Epistola I a Timotheo Capitulo 1

 1 Paulo, apostolo de Christo Jesus per commandamento de Deo nostre Salvator e de Christo Jesus nostre sperantia, 

 2 a Timotheo mi ver filio in le fide, gratia, misericordia, pace, ab Deo Patre e ab Christo Jesus nostre Senior.

 3 Io te repite le exhortation que te faceva quando vadeva a Macedonia, de remaner a Epheso
   pro ordinar a alicunes de non inseniar doctrina differente

 4 ni de occupar se de fabulas e de genealogias sin fin, le qual produce questiones, 
   in vice de promover le dispensation de Deo, que es in fide. 

 5 Sed le fin del commandamento es le caritate procedente ab un corde pur, un bon conscientia 
   e un fide non fingite; 

 6 ab le qual cosas alicunes se deviava, e se tornava a vaniloquios, 

 7 volente esser doctores del lege, quanquam illes non intende ni lo que illes dice, ni lo que illes affirma.

 8 Ora nos sape que le lege es bon, si uno le usa legitimemente, 

 9 recognoscente que le lege es facite non pro le justes, sed pro le iniques e e le rebelles, 
   pro le irreverentes e peccatores, le impies e profanatores, pro le parricidas, matricidas e homicidas,

10 pro le fornicatores, le sodomitas, le robatores, le mentitores, le perjuros e pro omne 
   altere cosa contrari al san doctrina,

11 secundo le Evangelo del gloria del beate Deo, que me esseva confidite. 

12 Io da gratias a Ille qui me faceva forte, a Christo Jesus, nostre Senior, de haber me reputate
   digne de su fiducia, appellante me al ministerio, 

13 io que ante esseva un blasphemator, un persecutor e un injuriator; sed misericordia me esseva
   facite, perque io lo ha facite ignorantemente in mi incredulitate; 

14 e le gratia del Senior nostre excedeva con le fide e con le amor que es in Christo Jesus. 

15 Certe es iste parola e digne de esser plenmente acceptate: que Christo Jesus veniva in le mundo 
   pro salvar le peccatores, del quales io es le prime.

16 Sed per isto me esseva facite misericordia, a fin que Jesus Christo in me demonstrava tote su 
   longanimitate, e io serviva de exemplo a illes qui haberea de creder in ille pro haber le vita eternal. 

17 Ora al rege del seculos, immortal, invisibile, le sol Deo, sia honor e gloria in le seculos del seculos. Amen. 

18 Io te confide iste cargo, o filio mie Timotheo, in harmonia con le prophetias que esseva 
   facite circa te, a fin que tu milita per illos le bon militia, 

19 habente fide e bon conscientia; le qual alicunos habente lo refusate, ha naufragate quanto al fide. 

20 Inter istes sta Hymeneo e Alexander, le quales io ha livrate a Satan a fin que illes 
   apprende a non blasphemar.

1 2 3 4 5 6

---

Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev