦂꦠꦩꦫꦁꦥꦼꦔꦁꦒꦺꦴꦤꦺ꧉​ꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺ​꧊ꦩꦸꦱꦲꦼꦁꦒꦺꦴꦤꦺꦤꦸꦕꦺꦏ꧀ꦏꦏꦺꦥꦫꦲꦶꦩꦩ꧀ꦭꦤ꧀ꦥꦼꦔꦁꦒꦺꦴꦤꦺꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉​

^8:31 ​꧊ꦩꦸꦱꦧꦚ꧀ꦗꦸꦂꦏꦤ꧀ꦝꦏꦫꦺꦴꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺ꧈​"ꦢꦒꦶꦁꦔꦺꦏꦸꦂꦧꦤ꧀ꦏꦸꦮꦶꦥꦝꦒꦮꦤꦼꦤ꧀ꦩꦼꦚꦁꦭꦮꦁꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧈​ꦭꦤ꧀ꦲꦺꦴꦭꦃꦲꦼꦤ꧀ꦲꦤꦲꦶꦁꦏꦺꦴꦤꦺꦴ꧉​ꦱꦮꦶꦱ꧀ꦱꦺꦏꦸꦮꦶꦥꦝꦥꦔꦤ꧀ꦤꦼꦤ꧀ꦏꦫꦺꦴꦫꦺꦴꦠꦶꦱꦶꦁꦲꦤꦲꦶꦁꦮꦏꦸꦭ꧀ꦱꦶꦁꦢꦶꦲꦼꦁꦒꦺꦴꦮꦝꦃꦲꦶꦁꦲꦸꦥꦕꦫꦠꦼꦠꦼꦥ꧀ꦥꦤ꧀꧈​ꦏꦪꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦄꦭ꧀ꦭꦃ꧉​

^8:32 ꦢꦒꦶꦁꦭꦤ꧀ꦫꦺꦴꦠꦶꦱꦶꦁꦠꦸꦫꦃꦏꦸꦢꦸꦢꦶꦲꦺꦴꦧꦺꦴꦁꦔꦤ꧀ꦠꦶꦲꦼꦤ꧀ꦠꦺꦏ꧀꧉​

^8:33 ꦥꦶꦠꦸꦁꦢꦶꦤꦭꦮꦱ꧀ꦱꦺꦏꦺꦴꦮꦺꦏꦧꦺꦃꦲꦺꦴꦫꦏꦼꦤꦩꦼꦠꦸꦱꦏꦭꦮꦁꦔꦺꦏꦺꦩꦃꦥꦊꦁꦒꦃꦲꦤ꧀ꦤꦺꦄꦭ꧀ꦭꦃ꧉​ꦱꦮꦶꦱ꧀ꦱꦺꦲꦸꦥꦕꦫꦠꦼꦠꦼꦥ꧀ꦥꦤ꧀ꦲꦶꦏꦶꦫꦩ꧀ꦥꦸꦁ꧈​ꦏꦺꦴꦮꦺꦭꦒꦶꦏꦼꦤꦭꦸꦔ꧉​

^8:34 ꦄꦭ꧀ꦭꦃꦤ꧀ꦝꦮꦸꦃꦲꦶꦏꦶꦠꦤꦶꦤ꧀ꦢꦏ꧀ꦏꦏꦺꦲꦥꦱꦶꦁꦏꦸꦢꦸꦏꦶꦠꦭꦏꦺꦴꦤ꧀ꦤꦶꦲꦶꦁꦢꦶꦤꦲꦶꦏꦶ꧈​ꦏꦼꦂꦱꦤꦺꦱꦸꦥꦪꦢꦺꦴꦱꦢꦺꦴꦱꦩꦸꦏꦧꦺꦃꦢꦶꦲꦥꦸꦫ꧉​

^8:35 ꦥꦝꦠꦸꦒꦸꦫꦲꦤꦲꦶꦁꦭꦮꦁꦔꦺꦏꦺꦩꦃꦲꦶꦏꦶ꧈​ꦫꦶꦤꦭꦤ꧀ꦮꦼꦔꦶ꧈​ꦭꦮꦱ꧀ꦱꦺꦥꦶꦠꦸꦁꦢꦶꦤ꧈​ꦏꦫꦺꦴꦤꦼꦠꦼꦥ꧀ꦥꦶꦲꦥꦱꦝꦮꦸꦃꦲꦺꦄꦭ꧀ꦭꦃ꧉​ꦪꦺꦤ꧀ꦲꦺꦴꦫꦩꦼꦁꦏꦺꦴꦤꦺꦴꦏꦺꦴꦮꦺꦧꦏꦭ꧀ꦩꦠꦶ꧉​ꦩꦼꦁꦏꦺꦴꦤꦺꦴꦝꦮꦸꦃꦲꦺꦄꦭ꧀ꦭꦃꦩꦫꦁꦲꦏꦸ꧉"​

^8:36 ꦲꦫꦸꦤ꧀ꦭꦤ꧀ꦲꦤꦏ꧀ꦲꦤꦏ꧀ꦏꦺꦥꦝꦔ꧀ꦭꦏꦺꦴꦤ꧀ꦤꦶꦏꦧꦺꦃꦱꦶꦁꦢꦶꦝꦮꦸꦃꦲꦏꦺꦢꦺꦤꦶꦁꦒꦸꦱ꧀ꦠꦶꦄꦭ꧀ꦭꦃꦭꦤ꧀ꦠꦂꦫꦤ꧀​꧊ꦩꦸꦱꦩꦲꦸ꧉​