Epistola I a Timotheo Capitulo 5
Jump to navigation
Jump to search
1 Non reprehender le veteres, sed exhorta les como a patres;
2 le juvene homines, como fratres; le feminas ancian, como matres; le juvene feminas,
como sorores, in omne castitate.
3 Honora le viduas qui es vermente vidua.
4 Sed si un vidua ha filios o neptos, que illes apprende a monstrar pietate al proprie familia
e a sustener lor parentes, perque isto es acceptabile coram Deo.
5 Ora, le vidua que es vermente tal e es desolate, spera in Deo, e es diligente
in supplicationes e orationes nocte e die.
6 sed illa qui vive in placeres, anque si vive, es morte.
7 Dunque tu denuncia iste cosas, a fin que illas sia irreprehensibile.
8 Perque si uno non provide al sues, e principalmente a illes de su familia,
ha renegate le fide, e es pejor del incredule.
9 Sia le vidua considerate tal quando ha non minus de sexanta annos, e quando ha essite uxor de un sol marito,
10 quando es cognoscite per su bon operas: per haber elevate filios, exercitate le hospitalitate,
lavate le pedes al sanctos, succurrite le affligite e practicate omne bon opera.
11 Sed refusa viduas plus juvene, perque, post devenir luxuriose contra Christo, illas se vole sponsar,
12 essente condemnate per haber violate le prime fide;
13 e ultra a isto illas apprende etiam a esser otiose, vadente de casa in casa; e non
solmente otiose, sed etiam garrule e intrigante, parlante de cosas inopportun.
14 Io volerea dunque que le juvene feminas se marita, que genera filios, e que governa
lor casa, pro non dar al adversarios alcun occasion de maledicentia,
15 pois que jam alcun de illas se deviava pro vader post Satan.
16 Si alcun credente ha viduas, que las succurre, a fin que le ecclesia non sia gravate,
pro poter succurrer illas qui es vermente necessitose.
17 Le presbyteros qui ben preside, sia reputate digne de duple honor, specialmente
illes qui labora in le predication e in le inseniamento;
18 pois que le Scriptura dice: Non musellar le bove que tribula; e le obrero es digne de su mercede.
19 Non reciper accusa contra un presbytero, excepte con le deposition de duo o tres testes.
20 Qui pecca sia reprehendite in presentia de omnes, a fin que etiam le alteres time.
21 Io te implora ante Deo, Christo Jesus e le angelos electe, que tu observa iste cosas
sin facer nihil con partialitate.
22 Non imponer con precipitation le manos a alcun, e non participar al peccatos alien; conserva te pur.
23 Non continuar a biber sol aqua, sed bibe un poco de vino a causa de tu stomacho e de tu frequente infirmitates.
24 Le peccatos de alcun homines es manifeste ante le judicio; e in vice alteres es discoperite solmente postea.
25 Similemente, etiam le bon operas es manifeste; e illos que non lo es, non pote remaner occulte.
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev