Dat grote Höög- und Häwel-Book/Maierleed

      Risch, risch, risch!
Maierlüüd, wäs't gauw un frisch!
   Ööwer uns de blauwe Luchd,
   Rund üm uns de gäle Fruchd;
Herrgod's arensware Segen
Steiht woll nich so allerwegen;
      Risch, risch, risch!
Maierlüüd, wäs't gauw un frisch!

      Risch, risch, risch!
Maierlüüd, wäs't gauw un frisch!
   Düsse Fluchd mütt hüüt herdahl,
   Blanke Seeßeln maakt ähr kahl;
Datt to'r Stoppel loopt in vullen
Sprüngen mit den Köh'n de Bullen;
      Risch, risch, risch!
Maierlüüd, wäs't gauw un frisch!

      Risch, risch, risch!
Maierlüüd, wäs't gauw un frisch!
   Doortjen, Gretjen, Antjen, Tryn,
   Binnd't de Garwen drall un fyn;
Sware Fruchd in drallen Garwen
Lett den Buursmann nich verdarwen.
      Risch, risch, risch!
Maierlüüd, wäs't gauw un frisch!

      Risch, risch, risch!
Maierlüüd, wäs't gauw un frisch!
   Sünndag mit dem Arenkrans
   Trecken wy to Beer un Danz,
Juuchen, lachen, hucheln, singen,
Wenn wy naa den Fydeln springen;
      Risch, risch, risch!
Maierlüüd, wäs't gauw un frisch!