Epistola I al Thessalonicenses Capitulo 1

1 Paulo, Silvano e Timotheo, al ecclesias del Thessalonicenses, que es 
   in Deo nostre Patre e in le Senior Jesus Christo, gratias a vos e pace. 

 2 Nos rende semper gratias a Deo pro vos, fratres, recordante vos in nostre orationes,


 3 recordante nos semper coram nostre Deo e Patre, del opera de vostre fide, del fatigas
   del vostre amor e del constantia del vostre sperantia in nostre Senior Jesus Christo;

 4 cognoscente, fratres amate de Deo, vostre election. 

 5 Pois que nostre Evangelo non vos esseva annunciate solmente con parolas,
   sed etiam con potentia, con le Spirito Sancte e con grande plenitude de 
   conviction; e de facto vos sape lo que nos ha facite inter vos pro amor vostre.

 6 E vos deveniva imitator nostre e del Senior, habente recipite le Parola 
   in medio a multe afflictiones, con allegressa del Spirito Sancte;  

 7 assi que vos deveniva un exemplo pro tote le credentes del Macedonia e del Achaia.

 8 Pois que ab vos le parola del Senior ha echoate non solmente
   in Macedonia e Achaia, sed le fama del fide que vos ha in Deo 
   se diffundeva in omne loco; de modo que nos non ha plus necessitate de parlar; 

 9 perque illes mesme narra de nos, qual esseva nostre venita inter vos, e como vos ha 
   convertite ab le idolos a Deo pro servir le Deo vivente e verace, e pro sperar ab le celos su Filio,

 10 le qual Ille ha resuscitate ab le mortos; id est, Jesus qui nos libera ab ira a venir.

1 2 3 4 5

---

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud

Rev