Epistola II a Timotheo Capitulo 4

 1 Io te implora coram Deo e Christo Jesus que debe judicar le viventes e le mortos, 
   e per su apparition e per su regno: 

 2 Predica le Parola, insiste a tempore e fora de tempore, argue,  reprocha , exhorta
   con grande patientia e doctrina. 

 3 Perque venira le tempore quando illes non supportara le san doctrina; ma per prurito de audir  
   accumulara pro se doctores secundo lor proprie appetitos 
 
 4 e illes disviara le aures ex le veritate e se tornara al fabulas. 

 5 Sed tu sia vigilante in omne cosa, suffre le afflictiones, face le opera de evangelista,
   compli tote le deberes de tu ministerio. 

 6 Quanto a me io sta pro esser offerite como libation, e le tempore de mi partita es proximo. 

 7 Io ha combattite le bon combatto, io ha finite le cursa e ha conservate le fide; 
 
 8 desde nunc, me es reservate le corona de justitia que le Senior, le juste judice, 
   me dara in celle die; e non solmente a me, sed etiam a quicunque habera amate su apparition.
 
 9 Cerca de venir tosto a me; 

10 pois que Demas, habente amate le presente seculo, me ha lassate e vadeva  a Thessalonica. 
   Crescente vadeva a Gallatia e Tito vadeva a Dalmatia. Solmente Luca es con me.
 
11 Prende Marco e porta le con te; pois que ille me es multe utile pro le ministerio. 

12 Quanto a Tychico io le ha inviate a Epheso. 

13 Quando tu veni porta le mantello que io ha lassate a Troade apud Carpo, e le libros,
   specialmente le pergamenas.
 
14 Alexander, le cuprario, me ha facite multe mal. le Senior le pagara secundo su operas. 

15 De ille guarda te etiam tu, pois que ille ha fortemente contrastate nostre parolas. 

16 In mi prime defensa nemo me adjutava, sed omnes me ha abandonate; que isto non les sia imputate! 

17 Sed le Senior esseva con me e me ha fortificate, a fin que le Evangelo esseva  per medio 
   de me plenmente proclamate e tote le Gentiles le audiva; e io esseva liberate ex le gorga del leon.
 
18 le Senior me liberara ex omne mal action e me salvara in su regno celestial. A ille sia le 
   gloria in le seculos del seculos. Amen. 

19 Saluta Prisca e Aquila e le familia de Onesiphoro.
 
20 Erasto remaneva a Corintho; e Trophimo io le lassava infirme a Mileto. 

21 Cerca  de venir ante del hiberno. Te saluta Eubulo e Pudente e Lino e Claudia e tote le fratres.  

22 le Senior sia con tu spirito. Le gratia sia con vos.
1 2 3 4
Indice Mat Mar Luc Joh Act Rom 1Co 2Co Gal Eph Php Col 1Th 2Th 1Ti 2Ti Tit Phm Heb Jac 1Pe 2Pe 1Jo 2Jo 3Jo Jud Rev