Epistola I a Timotheo Capitulo 3
1 Fidel es iste parola: Si uno aspira al episcopato, desidera un opera bon. 2 Le episcopo debe esser irreprehensibile, marito de un sol uxor, sobrie, temperante, prudente, hospital, apte a inseniar, 3 non vinolente ni percussor, ma sia modeste, non litigiose, non cupide, 4 que governa ben su familia e que tene su filios in obedientia e in tote reverentia 5 (pois si uno non sape governar su proprie familia, como potera governar le ecclesia de Deo?), 6 que non sia neophyto, pro non devenir superbe e cader in le insidia del diabolo. 7 In ultra ille debe haber un bon testimonio ab illes de fora, pro non cader in infamia e in le trappas del diabolo. 8 Similemente le diaconos debe esser pudic, non de lingua bifurcate, non vinolente, non avide de illicite lucro; 9 habente le mysterio del fide con conscientia pur. 10 E que illes sia prime probate; e postea appellate al ministerio si son irreprehensibile. 11 Similemente le feminas sia pudic, non detrahente, sobrie e fidel in omne cosa. 12 Le diaconos sia maritos de un sol uxor, e que governa ben lor filios e lor familias. 13 Perque illes qui ben ministrara, se acquirera un bon grado e multe fiducia in le fide que es in Christo Jesus. 14 Io te scribe iste cosas sperante de venir tosto a te; 15 sed, si io tardar, tu sape como on debe comportar se in le domo de Deo, que es le Ecclesia del Deo vivente, columna e base del veritate. 16 E sin contradiction, grande es le mysterio del pietate: Ille qui se manifestava in le carne, esseva justificate in le spirito, vidite per angelos, predicate inter le Gentiles, credite in le mundo, e assumite in gloria.
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev