Jv/Alkitab/Kaimaman/25

^25:1 ꦒꦸꦱ꧀ꦠꦶꦄꦭ꧀ꦭꦃꦤ꧀ꦝꦮꦸꦃꦲꦶꦩꦼꦤꦺꦃꦩꦫꦁ​꧊ꦩꦸꦱꦲꦶꦁꦒꦸꦤꦸꦁ​꧊ꦱꦶꦤꦲꦶ꧈​ꦱꦸꦥꦪ

^25:2 ꦩꦫꦶꦁꦔꦏꦺꦥꦽꦤꦠꦤ꧀ꦥꦽꦤꦠꦤ꧀ꦩꦫꦁꦲꦸꦩꦠ꧀​꧊ꦆꦱꦿꦲꦺꦭ꧀ꦩꦼꦁꦏꦺꦤꦺ:"ꦪꦺꦤ꧀ꦏꦺꦴꦮꦺꦩꦼꦁꦏꦺꦴꦩ꧀ꦭꦼꦧꦸꦲꦶꦁꦠꦤꦃꦱꦶꦁꦢꦶꦗꦚ꧀ꦗꦺꦏ꧀ꦏꦏꦺꦄꦭ꧀ꦭꦃꦩꦫꦁꦏꦺꦴꦮꦺ꧈​ꦏꦺꦴꦮꦺꦲꦺꦴꦫꦏꦼꦤꦔ꧀ꦒꦫꦥ꧀ꦊꦩꦃꦩꦸꦲꦶꦁꦠꦲꦸꦤ꧀ꦏꦥꦶꦠꦸ;ꦱꦿꦤꦩꦼꦁꦏꦺꦴꦤꦺꦴꦏꦺꦴꦮꦺꦔꦸꦂꦩꦠ꧀ꦠꦶꦄꦭ꧀ꦭꦃ꧉​

^25:3 ꦱꦗꦿꦺꦴꦤꦺꦤꦼꦩ꧀ꦠꦲꦸꦤ꧀ꦏꦺꦴꦮꦺꦏꦸꦢꦸꦤꦤ꧀ꦢꦸꦂꦫꦶꦊꦩꦃꦩꦸ꧈​ꦩꦒꦱ꧀ꦱꦶꦮꦶꦠ꧀ꦲꦁꦒꦸꦂꦩꦸ꧈​ꦭꦤ꧀ꦔ꧀ꦭꦸꦩ꧀ꦥꦸꦏ꧀ꦏꦏꦺꦥꦤꦺꦤ꧀ꦩꦸ꧉​

^25:4 ꦤꦁꦔꦶꦁꦠꦲꦸꦤ꧀ꦏꦥꦶꦠꦸꦏꦸꦮꦶꦏꦺꦴꦚ꧀ꦗꦸꦏ꧀ꦩꦫꦁꦄꦭ꧀ꦭꦃ꧉​ꦩꦸꦭꦤꦺꦲꦶꦁꦠꦲꦸꦤ꧀ꦩꦲꦸꦊꦩꦃꦩꦸꦏꦸꦢꦸꦏꦺꦴꦏ꧀ꦗꦂꦫꦏꦺꦮꦲꦺ꧉​ꦥꦠꦼꦒꦭ꧀ꦭꦤ꧀ꦩꦸꦲꦗꦏꦺꦴꦏ꧀ꦠꦤ꧀ꦢꦸꦂꦫꦶ꧈​ꦭꦤ꧀ꦏꦼꦧꦺꦴꦤ꧀ꦲꦁꦒꦸꦂꦩꦸꦲꦗꦏꦺꦴꦏ꧀ꦥꦒꦱ꧀ꦱꦶ꧉​

^25:5 ꦠꦼꦏꦤ꧀ꦒꦤ꧀ꦢꦸꦩ꧀ꦱꦶꦁꦛꦸꦏꦸꦭ꧀ꦝꦺꦮꦺꦲꦗꦏꦺꦴꦏ꧀ꦲꦼꦤꦺꦤ꧀ꦤꦶ꧈​ꦭꦤ꧀ꦮꦺꦴꦃꦲꦺꦮꦶꦠ꧀ꦲꦁꦒꦸꦂꦩꦸꦱꦶꦁꦲꦺꦴꦫꦏꦺꦴꦏ꧀ꦥꦒꦱ꧀ꦱꦶꦲꦸꦒꦲꦗꦏꦺꦴꦏ꧀ꦲꦸꦤ꧀ꦝꦸꦃ;ꦲꦶꦁꦠꦲꦸꦤ꧀ꦏꦸꦮꦶꦊꦩꦃꦩꦸꦏꦉꦧꦺꦤ꧀ꦔꦱꦺꦴ꧉​

^25:6 ꦲꦺꦮꦱꦼꦩꦺꦴꦤꦺꦴꦥꦩꦼꦠꦸꦤꦺꦊꦩꦃꦩꦲꦸꦧꦏꦭ꧀ꦕꦸꦏꦸꦥ꧀ꦏꦁꦒꦺꦴꦥꦔꦤ꧀ꦩꦸ꧈​ꦥꦔꦤ꧀ꦤꦺꦥꦫꦧꦠꦸꦂꦩꦸ꧈​ꦧꦸꦫꦸꦃꦩꦸꦭꦤ꧀ꦮꦺꦴꦁꦩꦚ꧀ꦕꦱꦶꦁꦩꦁꦒꦺꦴꦤ꧀ꦲꦶꦁꦠꦼꦔꦃꦩꦸ꧉​

^25:7 ꦲꦸꦒꦕꦸꦏꦸꦥ꧀ꦏꦁꦒꦺꦴꦥꦔꦤ꧀ꦤꦺꦫꦗꦏꦪꦩꦸꦭꦤ꧀ꦏꦁꦒꦺꦴꦏꦺꦮꦤ꧀ꦏꦺꦮꦤ꧀ꦲꦭꦱ꧀ꦱꦤ꧀꧉​ꦏꦧꦺꦃꦥꦩꦼꦠꦸꦤꦺꦊꦩꦃꦩꦸꦩꦲꦸꦏ꧀ꦭꦶꦭ꧀ꦭꦤ꧀ꦏꦺꦴꦏ꧀ꦥꦔꦤ꧀꧉"​

^25:8 "ꦔꦺꦠꦸꦁꦔꦥꦶꦠꦸꦁꦠꦲꦸꦤ꧀ꦥꦶꦁꦥꦶꦠꦸ꧈​ꦪꦏꦸꦮꦶꦥꦠꦁꦥꦸꦭꦸꦃꦱꦔꦠꦲꦸꦤ꧀꧉​

^25:9 ꦠꦁꦒꦭ꧀ꦱꦼꦥꦸꦭꦸꦃꦱꦱꦶꦥꦶꦠꦸꦏꦸꦮꦶꦢꦶꦤꦥꦔꦿꦸꦮꦠ꧀ꦠꦶꦁꦢꦺꦴꦱ꧉​ꦲꦶꦁꦢꦶꦤꦩꦲꦸꦏꦸꦢꦸꦲꦤꦮꦺꦴꦁꦱꦶꦁꦔꦸꦤꦺꦏ꧀ꦏꦏꦺꦱ꧀ꦭꦺꦴꦩ꧀ꦥꦿꦺꦠ꧀ꦤ꧀ꦢ꧀ꦭꦗꦃꦲꦶꦱꦤꦼꦒꦫ꧉​

^25:10 ꦩꦼꦁꦏꦺꦴꦤꦺꦴꦲꦼꦁꦒꦺꦴꦤ꧀ꦩꦸꦏꦸꦢꦸꦤꦸꦕꦺꦏ꧀ꦏꦏꦺꦠꦲꦸꦤ꧀ꦱꦶꦁꦏꦥꦶꦁꦱꦺꦏꦼꦠ꧀꧈​ꦭꦤ꧀ꦔꦸꦤ꧀ꦝꦁꦔꦏꦺꦥꦔ꧀ꦭꦸꦮꦂꦫꦤ꧀ꦩꦫꦁꦮꦺꦴꦁꦱꦤꦼꦒꦫꦏꦧꦺꦃ꧉​ꦲꦶꦁꦠꦲꦸꦤ꧀ꦩꦲꦸꦱꦏꦺꦃꦲꦺꦧꦫꦁꦢꦂꦧꦺꦱꦶꦁꦮꦶꦱ꧀ꦢꦶꦲꦼꦢꦺꦴꦭ꧀ꦏꦸꦢꦸꦢꦶꦧꦭꦺꦏ꧀ꦏꦏꦺꦩꦫꦁꦱꦶꦁꦢꦸꦮꦺ꧉​ꦮꦺꦴꦁꦱꦶꦁꦮꦶꦱ꧀ꦢꦶꦲꦼꦢꦺꦴꦭ꧀ꦢꦢꦶꦧꦠꦸꦂꦠꦸꦏꦺꦴꦤ꧀꧈​ꦏꦸꦢꦸꦢꦶꦧꦭꦺꦏ꧀ꦏꦏꦺꦩꦫꦁꦏꦸꦭꦮꦂꦒꦤꦺꦩꦼꦤꦺꦃ꧉​

^25:11 ꦊꦩꦃꦩꦸꦲꦗꦏꦺꦴꦏ꧀ꦠꦤ꧀ꦢꦸꦂꦫꦶ꧈​ꦭꦤ꧀ꦒꦤ꧀ꦢꦸꦩ꧀ꦱꦶꦁꦛꦸꦏꦸꦭ꧀ꦝꦺꦮꦺꦲꦗꦏꦺꦴꦏ꧀ꦲꦼꦤꦺꦤ꧀ꦤꦶ꧈​ꦭꦤ꧀ꦲꦗꦔꦸꦤ꧀ꦝꦸꦃꦮꦺꦴꦃꦲꦁꦒꦸꦂꦱꦏꦏꦼꦧꦺꦴꦤ꧀ꦲꦁꦒꦸꦂꦩꦸꦱꦶꦁꦲꦺꦴꦫꦏꦺꦴꦏ꧀ꦥꦒꦱ꧀ꦱꦶ꧉​

^25:12 ꦩꦼꦂꦒꦠꦲꦸꦤ꧀ꦏꦸꦮꦶꦠꦲꦸꦤ꧀​꧊ꦪꦺꦴꦧꦺꦭ꧀꧈​ꦱꦶꦁꦏꦸꦢꦸꦏꦺꦴꦏ꧀ꦱꦸꦕꦺꦏ꧀ꦏꦏꦺ꧉​ꦥꦩꦼꦠꦸꦤꦺꦛꦼꦛꦸꦏꦸꦭ꧀ꦭꦤ꧀ꦱꦶꦁꦠꦸꦮꦸꦃꦝꦺꦮꦺꦲꦶꦁꦥꦊꦩꦃꦲꦤ꧀ꦩꦸꦏꦸꦮꦶꦛꦺꦴꦏ꧀ꦱꦶꦁꦏꦼꦤꦏꦺꦴꦏ꧀ꦥꦔꦤ꧀꧉​

^25:13 ꦲꦶꦁꦠꦲꦸꦤ꧀​꧊ꦪꦺꦴꦧꦺꦭ꧀ꦱꦏꦺꦃꦲꦶꦁꦥꦊꦩꦃꦲꦤ꧀ꦱꦶꦁꦮꦶꦱ꧀ꦢꦶꦲꦼꦢꦺꦴꦭ꧀ꦏꦸꦢꦸꦢꦶꦧꦭꦺꦏ꧀ꦏꦏꦺꦩꦫꦁꦱꦶꦁꦢꦸꦮꦺ꧉​

^25:14 ꦪꦺꦤ꧀ꦏꦺꦴꦮꦺꦔꦼꦢꦺꦴꦭ꧀ꦥꦊꦩꦃꦲꦤ꧀ꦲꦸꦠꦮꦠꦸꦏꦸꦱꦏꦥꦼꦥꦝꦩꦸꦲꦗꦔꦤ꧀ꦠꦶꦒꦮꦺꦥꦶꦠꦸꦤꦤꦺꦥꦝꦱꦼꦢꦸꦭꦸꦂ꧉​

^25:15 ꦉꦒꦤꦺꦊꦩꦃꦩꦲꦸꦏꦸꦢꦸꦢꦶꦠꦼꦠꦼꦥ꧀ꦥꦏꦺꦩꦶꦠꦸꦫꦸꦠ꧀ꦕꦕꦃꦲꦶꦁꦠꦲꦸꦤ꧀ꦲꦺꦴꦭꦺꦃꦲꦺꦧꦏꦭ꧀ꦥꦤꦺꦤ꧀꧈​ꦠꦼꦏꦤ꧀ꦠꦲꦸꦤ꧀​꧊ꦪꦺꦴꦧꦺꦭ꧀ꦕꦤ꧀ꦝꦏ꧀ꦏꦺ꧉​

^25:16 ꦱꦶꦁꦢꦶꦲꦼꦢꦺꦴꦭ꧀ꦲꦸꦠꦮꦢꦶꦠꦸꦏꦸꦩꦲꦸꦕꦕꦃꦲꦶꦁꦥꦤꦺꦤ꧀ꦤꦤ꧀꧈​ꦩꦸꦭꦤꦺꦉꦒꦤꦺꦊꦩꦃꦩꦲꦸꦲꦸꦤ꧀ꦝꦲꦸꦱꦸꦏ꧀ꦩꦤꦸꦠ꧀ꦕꦕꦃꦲꦺꦥꦤꦺꦤ꧀ꦤꦤ꧀ꦱꦢꦸꦫꦸꦁꦔꦺꦠꦲꦸꦤ꧀​꧊ꦪꦺꦴꦧꦺꦭ꧀ꦕꦤ꧀ꦝꦏ꧀ꦏꦺ꧉​

^25:17 ꦏꦺꦴꦮꦺꦲꦗꦩ꧀ꦧ꧀ꦭꦶꦛꦸꦏ꧀ꦱꦼꦢꦸꦭꦸꦂꦩꦸꦥꦝꦧꦁꦱ꧈​ꦤꦁꦔꦶꦁꦮꦼꦢꦶꦪꦩꦫꦁꦲꦭ꧀ꦭꦃꦩꦸ꧉"​

^25:18 "ꦥꦝꦤꦼꦠꦼꦥ꧀ꦥꦤꦲꦁꦒꦼꦂꦲꦁꦒꦼꦂꦭꦤ꧀ꦝꦮꦸꦃꦲꦺꦄꦭ꧀ꦭꦃ꧈​ꦱꦸꦥꦪꦲꦸꦫꦶꦥ꧀ꦩꦸꦠꦼꦤ꧀ꦠꦽꦩ꧀ꦲꦤꦲꦶꦁꦠꦤꦃꦏꦺꦤꦺ꧉​

^25:19 ꦥꦩꦼꦠꦸꦤꦺꦠꦤꦃꦲꦶꦏꦶꦧꦏꦭ꧀ꦕꦸꦏꦸꦥ꧀ꦏꦺꦴꦏ꧀ꦥꦔꦤ꧀ꦔꦤ꧀ꦠꦶꦮꦉꦒ꧀꧈​ꦭꦤ꧀ꦏꦺꦴꦮꦺꦧꦶꦱꦩꦁꦒꦺꦴꦤ꧀ꦲꦶꦁꦏꦺꦴꦤꦺꦴꦏ꧀ꦭꦮꦤ꧀ꦠꦼꦤ꧀ꦠꦽꦩ꧀꧉​

^25:20 ꦪꦺꦤ꧀ꦲꦤꦮꦺꦴꦁꦠꦏꦺꦴꦤ꧀꧈​‘ꦲꦥꦱꦶꦁꦧꦏꦭ꧀ꦢꦏ꧀ꦥꦁꦔꦤ꧀ꦲꦶꦁꦠꦲꦸꦤ꧀ꦏꦥꦶꦠꦸ꧈​ꦪꦺꦤ꧀ꦲꦺꦴꦫꦏꦼꦤꦚꦼꦧꦂꦭꦤ꧀ꦲꦺꦴꦫꦏꦼꦤꦔꦼꦤꦺꦤ꧀ꦤꦶꦥꦊꦩꦃꦲꦤ꧀ꦏꦸ?’

^25:21 ꦲꦶꦁꦠꦲꦸꦤ꧀ꦱꦶꦁꦏꦤꦼꦩ꧀ꦒꦸꦱ꧀ꦠꦶꦄꦭ꧀ꦭꦃꦧꦏꦭ꧀ꦩ꧀ꦧꦼꦂꦏꦃꦲꦶꦥꦊꦩꦃꦲꦤ꧀ꦩꦸꦔꦤ꧀ꦠꦶꦥꦩꦼꦠꦸꦤꦺꦕꦸꦏꦸꦥ꧀ꦏꦺꦴꦏ꧀ꦥꦔꦤ꧀ꦫꦺꦴꦁꦠꦲꦸꦤ꧀꧉​

^25:22 ꦩꦭꦃꦪꦺꦤ꧀ꦏꦺꦴꦮꦺꦔ꧀ꦒꦫꦥ꧀ꦊꦩꦃꦩꦸꦲꦶꦁꦠꦲꦸꦤ꧀ꦏꦮꦺꦴꦭꦸ꧈​ꦥꦤꦺꦤ꧀ꦤꦤ꧀ꦩꦸꦱꦶꦁꦧꦶꦪꦺꦤ꧀ꦢꦸꦫꦸꦁꦲꦼꦤ꧀ꦠꦺꦏ꧀ꦏꦺꦴꦏ꧀ꦥꦔꦤ꧀꧈​ꦲꦶꦱꦶꦃꦕꦸꦏꦸꦥ꧀ꦏꦺꦴꦏ꧀ꦥꦔꦤ꧀ꦔꦤ꧀ꦠꦶꦠꦼꦏꦤꦺꦥꦤꦺꦤ꧀ꦤꦤ꧀ꦠꦲꦸꦤ꧀ꦏꦮꦺꦴꦭꦸꦩꦲꦸ꧉"​

^25:23 "ꦏꦺꦴꦮꦺꦲꦺꦴꦫꦏꦼꦤꦔꦼꦢꦺꦴꦭ꧀ꦊꦩꦃꦩꦸ;ꦱꦶꦁꦏꦼꦤꦏꦺꦴꦏ꧀ꦲꦼꦢꦺꦴꦭ꧀ꦩꦸꦁꦮꦼꦮꦼꦤꦁꦩꦸ꧉​ꦩꦼꦂꦒꦊꦩꦃꦏꦸꦮꦶꦢꦸꦢꦸꦢꦸꦮꦺꦏ꧀ꦩꦸ꧈​ꦤꦁꦔꦶꦁꦏꦒꦸꦁꦔꦤ꧀ꦤꦺꦄꦭ꧀ꦭꦃ꧉​ꦢꦺꦤꦺꦏꦺꦴꦮꦺꦲꦶꦧꦫꦠ꧀ꦠꦺꦏꦪꦮꦺꦴꦁꦩꦚ꧀ꦕꦱꦶꦁꦲꦺꦴꦭꦺꦃꦮꦼꦮꦼꦤꦁꦔ꧀ꦒꦫꦥ꧀ꦊꦩꦃꦩꦲꦸ꧉​

^25:24 ꦱꦼꦤꦗꦤ꧀ꦊꦩꦃꦮꦶꦱ꧀ꦢꦶꦲꦼꦢꦺꦴꦭ꧀꧈​ꦱꦶꦁꦢꦸꦮꦺꦊꦩꦃꦩꦲꦸꦠꦼꦠꦼꦥ꧀ꦮꦼꦤꦁꦤꦼꦧꦸꦱ꧀ꦊꦩꦃꦲꦺꦩꦼꦤꦺꦃ꧉​

^25:25 ꦪꦺꦤ꧀ꦲꦤꦮꦺꦴꦁ​꧊ꦆꦱꦿꦲꦺꦭ꧀ꦱꦶꦁꦩꦼꦂꦒꦱꦏꦩ꧀ꦭꦫꦠ꧀ꦠꦺꦏꦼꦥꦼꦏ꧀ꦱꦔꦼꦢꦺꦴꦭ꧀ꦊꦩꦃꦲꦺ꧈​ꦱꦤꦏ꧀ꦱꦼꦢꦸꦭꦸꦂꦫꦺꦱꦶꦁꦕꦼꦝꦏ꧀ꦝꦺꦮꦺꦮꦗꦶꦧ꧀ꦤꦼꦧꦸꦱ꧀ꦊꦩꦃꦩꦲꦸ꧉​

^25:26 ꦪꦺꦤ꧀ꦮꦺꦴꦁꦩꦲꦸꦲꦺꦴꦫꦢꦸꦮꦺꦱꦤꦏ꧀ꦱꦼꦢꦸꦭꦸꦂꦱꦶꦁꦧꦶꦱꦤꦼꦧꦸꦱ꧀ꦊꦩꦃꦏꦸꦮꦶ꧈​ꦧꦶꦱꦲꦸꦒꦮꦺꦴꦁꦩꦲꦸꦩ꧀ꦧꦺꦱꦸꦏ꧀ꦪꦺꦤ꧀ꦮꦶꦱ꧀ꦏꦸꦮꦠ꧀꧈​ꦏꦸꦮꦒꦁꦤꦼꦧꦸꦱ꧀ꦝꦺꦮꦺ꧉​

^25:27 ꦲꦏꦺꦃꦱꦼꦛꦶꦛꦶꦏ꧀ꦏꦺꦠꦼꦧꦸꦱ꧀ꦱꦤ꧀ꦒꦸꦩꦤ꧀ꦠꦸꦁꦱꦏꦕꦕꦃꦲꦺꦠꦲꦸꦤ꧀ꦥꦤꦺꦤ꧀ꦤꦤ꧀ꦔꦤ꧀ꦠꦶꦠꦼꦏꦤꦺꦠꦲꦸꦤ꧀​꧊ꦪꦺꦴꦧꦺꦭ꧀꧉​ꦲꦶꦁꦠꦲꦸꦤ꧀​꧊ꦪꦺꦴꦧꦺꦭ꧀ꦊꦩꦃꦩꦲꦸꦮꦗꦶꦧ꧀ꦢꦶꦧꦭꦺꦏ꧀ꦏꦏꦺꦩꦫꦁꦱꦶꦁꦢꦸꦮꦺꦧꦶꦪꦺꦤ꧀꧉​

^25:28 ꦤꦁꦔꦶꦁꦪꦺꦤ꧀ꦱꦶꦁꦔꦼꦢꦺꦴꦭ꧀ꦊꦩꦃꦩꦲꦸꦲꦺꦴꦫꦢꦸꦮꦺꦝꦸꦮꦶꦠ꧀ꦏꦁꦒꦺꦴꦤꦼꦧꦸꦱ꧀꧈​ꦊꦩꦃꦩꦲꦸꦠꦼꦠꦼꦥ꧀ꦢꦢꦶꦮꦼꦮꦼꦤꦁꦔꦺꦱꦶꦁꦠꦸꦏꦸ꧈​ꦔꦤ꧀ꦠꦶꦠꦼꦏꦤꦺꦠꦲꦸꦤ꧀​꧊ꦪꦺꦴꦧꦺꦭ꧀꧉​ꦲꦶꦁꦠꦲꦸꦤ꧀ꦏꦸꦮꦶꦊꦩꦃꦩꦲꦸꦧꦏꦭ꧀ꦧꦭꦶꦢꦢꦶꦢꦸꦮꦺꦏ꧀ꦏꦺꦱꦶꦁꦔꦼꦢꦺꦴꦭ꧀ꦧꦶꦪꦺꦤ꧀꧉​

^25:29 ꦲꦺꦴꦩꦃꦲꦶꦁꦚ꧀ꦗꦼꦫꦺꦴꦤ꧀ꦏꦸꦛꦱꦶꦁꦢꦶꦥꦒꦼꦂꦫꦶꦠꦺꦩ꧀ꦧꦺꦴꦏ꧀ꦩꦸꦧꦼꦁ꧈​ꦪꦺꦤ꧀ꦢꦶꦲꦼꦢꦺꦴꦭ꧀ꦏꦼꦤꦢꦶꦠꦼꦧꦸꦱ꧀ꦱꦗꦿꦺꦴꦤꦺꦱꦼꦠꦲꦸꦤ꧀ꦱꦮꦶꦱ꧀ꦱꦺꦢꦺꦴꦭ꧀ꦠꦶꦤꦸꦏꦸꦩꦲꦸ꧉​

^25:30 ꦪꦺꦤ꧀ꦱꦗꦿꦺꦴꦤꦺꦮꦼꦏ꧀ꦠꦸꦏꦸꦮꦶꦲꦺꦴꦫꦢꦶꦠꦼꦧꦸꦱ꧀꧈​ꦮꦼꦮꦼꦤꦁꦔꦺꦤꦼꦧꦸꦱ꧀ꦲꦺꦴꦩꦃꦩꦲꦸꦲꦶꦭꦁ꧉​ꦲꦺꦴꦩꦃꦏꦸꦮꦶꦱꦠꦼꦫꦸꦱ꧀ꦱꦺꦢꦢꦶꦮꦼꦮꦼꦤꦁꦔꦺꦱꦶꦁꦠꦸꦏꦸꦠꦸꦫꦸꦤ꧀ꦠꦼꦩꦸꦫꦸꦤ꧀꧉​ꦲꦶꦁꦠꦲꦸꦤ꧀​꧊ꦪꦺꦴꦧꦺꦭ꧀ꦲꦺꦴꦩꦃꦩꦲꦸꦲꦺꦴꦫꦢꦶꦧꦭꦺꦏ꧀ꦏꦏꦺꦩꦫꦁꦱꦶꦁꦢꦸꦮꦺꦧꦶꦪꦺꦤ꧀꧉​

^25:31 ꦲꦺꦴꦩꦃꦲꦶꦁꦢꦺꦱꦱꦶꦁꦲꦺꦴꦫꦢꦶꦥꦒꦼꦂꦫꦶꦠꦺꦩ꧀ꦧꦺꦴꦏ꧀ꦩꦸꦧꦼꦁꦪꦺꦤ꧀ꦢꦶꦲꦼꦢꦺꦴꦭ꧀ꦥꦽꦤꦠꦤꦺꦥꦝꦏꦫꦺꦴꦊꦩꦃꦥꦠꦼꦒꦭ꧀ꦭꦤ꧀꧈​ꦪꦏꦸꦮꦶ:ꦱꦶꦁꦔꦼꦢꦺꦴꦭ꧀ꦮꦼꦤꦁꦤꦼꦧꦸꦱ꧀ꦲꦺꦴꦩꦃꦩꦲꦸ꧈​ꦭꦤ꧀ꦲꦶꦁꦠꦲꦸꦤ꧀​꧊ꦪꦺꦴꦧꦺꦭ꧀ꦲꦺꦴꦩꦃꦩꦲꦸꦏꦸꦢꦸꦢꦶꦧꦭꦺꦏ꧀ꦏꦏꦺꦩꦫꦁꦱꦶꦁꦢꦸꦮꦺ꧉​

^25:32 ꦤꦁꦔꦶꦁꦮꦺꦴꦁ​꧊ꦭꦺꦮꦶꦱꦼꦭꦮꦱ꧀ꦱꦺꦮꦼꦤꦁꦤꦼꦧꦸꦱ꧀ꦲꦺꦴꦩꦃꦲꦺꦲꦶꦁꦚ꧀ꦗꦼꦫꦺꦴꦤ꧀ꦏꦸꦛꦱꦶꦁꦢꦶꦠꦼꦠꦼꦥ꧀ꦥꦏꦺꦢꦢꦶꦥꦢꦸꦤꦸꦁꦔꦤ꧀ꦤꦺ꧉​

^25:33 ꦲꦺꦮꦢꦺꦤꦺꦪꦺꦤ꧀ꦮꦺꦴꦁ​꧊ꦭꦺꦮꦶꦱꦶꦁꦔꦼꦢꦺꦴꦭ꧀ꦲꦺꦴꦩꦃꦲꦺꦲꦶꦁꦚ꧀ꦗꦼꦫꦺꦴꦤ꧀ꦏꦸꦛꦩꦲꦸꦲꦺꦴꦫꦤꦼꦧꦸꦱ꧀꧈​ꦲꦺꦴꦩꦃꦩꦲꦸꦲꦶꦁꦠꦲꦸꦤ꧀​꧊ꦪꦺꦴꦧꦺꦭ꧀ꦏꦸꦢꦸꦢꦶꦧꦭꦺꦏ꧀ꦏꦏꦺꦩꦫꦁꦝꦺꦮꦺꦏ꧀ꦏꦺ꧉​ꦩꦼꦂꦒꦲꦺꦴꦩꦃꦲꦺꦮꦺꦴꦁ​꧊ꦭꦺꦮꦶꦱꦶꦁꦲꦤꦲꦶꦁꦚ꧀ꦗꦼꦫꦺꦴꦤ꧀ꦏꦸꦛꦏꦸꦮꦶꦢꦸꦮꦺꦏ꧀ꦏꦺꦮꦺꦴꦁ​꧊ꦭꦺꦮꦶꦲꦶꦁꦲꦤ꧀ꦠꦫꦤꦺꦲꦸꦩꦠ꧀​꧊ꦆꦱꦿꦲꦺꦭ꧀꧈​ꦱꦶꦁꦲꦺꦴꦫꦏꦼꦤꦢꦶꦲꦺꦴꦮꦃꦲꦺꦴꦮꦃ꧉​

^25:34 ꦲꦫꦲꦫꦩꦶꦤꦁꦏꦥꦔꦺꦴꦤ꧀ꦤꦤ꧀ꦱꦶꦁꦲꦤꦲꦶꦁꦏꦶꦮꦠꦼꦔꦼꦤ꧀ꦤꦺꦏꦸꦛꦏꦸꦛꦤꦺꦮꦺꦴꦁ​꧊ꦭꦺꦮꦶꦧꦧꦂꦥꦶꦱꦤ꧀ꦲꦺꦴꦫꦏꦼꦤꦢꦶꦲꦼꦢꦺꦴꦭ꧀꧉​ꦏꦸꦮꦶꦢꦸꦮꦺꦏ꧀ꦏꦺꦮꦺꦴꦁ​꧊ꦭꦺꦮꦶꦲꦶꦁꦱꦼꦭꦮꦱ꧀ꦭꦮꦱ꧀ꦱꦺ꧉"​

^25:35 "ꦪꦺꦤ꧀ꦲꦶꦁꦥꦁꦒꦺꦴꦤ꧀ꦤꦤ꧀ꦩꦸꦲꦤꦱꦼꦢꦸꦭꦸꦂꦩꦸꦮꦺꦴꦁ​꧊ꦆꦱꦿꦲꦺꦭ꧀ꦱꦶꦁꦲꦺꦴꦫꦢꦸꦮꦺꦔꦤ꧀ꦠꦶꦲꦺꦴꦫꦧꦶꦱꦩꦢꦼꦒ꧀ꦝꦺꦮꦺ꧈​ꦏꦸꦢꦸꦏꦺꦴꦏ꧀ꦱꦺꦴꦏꦺꦴꦁ꧈​ꦥꦝꦲꦏꦺꦃꦲꦺꦏꦫꦺꦴꦪꦺꦤ꧀ꦏꦺꦴꦮꦺꦔꦺꦴꦥꦃꦲꦶꦧꦸꦫꦸꦃꦲꦫꦶꦪꦤ꧀꧉​ꦏꦪꦩꦼꦁꦏꦺꦴꦤꦺꦴꦥꦠꦿꦥ꧀ꦥꦺꦲꦼꦁꦒꦺꦴꦤ꧀ꦩꦸꦔꦸꦏꦸꦥ꧀ꦱꦼꦢꦸꦭꦸꦂꦩꦸ꧉​

^25:36 (25:36-37)ꦏꦺꦴꦮꦺꦲꦗꦚ꧀ꦗꦭꦸꦏ꧀ꦲꦤꦏ꧀ꦏꦤ꧀ꦝꦸꦮꦶꦠ꧀ꦱꦶꦁꦏꦺꦴꦏ꧀ꦲꦸꦠꦁꦔꦏꦺꦩꦫꦁꦱꦼꦢꦸꦭꦸꦂꦩꦸꦱꦶꦁꦏꦼꦱꦿꦏꦠ꧀ꦩꦲꦸ꧉​ꦏꦺꦴꦮꦺꦮꦼꦢꦶꦪꦩꦫꦁꦄꦭ꧀ꦭꦃ꧉​ꦏꦉꦧꦺꦤ꧀ꦱꦼꦢꦸꦭꦸꦂꦩꦸꦩꦲꦸꦊꦱ꧀ꦠꦫꦶꦲꦸꦫꦶꦥ꧀꧉​

^25:37 (25:36)

^25:38 ꦩꦼꦁꦏꦺꦴꦤꦺꦴꦝꦮꦸꦃꦲꦺꦥꦔꦺꦫꦤ꧀ꦲꦭ꧀ꦭꦃꦩꦸ꧈​ꦱꦶꦁꦔꦶꦫꦶꦢ꧀ꦏꦺꦴꦮꦺꦩꦼꦠꦸꦱꦏꦲꦶꦁꦠꦤꦃ​꧊ꦩꦺꦱꦶꦂꦭꦤ꧀ꦩꦫꦶꦁꦔꦏꦺꦠꦤꦃ​꧊ꦏꦺꦤꦲꦤ꧀ꦩꦫꦁꦏꦺꦴꦮꦺ꧈​ꦱꦸꦥꦪꦥꦚ꧀ꦗꦼꦤꦼꦁꦔꦤ꧀ꦤꦺꦗꦸꦩꦼꦤꦼꦁꦢꦢꦶꦲꦭ꧀ꦭꦃꦩꦸ꧉"​

^25:39 "ꦩꦼꦤꦮꦲꦤꦱꦼꦢꦸꦭꦸꦂꦩꦸꦮꦺꦴꦁ​꧊ꦆꦱꦿꦲꦺꦭ꧀ꦱꦶꦁꦩꦁꦒꦺꦴꦤ꧀ꦲꦶꦁꦱꦕꦼꦝꦏ꧀ꦩꦸꦤꦤ꧀ꦝꦁꦏꦼꦏꦸꦫꦁꦔꦤ꧀꧈​ꦔꦤ꧀ꦠꦶꦔꦼꦢꦺꦴꦭ꧀ꦲꦮꦏ꧀ꦏꦺꦝꦺꦮꦺꦢꦢꦶꦧꦠꦸꦂꦠꦸꦏꦺꦴꦤ꧀ꦩꦸ꧈​ꦮꦺꦴꦁꦩꦲꦸꦲꦗꦏꦺꦴꦏ꧀ꦉꦁꦏꦸꦃꦏꦪꦧꦠꦸꦂꦠꦸꦏꦺꦴꦤ꧀꧉​

^25:40 ꦮꦺꦴꦁꦏꦸꦮꦶꦲꦁꦒꦼꦥ꧀ꦥꦼꦤ꧀ꦧꦸꦫꦸꦃꦲꦫꦶꦪꦤ꧀ꦲꦶꦁꦲꦺꦴꦩꦃꦩꦸꦠꦼꦏꦤ꧀ꦠꦲꦸꦤ꧀​꧊ꦪꦺꦴꦧꦺꦭ꧀ꦕꦤ꧀ꦝꦏ꧀ꦏꦺ꧉​

^25:41 ꦲꦶꦁꦮꦼꦏ꧀ꦠꦸꦏꦸꦮꦶꦮꦺꦴꦁꦩꦲꦸꦭꦤ꧀ꦲꦤꦏ꧀ꦲꦤꦏ꧀ꦏꦺꦏꦸꦢꦸꦩꦼꦠꦸꦱꦏꦲꦺꦴꦩꦃꦩꦸ꧈​ꦧꦭꦶꦩꦼꦚꦁꦏꦸꦭꦮꦂꦒꦤꦺ꧈​ꦭꦤ꧀ꦩꦼꦚꦁꦥꦊꦩꦃꦲꦤ꧀ꦤꦺꦊꦭꦸꦲꦸꦂꦫꦺ꧉​

^25:42 ꦧꦁꦱ​꧊ꦆꦱꦿꦲꦺꦭ꧀ꦏꦸꦮꦶꦲꦧ꧀ꦢꦶꦤꦺꦄꦭ꧀ꦭꦃ꧈​ꦩꦼꦂꦒꦥꦚ꧀ꦗꦼꦤꦼꦁꦔꦤ꧀ꦤꦺꦱꦶꦁꦔꦶꦫꦶꦢ꧀ꦱꦏꦠꦤꦃ​꧊ꦩꦺꦱꦶꦂ;ꦩꦸꦭꦤꦺꦲꦺꦴꦫꦏꦼꦤꦢꦶꦲꦼꦢꦺꦴꦭ꧀ꦏꦪꦧꦠꦸꦂꦠꦸꦏꦺꦴꦤ꧀꧉​

^25:43 ꦢꦢꦶꦮꦺꦴꦁ​꧊ꦆꦱꦿꦲꦺꦭ꧀ꦱꦶꦁꦢꦢꦶꦧꦠꦸꦂꦩꦸꦲꦺꦴꦫꦏꦼꦤꦢꦶꦱꦶꦪꦱꦶꦪ꧉​ꦥꦝꦮꦼꦢꦶꦪꦩꦫꦁꦄꦭ꧀ꦭꦃ꧉​

^25:44 ꦪꦺꦤ꧀ꦏꦺꦴꦮꦺꦧꦸꦠꦸꦃꦧꦠꦸꦂꦠꦸꦏꦺꦴꦤ꧀꧈​ꦠꦸꦏꦸꦮꦱꦶꦁꦲꦱꦭ꧀ꦭꦺꦱꦏꦧꦁꦱꦧꦁꦱꦱꦏꦶꦮꦠꦼꦔꦼꦤ꧀ꦩꦸ꧉​

^25:45 ꦲꦸꦠꦮꦠꦸꦏꦸꦮꦲꦤꦏ꧀ꦲꦤꦏ꧀ꦏꦺꦮꦺꦴꦁꦩꦚ꧀ꦕꦱꦶꦁꦩꦁꦒꦺꦴꦤ꧀ꦲꦶꦁꦲꦤ꧀ꦠꦫꦩꦸ꧉​ꦲꦤꦏ꧀ꦲꦤꦏ꧀ꦏꦺꦮꦺꦴꦁꦩꦚ꧀ꦕꦱꦶꦁꦭꦲꦶꦂꦲꦶꦁꦤꦼꦒꦫꦩꦸ꧈​ꦏꦼꦤꦏꦺꦴꦏ꧀ꦢꦢꦺꦏ꧀ꦏꦏꦺꦧꦠꦸꦂꦠꦸꦏꦺꦴꦤ꧀ꦩꦸ꧈​

^25:46 ꦭꦤ꧀ꦏꦼꦤꦏꦺꦴꦏ꧀ꦮꦫꦶꦱ꧀ꦱꦏꦺꦩꦫꦁꦲꦤꦏ꧀ꦲꦤꦏ꧀ꦩꦸꦱꦼꦭꦮꦱ꧀ꦱꦺꦲꦸꦫꦶꦥ꧀꧉​ꦤꦁꦔꦶꦁꦥꦼꦥꦝꦩꦸꦮꦺꦴꦁ​꧊ꦆꦱꦿꦲꦺꦭ꧀ꦲꦺꦴꦫꦏꦼꦤꦏꦺꦴꦏ꧀ꦱꦶꦪꦱꦶꦪ꧉​

^25:47 ꦩꦼꦤꦮꦲꦶꦁꦠꦼꦔꦃꦩꦸꦲꦤꦮꦺꦴꦁꦩꦚ꧀ꦕꦢꦢꦶꦱꦸꦒꦶꦃ꧈​ꦩꦁꦏꦲꦤꦥꦼꦥꦝꦩꦸꦮꦺꦴꦁ​꧊ꦆꦱꦿꦲꦺꦭ꧀ꦱꦶꦁꦤꦤ꧀ꦝꦁꦏꦼꦏꦸꦫꦁꦔꦤ꧀꧈​ꦭꦤ꧀ꦔꦼꦢꦺꦴꦭ꧀ꦲꦮꦏ꧀ꦏꦺꦢꦢꦶꦧꦠꦸꦂꦠꦸꦏꦺꦴꦤ꧀ꦤꦺꦮꦺꦴꦁꦩꦚ꧀ꦕꦩꦲꦸꦲꦸꦠꦮꦩꦫꦁꦱꦤꦏ꧀ꦱꦼꦢꦸꦭꦸꦂꦫꦺꦮꦺꦴꦁꦩꦚ꧀ꦕꦏꦸꦮꦶ꧈​

^25:48 ꦮꦺꦴꦁ​꧊ꦆꦱꦿꦲꦺꦭ꧀ꦩꦲꦸꦏꦼꦤꦢꦶꦠꦼꦧꦸꦱ꧀ꦢꦺꦤꦶꦁꦱꦼꦢꦸꦭꦸꦂꦫꦺꦭꦤꦁ꧈​

^25:49 ꦲꦸꦠꦮꦢꦺꦤꦶꦁꦥꦩꦤ꧀ꦤꦺ꧈​ꦲꦸꦠꦮꦢꦺꦤꦶꦁꦤꦏ꧀ꦱꦤ꧀ꦤꦏꦺ꧈​ꦲꦸꦠꦮꦢꦺꦤꦶꦁꦱꦤꦏ꧀ꦱꦼꦢꦸꦭꦸꦂꦫꦺꦱꦶꦁꦕꦼꦝꦏ꧀꧉​ꦲꦸꦠꦮ꧈​ꦩꦼꦤꦮꦮꦺꦴꦁꦩꦲꦸꦲꦶꦁꦠꦼꦩ꧀ꦧꦺꦢꦸꦮꦺꦝꦸꦮꦶꦠ꧀ꦝꦺꦮꦺ꧈​ꦏꦼꦤꦤꦼꦧꦸꦱ꧀ꦲꦮꦏ꧀ꦏꦺꦝꦺꦮꦺ꧉​

^25:50 ꦮꦺꦴꦁꦱꦶꦁꦢꦢꦶꦧꦠꦸꦂꦠꦸꦏꦺꦴꦤ꧀ꦩꦲꦸꦏꦸꦢꦸꦉꦩ꧀ꦧꦸꦒꦤ꧀ꦏꦫꦺꦴꦧꦼꦤ꧀ꦢꦫꦤꦺ꧉​ꦏꦸꦢꦸꦥꦝꦔꦺꦠꦸꦁꦕꦕꦃꦲꦺꦠꦲꦸꦤ꧀ꦮꦶꦮꦶꦠ꧀ꦲꦼꦁꦒꦺꦴꦤꦺꦢꦶꦠꦸꦏꦸꦢꦢꦶꦧꦠꦸꦂꦠꦸꦏꦺꦴꦤ꧀ꦠꦼꦏꦤ꧀ꦠꦲꦸꦤ꧀​꧊ꦪꦺꦴꦧꦺꦭ꧀ꦕꦤ꧀ꦝꦏ꧀ꦏꦺ꧉​ꦱꦮꦶꦱ꧀ꦱꦺꦩꦼꦁꦏꦺꦴꦤꦺꦴꦭꦒꦶꦤꦼꦠꦼꦥ꧀ꦥꦏꦺꦥꦶꦫꦱꦶꦁꦏꦸꦢꦸꦢꦶꦧꦪꦂꦏꦁꦒꦺꦴꦥꦤꦼꦧꦸꦱ꧀ꦱꦺ꧉​ꦉꦒꦩꦲꦸꦏꦸꦢꦸꦢꦶꦠꦼꦠꦼꦥ꧀ꦥꦏꦺꦩꦤꦸꦠ꧀ꦲꦺꦴꦥꦃꦲꦺꦲꦫꦶꦪꦤ꧀꧉​

^25:51 (25:51-52)ꦮꦺꦴꦁꦱꦶꦁꦢꦢꦶꦧꦠꦸꦂꦠꦸꦏꦺꦴꦤ꧀ꦏꦸꦢꦸꦩ꧀ꦧꦭꦺꦏ꧀ꦏꦏꦺꦱꦥꦺꦫꦔꦤꦺꦝꦸꦮꦶꦠ꧀ꦥꦠꦸꦏꦺꦴꦤ꧀ꦩꦤꦸꦠ꧀ꦕꦕꦃꦲꦺꦠꦲꦸꦤ꧀ꦠꦼꦏꦤ꧀ꦠꦲꦸꦤ꧀​꧊ꦪꦺꦴꦧꦺꦭ꧀ꦕꦤ꧀ꦝꦏ꧀ꦏꦺ꧈​

^25:52 (25:51)

^25:53 ꦢꦢꦶꦏꦪꦧꦸꦫꦸꦃꦱꦶꦁꦢꦶꦧꦪꦂꦢꦺꦤꦶꦁꦧꦼꦤ꧀ꦢꦫꦤꦺ꧈​ꦲꦺꦴꦫꦏꦼꦤꦢꦶꦱꦶꦪꦱꦶꦪ꧉​

^25:54 ꦩꦼꦤꦮꦲꦺꦴꦫꦲꦤꦥꦠꦿꦥ꧀ꦭꦶꦪꦤꦺꦏꦁꦒꦺꦴꦔ꧀ꦭꦸꦮꦂꦫꦶꦧꦠꦸꦂꦠꦸꦏꦺꦴꦤ꧀ꦩꦲꦸ꧈​ꦝꦺꦮꦺꦏ꧀ꦏꦺꦭꦤ꧀ꦲꦤꦏ꧀ꦲꦤꦏ꧀ꦏꦺꦏꦸꦢꦸꦢꦶꦭꦸꦮꦂꦫꦶꦲꦶꦁꦠꦲꦸꦤ꧀​꧊ꦪꦺꦴꦧꦺꦭ꧀ꦕꦤ꧀ꦝꦏ꧀ꦏꦺ꧉​

^25:55 ꦮꦺꦴꦁ​꧊ꦆꦱꦿꦲꦺꦭ꧀ꦲꦺꦴꦫꦏꦼꦤꦢꦢꦶꦧꦠꦸꦂꦠꦸꦏꦺꦴꦤ꧀ꦱꦼꦭꦮꦱ꧀ꦱꦺꦲꦸꦫꦶꦥ꧀꧈​ꦩꦼꦂꦒꦧꦁꦱꦏꦸꦮꦶꦲꦧ꧀ꦢꦶꦤꦺꦄꦭ꧀ꦭꦃ꧉​ꦄꦭ꧀ꦭꦃꦥꦶꦪꦩ꧀ꦧꦏ꧀ꦱꦶꦁꦔꦶꦫꦶꦢ꧀ꦧꦁꦱꦩꦲꦸꦩꦼꦠꦸꦱꦏꦲꦶꦁꦠꦤꦃ​꧊ꦩꦺꦱꦶꦂ꧉​ꦥꦚ꧀ꦗꦼꦤꦼꦁꦔꦤ꧀ꦤꦺꦏꦸꦮꦶꦥꦔꦺꦫꦤ꧀꧈​ꦲꦭ꧀ꦭꦃꦲꦺ꧉"​